Text view

ovehe_1

Recording date2005-07-27
Speaker age61
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
ɨɨne tsáá tsáápilléváa tsáápilléneváa óvéhe múnáalle ɨɨne ájyuváa íllotsó íñajájɨu i iúmɨhénu. aanéváa tu diille tsá igyúnújcúnéuba dille ímílletú, tsá mááho imyéénune bujcájáuba tsá dille ímílletú. aalléváa llííñájaatéjucóó úwaajɨ́mukéré nájcotéllé ájyu íllótsónáa aanéváa aanéváa tsaate teene ájyú illótsou pééme juuváj pɨɨne nácohíjcyálleke neíñúme: idyéjuváne dítyájɨ íllótsónáa muhdú ɨ́ɨ́nerí íílle uu éhlle gúnújcúratúne? néémeváa áánélliihyéváa neélle: íhya ihdyu tsɨɨju meenúhi. ehduneellle tsɨ́ɨ́judívúré tájpille. áánéllií múu ɨjtsó, múu ɨɨté muhdú néélle ityáábáva, tsá múu iévenéré táábávatú wákímyeílleke ú táábávaá di dille díwákimyéí uke iñáhbénu. tsá pevénéré u táábáváityú iímílliihyére ane páneere múu ɨ́tjsámeí ehdu néélle u táábávátu, a ú lleebó, tehdú. aanéváa, áánetúváa tsíjpille tsapi óvéhe múnáalle, tsíjpille idyé tsíjpitsijpilllene tsáápilléne eh dii diillévápe ítyujkévetu ipíhñúnéhjɨtu tsáápille bajtsó dɨɨ́ éhne medɨ́hdú nééneváa. aanéváa diille óvéhéj néélle diille tsáá tsáápilléné tsá bájtsotú. alléváa paíjyuváré diibye íllíwúuke uhdu néébéwúukéváa ehdu wállohíjkyalle: áátyé dɨɨhóutu nanítye. neelléváa áábánéwuúre. atye áátyé dɨɨhóutu nanítye. ahdújucóváa péébe eene uhdu néébe: a tyújpáyutyu wáha? tsúúca diille núcójpɨvéjucóó. aanelli aane tsá ɨɨná dille néétuú muh núcójpɨ́velle. e áábánéwuúré dille nanívú wállóórónáa eene uhdu néébe nihe téhullétú ihjyúcunúté. a tyújpáyutyu wáha? tsá ɨɨná dille néétuú, núcójpɨ́velle, ehdu tsí tsíjpille. áánéllií tsá óvéhéméhjɨke metahne táábáváityú mu múu méwakye táuhbá ɨɨná e e dille imyéénu áánetúváa tsíjpille. úmɨhévú ditye pééne déjuvújucóváa diitye májchoháñé dille nánihíjcyáné diityé pɨmɨ́htsóne, ɨ́pɨmɨ́htsó pañe amómé íjcyanéhjɨ́ dohíjcyalle, ɨ́jtsɨɨménéwúu ácuhíjcyalle áálledu néénéwúuke, máchohíjcyámé ehdu paíjyuváré pajcóójɨváre. tsíjtyé pɨmɨ́htsó nánihíjcyalle nánihíjcyalle úmɨhéúbau péétulle diityé maaho nánille. áánéj pɨɨnéuváa dille wáɨ́jɨ́ hallútú imíllelle dityé pɨmɨ́htsó idyé iñíítyetsóné ehdu ɨ́nɨ́jcáú hallúri árónáacáváa teene pɨmɨ́htsó déjuco wácááveíñúné ííllevu díílleke córaavé chaa aane íchihdyu íjcyánécóbama áábájajte tsáámeke ɨ́ɨ́tépéjtsolle óvéheelle aahɨ íjcyalle eene nánihíjcyá diityé májchoháñe. tsá múu ehdu néétuú, tsá múu óvéheetú. múu wákimyéivu táuhbá u táábávácooca ú táúhbaá wákimyéivu umɨhéú íúmɨhéú dille ipyéé tsá tsíjtye májchó menáníityú. áánetúváa tsíjpille tsíjpilléváa tsíj tsííñé ovéhe múnáalle tsííñé tsaapíllene. tsáápilléváa iájcyó íllu píjcyábari ájcyójelle. aanéváa íchíí tsapéhjú neélle: áyúú, ícyooca imíwu táɨhbójɨ́ɨ́há chemé íñe píjcyábari neelléváa tsáápille íi ɨ́ɨmɨ́aalle ítsajpɨ́lle leva diille eene íovéheelle tsáápíllene néé: éée tyéhdyuye múh múhtsí ɨhbójɨ́ɨ́há ihdye chohcó táɨhbójɨ awááyené ábáábaúyé o ɨ́hbámeíñe. neelléváa ihdyu eene iájcyó dille néénáa diille ihd yu eene nééhi átéréenéhjɨ́re imyéénunére eene páneere tsahre átéréenéhjɨ́ tsá me meú meúbálléjcatsíityú aane e páneere ímityúne. áánetu, áánetu, tehdújuco, ténéhcobájɨ́ ímityúne aanellihne áánetúváa tsíjpille, tsíjpille péjúcóórolle úmɨhéú pehíjcyárolle. aalléváa pehíjcyá, paíjyuváré péérolle úménébá hallúvúré wáánikyéré íh íhñíwáumɨ́ɨ́hé imyéén imyéénúcúne wáánikye dohíjcyalle, dohíjcyalle pajcóójɨváre, pajcóójɨváre. aanéváa ájyu lliiñájaatu tsáábe nehíjcyá díílleke: aca ɨɨná ú méénuhíjcyá, ɨ́veekí tsá u cáátsotú? ɨ́veekí tsáh pɨ́ɨ́ca u újcutú? e botsíiíkye eene dille méénune íllúúnéwuúré pɨ́ɨ́ca tsívahíjcyalle, pajcóójɨváre, pajcóójɨvádúre. áánej pɨɨnéuváa ájyu cúúvéhulléré tsáábe tuvááó díílleke eene dille wáánikyéré dóhijcyáné íhñíwáumɨ́ɨ́hé iújcúne. óvéhe múnáalle. aanéváa diibye tsúúca ájtyúmɨ́neri núcójpɨ́véne ijcyallle ílluréjuco dille wáámenéne. aane tsá múu ehdu néétuú, múu péé úmɨhéu. áánetu ámuha, ámuha tsɨɨméwuúmu tsá mepíívyetétú, múu dɨ́ɨ́tsɨ́ɨ́ju úmɨhévú péijyu dííllemájuco múu pééne úmɨhé pañévu. kiávú cááni wákímyeí dííbyeke múu pɨ́aabó aane á ámuhádyú nééme aahɨ coévahíjcyá, aahɨ coévahíjcyá. pajcóójɨvádú aahɨ coévahíjcyá áámedíuváa boorówacyo idyé túmeí: boorówacyo, boorówacyo, keenáhana lli, dɨ́ɨ́tsɨ́ɨ́jú pɨ́mɨ́htso. íñeé. cána, bo, alló, állówu. ahdújucóváa eene ditye állóócótsojéne. alló, állówu nééné pañévú úcááveebe diibye tohju. aane ióllócoba coévá teene pɨmɨ́htsó pañévú néhníj. áyu wa memájcho. ahdújuco dɨ tsɨɨméwuúmú májchone, májchone. ɨɨne máhóúúhari máchohíjcyáme ááne duhcúvatéme. áánéllií tsá múu ááhɨ cóévatú. paíjyuváré dɨ́ɨ́tsɨ́ɨ́ju deju úmɨhévú díílleke u pɨ́áábo. elle u wákímyeí, aa aahɨ paíjyuváré aahɨ paíjyuváré u íjcyáhajchíí íllure tsɨɨme duhcúvaté. ehdu néénéllií tsá múu ɨ́jtsɨɨméné mutemetauhbamuwakimeiutsa páneere óvéhetu tsááne ímityúné mééma nɨjkévá. áánéllií múu tsá óvéheetú. tehdúj, ú lleebój. meovetemepiiabotsiijuke tsá múu úmɨhé pañevú óvéheetú, uoochevehajchi ts tsúúcótsihvu u tsaha Aáhɨ uu cóéváhajchíí ú duhcúváteé. ehdu patyéhijcyáné tsúúcajá múnáaúvuke, tsáápíllenémuke, éhdúcobájɨ́ patyéhijcyáné átéréejtéke.
• Waveform view • Interlinear Glossed Text • Utterance view