Text view

BeES_2010_HidePreparation_nar

Recording date2010
Speaker age75
Speaker sexf
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
Köhö hɨl kɨhɨnɨ kɨhɨnɨ meldʼi köhö hɨldʼan barannar hakalar haːs toktuːr hirdere baːr bu͡olaːččɨ Onno ügüs bagajɨ uraha dʼi͡eler, hɨrga dʼi͡eler turaːččɨlar. Haːskɨ hɨlaːs küttere, kün tɨgar bu͡ollagɨna de dʼaktattar üleliːllere üksüːr. Tahaːra ginileriŋ maŋnaj iti tiriː ületin üleliːller Tiriː, tiriːgin bert delbi ɨraːstɨːllar maŋnaj. Ɨraːstan barannar kɨptɨjɨnan kɨrɨjallar ütr tüːtün Ol kɨptɨjɨnan kɨrɨjan büttekterine onton kojut bahagɨnan emi͡e kɨrɨjallar Öldüːn ((PAUSE)) hakalar ((PAUSE)) olus köp kimi tiriːni ɨlaːččɨta Kɨrɨllɨbɨt iti tüːtün ɨlɨllɨbɨt <<wip>> tan kɨrpa kɨrpalaːbɨt tüːnü kimi tiriːni ɨlannar kim dʼi͡e habɨːta iti öldüːtteri tigeːččiler Onnuk bu͡ollagɨna de ol barbak tüːnü keːheller bu͡o. Onton ontugunan öldüːn tigeller. Ol (öl-) horok tiriːni ginileriŋ iti harɨː oŋoru͡oktaːktar. Harɨː oŋorollorugar itinne de hin ügüs üle Kɨrpalɨːllar bu͡o iti kɨrpalaːbɨttarɨn kördük tüːte hu͡ok bu͡o tüːte agɨjak bu͡olu͡on onton hin tüːte kaːlar bu͡olu͡on tiriːger Ol tüː tüːŋ üčügejdik barɨta tühü͡ön onton kojut imiterge da üčügej bu͡o harɨː bu͡olu͡on ol tüːleːk kim tiriːni ginileriŋ hɨtɨtallar uːga Uː ihiger mɨlanɨ kutallar, uːrallar. Onton eŋin-eŋin ottoru. Ol gɨna gɨna kas da künü hɨtɨ͡aktaːk. Itiː da kün bu͡ollun ol uːŋ hɨtɨjar bu͡o itilerinen tiriːŋ emi͡e hɨtɨjar bu͡o imiges bu͡olar bu͡o Tiriːŋ kas da künü hɨtɨjan büttegine ginileriŋ ol bulkujallar. Ol tiriːgin ɨlan barannar iti kim huːnarallar ürekke barannar Delbi huːnnaral <<wip>> dɨlar ol gɨnan baran kuːrdallar Kuːrdan barannara iti tiriːgin kimniːller gedereːninen ol kim kaːlbɨt tüːlerin ɨlallar gedereː gel gedereːnniːller hakalɨː haŋardakka Ontuŋ emi͡e türgen da bu͡olbatak, dʼogus da bu͡olbatak, dʼaktattar bert kim ɨ͡arakan üle iti dʼaktarga da. Ol ihin biːrde oloroːt, onu barɨtɨn (hataːba- oloru͡oktaː-) üleli͡ektere hu͡oga, ɨ͡arakan üle. Onton nöŋü͡ö kün emi͡e oŋoru͡oktara, ol gedereːnni͡ektere emi͡e. Gedereːnnen büttekterine ol harɨːŋ kim kime hu͡ok bu͡olar bu͡o tüːte hu͡ok bu͡olar Ontuŋ deksi bu͡olu͡on, iti kɨhɨ͡agɨnan, tu͡ogɨnan, eŋin eŋininen tarbɨːllar kɨhɨ͡aktɨːllar kanʼɨːllar. da Bahagɨnan da eŋin eŋin deksiliːller, kanʼɨːllar. Tu͡ok kuhagan baːrɨn barɨtɨn iti ɨlattan iheller. Ol harɨːŋ, ol gɨnan baran, kördökkö üčügej bagaj bu͡olar. Onton harɨːŋ ile harɨː bu͡olu͡on, ol gɨnan bu͡o ɨːstaːk bu͡olu͡on, ontugun emi͡e imiti͡ekteːkter. Imiteːri gɨnnaktarɨna, de kimniːller, kɨːh ogolorun ɨgɨraːččɨlar togo ere. Iti kimi͡eke taŋas ɨjaːnar kimnerge ɨjɨːllar bu͡o ol tiriːgin, taŋas ɨjaːnar. Ontugun battan turu͡okkun naːda. Hɨrganɨ ti͡ere uːran barannar emi͡e battan turu͡okkun naːda ol tiriːni uːran baraŋŋɨn harɨː bu͡olu͡ogun De ol battan turagɨn. Ol battan turdakkɨna eni͡eke bi͡ereller iti kimi bɨ͡arɨ, busput taba bɨ͡arɨn. Ol bɨ͡arɨ battɨː turan kɨːs kɨːs ogo (ɨstɨ͡an-) ɨstɨ͡aktaːk. Ɨstaː, diːller bu͡o, kajdi͡ek bu͡olu͡oŋuj ke? Bagarbat bu͡olu͡o bu͡olu͡o, ontuŋ amtana kuhagana, hin turagɨn bu͡o. Istegin bu͡o inʼeŋ haŋatɨn. Ol tura tura ɨstɨː turagɨn ol kimi bɨ͡arɨ turaŋŋɨn Ginileriŋ ol (bɨ͡a-) ol ɨstaːbɨt bɨ͡argɨn ɨla ɨlallar, ol tiriːgin ol kimneːbit, gedereːnneːbit tiriːgin ɨlan barannar, ol biheller. Ol gɨnan baran hoŋo hoŋohoːnunan hoŋohoːnnuːllar iliːlerinen Biːr iliːnnen tutar ol tiriːgin, biːr iliːnnen hoŋohoːŋŋun tutar bu͡o, ol bu͡o üːhetten allaraːga di͡eri innʼe hoŋohoːnnuːr, eː bihe bihe. De ol gɨnan baran ginileriŋ kɨːh ogolor kahan da turu͡oktarɨn bagaraːččɨta hu͡oktar. Battan turu͡okkun naːda bu͡o ör bagajɨ turu͡okkun (naː-) turu͡oktaːkkɨn onno. A ɨstɨːrɨŋ baːr de kuhagan da kuhagan. Eː ɨstɨ͡aŋ kihi da hürege loksuju͡ok horogor bu͡olar bu͡o Ol ihin (kɨr-) kɨːh ogokoːttoruŋ küreneller bu͡o ɨstaːmaːrɨlar, baran kaːlallar. Kim kɨːh ogoloru ügüstük ɨgɨraːččɨlar, u͡ol ogotoːgor, togo ere. De ol ol gɨnan baran ol kiminen, delbi kimne hoŋohoːnunan delbi kimniː, kimneːtiler bu͡o ol tiriːgin. Ol hoŋohoːnnuːruŋ emi͡e ör bagajɨ bu͡olla. Nöŋü͡ö kün emi͡e turu͡o <<wip>> ktaːkkɨn bu͡olla ol ɨstɨː ɨstɨːgɨn Bagarbat bu͡olagɨn hüregiŋ loksujar bu͡olla. De emi͡e hin ɨstɨːgɨn bu͡olla, kajdi͡ek bu͡olu͡oŋuj, inʼeŋ haŋatɨn istegin bu͡o. De ol turan ɨstɨː ɨstɨːgɨn de muŋnanan muŋnanan de bütebit bu͡olla Kahɨs eme künüger de ol kɨhɨ͡ak kiminen hoŋohoːnnon Onton kojut iti harɨː bu͡ol bukatɨn harɨː bu͡ol üčügej bu͡olu͡on imiges bu͡olu͡on iti e eŋin eŋinnik iti kimniː hataːtɨbɨt bu͡o Kɨhɨ͡aktan, gedereːnnen oŋorobut. Ontuŋ harɨː olus (maŋan) bu͡olaːrɨ tože hin kuhagan. Ol ihin harɨːgɨn iti kimi͡eke ɨhaːrallar ɨhaːrallar buru͡oga. Ol Ol harɨːgɨn ɨlan barannar dʼi͡e ihiger ɨjɨːllar. Dʼi͡e da bu͡olu͡oj iti kim uraha ihiger, uraha dʼi͡e ihiger ɨjɨːllar. Onno kim buru͡oga ontuŋ ɨksa turar bu͡o A horok dʼaktattar innʼe gɨnaːččɨlar bu͡olla. Ol kördük da ɨhɨ͡ara hɨtɨ͡ak ebitter otto. A gini ginileriŋ innʼekeːt diːller bu͡o bihigini turu͡orallar bu͡o üs tü͡ört kɨːs kɨːh ogolor Kim kim u͡ota kim u͡ota iti ačaːg oŋorollor Mas ubajar ol ontuŋ ürdütünen ottoru bɨragallar ulakan buru͡o keli͡en De ol buru͡o ihiger tögürüččü turammɨt ol tutabɨt bu͡olla ol kimi Ol gɨnan baran ergitebit kün hu͡olun kördük innʼe ergitebit Üčügejdik tutu͡oktaːkkɨn ontugun, ɨːppat kördük. (Beje-) bejebitiger ergitebit bu͡ol innʼekeːt. Min dogorbor bi͡eri͡em, dogorum nöŋü͡ö dogorgor, itirdikkeːn bi͡erer, eto tögürütebit ol tiriːni. Annɨgɨtɨttan ulakan buru͡o keler bu͡o. Bihi͡eke emi͡e kuhagan ol buru͡o kelere. Karakpɨt ahɨjar bu͡olla ol buru͡ottan. Anʼakpɨtɨgar da ɨlabɨt bu͡olla buru͡onu. De ol da bu͡ollar de turunaːktɨːbɨt bu͡o, turuŋ turuŋ diːller bu͡o bihigini. De ol kördük ergitebit. Onton biːr emete kɨːh ogoto ol tiriːni iliːtinen innʼekeːtiŋ ɨlan keːhi͡e hɨːha tutu͡o ontutun ol tutar hirin tiriːtin de oččogo diːller bu͡o de erge barɨ͡aŋ hu͡oga ulaːttakkɨna Diː diːller itigirdikkeːn haŋarallar bu͡o bihigini. Ol ihin ol muŋnana turabɨt bu͡o ol tiriːni ɨːppakka ɨntak. d'e
• Waveform view • Interlinear Glossed Text • Utterance view