Text view

FuanUu

Recording date2000-11-29
Speaker age23
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Nda k'a lwa ns'et goed'e narap gurum yi a liit. Liit gok t'o nlu muk. Sa fûan de fûan goe nuwo ngwai yi dakd'ûe lu. Goe t'em poe lwa ns'et ko-goenang goe wul goe doe goe kaat ji. Nyegoepe ji gok. Sa fûan lang nnuwo ngwai yi lang nnuwo ngwai yi. Fûan goe-goe k'oeleng. Ko-lwa ns'et goenang mûep ya wakaam. Mûep leng nmûen yi. Mûep leng nmûen yi. Mûep leng nmûen yi. Mûep leng nmûen yi. Ko-k'a lwa ns'et goenang vel vel mûep d'e nmûen yi. Mûep la doe tal ni la lat mûep yûûl t'wot nt'oor. Mûep la doe tal mûep yûûl t'wot nt'oor. Kung tal yit mm-- mmuk ni jik t'ong nt'oor. Fûan tal yit mmuk ni jik t'ong nt'oor. Tumu tal yit mmuk ni jik t'ong nt'oor. Noemûat tal yit mmuk ni jik t'ong nt'oor. ûû tal yit mmuk ni jik t'ong nt'oor. Goek'al tal yit mmuk ni jik t'o-- t'ong nt'oor. Toefalap tal yit mmuk ni jik t'ong nt'oor. Liit tal yit mmûûn ni jik t'ong nt'oor. Muturu tal yit mmuk ni jik t'ong nt'oor. Sh'oor ni tal yit mmuk ni jik t'ong nt'oor. Aas ni tal yit mmuk ni jik t'ong nt'oor. K'ur tal yit mmuk ni jik t'ong nt'oor. Dip ba ndoe lwa ns'et goepe nyang goe kaat bi ba. Dip mûep mûep kaat ni. T'ekgoed'i ni shin s'oe poe mûep. Mûep s'oe. Mûep yûûl yok. Goeyûûl mûep yok fûan ndoe ûû mûep mûen hangoed'e goenrap de n-- yok doe poe ni liit de nyok de ndoe poe liit de goe kat yi goe s'uk sek muk nni de mûep goe shin s'oe yi goe poe ni goe s'oe. Fûan ndoe gurum t'a nhangoed'-- ru nhangoed'e t'a nd'ûûn hangoed'e. Hangoed'e mang ni wa nni. Fûan yin t'ong ji rwan k'oop gurum hok toe. ûû yin t'ong ji rwan k'oop gurum hok toe. Sai mûep k'wal mûep yi to. Ko-wuroe goe rwan k'oop hok. Mûep k'wal ndoe sek mûep mûep yi ko-wuroe goe k'am k'oop hok de mûep goe na gurum goepe k'oop t'ong wa goe ni. ûû k'am. Sai fûan k'wal yin goe ûû goe goe k'oop d'emt'ei nsh'e goe. To goe sh'ang d'in d'ong goepe t'ong goe b'ep goe rwan k'oop nnoe ba. A ni toe ûû k'wal yi wai a k'a goe nd'ang? T'ong ji rwan k'oop hok yi ba a? Fûan k'wal yi yin k'oop hok la boek'e ni ni goe rwan. K'oop hok la nyang goe k'e ni ni goe nyet d'i mpe hok. Ni k'am. K'oop hok k'e ni ba. Fûan k'am. Fûan. K'oop hok k'e ni ba. Fûan soma mûaan goe bi hok sai uh goe k'oop hok. Fûan mang wang lang nk'a muk. Lang nmûaan yi lang nmûaan yi. Fûan kwap t'a. Kwap t'a. Mang kuk. P'et t'a nyil. Wang p'yan. Sai fûan k'wal yin ûû a mmoe sa toe goe t'uun a ni? ûû k'wal yin hen a mb'em goe ba. A mp'et t'a goe wul doe. Hen a mb'em goe ba. K'oop hen t'em poe goe k'oop hok k'e sh'e goe ba. A goe goe bak toe goe rwan k'oop hok yi Fûan k'wal wai a hen hen a nman b'oon goe La moe yok nlu hen riga d'emt'ei hen man b'oon goe. Goeyok mûep nlu mûep yok doe d'ûe hangoed'e hok. Goepe mûep d'ûe mûep s'uk sek tumu uh mûep s'uk sek liit. Mûep war ko-bi mmoe nk'ong sek muk nni. Mûep war ko-mmoe nk'ong sek muk nni. Mûep d'e d'i f-- uh ûû mûaan de-goe nshat shat de-goe npoe liit. Fûan nyap k'yang hoeret de ûû b'ûet k'a wakaam muk. Ûû mûaan de-goe ns eep sh'e muk de n d'alang Fûan ya k'yang hok ya dal. S'ang hoeret ni nyap yi k'yang hok. ûû ya uh fûan ya dal. Goedal muk ûû kwap t'a nyil. Sai mûaan de mang ndoe mang ndoe sh'ep doe b'ûet. Ya ûû ya b'oot. Wai ûû mûûr mûûr. K'yak ûû dam. ûû wal. Liit d'e np'et yi d'e ntal yi sek pûe mûep. A mmoe sa toe gu d'e gu wal yi uh goe d'yem goe wal yi ûû? ûû k'wal wai fûan shin k-- s'ang hoeret toe ndoe ji ya ji nni. Fûan yin a'a a Fûan yin kwai hen b'em ni ba. Hen shin ndoe bi ndoe ni ba. Sai ûû wai to hen hen t'ong k'wal ndoe k'wal ko kuma hen t'ong kut ndoe kut. D'in moe mûen a nkong moe kat ndoe k'oop goet'oerep goetûûn kong. T'oerep goetûûn kong. Fûan rwan k'oop hok. K'oop hok k'e sh'e muk ba. Lang nmûaan yi. Doe kwap t'a k'wal yin wai a hen a nt'uus ni toe. Hen k'wal hen yin a hen hen t'uus ni toe ba. Ni k'wal yi wai to ji t'ong ji shin b'oon nnoe. Moe d'e nd'e nshat shat yi de moe poe nda nk'ek men wato liit. Fûan yool yi nyap k'yang k'a wakaam noe. Shin s'ang hoeret. Hen toe d'e hen toe d'alang. Ni dal sh'e noe. Hen t'a. Ni ya hen ya b'oot. Wai a mûûr a mûûr. Kuma hen man bi pe sa hen mûûr mûûr ba. Liit k'wal yin to. Fûan goe d'e goe k'oeleng pe yi ba. Nye poenoe hen t'ong gap shit gwen. Goe t'ong goe t'ong b'ak ns'et ndoe hen. Goe fûan toe t'ong goe t'a goe t'ong b'ak ns'et ndoe hen. Goe tab'a goe ru dakd'ûe lu ba. Goe ûû hen t'ong loe goe mpe goed'e gurum ngam. Hen t'ong loe goe mpe goed'e gurum Goe t'ong goe wa goe t'ong mpe goed'e mutane uh mpe goed'e gurum ngam. Mûaan goe t'a goe t'ong d'i. Fûan t'ong goe t'ong b'ak de noe. La yi sh'ang yi na yi tab'a yi na fûan d'e dakd'ûe lu ba. Sai ns'et. Fûan d'e nt'ong a ns'et. ûû zak d'e dakd'ûe lu
• Interlinear Glossed Text • Utterance view