Waveform view

KiMN_1975_ReindeerHerding_nar

Recording date	1975
Speaker age	60
Speaker sex	m
Text genre	personal narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Dʼe min tabahɨttarga ihilleteːri haŋarabɨn. Min ügüstük üleleːbit kihibin tabaga, urut. Bu taba törüːrün tuhunan haŋarɨ͡am anɨ. Kannɨk da otto törüːrütten bu͡olar bu͡o, taba da ü͡ösküːre, kihi de. Onon min haŋarabɨn dʼe bugurduk taba törüːrüger. Pastuːxtarga ihilleteːri. Min haŋararɨm dʼe bugurdukkaːn. Anɨ bu tabanɨ karajallar. Min urut karaja hɨldʼar erdekpine, taba töröːtögüne, ügüs prʼičʼineleːk bu͡olar. Taba törüːrün, pastuːx erdekpine, ketiː hɨldʼammɨn kerijeːčči etim. Taba töröːn, ogotun tüherdegine eŋin-eŋinnik törüːr taba. Horok taba tuguta, töröːn baraːn, tebi͡elene hɨtaːččɨ, koton turbakka. Inʼetin kördökkö emis bagaj, tugutun kördökkö ulakan bagaj bu͡olar. Bu tebi͡elene hɨtarɨ ergičiti͡ekke naːda. Ergičiten kördökkö tuːgu gɨnan togo turbat di͡en manɨ ɨbaktɨ͡akka bɨ͡arɨn ɨbaktɨ͡akka Taba töröːtögüne, tugut gi͡ene kiːnneːk bu͡olaːččɨ. Bu kiːnin horok taba hubujaːččɨ. Bu kiːne hubulunnagɨna bunan, ihitten, huptu üːt bu͡olar, onon tɨːna taksar. Mu͡otunan kam baːjdakka, bu taba, bu tugut, turan keleːčči. Ol aːta "kiːnin hubujar". Iti bu͡olar taba gi͡ene, tugutun gi͡ene, prʼičʼinete töröːtögüne. Onton biːr prʼičʼineleːk slabaj Taba törüːr, torugan inʼete. Bu tuguta töröːtögüne dʼapču di͡en aːttanaːččɨ. Emi͡e tuguta turaːččɨta hu͡ok. Bu tugutu ergičiten kördökkö, amattan slabaj bagaj bu͡olar, bu tugut tebi͡elene agaj hɨtaːččɨ. Bu tugutu ittenne tutan baraːn tü͡öhün imerijdekke, oččogo bu tü͡öhe Dʼapču gi͡ene, kahan da tugut töröːtögüne, oŋu͡oga oŋurgas bu͡olar. Bunɨ tü͡öhün imerijdekke, tura-tura tühe hɨldʼaːččɨ, tɨːnnagɨna. Manɨ inʼetin tutan baraːn inʼetin emneri͡ekke naːda bu tugut tü͡öhün kimi ilbijbitin kenne no koton emeːččite hu͡ok Manɨ inʼete emije ɨ͡astaːk bu͡olla, lampagar. Bu ɨ͡ahɨ ɨgaːččɨ kihi. ɨgan baraːn, ɨbagas emije kellegine, oččogo emnereːčči, oččogo emnerdegine, bu tugut kihi bu͡olar. Pastuːktar köhöllör. Ügüs taba töröːtögüne kahan da törüːlik tabanɨ inni di͡ek illeːččiler. Töröːbüt tabanɨ, tuguta ulaːta tühü͡ör di͡eri kaːmpatɨn ihin kenni di͡ek keːheller. Bu keːhiːleriger, bu te u͡ontan taksa, hüːrbečče taba töröːbütün kenne, oččogo bu törüːlik tabanɨ inni di͡ek illi͡ekke naːda. Bu tabanɨ illerge horok pastuːk bu töröːbüt tuguttaːkka kaːlar. Horok pastuːk bu (~~töröː-~~) törüːlik tabanɨ iller. Bu illeriger ahatan albɨnnaːn kalka hirge kiːlleren, ü͡öre bararɨn köllörbökkö, bu tuguttaːk tɨhɨnɨ… Kahan da taba hannʼɨhan tugutun keːheːčči batɨhan, ü͡örüger talahan. Onu ahata hɨldʼan topputun kemnene hɨtarɨgar törüːlik tabatɨn inni di͡ek köhördön iller. Ol köhörtöktörüne, horok pastuːktar hürdeːk ɨraːk baraːččɨlar. Bu ɨraːk bardaktarɨna, bu tugut harsɨŋŋɨtɨn ol törüːlik tabalaːkka kennikiːtin, pastuːktarɨn ol manɨ töröːbüt tɨhɨlaːktarɨn pastuːkta, inni di͡ek pastuːktarga illeːriler, köhöllörüger taba koton tijeːččite hu͡ok bo. Ol ihin čugas tühü͡ökke körön baraːn. Onton bu͡ollagɨna bu pastuːktar kahan da kalkalaːk hirinen hɨldʼallar. Maršrut köröllör taba törötörüger kalkalaːk hirinen, ohuːrdaːk hirinen, kajalardaːk hirderinen, ürekterdeːk hirderinen. Bu ulakan hobu͡oj bɨstaːččɨ. Bu bɨhɨnnagɨna, haːs taba törüːrün hagɨna kün hɨrdaːtagɨna, kɨhɨn bɨstɨbɨt hobu͡oj ataːččɨ. Ol aːta köŋüs bu͡olar. Taba huraga hu͡ok hütere, ol köŋüs ihiger tüspüt tabanɨ bu pastuːk ketiː hɨldʼan bilbet, kas da taba tüspütün. Honon hu͡oktaːbat. Taba huraga hu͡ok hütere ol. Onon brʼigadʼiːrder bu͡ol pastuːktar bu͡ol haːs taba törüːrün hagɨna ka ːr irerin hagɨna üčügejdik hirderin körü͡ökterin naːda Hobu͡oj kajdɨbɨta purga bu͡ollagɨna tibillen kaːlaːččɨ. Ol gɨnan baraːn, ol tibillibitin kenne onu taba körböt, honon tüher. Ol tüstegine bi͡estü͡ört mʼetʼirdeːk diriŋneːk bu͡olaːččɨ bu köŋüs Kaːr bɨstɨbɨt. Ol ihin onnugu bulbakka taba huraga hu͡ok hüter iti Onton ürekteːk hirderge bu͡ollagɨna, karadʼɨktaːtagɨna, kahan da ürekteːk hirinen bu͡olar maršrut bu. Kaːrɨ gɨtta kaja hir ɨkkardɨta ataːččɨ emi͡e, onon emi͡e tüheːčči tugut bu͡ol, ulakan taba bu͡ol. Onton bu pastuːktar (~~haːs-~~) hajɨnnara čugahaːtagɨna haːskɨlarɨgar, uːčaktarɨn hataːn karammattar, künüktetin tonoːbottor. Haːs künüktetin tonoːtoktoruna, ol künüktetin tonoːtoktoruna bu künükte ohor. Bejete künükte haːs ulaːtan tagɨstagɨna, tiriːtin ihitten bejete tullan tühüːr di͡eri hɨrɨttagɨna, tabaga da kuhagan. Horok künükteni bütejdiː miːne-miːneler taba gi͡ene ölör ünere ol. Horok pastuːk tabanɨ da kölüne hataːbat. Pabudu͡oktara bɨhɨnna, taba gi͡enen hamagɨn aːllarallar. Hamagɨn aːllardaktarɨna, bu hajɨn baːs bu͡olaːččɨ. Manan taba ((PAUSE)) һutuːra Onton kuturugun taba gi͡enin kaja annʼallar. Bu kuturugun kaja astaktarɨna kɨhɨn tɨmnɨːga bu taba gi͡ene ete kaččaga da emi͡e köppöt. Onton hajɨn, itiː hagɨna köhöllör. Bu köstöktörüne, itiːge köstöktörüne, köhön ihenner ürekteːk hirderinen barallar. Bu ürekteːk ulakan kajalarga tu͡ojdaːk bu͡olaːččɨ. Töhö da itiːge bu tu͡ojɨ herejde da, taba bu kajaga baraːččɨ, köhön istekke da üːren da istekterinen. Manɨ pastuːktar, bu kajanɨ körbökkö, ɨttaːn ɨllɨlar daː, honon külse-külse aːhan kaːlallar. Manna u͡on orduga bi͡es duː, hüːrbe orduga bi͡es duː taba kaːlar. Bu kaːlbɨtɨn öjdöːböttör. Huːrka tühenner nöŋü͡ö kihi ketiːr Maːdin bu köhölleriger keteːbit kihi, araj ugučaːga ol tabalarga onno kajaga kaːlbɨt biːr ugučaga. Harsɨŋŋɨtɨn köhöllör emi͡e. Köhön tühen baraːn nöŋü͡ö kihiler ketiːller. Maː ɨnaraː huːrka keteːbit artɨnnaːk kihi, ketiː taksan uːčagɨn oččogo hu͡oktuːr. Harsi͡erde kelen diːr: "Kaja, mini͡ene uːčagɨm hu͡ok. Onno huːrka da körbötögüm, maːdin köspüt huːrpar, ɨnaraː huːrka ketiːrber miːne hɨldʼɨbɨt tabam ete." "Kirdik da, onno huːrka kaːlbɨt bu͡olla", diː diːller ol tabanɨ bu huːrtarɨgar kördüː keleller, bügün köspüt huːrdarɨgar. Ol tabalarɨ, ɨnaraː köskö kaːlbɨt tabalarɨ betereː huːrka kördüːller. Ol ɨnaraː huːrka keteːbit pastuːk ugučaga onno kaːlbɨt, ol kajaga. Ol hogotok tabanɨ öjdüːller. Onno kaːlbɨta u͡ontan taksa taba. Ol ihin bʼez vʼestʼi taba huraga hu͡ok hütere iti Onton dʼɨl eŋin-eŋin bu͡olaːččɨ. Itiːli͡ek bu͡olaːččɨ. Bu itiːge emi͡e anɨgɨ pastuːktar tabanɨ hataːn karajbattar. Karajbattara tuːguj? Itiːge halgɨndʼɨt taba bu͡olaːččɨ. Halgɨndʼɨt taba aːta tɨ͡alɨ batar. Bu tɨ͡alɨ batar tabanɨ, itiː ahɨ͡ar di͡eri kihi tabattan baːjaːččɨ. Taba keteːtekterine, kihi küːhe tijeːččite hu͡ok itiːge. Tɨ͡alɨ gɨmmattar Harsi͡erde egelelleriger nöŋü͡ö pastuːkka tuttarallarɨgar bihigi kɨ͡ajɨ͡akpɨt hu͡oga et di͡en kahan da tɨ͡al annɨ di͡ek darabiː gɨnɨ͡aktarɨn dʼi͡elere tɨ͡al ürdü bü bu͡olar kördük Taba oččogo kɨ͡ajbakka tɨ͡al utara kellegine, dʼi͡etiger kepterdegine, dʼi͡eteːgilere turannar manna kömölöhönnör. Oččogo kɨ͡ajallar tabanɨ. Ol kennine giniler haːskɨttan itiː tühe iligine, haŋardɨː itiː tüheriger, taba itiːrgiːriger buru͡oga tabanɨ ü͡öreti͡ekterin nada, ulakan itiː tühe iligine. Buru͡onu kördö da töhö daː itiːge taba… Dʼi͡eteːgilere itiːge pastuːktar ketiː baraːrɨlar haŋarɨ͡ak tustaːktar "Kaja, itiː bu͡ollagɨna dʼe kečehen utujuŋ. Buru͡olataːrɨŋ, otuː ottoːruŋ." Itiː bu͡ollagɨna, bubaːt, kɨ͡ajɨ͡akpɨt hu͡oga. Kajtak ere itiː bu͡olan erer. Ol kördük karajaːččɨ etibit bihigi tabanɨ.

Edit utterance

Text view • Interlinear Glossed Text • Utterance view • Help