Text view

2007_Chirinda_Eldogir_Valentina_FSk9

Recording date2007
Speaker age53
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
taduk hələ həhənďəŋōw nimŋakānmə amaskī əpət biśo amīm həhəniŋkīn kiŋgit gərbīśi śipkākāngə ēkungu dəgi dəgi biśotə monin hō həgdi dəgi jaŋildū bifkī biśo tar ihəldū tar ihəl dū biďənə tarə hərgīskī dəgifkī bultalə iśətťənə mōtīlə bəjŋōlə ńikīśə̄rə mundukārə əla iśətťənə tar huwulbon ďawana huruwufkī biśo ďulāji umnō hələ bəjə umukōn bultaďəśa girkuďasa śipkāmīďəsa biśo tar bəjəwə iśəso tar dəgi kiŋgit kiŋgit tarə kiŋgit iśəśodə̄ ŋə̄ləwśədə̄ ojin hariktalča tuksanťəsadō tətigə̄dukin hogdondodukin dəgiwuhiśə ərdəlōn jaŋiltikīkūn ihəldulō irtikīdō dəgďəri dəgiwďərīwon tar bəjə əfkī əjdarə ə̄lahawal təγə təγərən tar dəgi jaŋkākūndulā əməfso ihəldulā kuranək ihəriktə tadū ďūn biśo tar kiŋgitŋī ədū biďəďəŋōs hələ ətə̄ndə ilə̄dā əduk hururə ədukwəhin ətə̄ndə ēkunmadā bakara ilādā hururə guśo tar bəjəwə tar kiŋgit tadū ďuru hutəśi biśo tar kiŋgit hutəlin biďəśol biśol tar ďurə tariŋilin tariŋilnum biďəďəŋōs guśo bikə tirgańīwə bultaďəŋnəm girkuďaŋnəm dolboltonomok əməŋnəm tar kiŋgit guśo tar ŋəlitnə bəjə bildən tar kiŋgittū tim dolbo tadū ihəldū nuŋarnuntin āwkī taduk hələ timātnə ŋə̄rīldəkin tar bəjə ə̄ tar kiŋgit hurufkī dəgilifkī ərdəlōn bultanāhinifkī tar ku hutəlnunin biďəfkī tar bəjə hutəlin tadū biďəfkīl ə̄lahawal əməfkī tar dəgnə əməfkī tar kiŋgit biśo əməwufkī uldələ bəjŋōjə əməwufkī ńikīśə̄rə əməwuwkī mundukārə əməwuwkī bəjŋōwo irəksəlgəlit əməwufkī biśo tar hələ ta taduk tar bəjə ďəwufkī hilatna ďəwufkī tar uldəjə əməwrəkin hutəlwi ďəwdōtin tar ďuguďəfkī biśo tar kiŋgit tar hələ umnō dəgilčolon dumajďəsa tar bəjə on ńan ŋəlifkə̄nmi aja binōn ər hutəlwon minə dəgiwdōtin dundətkī tarə ďu ďuw dagalān hələ dumajďana dumajďana tar bəjə aŋča hələ bi ərə mōt aŋə bəjŋō irəksəwon olgīkta bəjŋō irəksəwon tar kiŋgit əməmnəwon inŋaktawan ussadā dilasātkī olgīsa nəptalə olgīsadā taduk hələ tariŋmi tadū lokoso ajamamat olgodōn təgəminin əpət dəgilča kiŋgit əpət bultanāďə hələ bəjə tar dumajča bi uŋtuwunə okta ər irəksəduk uŋtuwunə oďamdā hutəlwən ŋəlifkə̄nďəŋōw uŋtuwunmə duktənə tar hələ amintin hurusolon hēktakārwə olča tar bəjə hēktakārbə hēktakārduk matana aŋjan olča mōjan uŋtuwundū tarə mōjan oran hēktakānduk amintin əďəlin əmərə tariŋilbi ďajaran irəkśəŋmi əpet olgosowə ďajaran tar hutəlin haŋuktas haŋūktawkīl bisol ēkunma oďandə ərə̄ əwīwunəwər oďam guśo tar bəjə gunifkī biśo tar bəjə amindūwər ənəl hilbara hələ əwīwunəwər oďam ďajawkī biśo amintin əməďərīwon iśəfkīdə̄ ədōn iśərə tar hələ təgəminin əpet tirgańītikin girkuďafkī təgəminin əpet huruśo dəgilčo ərdəlōn tar aŋə tar kiŋgit əhī hələ gorolďoŋōw guśo biśo goro gorojo girkuďaŋāw tar hələ tar huru hurumurəkin oldan tarə uŋtuwunə əhī tar bəjə tar irəkśəŋmi aŋdandā oran tar uŋtuwunə əhī tar hēktakārduk mōjan okanəm aŋit irəksət olgot tar burkīrən burkīrəndō mōla mō mōŋilaji duktəwurəji oran anan mōlduk ďur mōwa mōkānmə oran duktəwurəji hələ duktəmkorəndō hutəlin jo jōnmaśilčal kiŋgit hutəlintə tar jo jōnmaśilčal əbə̄j bəjə əkəl ŋəlifśə biďəgin əkəl duktərə əwīďəptəsə əhīkokōn əwīlďəŋōt ərə guśo tar hutəlwon tuŋ ńikəsədā hələ bi əhīkokōn nuŋarwatin ŋōləfkōnďəŋōw guś gunnə dumajča tar bəjə ŋōləfkōnďəmdə̄ həgdil tariŋilin dəg dəgiwufkōnďəŋōw hamij tar ďu ďuji dagalān duktəlkōkūtčo tar uŋtuwunmi bəjə ŋəlifśipču tar iγingu iγin ihəldū hō bifkī igin ultaďəfkī ultalčakākun tariŋin ərəgərit ərəgərit jōsal tar kiŋgit hutəlin jōsaldā bəjəjoj ətəkəl ətəkəl ətəkəl gu gulčəl tar bəjəwə altaśilčal ŋəlifśipčukeme ərupču əwīwundō bimi ətəkəl ətəkəl hələ hurupkəldu minə dəgiwuskəldu ďuktə guśo ə əďəs dəgiwuhinədā ərit watťiŋāw hunə guśo tariŋilin guśol hurupďəŋōwun hurupďəŋōwun əhīkokōn hinə irtikī birən ďus ərjoklō hurupkəldu gunnə hərgīskīkūn hilbatča tar bəjə ďuktədūtin ugrandā tarə uŋtuwunmi gasa uŋtu uŋtuwunmi gakanəm uŋtuwunmi luhu duktəďənə ojitin dəgiwufkōnďəśo biśo ojitin ukkanəm mortin həgdilōtin hōl aminmər bokoltokohal ərdəlōn hurupśol tar bəjəwə hələ ədū nōdakəldu ugīgit iśətťərənbor tar bəjə hələ ədū nōdakəldu burīkəldu minə guśo təγəkəldu ədū tadū hojdū təγəw təγəw təγəwkōśo ďun iśəwrīdūn ďun tadū biśo dagī kərgəhəlin ərəgərit hokorśol ilō odan ər gunnə bultanāskanəm ərdəlōn hokoriwran tardā tar ďu ďulān əməwrə tariŋilin hələ ŋənəďəkəldu əkəldu əmərə ərəgərit gunďənə ərəgərit duktəlčo uŋtuwunmi hələ hururəw hururəw ŋəlifśijoj ŋəlifśi ətərəw əduk əmərə ətərəw ərəgərit əduk iśəwuldə hururə ərdəlōn dəgildə ďutkīkūnmər tar kiŋgit hutəlin tardā tar bəjəlō ərəgərit ətəśol dogaďami tar kiŋgit hutəlin hutəlindā monindā jōsal ərəgərit
• Waveform view • Interlinear Glossed Text • Utterance view