Text view

Ligya

Recording date1999-02-12
Speaker age51
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Ndoe aram na nd'e k'ek gwen fûan ndoe nt'i ndoe ligya. Mûep nd'e bi mûep. Sai sai ndoe kaam t'a nndoe lu k'us mûep. Mûep yong mûep de mûep goe mûen yi goe goe pe kaam hok. Mûep goe s'oe s'oe s'wa haam marap Mûep p'ûat de mûen. Mûep yok doe rwo goe wakaam. Mûep kat d'a goes'wa haam goet'ong. Nt'i k'wal ndoe fûan. Yin d'a na nd'e b'e moe mang mu? La moe yok moe rwo de moe kat bi goes'wa haam yi nni. Fûan yi hai kwai. Gwa goe nyet. La du yok du rwo t'ong du kat gurum goepoe ni ndwen. Nt'i nyet d'a hok. Mûep p'ûat mûen doe kat t'eng shita goed'yem. Nt'i yi gwa na shita nd'yem b'e? Du t'ek mu? Ko t'ong du kat ndoe lwa d'i mpe hok o? Du haar nni. Fûan yi hai gwa goe nyet. T'ong du kat ndoe gurum goepoe shita ndwen. Kat la du yok du rwo. Mûep p'ûat mûen yit mûep kat jap bi goes'oe s'oe t'wot goe wakaam. D'a goes'oe s'oe t'wot goe wakaam. Nt'i yin du war mu? Fûan yin kwai. Gwa goe nyet. La du yok du rwo t'ong du kat gurum goepoe ni ndwen. Mûep mûen yok doe rwo. Mûep doe kat moend'yam pûe wa lu. Mûep tal sek pûe mûep. Mûep yi to mûep wul a kaam hok. Mûep poe mûep pe hok. Mûep Mûep rwo doe t'wot. Mûep t'angoede mang a sh'im goend'an goe shul. Mûep doe poe mûep de mûep goe s'oe yi. Sai fûan k'wal ndoe nt'i. Yin to. Gwa goe fin nk'ong mashand'ennoe ni a a s'oka hok toe de gwa goe haar sek yi de gwa goe nyet ûes yi nji. Liit sorry nt'i mang sh'im fin nk'ong s'oe shul hok Fûan lap mmûûn a sh'im nye goed'emen goepe k'wal yin a ûes. S'oe yi bi ji. Mûep mang haam yok doe poe mûep. D'a goes'wa ni wan. Fûan yin to. Yin gwa goe su d'at. Gwa goe ba goe mang d'a hok de gwa goe ba yi nni. Nt'i p'et mûaan de-goe mang d'a. Goepe ni ba doe kat fûan ba doe kat fûan s'wa haam hok lat. Fûan yin to yin gwa sûût. A bi goesa toe mûep mang haam b'ep buk nni. Mûep doe goe lwa de-goe de mûep goe haar Fûan yi gwa goe su goe ba goe t'ek shita goed'inhoe d'ad'at de gwa goe ba yi nd'asoenoe. Nt'i yool su p'et ba de-goe doe t'ek shita. Goepe nt'i goe-goe ba doe doe kat fûan haar lwa lat. Fûan yin mûep mang lwa buk kam nni nyegoepe gwa sûût gwa ba d'at mou. Mûep doe goe shat de mûep goe s'oe yi zak-yit. Fûan yin gwa goe yool goe mûaan goe mang le d'a hok d'ad'at gwa goe ba goe doe nni. Nt'i mûaan goe-goe ba ba goe kat fûan s'oe lat. War le d'a mûep mûep fûan yi mûep doe b'aam le mûep nyegoepe gwa sûût. Nt'i t'o mmûûn goe neen. La ndoe gurum b'as la ndoe shat goekyoklok poe yi nnt'i. Nt'i lap yi s'oe. Sh'e muk k'oom yit. Mûep p'ûat d'i yok nlu. Mûep yok doe kat uh ligya. Nt'i war goede k'wal nnoe t'em poe ligya Fûan t'o mpin. B'it p'et lin mûep t'ong p'ûat mûen nde. Fûan yin to shini nnoe t'ong du mûen ndoe ligya. Nt'i riga d'emt'ei t'em bi goeshin ndoe ni ndoe fûan poe ligya. Ligya yin to t'ong du mûen. Lap poenoe poe fûan. Mûep p'ûat mûen ndoe fûan. Mûep yok doe kat uh ligya mang shang ji fit nsûûn. Mûep yok doe rwo. Mûep kat d'a goet'ong. Ligya yin to d'a na nd'e. Yin du mang. La du kat uh kat haam de mûep goe poe dwen yi de du s'wa yi nd'ûûn. Fûan yi hai gwa goe nyet. Mûep t'ong kat d'a pûanang pe goet'ong mûen dwen hok. Mûep yûûl de mûen lat. Ri-- ligya d'em ba doe mang d'a nnoe lyak nshang ji. Fûan man man mou Mûep yok ya nkyem. Mûep doe kat shita. Ligya t'ek loe nliju ji uh nshang ji. Fûan man mou. Bi goepe mûep kat dip goepe mûep shin ndoe nt'i nnoe ko-goenang ligya mang t'ong loe nd'ûûn shang ji. Mûep la kat goesoe ligya mang loe nd'ûûn shang War dip loe nd'ûûn shang Mûep p'ûat yok doe rwo mpe goesoe d'e kaam hok. Mûep mang sh'im mûep poe mûep. Fûan lap sh'im goend'an goe shul goebi dok shin mûep ndoe nt'ihoe. Fûan yin ligya gwa goe fin shul nd'ennoe. Yin a s'oka hok toe de gwa goe nyet ûes yi nji. Ligya yin a'a a gwa toe nagya. Gwa goe s'oe s'oka de ji haar a ʔûes nyegoepe hoos ji hoos ji goeb'al mmûûn Ji la nk'ong. T'oornung ya fûan. Fûan nyan nyet sh'im hok poe ligya. Ligya s'oe bi ji. Mûep poe mûep haam. Fûan yin to gwa goe mûaan goe mang d'a goed'in pe gwa nan da nanhoe de gwa goe ba de du s'wa haam yi nni. Ligya yin parat. Goed'a hok p'en poe ni. T'oornung ya fûan. Fûan yin t'ong ji s'wa haam hok zak-yit ba. Ligya mang haam hok s'wa bi ji. Mûep doe goe lwa. Ligya p'en shita n-- nd'ûûn shang ji doe nni. Fûan nyang lwa. Ligya haar bi ji. Mûep doe goe haam ndoe shat de mûep poe s'oe yi. Ligya p'ûan d'a nd'ûûn liju ji uh nd'ûûn shang ji poe ni. Fûan nyang. Ligya s'oe bi ji dip. Fûan har p'ûûs doe sûûn mûep doe gama mûep shin uh kaam hok lat fûan s'oe ndoe bi mou. Mûep p'ûat yok ndoe ligya. Ligya hok a goehool b'et ji. Mûep yok goe-goe rwo kat nt'i. Wa goe t'em poe nt'i yin ai fûan s'oe ndoe bi mou. Fûan wa babu shat ni s'oe s'oe Sai nt'i doe kat fûan. A to yin la goe nung goe ma ndoe gurum me t'ong goe nung ma ndoe gurum zak
• Interlinear Glossed Text • Utterance view