Text view

f99Dshoom

Recording date1999-01-13
Speaker age51
Speaker sexm
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Goend'ennoe a aram k'a / gwen fûan / ndoe shoom. Shoom dok d'e bi doe. Maar la maar doe / maar konkwaan. Maar bi muk a maar konkwaan. Maar hok kuma d'ong. Ni nyap nt'it. Fûan zak / ni kûût jik ndoe pe de-goe na / maar =hok t'o. Man kuma goepe / maar =hok a maar / shoom. Ba kûût ya nlu / goe-goe b'ûet wakaam / nk'ong lu muk / har nd'ûûn maar shoom hok. T'ong mûaan t'ong goe na maar nnoe. Ko-mb'it goenang t'ong mûaan t'ong goe na maar nnoe. Har mûaan =hok / uh / wakaam doe nung kûût t'o. Goebi a maar muk yi. Lokashi goepe / konkwaan nung / fûan mûaan kûût t'a nd'ûûn maar. T'angoede goe nd'ûaan / t'ong t'ek. Shoom doe kat ni. A'a / yin goe d'ûaan / konkwaan nnoe fa? A mmakhoe a? Fûan yin a / fûan yin a mmûûn. Nye mmoe goe k'wal goe yi a mmak? Fûan yi a mmûûn. Yi pa la b'yool pa goe na wakaam nt'o / nk'ong lu ji / ji / har d'i mpe =hok / har nzam hok. Sabo ndoe goesek / goesek a maar ji. War sek mûep / sai de long. Mûep mûen goe shin shep. Long paar mûep / paar mûep doe na. Mûep na wakaam s'een ni yo nk'ong lu fûan / har nd'ûûn maar hok. Mûep tal d'ûe / shoom. Wakaam yi nd'e nnang goed'e t'ong mûaan nzam hok? Yin doe yool mmat goe shaat doe t'ong ba sam. Mûep yin kwai / yi tang a rikishi. Sabo ndoe goesek mûep b'aam / maar =hok / mûep poe fûan. Fûan lap konkwaan =hok dip / wa nni / a mmûûn. T'oornung ya shoom. Shoom moor bi doe d'ak / dok lang. Ndoe b'it zak nd'e d'i / fûan mûaan de-goe ns'eet kûûn / goetûûn lu. Mûaan goe s'eet kûûn =hok buhu goeme / mang lang nk'a muk. Goep'et wa / wa doe ru pûe kong. T'a kong t'a haan. Mang buhu hok b'ûet goet'oor. Sam buhu hok b'ûet nyil. Mûaan t'o t'ong s'up sek muk yi nkong. Shoom zak goena buhu nnoe goet'o... ...man goepe a fûan mang toe b'ûet yi. Na kuma buhu kûûn. Yi dep goe / buhu kûûn nnoe mang lang nk'a muk. Fûan yo de muk. A nd'ang t'ong goe mang buhu kûûn noe yi a? Shoom yi a mmûûn. Yi a mmak ko a? Shoom yi a mmûûn. Nye bi mmoe yi k'wal yi poe ni a? Yin pa goe na k'a doe. Doe mang nde har k'a doe daal. Sabo ndoe goesek / a mmat. Mûep war sek mûep mûen de long zak-yit. Long mûaan goe shep k'wal hok. Ni na nkwa ns'een / k'a / shoom daal / goe le goe le / uh / mang goe mang goe le kûûn. Mûep yi hai fûan / gwa shin goe na a rikishi zak. Gwa goe nyet le muk goe poe ni. Mûep b'aam buhu kûûn =hok / mûep poe shoom. Rama k'a muk / goepe / fûan dok shin zak ndoe ni. A boelat aram hok toe.
• Interlinear Glossed Text • Utterance view