Text view

Kur

Recording date1999
Speaker age65
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Gu man k'ur a? K'ur a gurum goed'ai. K'ur a gurum goe-- goezem bi b'along. K'ur a gurum goegwam gurum b'aam bi ns'a muk. K'ur a gurum goekum. K'ur a gurum goe-- d'ai. Tamtis noe toet'at dok ba ya mmuk a k'ur. Gurum goeman yit nye ba. Goed'e yar bi dwen nd'ennoehoe mûep goe shaat mûep. Mûep la buk de-goe shin uh t'elk'ek mûep mûep yûûl ya goet'eng nlu Naan de mûep goe t'wot yi d'i shin shi-- uh shin t'elk'ek mûep yi d'i. Nde mûep nde mûep t'ong shin sh'e mûes goeme nde mûep t'ong shin sh'e mûes vel. Mûep gama t'elk'ek mûep lat de mûep goe yok yi bi mûep buk yi doe b'ak nyil de mûep goe t'wot yi ndoe Goe k'ur goe nt'ong d'i kûût. Goe k'oeleng bi goed'e mûep t'ong k'wal yi goepe mûep t'ong p'ûat de-goe mûen goe pe b'it t'elhoe d'i pûanang nlu Naan Sai k'ur ba doe k'wal ndoe mûep yin to yin nwa k'oeleng a? Mh. Ji goesha nwa mu? Mh. To t'ong ji mûaan ndoe nwa. Aʔa t'ong goe mûaan ndoe men a nd'ang Goe goe shaat a Goe goe shaat a? Long mûep ba yit tal sek muk yin ko la goe mûaan ndoe men ko la goe shaat goe mûaan ndoe men fa? Goe a yar a? De goe mûaan goe t'ong goe k'oeleng Yin hai yi t'ong ji mûaan ji t'ong mmûûn a goet'oorhoe. Ji zem de-goe man iri pe hok zak de ji mûaan yi de ji man uh pe goed'e lu Naan hok yi. Gwam mûep d'i poenoe gwam mûep d'i poenoe gwam mûep d'i poenoe har mûep goe-goe zem Lap k'wal muk zem Mûep yi to shi ke nan t'ong du goe shin nd'ang Ko-wuroe goe poe ji d'ip muk goeme. Mûep zem. Mûep p'ûan ko-wuroe p'en d'ip muk goeme ko-wuroe p'en d'ip muk goeme. Mûep twat nsek k'ur. B'it yûûl wa wul. Mûep yûûl goeshak. K'ur yool ndoe mûep. Mûep yok mûep doe nlu Naan dai. Goeyok mûep doe doe sam nlu Naan poenoe. Lu Naa uh lu k'ur na d'u s'oe goegam t'ong Sai k'ur ba yong mûep kûût d'oot yin nwa goe doe ntyem. Goe na mu? A mûep uh mûep doe kat Yin to s'em ji nwa man s'em ji a? Mûep yi kwai. S'em ji goek'wak. S'em goe a goek'wak e? Mh. To shi ke nan mûep doe t'wot. Mûep buk goe-goe t'wot pûanang nt'oor. Sai mûep mang uh haam poe mûep de-goe ns'wa. Nyepe boezung mûep t'aan mu? Mûep leng goeyûûl mûep goe shaat har mûep yok rwo nlu Naan nnoe me kat a pe goeseng seng shel K'ur yin a mmuk wuroe? Mûep yin a mmuk goek'wak. A to yin nwa k'oeleng mu? Yi a haam ji. hen Lap s'wa dip. Mûep p'ûat goe shat. A mmuk wuroe? A mmuk goek'wak. A to. Lap s'oe dip. Mûep p'ûat goe lwa. A mmuk wuroe? A mmuk goek'wak. Lap haar dip. La goe k'wal goeshini a goed'a goed'aar toe. A bi goelang k'ur toe t'ong shin yi ndoe mûep. Sh-- yar yir ngoennoe buk ngoennoe yir ngoennoe buk ngoennoe. Mûep yin a'a. Mûep mûen d'emt'ei goe s'oe mu? Mûep yin mûep mûen goe s'oehoe a mmuk goek'wak. To goek'wak lap s'oe dip. To shi ke nan mûep d'e d'i. Mûep mûen k'a uh goe pe t'elk'ek mûep nd'ennoehoe K'ur t'o mmûûn nlu Mûep goe uh goe gama bi goed'e mûep d'i nd'ûûn Ko-mb'it goenang k'ur t'ong s'oe s'oe toe. Ko-mb'it goenang k'ur t'ong s'oe s'oe toe. Sai mûep k'wal kûût mûep yin to du gama t'elk'ek t'ong du yok. Mûep p'ûat yi goe uh haam. A mûes bi muk sosai ngam nd'ûûn mbai. Mûep p'ûat yi nni goe d'u. Mûep yin to nwa goe s'wa de nwa goe yûûl yi goe yok. Mûep yin a mmuk wuroe? Yin a mmuk goek'wak. Yin to nwa k'oeleng mu? A mmûûn. K'ur t'a goe ha-- k'a mûes s'wa dip. Gap mb'et ji ba t'a t'ong nkwa nyak sûûn yi. Goe man mûes me? Mûes ya k'ur. Hab'a goebi goet'ong k'wal noe nnoe yitsaam mang k'ur mu? K'ur t'a t'o. Kongorot kûût nk'a muk. Kongorot kûût nk'a muk. Yar mûep jat sut. Mûep yin to. Poe bi nnoe goet'o b'ak b'e s'a boegoe rang goepe t'ong moe taimakeni zak-yit de moe buk yi moe yok nni. T'ong moe k'at ni goe ndoe bi zak-yit ba. Shaat men ne. A ko-wuroe p'en shaat muk. To. Mûep nyet k'ur t'o d'i. Mûep yûûl kûût sam sai a nyil b'ak hûûrrrrr sai a nyil. K'ur t'o d'i har b'it ji k'un t'o t'ong saam yi. Goef'er b'it k'ur eep yit ji. Sh'ang pe sh'ang pe na ndoe gurum ba. A'a. Sh'ang yit muk nyil na d'u pe goekaam t'o pûanang seng t'o pûanang seng t'o pûanang. Yin de ji wa yi ji ru nyil nnoe t'atnang moesûûn? Wa b'ûen shaat muk goepe mûep dok poe nihoe. Kat ndoe shaat d'yem d'i ba. Yin to nda Naan. Yin k'wal kat ji b'ak mpe nd'ennoehoe. Nda Naan goenang? Dok ba goe na Naan d'e yi a? Goe na K'ur yool yin to gara ji ba nlu. D'a ji t'o b'ak mpe nd'ennoe t'ong ji kat s'oe ji s'oe ba. D'a boemuut a muut d'a boelang a lang. K'ur k'ur p'aar Goewa muk doe nyil sai sai hubip nyil. Boezung muk nd'ennoehoe ndoe b'et muk nd'ennoehoe ba kaam nkaam. Nk'ong muk ba k'uur ba poenoehoe. Ni dok lang mmuk mmuk goebi bang yi. Dok hûûr yi goe goede muk sh'e muk vel. Amma nd'asoenoe d'em ba t'o d'em goe b'et muk. Nk'ong muk ba f'yer d'em toe. Goe na Gok t'o. Yar mûep yûûl yi mûen tal. Mûep doe kat ni tal ni. A nd'ang k'ur bi mmoe shin toe? Yin a'a nwa shin toe ba a? Nwa yûûl yok nyet ji nwa p'ûan shaat? To ji t'a. Na nd'e. Ji nt'o d'i goe gok nsûûn. Kat ji mmuut o kat ji nlang o? Mûep yi a'a gwa dok shin Moe mûen goe dang sem ndoe goe. Goe b'ool men toe de goe mûaan yi goede k'a men. Mûep goe poe Goe lap t'ong goe ns'oe kûût. Mûep p'ûat goe s'oe. Goe lap t'ong goe ns'oe kûût. Mûep p'ûat goe s'oe. Goe lap t'ong goe ns'oe kûût moesak. To neen two men. Amma moe b'at moe goe yûûl moe yok de moe nyet shaat men yi moe poe goe ba. Nyepe goe gurum goepe goe goegwam gurum b'aam bi gurum. Nyegoesek moe nyak yit goe. Goe a goesha men zak-yit ba. To la goe z-- b'aam d'a goe lang b'ak k'a yil nd'ennoehoe goe k'wal mmak goe yin goe gurum goezem de-goe nung yit ma goe k'oom mutane de t'ong goe b'aam bi mutane yi t'ong goe loe mb'et goe Dok ba mûaan yi
• Interlinear Glossed Text • Utterance view