Text view

92d

Recording date2005
Speaker age72
Speaker sexm
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
hetce'ce'ixotii, nih nihʔii3eihi3iʔ Nihnei'oohobeit. neʔnihʔiiʔ <<wip>> yihoo3iʔ Bii3hiitooo, ne'P nih'iitenou'u. Touyou wo'ei3 heenei'isiihi', nihce'ce'ixotii3i'. Ne'nih'iisiitenou'u. Howoo nee'eeP, nee'eesoo' hiiwoonhehe' neisie. Charles neeʔeesihʔit Hiiwoonheheʔ heneeneʔinoʔ hiiwoonheheʔ Kooxo'uusiiteno'. Ceenooku, ni'ii3o'. Niiceenokut. hoowusee, nih'ii3o'. Noo'oeniinouuhut. Hoowusee, heebehcensin nih'ii3o'. Ne'nih'ii'cihce'oowuseet. Nih'oonoowuseet. Ne'nih'ii'ce'noh'ohouuhut. Heetce'censinen. Keetciibeso'ooteih, nih'ii3o'. Nihneiʔoohowun noh neʔnihʔii <<wip>> ʔoxouʔeiʔoot Ne'nih'ii'cihce'oowuseet. Hini'iiwoho' ne'nih'ii'wonoohowoot. Neʔnihʔii <<wip>> ʔheiʔtowuuneit 3iwoo hoowooh honouuhu Nih'oo3ouniihi' nih'ii3eit. Ceebeh'uuP ceebeh'ooh'{on}ouuhu. heebeh <<wip>> ʔesisin nihʔii3eit ʔoh hoowuuni si siinihcoʔonouuhut Nihceeceno'oot. Ne'nih'ii'koxuutencenisi'. Ne'nih'ii'P nihbiiwoohut. Nihcoot, wo'ei3 nihyihoot hini'iiwoho'. wo'ei3 hisio nihyihoot. Ne'nih'ii'ciinoteibit. Ne'nih'ii'ce'iinokotiit. Nouuniinokotiit. Ne'nih'ii'ce'ciiteit. nihbeetce'iinouuhut. Hiiko, nih'ii3eit hini'iiwoho'. heetce'censinen. Keetciibiso'ooteih, nih'ii3eit. Nihbi'nei'oohowoot. nihbi'oxou'ei'oot. Noh hiiwoonhehe', woow heneeneisiiteno' nuhu', nuhu' hinono'einiihi'. Neeneti3o'. Hiiteiitooneihi, ni'ii3o'. Hiineyeiceh'e3tii. Hiiceh'e3tii. Hiixouuwuceh'e3tii. Neene'eehek hei'eibehe'. Hii <<wip>> cehʔe3tonin Heheiho', hetneyeih'iisiiten ni'ii3o'. Nihkooʔoe <<wip>> 3ii3iʔokut Nihneenei'oohobeinoo. Ne'nih'iini ce'kohei'it. Kookon nih'iinP nih'iincesihcehit. Kookon nih'iinko'eihcehit ci' Niiniiniitouuhut. Ne'nih'ii'noonoo'eihcehit. Nih'iibeteeet. Nihnoonoo'eihcehit. Ho'eii, ne'nih'ii'cihnouuteno'. Neʔnihʔiiʔ <<wip>> woteihoʔyeinoo 'oh nih'iibeteeet. Kookon nih'iikookone'eikoohut. Ceeceenihcehit. Howoo tihbih'iyoo', tihbih'iyoo', woow niiheeP nihneyeiheeneisibi'. nihʔiih <<wip>> itenoʔ nihii bexo neʔiitenoʔ nih'eeneihco'ootiit. Noxowceeceene'eikoohut, noxowceeceenihcehit. Kookon nih'eenei3ihkoho'oekoohut. Ne'niiniitouuhut. Xu, xu, xu, nih'iit. Ne'nih'iini ce'wonceenokut. ne'P nihbeetco'ouuhut. Hiiko, nih'ii3o'. Heebehcensin HiihoowoeyouP hiihoowuunoh'ouuhuutoon. Niicensineetiini'. heebeh'essibet, nih'ii3eet. Hih'oowuuni. hih'oowbiso'ooteih. Nihce'iinouuhut. Noh hiiwoonhehe', Woow niiceh'e3tiit. Niibebiisceh'e3tiit. Noh neʔnihʔiiʔ <<wip>> biiheit ne'nih'ii'biiwoohut. Kookon tecenoon nihyiisoho'oet. Henee'eehek heihbiiheiit, nih'ii3o'. Ne'nih'ii'nei'oohobeinoo. Tecenoo, nih'iit, tecenoo, nih'iit. Neneenit, tecenoo, Woniixoohoo3ihin. Ne'yihoot. Nihtooto'ooto'. Nihneyeikooneno'. Hih'oowuni'koonen. Wohei noonoP noonokohowuni' nuhu' tecenoono, nii'noonokohu'. noonokohowuni'. Nihwonwoowoteihit. Niih'oo'ohu'u. Niih'oo'ohu'u, nih'iit. Last night, howoo niih'oo'ohu'u. Woteihii, woteihii, nih'iit. Woteihii, nih'iit. Hee, nih'ii3o'. Woteiheihii heetneeʔeesihʔe3en nihʔii3oʔ Noh hini'iiwoho', heeyou nenee', nih'iit. Heetnihii nehe' woteiheihii, nih'ii3o'. Nehe' woodpecker, neneenit, nih'ii3o'. Niiwoteiheit. Nuhu' hohootno, niiwoteihoot, nih'ii3o'. ʔoh nuhuʔ tohuucii3ihʔohu3iʔ tohuucihceenihʔohu3iʔ niiwoteihei3iʔ Woteiheihiiho', nih'ii3ee3i'. Nee'eesih'i3i' nuhu', nuh'uuno nii'eihiiho'. woteihii3ih'ohu3i'. 'oh Hohootnoʔ nii <<wip>> koʔusiʔi Ne'nii'woteihei'i3i'. Noh beh'eihoho', hih'oowoe'inowuu. Nih'etniisih'oo3i' nuhu'. noonoko' woteiheihii, heetnee'eesih'oono'. Heetniiwoteiheit, nih'iit. Noh beebeet nenee' nonouse' nuhu', nuhu', nuhu' niisih'iit. nuhu' nii'eihiiho', tohuuko'usi'i, niicihwoteihei'i3i'. woteiheihii heentoot. Noh niiniP niiniP niiceecesih'owu3i'. Niice'no'uh'ohu3i' biih'iyou'u. Noh nooxeihi', nohkuseiciini niicihwoteihei3i'. Nih'iiP, niiwoo3ee3i'. Neniisi3i' niicihko'usi'i. Hi'in uhh, Hini' he'eeneisih'oonoo3i, hini' ʔoh huut nii <<wip>> ceʔcii3ihʔohu3iʔ Kookon niinih'ohu3i', heenei'isiihi'. Niicesih'ohu3i'. Niih <<wip>> eeneinihʔohu3iʔ Hiihoowuuni. Ne'nii'ce'iini, ne'nii'ce'iini.... hei'iibih'iyou'u niice'no'uh'ohut. Niiseiht niicihwoteihei'it. Niice'cesih'ohu3i'; heniiscihbihʔiyouʔu honoot nookoniihiʔ hiniʔiit heet <<wip>> niinihʔohu3iʔ Howoo tihnooke', niicihwoteiheit niiseiht. Noto'oowuuninoo, niicihwoteiheit. Yeah, woteiheihii nuh'uuno, nih'ii3o', neesebi. Henee'eehek? Woteiheihii. oh, nih'iit, wohei, okay, nih'iit. Hih'oowoe'in nih'iisinihiinoo, howoh?. Beenhehe' hee'ino' nuhu' hinono'einiihi'. Beenhehe' neene'ino'. Hoowuuheene'in nuhu', nuh'uuno uhh Hoowuuheene'in. Howoo niinoonottoneinoo, neeneisinihiinoo. heitousinihii? Nih'iit. Heih'oho', teiitooneihi', hiineyeicehʔe3tiiʔ niʔii3ouʔu neisiiho <<wip>> hoʔ Oh, wohei, nih'iit. 'oh nihnottoneinoo, koohowonceneen Thursday night? hiiko, nih'ii3o'. Woow koxo'uuni hoseitiseenoo, nih'ii3o'. Woow koxo'eisiP hoseitiseenoo. Niiceesei niiceesei <<wip>> neeteihinoo Xonou niibeeteeneisibinoo, nih'ii3o'. Niibeetnoonokohunoo, nih'ii3o'. Ne'nih'iini, ce'iini... Nihce'noonottoneinoo, heitootousinihii3oono' tei'yoonoh'o' nih'o3onP nih'iit.
• Waveform view • Interlinear Glossed Text • Utterance view