Waveform view

DJIPecheLM

Recording date	2011
Speaker age	37
Speaker sex	m
Text genre	procedural
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Nah jambaal gidëëkiminne idélinimin jambaal giraadini buboop ha sincindhenem ëmër giboopëtohne idëëti ilaxi gufigéét ha jambaal iyëdi jambaal gifuntone a siyo arakai ifunuti a siyo iyëd burayul xa ëmër giraadi bunii ka kati agolunai buboopul giraadine iñoŋi gugónduk iboopi bum an anaŋgu adoxum adoxumum iñoŋi cumbu ëmënduk iŋal aŋgu burayul giraadi aŋga këni gagolunai igolul ñimeni arayula mes iŋey iboopi gunaakin bum anaŋgu adox iniigina aŋgu ne axam buye abun hëdëxa aŋgu bumexun ka bula ka jaxaat minu uguni idëëkëni abi barux idélini a barux ixuci ijégi gugónduk hanaak halal imexini jambaal aneni a barux ëjiimi aŋg itú xotliit ibëëxi minoŋ gibëëtëni jambaal bum an adëëgët damiñ jambal afurot ifunuti iyëditi iniig kati koxaat iŋkoona iŋkokona birééŋ kómër infeerine minoŋ uguni iŋeeteni abi raaf jibëëxer ayen gupaaf idëëti ixucuni jambaal ah jaxóóbóx ubëëxer ayeni jakeexoon iŋ iboopi jambaal bum anaŋg ifun irayli kókónduk anenti kódiinen num arakai na a jambaal kómër iŋguni burum anaŋg iworot kolalin anenti koreenin anenti aŋga Alex gilóbohni aani ñotliit ñoñooŋ akuti batliit ñoño akuti batliit aŋg bum iŋeyin ñokeexoon ñoñooŋ iŋeyin a baarux naŋg ambëg ambecin andihel ñomër giŋeynini n iniigehne aŋkaan amboxi andëëki hëjir aŋgu garaadi ñomër gijoxënoni andëëki bum anaŋgu iŋey iŋey idëëk imexun an iyeyotne guliix num giŋali bubiyul ha jambaal giraadi bum këni gagolunai igolul ëbun iboopi bum anaŋgu aŋey adox an aliimeem bumexun dimexun na kantik këkënduk gimexuni naaŋ uŋey ufamun udëëk a biŋeen hëdëëk giraadine idëëki iwúúli jaxaat imexini jambaal anen ajiimi sincindhum agolunai naŋaan bugolul giraadine iraadi bubëëx ifunuti hah injanjaana ilati Alex a akontani aciili aani iyaakuruxo hóbun gúúg iyaakuruxo hóbun umër galobohne aani gúúg guroŋ an dam daliix dëgëni inoxum idëëmin bicoocmin jaxaat injanjaaŋ jëni ibiyulne jambaal anaŋg aŋkucot a biriéŋ japer bare bare bupér bumbooŋ bumër gamalane jëdinem inja ñimeni n agu a guŋaarin jaxaathanam jaraxi hëdëëk giraadine iŋey iraadi bubiyul ha jambaal an iyeyotne guliix iŋey ifamun na kéén igumin bufur ahuya buxurén aŋgu abi gufit ha siruun sin ahuyane montoŋ abim gidëëkëhminne ixafi idëëk a guraaf bum ilikaamam bim an imexënet minuŋoon uguni idëëkëhne iyitini imexëni na ne adéjine ixuci bum anaŋgu iaaniin silakum abi riéŋ ibëëxi ifunuti jambaal iyëëdëti icooci ñórúk iŋatti a biraaf idëëti siyo amu ëgëni afutotnena ëmër gidëëkëmëhmin jambaal jaxaat jëni ilaxëmane na ë gubëëx guŋgooŋ jëmër iŋgune naaŋ Alex iŋgunena umër gëfutohne biŋeen mindeŋ bula ka jaxaat galax koxaat abi siŋkahanam batoot garaadine gatooti axaan ë siyo siyohonom in siyo inoŋ afer uwúli kokooŋ amalati ëbëŋk an abësin kómër ~~amuku~~ atooti mes hëdëëk giraadiminne m iŋey imexun biŋeen turém de imexëni biŋeen iŋey ifurot minu uguni iraadutone ilati ñómër rant japér ixafëti ibiyuli jambaal bum anaŋgu jaxaat anenet Alex aciili ni ~~ali~~ afeerem a buciiñ gúúg axëëbëxërëx jëmër dëjén me aŋgu n isombenne raaderem butu koxonaal komër iŋgu inteepi a gubi iŋgu a gubi ha jakaam ibiili ëbun idëëki wúúro tubeyhum aheeni aŋg axoot a ariŋkum min gilóbëlaimin aŋg idëëkehmin ayenem sam japan añoŋ huŋaan jaxaathënit abala kafilme anaŋgu adëëk atoot minooŋ ilikai imexeni buboop giraadi buti ka jambaal bum anaŋgu ëdélun rééŋ adélini ibëëxi uyégi ne sincind anaŋahne a barux jambaal ëfútti na coociri aŋg ibëëti naa na aŋgu iŋeetimin mineemin kéén ikampemin aŋgu bëbúf giraadi bëbúf giraadi kén ixam buwuc ha gujund bum gëgu itaaki jaxaat iworna jëriithenem ubëëxer ayen didééb na giraadini bubúf aŋga peel buyah giraadini guiñ giboopini ixaan a poos buwuuc ha aŋgu gujund giraadini na n axaanne ëgu an honi ëléér jëndéb giyahi ifun iwor biŋeen gujundhum damiñ aŋan miinu uguni iyaxahnena buwuc giraadi bahan ñimeni fandi bidélun kén imaŋ damiñ adel gujundhum aŋga aŋani ijasini de aŋga Alex gilóbohne iyenem bum anaŋgu ajaalin kuul umër inoŋ biŋeen gufit gudiiném na siyo ifuttine yo aŋga jaxat jëmër ilaximinne jëmër iŋgune a siyo aŋga jëbëmb jën iñoŋot bum iñoocumin jaxaat ifunuti jaxaat ixaan huŋaan ilëb a jëbëmb bum anaŋgu iñooc jëmër jaxaathënit ëjiiba de amu jëni ëbëg janjaŋ anciir idëëki buñoŋ ka bidoŋ ka baarux bum anaŋgu idëët iñoc jëmër minnoŋ buxaan ka minnoŋ buxaan ka huŋaan barux idéni bidoŋ iŋey iŋeyin na janjaaŋ bum iŋeyinna anaŋgu iñooc kokooŋ kómër gëyeŋginane abëgi amalai apaxi iñaani bum anaŋgu itumb a buñooc giraadine bun diraaxanam axuc abi rééŋ iñonti guiñ bum anaŋgu itaak itaak ifunuti jëriit ifunuti jëriit ibëëx iwor a gujúnd idéni kómër iŋey iñoŋo kórúk aŋga gubëëher ahuya bupeer ululum ayenem carpe na aŋgu butaak giraadini mara ha bujin kokooŋ itaaki mees bare ëbëgi na bufundhënit bu kuul ijaalinimin aŋgu kuul bax a raaf jaŋañ gidoototni bum anaŋgu ixaanmin an ajas ali bujin ka jahaat Jalihan giñoŋi idën anaŋg ijaalin nah gitijini fëni kuul ajaak iñoŋ jaŋañ ilëb biraaf biŋeen ken ëfutohni fuur fuur ha jaŋañ ëmër gëhóótiehne ëmër ilikaine miinoŋ a butaak ha bumbooŋ min aŋgu ëdéli n idëëgët abi bubufund na na ginooximin a bunooxënit aŋgu kukuul itumin gëgu an huŋaan jalihan animi iyenmin iñoŋmin bamejhenem an ijinmin yo bujin aŋgu giraadi giñoŋti iyor bumër iŋgune bahan gufit guŋgoon nunum a guwomb buwor giraadini bum iwor pe ëdúhúni de kén igune jëmër gixanminne buñoŋ ka iyaaxumin dibërix ixëëbmin jaxaat bare bare inoohmin bim añuun iwori mes aŋgu an ifamunani tek bun jajaxaat itú hotliit an iŋeet idëët ikuubul na bukuubëlahiin giraadine koni gañindeŋ hóbun i ikuubul idén guruk n ifamun idén këgëni kuul ajaak hóbun ifamëni idëëki na bubif ha kuul giraadi bum anaŋgu ajeex aŋgu bukuubul giraadi kokooŋ añini ifúni koni gañini ifúni kokooŋ nunum añini ifuni bufun giraadine bukuubul kóni gañini iyoli iyoli bubif minnoŋ gibifex biŋeen aduhuni holo Alex finooŋ na huŋaan bukooxul ha ñoxaat bufaap kokooŋ adëëki bufaap aŋiiru komër kómër gañoŋine bidiinem ëxëëb komër gañaamëlane kokooŋ kóni atuutëlane ëtiimah bufaap bufaap ha jaerhenem jën ajaakne sam afuur Je vais t approcher pour le poisson ëhë kómër gakooxëne gakooxi akuubëlahiin ëniitéém doho giraadine de a gurudehënit ginoximinni a bunooxënit ginoximinni iñoŋmin gulihan idemin a gurude aŋgu nah iŋgune na ginoximinni jaxaat giraadine budén ka hóbun man aŋgu ipuusun gifunuti a gupalaat a guhuddiinum ha siyo idén a huŋaan a gubifum bureeŋkul giraadine na aŋgu man aŋgu ipuusun mumér giñoŋine iŋeyinne a gumbuus guŋgooŋ aŋgu bum idén jahaat an aŋgu ipuusun idén jëmër hóbun pe arun a gupalaat burum anaŋg ipuusun an ixëëbumin bim a bunég dileeminja dindeeŋ sixoona aŋ gañoŋëmah adëëkuraa aŋga mumér mun agunena a gumbuus guŋgooŋ bureeŋkul ha jëmër bum anaŋgu gupuusuni bapuusun aŋanam aŋan jajaxaat an atoom ah bamelmec dam coocirimin coocirimin dam bamelmec n igumin na aŋgu man aŋgu idëëmin iparemin siŋkëëb ne gipuusundeet gitijini aŋgu gurukrik ixëëbëmin kúúg alaximino faŋ de holo aŋgu iñonti buleeminja itaaki itooxuli idéni iŋey iñoŋi bumbooŋ itooxuli idéni bum itooxul dimër dilindiŋ anaŋgë idén gitijini ipuusun <<on>woop> ipaaxëni abab bañondërom huŋaan guhunum aba bataakam a guxunum gumër gitiimahne ahototi ifamëni kokooŋ ilaami buhan ka mumér mumér gifiixenne bum anaŋg ipuusun anaŋg ahuc aŋan a jahaat jaxaat janjaŋ ali de ali faŋ holo ipuusuni aŋgu wuuro bapuusun aŋgu ni ayoolone aŋga jahaat inoohminne abim min inaak bare na aŋgu na gigumin bumukulinam bum Alex adëëk apuusun jahaat jëdiinem an aŋgu inoomin an ihëëbëmin bim a bunég inoŋ gataakah dileeminja bare middimin mantaakaeŋ ka dileeminja umu gataakane gataaki adén ge afant aniitem kati iraadem buniig min gilóbëlamin gulóbëla giraadimine amiihem kati abesinne iyenem ëbënne adéli na giyenemna apuusuna huŋaan

Edit utterance

Text view • Interlinear Glossed Text • Utterance view • Help