Text view

78a

Recording date2005
Speaker age72
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
**** Wohei nuhu' hoo3itoo, heesise'. Heetneenei'towuune3en. Nuhu' hiisiis, noh nehe' biikouniisiis, nihniibeti3i'. **** Ne'nih'ii'P, wohei, nih'iit nehe' biikouniisiis. nehe' hiisiis, heeyou, nih'iit. Nihii, nehe' heniiwoonin, nih'iit, nuhu' hiseino', toonP heetihbii3bee3i', heetihniini'bii3bee3i'. Noh, nih'iit nehe' hiisiis, howoh'oe, nih'iit. Nehʔeeno toon toon <<wip>> teesiniʔii3beet heetnii3eihini3 hiniin nihʔiit Noh heetniini heetniiniʔii3beet nihʔiit **** Wohei, nih'iit nehe' hiisiis, heetnee'eesoo', nih'iit. HeetP heetni'oo'. HeetP heetni'oo'. **** Wohei, nih'iit, nuhu', nuhu' biikouniisiis, nehe' hiisiis, hotooxebio', heetceeceno'oo3e3en. nih'eenetit: heetceeceno'oo3e3en. Noh heet noh heet heetniin <<wip>> noohootow nuhuʔ notooxebioʔ HeetP heetniiwo'oteeyoo'. Heetniico'onnoohowun. Heetniico'onnoohowun, nih'iit. heetniini co'oniini noohowun. ToonheetneeneiP heeneisnei'ooku'oononi, heetniinoohowun, heetniiwo'oteeyoo'. Heetnoohootow woo'oteeyoo', hinee biikouniisiis heetoot. Noh heetoonoo, nih'iit nehe' hiisiis, heetniinoohootow nuhuʔ n wooʔoteeyooʔ nihʔiit **** Wohei, wohei, nih'iit, nehe' hiisiis nehe', nuhu' biikouniisiis, wohei, wohei heetnihii, nooke'ehk heetniini bii3bee3i', nuhu' heniiwoonin, tihP nuhu' tihniiseekuuno'. HeetihP, heetniini, toonni'ii3beet, heetnee'inowuno', nih'iit. wohei, nih'iit. wohei, heenei'towuunoo3i'. wohei netesih'e, neheic, nih'iit nehe' hiisiis. Heetbii3beenee. nehe' nihii, nehe' biikouniisiis, hitesih'e, ci'heetbii3beeni3, nih'iit. ʔoh toonceb cebeʔei <<wip>> niʔneebii3beet niʔii3beet noh heetniiP heetni'eihini3 hiniin, nih'iit. **** Wohei, nih'iit nehe' biikouniisiis, heetnee'eesoo'. Heetnee'eescebiihetino'. Nee'eeP heetnee'eesoo'. **** Wohei nehe' hiisiis, wohei nooke'ehk xonou, xonou heetwoowottoneeno'. [heet]teeteesenowuno' nuhu' hoseino', heenei'isiihi'. heetteesenowuno'. Heet3ouxoh'owuno'. heetne'koo'oebii3ihino'. toonP toonbii3wootowunee, heetP, toonni'coonP, benii3wootou'u... HeetP heetni'cooti'i, nih'iit. Wohei, nih'iit nehe' biikouniisiis nehe' hiisiis. **** wohei, heniixowooteihinoo, nih'iit. Heneene'iixowooteihinoo neneeninoo, toh'uni tohuuceh'e3ihin heetni'ii3P niiso'bii3bee3i' hetesih'in. heetniini niini'bii3bee3i'. **** Noh nooxeihi', nooxeihi' netesih'e heetni'ii3beet. Heetnee3neeni'ii3beet. **** Wohei 3iwoo 3iwoo t 3iwoo cihʔiisiini heʔii3ooniʔi heet <<wip>> bii3woo3ooninoo nihʔii3iʔ **** nehe' hiisiis hiniin, wohei, woow heniisii3beet hitesih'e. biikouniisiis ne'cihne'iseet. Wohei, teebe heniisii3beet netesih'e. Noh huut cebteenoc, 'oh nuhu' 3ouxosP 3ou3oxuusuu. uhh, nuhu' co'ocoo, heenei'isiihi', woow, tohwoow Heetne'teesciinenou'u. Noh nih3ouxoh'ou'u nuhu' hoseino', heenei'isiihi'. 3oo3ouxoh'ou'u. 3iwoo cih'eeneisP cih'eeneiscooti'i, nih'ii3i'. Howoo nuhu' beskootoo[no] heentou'u'u. heetniini, 3iwoo tohuuP cih'eeneisiini heeneisii3beenoo3i. **** Ne'P nuhu' huseino', 'ine tous nih'ii3P nih'ii3oot, nuhu' hiisiis. kooheise'enou'u? Woow huut heniise'enou'utiini' nuhu' bii3wo. 'oh huut heneinootei'i. wohei, heetneeti3o' neiteh'ei, nih'iit. nehe' biikouniisiis, heetneeti3o', heetihcihwonbii3ihit. 3iwoo, toonni'ii3beet. wohei, nih'iit. ne'niiso'unou'see3i'. Ciiciinenou'u nuhu' betebihoho'. Wohei hee3iini, heetih'ini, toon <<wip>> ceebeʔeinii niʔii3beet heet heetcebeʔeihoot **** wohei heet <<wip>> ciiciitenowoo3iʔ nuhuʔ hoseinoʔ heeneiʔisiihiʔ Koo'oebiibii3ihi3i'. 'oh nuhu' huseino', huu3e', ciiciinohowoo3i'. Nehe' biikouniisiis, ahh, nuhu' nii'coo', nuhu', nuhu' hoseino'. Neeneeni'coo'. Cee'ei'i, noohkohu'u. Noh nuhu' cebteenoc niini'P, neeneeni'oo'. Nehe' hiisiis, wohei heetnei'towuune3en, netesih'e, tihbii3wooto' nuhu' co'coono, nih'iini'iniistiit. Heinoʔ Heino', heniiseteeni'i, heetP 3iwoo cih'iicooti'i, nih'iit. beebeet ne'ii'bii3beet netesih'e, nih'iit. nehe' biikouniisiis, wohei, nih'iit. **** heetwonbii3ihi3i'. ohh, nuhu' nii'coo', nuhu', niiyou nuhu' hoseino', niiyou nuhu' cee'ei'i, heenei'isiihi'. Heetniini, heetih'ini, ni'cooti'i, nih'ii3i'. Beh <<wip>> kooʔoebii3ihi3iʔ **** 'oh nuhu' hiseino', noh nih'eeneti3i'. HeetniiP, heetceeceno'oo3e3en, nih'iit. Hotooxebio' heetceeceno'ootowoo, nih'iit nehe' biikouniisiis, nehe', nehe' hiisiis, ahh, ciintoo', hiihoownee'eestootiin. Hiihoowuuni niinih'oubetiitoon, nih'ii3i'. **** Wohei, nih'ii3i'. ne'kohei'i3i' nuhu' huseino'. nehe' hiisiis hotou3eeneet nuhu' bii3wo nih'iit nehe' biikouniisiis, niiyouno, nuhu' biikouniisiis, **** ohh, nuhu' cebe'eini'coo'. Noh nehe' hiisiis, ohh, nuhu' ceebe'eini'cooti'i, nuhu' cebteenoc, heenei'isiihi'. Nuhu' beskootono, noh hu'un cee'ei'i noonohkohu'u heenei'isiihi', noonohkohu'u. Howoo nehe' xoucen, tohuunohkohut. neeneeni'coo'. Neenee'ini 3ouxoh'ou'u. nihʔiit neeneeni'iicetowoo. hoP hotou3eeneet? Henee'eehek ceebe'einii3P ni'ii3beet nehe' hiisiis. **** Nehe' biikouniisiis, netesih'e, neneenit, nih'iit. Hiiko, nih'iit nehe' hiisiis, neheʔ netesihʔe nihneenit ceebeʔeiniʔ niʔii3b niʔii3beet nihʔiit Wohei, heetnee'eesini'oo'. HeetP heetne'cebiseenoo. HeetceP ce3ei'oonoo, nih'iit. **** Wohei heene'ini, heene'ini, niini'iicetowuno'. noosoubii3ihino', nihʔii3iʔ Noh nehe', nehe' heenei'towuunoo3i'. Wohei, cihciiciinohowoo'! Noonoh'outowoo'! Noonoh'outowoo3i'. Noono'useetiini'. Henee'eehek ni'ii3beet? Biikouniisiis hiniin, neneenit ceebe'eini'ii3beet. Neeneeni'coo', nih'iit. Nehe', nehe' biikouniisiis, hosei3ceenokut nehe' hisei. **** 'oh nehe' ceese' hisei, heetceeceno'oo3e3en. nuhu' hotooxebio', heetneeniinihii, heetniinih'oube3en hi'iihi'. Nehe' hiisiis, biikouniisiis, nih'ii3oot nehe' hiisiisihe', heetniico'onnoohowun nuhu' notooxebio'. woo'oteeyoo' heetniinoohootow. Niinoohootow, heetniico'onnoohootow. Heetniini co'onnoohowun. Heetniicoʔon <<wip>> noonoohowun Heetneihoowuniʔkohtowunihii3 honoot nihii hee3ebiini cee3ei'oonou'u. **** Wohei heetce'P, heetce'eini. heetne'ce'bii3ihino'. Heetne'ce'noh'outP noonoh'outowoono', nih'ii3i'. Wohei, nih'iit nehe' hiisiis. wohei, heetP heetni'oo'. heetniixowooteihinoo, nih'iit nehe' hiisiis. Heetbehneʔ cebeʔeiniihkoteʔenoo Heet woowoʔwuciiciinohowoonoo Heet <<wip>> neeneixoxonetiinoʔ nuhuʔ bii3wo heeneiʔisiihiʔ nihʔiit wohei nihʔiit neheʔ hiisiis heetnii <<wip>> niineeʔeesooʔ Neeʔeesiniʔooʔ Siiyeih hoowuuni, hoowooh'uni. ce3ei'oonoo. **** Noh heetne'iini heetne'nonouhtino', nih'iit. Nuhuʔ hiseinoʔ heet <<wip>> 3iʔoku3iʔ Neʔ <<wip>> heiʔtowuunoo neʔcihʔeiʔtowuuneinoʔ nuhuʔ nooʔubii3ihi3iʔ Toonniʔcootiʔi bii3wo hocoo <<wip>> tiininoo nihʔiit Wohei, nih'ii3i'. nooneniixoo3eti3i'. Wohei, noonoh'outowoo3i'. Noonou'usee3i'. Wohei niiyou nuhuʔ heetih <<wip>> cihʔeiʔtowuuneiʔeenee tooncebeʔeiniʔcooʔ nuhuʔ bii3wo toonP toonni'ii3beet, hiisiis wo'ei3 koobiikouniisiis? Noh nehe' hiisiis, nuhu' biikouniisiis, nihniini'ii3beet. neeneeni'cooti'i. Neenee <<wip>> niʔkoutootouʔu nihʔiit Siiyeih no'otii3i' **** 'oh nehe' hiisiis, ne'ceno'oo3oot nehe' biikouniisiis. Siihotooxebio' heetceeceno'ootowoo. HeetP heetniico'onnoohowun. heetniinoohootow wooʔoteeyooʔ heetnii <<wip>> coʔonnoohowun heetniicoʔonnoohowun heetneihoowunihii kookohtowunihii, nih'iit. Nehe', hinee, neeP nee'eesise' nuhu'. **** heetih'ini bebiiskokoh'eeneetow, nih'ii3oot. Wohei, nih'iit, woow ni'P nii'oo'. Niiʔcootiʔi nihʔiit nuhuʔ bii3wo neeneʔ neeneʔ niiniʔii3beet neheʔ hisei biikouniisiis hiniin Nehe' hiisiis hiniin, hoowuni'ii3been. Wohei woow hooyeit, nih'iit. woow ceneeceno'oo3eti3i', nih'iit. Woow bonooboo3eti3i' hi'iihi', nih'iit. Noh ne'iini, wohei, nih'ii3oot, heetniini, heetniini hiiniP nooneniixoo3etino'. Neiteh'ei heetneenin, heetkoo'oeneniixoo3etino'. He'ne'koo'oeneenetino'. Wohei ne'koo'oeneeneti3i'. Koo'oeceitooneti3i'. Ne'P wohei, heetP heetni'oo'. **** Toonheeneesinihiinoni, ciibeh'iicihkohtobei. Heetniico'onnoohowun, nuhu' notooxebio'. Heetniico'onnoohowun hinee woo'oteeyoo'. Heetniinoohootow. Woow heetneeninoo nuhu' woo'oteeyoo', nih'iit. Heetneeninoo. Heetniico'onnoohowun nuhu' biikouniisiis, heetoot. Nehe' hiisiis, wohei, heetniinee'eesoo'. Noh neihoowkohtobei, nih'iit. Siiyeih neihoowukohtobei hiiwoonhehe'. Wohei, heetniinee'eesoo', nih'iit. Wohei tous, nuhu', nuhu' hoo3itoo, nee'ei'ise' nuhu' hoo3itoo.
• Waveform view • Interlinear Glossed Text • Utterance view