Text view

Musu

Recording date2000-11-29
Speaker age23
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Tamtis noe t'at toet'at wa ya musu ndoe kung. Musu ndoe kung mûep dok t'wot a mpe goe goeme. Musu la shin bi le yool ru dakd'ûe lu. Kung yin ji ji ma goe k'oom goepe t'ong ji ru dakd'ûe lu nyegoepe ji f'yer ji ma goe k'oom. Musu k'wal ba ji p'et. Ji ru dakd'ûe lu ba a? Mûep t'ong man goe ni ba nyegoepe ji ji a goekyoklok ni a goekyoklok. Mûep t'ong tab'a man goe ni nd'ûûn lwa ns'et ba. Kung yin ko la ji t'o n-- ns'et mûep t'ong man goe ji mûep t'ong man goepe ji a lwa ns'et goef'yer. Musu b'ak yool goe-goe ru dakd'ûe lu. Goeru muk dakd'ûe lu goeba muk ns'et kung ba yi doe dere ni dal ni dal ni nk'en goe muut. B'ûap ni p'uur nk'en goe muut. T'ekgoed'i musu yool yi su ru dakd'ûe lu. A bi goesa toe musu d'e nt'o yi ns'et ba. Kuma kung k'wal ni d'e toe t'ong t'em goede ji nyegoepe mûep p'ûat shak ndoe kung. Mûep p'ûat shak ndoe kung. A bi goesa toe kung d'e nru yi dakd'ûe lu ba. Wai a musu dok t'em goede ji toe. La gu na goede nnoe a boed'e kung toe. La gu na goede s'a ndoe sh'e ndoe dang ndoe mûaan nnoe a boed'e kung toe. A bi goesa toe kung dok shyen musu yi wa t'ong dakd'ûe lu. Mûep pûe mûep d'e nyok yi goeme ba. Nyepe ko-mb'it goenang a k'yap ndoe sek mûep.
• Interlinear Glossed Text • Utterance view