Text view

YouthA

Recording date2000-09-26
Speaker age65/60
Speaker sexm/m
Text genreconversation
Extended corpusno
Javascript seems to be turned off, or there was a communication error. Turn on Javascript for more display options.
To hen zem bi goezem noe de hen k'wal k'wal k'a nd'asoenoehoe nye jap men goet'ong mûen mpe goeshe bi she. Uh goe man bi she? Gurum la b'oot uh kat uh bi man ni t'ong man bi jap bi dip. Ni t'ong man boet'ong mûaan goe loet'uk muk. Ni t'ong man boemûaan goe zam muk. Ni t'ong man boemûaan goe shit muk goet'ong shin muk. Gurum goepe nyang goe shin bi she nyang goe shin makaranta ni t'ong b'oot goe man ndoe bi ba. Boeb'oot bi yil ba. Boeb'oot uh n de-goe n kun sool muk ba Boeb'oot de-goe n b'ûet jap bi de-goe nb'oot de-goe nyil longvilip poe n nyam nûûn muk ko nk'en muk pûanang pe goeseng ba Goe rang pe bi =hok d'ong a? T'ong shin a nd'ang d'ong ai? Hai weel. Moejap makar-- uh moe moegoe bi she. Mh. A nye goed'emen kem. Goe man yil nd'asoenoe a dok poeb'it goepe gurum k'-- uh gurum k'ek moetep leng mûep uh she ndoe bi ba. Mûep p'ûat bi mûep t'ong t'wot. Mûep wun bi wun mûep a ns'a. Mh. Mûep kuma mûep k'oerek bi a k'yang t'ong d'yan Mh. T'ong wun b'it t'aar nni. Mh. Sool goepe mûep la kat mûep buk doe t'wot. Sai mûep la p'ûan a t'yang =hok de mûep k'wal yi mûep d'u kat uh sool poe uh jap bi goekat du na nd'e bi goekat du na nd'e. To goe na karatu nd'ennoehoe bi she nd'ennoehoe Mh. doe goe bi goed'emen p'uur Doe goe jap de-goe man ko=mmoe. Ko-la goenang nd'asoend'ennoehoe man bi goed'e muk nd'ûûn. Mh. Weel goed'e ko=wuroe nd'ûûn ni man bi goet'ong shin muk. Mh. Nyegoesek dai bi she d'ong p'uur. Mh. Mh. Goe rang pe nd'ûûn jap moepe mûep d'e t'ong mûen bi she yi nd'asoenoe d'emde jap men mûep sh-- pap t'ong leng nd'ûûn s'et? D'a p'et de-goe mûaan bi she =hok ba mûaan goe yir yi ya ndoe pe goek'em lang yi t'ong yir yi. Mûep s'wa d'yel. Mûep uh mûûr mûûr. Mûep shin gwen jap bi dip. A bi goed'emen kwa ba. Nyegoesek bi bi goedok poeb'it ba ba wa wul zak-yit nk'a men. Moe moejap nyak d'em uh goe mûen mpe bi she dip. Mûep nyegoepe mûep rang pe de ko la du mûen bi she =hok ma t'ong yo du doe kat shit ba. Mûep man kwa ba. La goe kat d'a goe mûaan mmakaranta =hok mpe goed'emen d'a goe mûaan goe-goe s'oe goe wa t'ong goe wa de-goe kat shit goeshin. D'a goe nyang goe goe shin shit t'ong goe ba goe lang uh goe shin a nye mûûr hok. Nyepe nda goe boet'ong kat sool de-goe poe goe ba. Nûûn goe boet'ong kat sool de-goe poe goe ba. S'oe goet'ong s'oe goe t'ong goe tang toe goe k'a sak nyepe goe f'yer d'emt'ei. Gwen nda goet'ong ba mûaan de-goe de goe loe s'oe yi wa ni doe poe goe de goe s'oe yi Nyegoesek hen rang poenoe jap men shin bi goenyan nd'asoenoe p'uur. Bi goepe t'ong moe shin ndoe mûep toe uh de moe del k'wam mûep. To bi goerang goe nd'ang k'a de moe del k'wam mûep a nd'ang? Goe man goeme de moe k'wal moe yi uh makaranta nnoe goepe jap d'e t'ong d'eet goe mûen yi. Mh. Bi =hok men moe moenda ndoe moenûûn moe sa uh moe doe doe goe ndoe bi goeden mûep sek karatu. Mh. Goe mang la goe d'e uh nye de goe d'e t'ong mûaan bi she Goe p'et mb'itlung goe nin ni goe ko=mmoe goepe t'ong shin. Goe uh goe goe le goe goe mang goe ba nni goe poe Sool d'e pe goe goe war goe ba nni goe poe la. La p'et mûaan goe-goe t'ong pûanang s'eet bi goen-- toeb'a goens'wa. Mh. Mûaan p'et lang ns'et t'ong s'wa toeb'a yi. Mh. Ba doe nyang uh bi she =hok goe mûaan. Bi she goet'ong nyang muk nd'ennoe ni b'ûet an muk a k'a A mûûr. Mûûr D'u yi ntyem muk mûûr a ni toe kai <<bc>Mh> Ni nyang ba dole. Mûûr nd'ennoehoe a bi goedoe toe yi ko mmoe? To la la mang a mûûr =hok d'u ntyem muk t'ong mûaan nni goe goe k'a sak zak goepe goe nda muk t'yak goe pya ba. <<bc>> T'yak goe nûûn boepya ba. <<bc>> La p'et mûaan moejapnûûn kûût dibit goet'ong a mbi goenvûang. <<bc>> Nyegoesek a boe d'ong moe yûûl moe d'yam de-goe de moe del k'wam mûep yi. T'ong moe yong mûep la goepe goe goe la muk goepe ni nd'e ko=nnang t'ong lap ni ba doe d'u del k'wam muk kut kut ndoe ni nt'it. Kut goet'ong kut goe nnoe la ru nk'wam muk t'ong d'a rang nyerang. Nyegoepe la gurum goepe ni man bi goepe ni d'e t'ong shin yi. Mh. Mmak t'ong ba t'ong d'e moekwaram. Ni toe goe wus ke poe ni. Mh. Ni toe goe uh mûaan t'ong s'eet haam ba doe poe ni Mh. Kwaram mûep t'ong nkyat ko kuma ni dok f'yer ni. Goe na--. A nyegoesek a bi goesa a bi goedoe toe Mh. Uh weel d'e nd'ûûn jap. <<bc>> Men moenda zak t'ong moe del k'wam mûep nt'it ndoe Goe D'emde jap d'e d'i mûep k'oeleng d'ûe moenda mûep. D'emde jap d'e d'i mûep k'oeleng d'ûe moenda mûep ba. Moek'oeleng d'ûe moenda mûep nd'ennoehoe mûep mûen bi she nd'ennoehoe. Mûep mûen kûût t'ong mûen kûût. Mûep k-- kula ma d'emde a mûep o ko nda mûep goe sool =hok ko ndoe bi ba ni mûaan bi muk nda muk la kat sool t'ong poe ni. Nda muk kuma gurum goed'emen la kat poe ni nûûn muk gur-- mat goed'emen t'ong kat poe ni. Ni nlang t'ong mûaan uh makaranta d'e d'a goe wa d'em mûep yi ni p'et lawyer. La goe wa d'em mûep yi ni shin uh doctor La goe wa d'em mûep yi ni shin uh teacher. D'emde gurum leng mmûep d'i t'ong yir yi nt'oor. Mûep dok t'angoede makaranta nnoe kwa goeshak. Mûai ni mûaan mûai ni goe-goe ba wa goe d'e goef'yer. Goe zak goe toe t'ekgoed'i goe nlang nlu goebi goet'ong k'wal goe nd'ennoehoe goe p'iring ma goewus lwa goe p'iring ma goemûaan paar goe p'iring ma goerap hangoed'e goe p'iring ma goe-- kyak sh'-- kyak sh'ep. To goed'ong muk d'e nnang nd'ûûn bi nd'ennoehoe <<bc>Mh> Goe na bi goesa toe hen d'e kûût k'yak noe d'e t'ong dam yi ndoe jap men goepe k'a bi goepe mûep d'e nshin yi nd'asoenoe Mûep man yit nye ba. Gurum goeman yit nye sai ndoe gurum la t'ong toe de goe k'wal ndoe goe yi mûaan goe shin bi nd'ennoe ba. T'ong goe k'wal toe goe k'a sak yi kai goe na ko bi na nd'e bantyem noe. Hen la nyang goe kat bi man hen t'ong kat s'oe goet'ong s'oe noe ba. Hen t'ong p'iring uh la paar Jap moenye goepe yi men nkyat nde ma hen f'yer mûep toe wando noe ter foerem noe leng goesampe. Boegoe b'oot a nzam goemûaan ba. Boegoe b'oot a ndoe bi de-goe nshin ba. Boegoe nmûaan mmakaranta goe ba. Nyegoesek moe mai da hankali. B'ak ntyem d'em-- goe man Goemai mûep dok d'e ntyem dip moenda muk goe bi she dai. Goemai dok d'e ntyem. Ko-bi mmoe mûep dok uh uh buk de-goe shin bi mmoe k'ek men uh Uh moe maam k'ek men goeshak. Moe shin bi men. Moe mûep lwat men Amma nd'asoenoe d'em b'ep moe p'iring bi swar toe. Goennoe mang goenye mûaan goe vûang pûanang. Goennoe mang goenye mûaan goe vûang pûanang a nye bi mmoe? Shit wan. Bi goepe t'ong goe shin wan. Sai bi uh nye goenyan d'em t'ong kûût kûût t'ong yi nni. T'ong goe k'wal k'wal yin ndoe mutane ndoe gurum la mûaan goe shin bi goed'emen ba ba nni kut kyeni ni. D'a mûaan goe shin bi goed'emen ba nni kut kyeni ni. To t'ong d'a ndoe lu gwen t'atnang
• Interlinear Glossed Text • Utterance view