Text view

MS-LM_AscGer_1

Recording date2017-07-17
Speaker age60/68
Speaker sexm/m
Text genreconversation
Extended corpusno
Javascript seems to be turned off, or there was a communication error. Turn on Javascript for more display options.
y dya pueden empesar si dyaj aber boy a ser esto para depues este okey y dya entonses ee yo les boy aser algunas preguntas ban a responder aaa mj tabuybula si bueno tandyërërëntu tabuybulaj entonses e empesamos asensio y depues ... ee tindyujucham amashkuta imakkatam mjm tindyujucham lacha ati año katütüm lana lana añolaj mjm entonses tindyujucham lacha mimakkata aja ee tindyujucham lacha mi mii amti año katütümtij sëë sëë sesenta y ocho eee kumplisti sesenta y nuebe aaa latish tishilë puyteshtij eee... amashkuta winanib winanijtip paa haaa tindyujucham pabida oo... padiario bibir eee la komunidad tambien ... de la mmm pa komunidady tëpshëdulajtiptilaj aaa amti si ya mindyujuni amashkuta tütüytila shinama tisibëy ee tibisi jeremias sëë tisewuja sinkutiw lachamatisha mammuy nish tëtütunaja mammuy abb abbaw abashtiw sëë tisawata kukkulë kukkulëyti sawatajti sëë lacha tachatatebej bëbëtijti bëbëtijti petche adyumala lëtëmëchi kalawitatij malajti lachaj kalawitati bobotijti dulnë mjm ya sëëja komunidad aa atij ati sëë tikomunidad tikasike imakkataj amti amti año tütüm naa mikomuniday ati tütüy ee kus nish imejmesh tëyle lachamatishaj kusuti tütinaja unos ati mi misewew mmj tütüjti lacha atij ee si tishilë aba abashtiw naja lëmmuy tëlëyupatajtiw naja tëlëyupataya eee tëtütüjtiw kalawitati le lëshie puynij kalawitati lëtta semanaj o kalawitatij idojmash ee tindyujucham lacha mi miwinanij dya ee sëë tütij eee shinama tütüy latisha samma kamalati tasibë amalatu dojo dojochij ati amalatuja aa tütütu naja tishilë bente año ee sëë tisewuj ee son sietettiw tilelu ti ti tishoja a anñu mantoyotuj lëshiew lachaj atititna nuebettiw tinñuj ati nuebettiwja latish mammuy abbaw mammuy abashtiw chamu naja tibontoj baliw naja is ee tilelew bentisikotuw naja tilelew tishilë atila kudyërërëjti lati dap tëyrübbaliw peshew peshew lay attay winanib chamuj entonsej atila limashudye matüti naja tilelew tëlëyupatawtij aam jere kisas bas a apagar el koso no grasias aaa tindyujucham mm lëtta akontesimiento importante eem puede ser emm un ee no se una reunion o una kaseria a algo algo importante e mi mi miwinaij dyaj ee ee mi mindyujunij shëlimashij bueno liwshulë ee latisha pënchimash ee tia tiattima l ati tikomunidad bëshëw ee tindyuju e mammuy bëshë año ati tabisiw ati mawinanija eee bëmë bëshëë tëylemashi lachaj amashkuta e tütüti ënnëtëjbëshëj kusuti buybuj amashkuta kalibatij tel talibatilaj ee dyitash nish ambottoto adyojla mambëniwti tabisiw tindyujucham lacha aaa lëtta akontesimiento importante dya eee atij baj tütütuja eej sëja sawatajti itta kummë kummëwlaj kummëtinaj sea en ati ma madulajti mesaw ati sillaw ee tüttatebew eee latisha eee wina ee ma madulajti lacha itta si ana sibbë ati eee tindyujutij mamankaya mamandulajti eee maitaw majumëw wayle waylesh mamalawti majinay ati imejmesh shudyush dukajtiw tabisiw masibëj entoses atijti tisawata latisha tij tindyërërëjti layla lati tinndëwiwti mankayajti kafesitoj latisha kundyete tandyërëya tëlëybalimaya tëlëj tëlëyupattumu lay tabisiwlaj tiwillulayla alla tisibëja ima imakkatashta naja sibbë shudyete achuta imakkatashta tisibë okey aaa asensio tindyujucham tëpshë dulajtimtimë tishilë tëpshë sawatajtimtilaj tëpshë dulajtim dyaj mindyujunij s l l lëshie sëë tisibëj shij shinamabëshëja tisibëja tësë ati eskuela shinama lati tishilëtisha eskuelabëla lachamatishaj amumi profesor sawatu naja itta tagobierno ka kasawatapshuj atta tisibë sëë tësë atchi tijukkulë lacha sëë manñesejti manñesi palantaw ati palantaw matataya kamambendeya karay atisha lati talichetij atilaj ee kukkuj atila tichata tisibë atebenij latisha lati katüti lacha kukkulëy la lachuta palantaw matüti lacha atij atijti sëë tisawataj tishilë yitalaj tindyujucham lacha tëpshë dulajtimtila mëë dya ee bueno ati ta tasibij litütüya tütüya ee limashudyejti lijashudyetijti tibashtij porke achu tëlibalimu naja tibontosej tiw malawitatij tilelew tëlëyupatawti limashudyew latisha attachij malij sawatajti lachaj itta tëlëwitatij ee attimaw tabisiwtinaj limajwanijti masibëchij kalawitati awijwë winanij chajti tindala porque eee tañuja o sea tayta tañuja itta taaa kansata abansa abansa mala naja kansa binta binta naja tatewewsej entonses atila eee enbej de itta awtoy wianiya lëmmuy mo itta titewew malajtilaj tëlëwitatij üüj kukkulëchij lijwanishtay tajukkulëj atchi wianiya witaya mudyërërëy winanijti tabisiw li bë mudyërërëya malaymimij abëssëtuj winanijti atijti tisawataj generalmente latisha tiboante na tibonto atat tëdelewbëshëwja bënuti dujnë lati dujnëtinaj tinkiawti chejti layla tasibij malawitati ajuyaw malawitati attimawja attay baliw winanijtiw lay lati entonses lati eee winaniwti limashudyejti lay tibontoj ti ti tiñabaw tilelew okey yitala tindyujucham lacha amchi sewew sewemtilaj sëë sewey nijta naja ati puesto tishilëj sammaja kamala amumuy attachi baliw naja mammuy ati tütüjbëshëw ee tindyujucham lacha amchi sewemtij sëja sewij eee üj an itta taterritorio lijantorotchij ati ati ati lugar atchi sewiyaj atchi amakkij nentay unos tres tres añotij dos añotij tishojtu tamme timemeshamuj sammala la lati tishoptuj titütüw titütuja entoses lati resien balitu latiji balitu latiji todo eso ati ati lugar tawinani tanñuma timemeshamuj tiwinani timemeshamuj entonses aora ee kuw¨wshëtëjtibëlë tishilë timemeshamaj nish iyepi titataj solamente titaytajti itoyij iyepij timemeja imejmesej entoses atila katütij e lëtta chiste kabliy nachimash ee atta an tabisiw mantantijula tijusu mandyujuniwtij ati tinñumashamaj e timemesahamaj awinanij tëtëj amashku imbëtëjtila shinamaj timemeshamaj latish titayta lachaj ka tijusu lacha mandyujunitij ee yitalaj tindyujucham lacha ammm amajajti mibashtij dyitaj midyujuniti dyosse ee tibashti imakkata asunta ati nish imeme nish itata chamaj lëtta apipij lëtta adyamaj winani tushilëj tindyujucham lacha amajajti mibashtila wilaj wilalajti shinamlaj tishilëtisha wilalila pëpitisha achuta tiwillajtilajla ti tibashtij atila tëlë kada kada kutütiya lijashudyë limatütüjti lay lëshejuta lati tëlëmlatij chajti së kalamlaja latij dyindyenti chajtij atila mammuy tabisi tabëjtaya amashku anu lishudye tütütip paa tutajti tammuy tabëjtaya taptu ati tütu tututupshuj aam amajajtiw mitata amaskuta imakkataw amchi winaniw tütüw kusu nijta yaj tütübëla tishilëtishaj kalapeshenaja mapakkaj nish idojdolë sawatajti naja nunujlë sawataya witaya litütü chajti naja asibëy timeme timemeshamaj atija e tuwi naja bëmë año naja tuwitishaj ... tindyujucham lacha amajanti amajti mitataw kusu nijtaj amchi tütüw ya timemerij titatashamaja aboj abontoy tuwij atijti titatashamaj nish iyepij, a los tres meses sewitij tuwi titatashama achu tindyujujti timeme timemeshama lachaj entonsej amashkuta tuwi titatashamaj abontoy bejtam shinam ta tishilëtisha tütübëla atij mammuy yurujarew ew achamaja dojochij eee puyni puyni bushuja lubujti tuwij tuwiya titatasamaj entose achu imbëtëja tuwiya achuta tindyujujti tiememeshamaj entonses atila ee mammuy tishilë ee sewebontu tabisiw lachu imbëtubël tishilë tatuwitay lanalëy tantütütishaj nish kalashojtomash taptusej yitalaj aaam amajajtiw paa mii mipaaw mi piiw amashkuta imakkataw amchi tütüw dyaj atijti tiyeew latisha tütu attimaw tibisiw lacha shunñew imakkataw atta tipaaw e lij limeyebëshëj mammuy ati tütüw mjm yitalaj tindyujucham lacha mij mi paaw mi piiw amachi tütüwtilaj yaj e titatashamaja sëja tindala lëtti titaytaja tiememshamaja lëbaja kuynano atta shunñej ati abbajshaj ee aber lëpshuj anñuj entonsej laj lëbushchaj ee tipiiw tibisishamaj sëë tëdechejbëshëw shu shu shuta seweja shuta shuñeja lachu atata entonses aa latishbachew lat apaaw imakkataw lachaj tibisiw entonses majwatij ti paaw no ma ma nish kalashojtomash alla lachu imbëtëw tibisiw yitalaj tindyujucham lacha aam pasewew amti isewebtilaj aaa dyoj sëë tisewew e sinkutiw ee lëshie shunññew latisha liwi yeew chama liwi mammuy a abashtiw abbaw chamu atiw nish tëtütüw tishilë sëë tisibëy attachi attachi sawataw dyitalaj tindyujucham lachaj mi latij lati bueno sëë tinñu tisewew eee sie seistiw sietettiw ee entonses sietettiw tisewew li liwi shunñew y latisha liwi liwi tëjñuj y lëpsha yeew chamuj atija tibontoja imakkata liwshabëshë latishaj ayee imakkata latisha kumala latisha attaja imakkata eee latisha eee sëë tinñuja shinama tibontoy dosettintuchi tinñuj lachamatisha nish kumpli tisewisikj.. atila lëmmuy e latishbachej tibashtij eee lituwiti tasewej lëtta doktoraja doktorja ospitalchi itta itacham kuybalimachab lëshiejchaj lachuta dulatuja latisha nish isewetu tishilëtishaj alla lati tajantoro yitalaj mmj ... amtiw milelew aaa ilelilaj ee tibonto asewuja lëshiew atta tishojaja asewuja lëshiew lëpshu atchij latisha atta anñuja liwiw atchi atikkachi sietettiw latisha atta tibonto lëtta ochottiw latisha seistiw katorsetiw mammuy tilelew yitalaj tindyujucham lacha amtiw milelew bueno ee tilelew ee bentisinkotiw tilelew latish tibisiw tilelewja aber liwu liwu naja despues de tishojaw la tishojujaj inñumuja latisha ma mashojuja inñumaw naja yosse achama aaa tishilë puyteshtij ëëë amaja amajajti mipëpëj sëë nish iyepij tipëpëshama amakkataj okey yitalaj amajajti mëë ee bueno ee amashkuta imakkata pareseke latish titejteshama imakkata titejteshama puyteshti lachaj tëtëj buybu ëë payle pandyërërëjtij sëë tisewejsha tëyle tindyërëjti ta tabuybula pënchij eskuelachi yupayja tëyle tëylemash tindyërërëjti latiji kastellanola lacham tishilë tindyërërëjti imejmesh tabuybula tibuybulaj mjm okey ama si lachuta lachamilachaj tisewejsha tëyle tabuybu yurujarej yurujaretuj latisha pënchi tëyle lacha kastellano entosej atij tayle tasewejshaj asi komo de nentay seis año siete año katütütij tayley katiji kastellano seis a siete pero ta tasewenñujsha puro tabuybujti tandyërërëjtij aa entonses ee liwshalë tandyërë tabuybuj latisha despues kastellano achamalaj otte mmj amakki pandyërërëjti kastellanola amakki pa payle pandyërërëjti tabuybula sëë tisewe kudyërërëjtij tibasjti tindyërërëjti tibashtitina kalawitatij bëshë kalinirijti lacha kastellanolaj lachamatishaj karay witatij kastellano kandyërërëjbëshë witaitij ati kudyërëtijti kastellanolaj mjm lachami eelacha igual teej ee tibashtitinaj ee tindyërëjtila tabuybulaj ee tilelew tëywiwiwtij tishojaw tëywiwiwtij ee tëtëj la kastellanolaj latishaj limudyërërëjtilayla yosse kastellanolaj lachamatisha mas tabuybulaj mudyërërëjtila sëë ee latisha mudyërëritisha tabuybulaj latiwja tëdyërërëjtiw tabuybula mjm alla tilëwitatij mudyojlotijti ënnësh achu timbëwtij tëlë tëlëwitatij mankiantajti itta mandamiento jm desir lati yupatapshu tisibiy tëdyërështu tabuybula mutajti e kastellanola pandyërështaya ottochab pujtachij mutij tishojuj tëlëymimëjtisej okey yitalaj mmj eee tishilë puyteshti lachaj amchij e ama komunidad ... aaa amchi tütüw shinama patataw chaparechij isiworochij amajti paa ... makomunidad shinamaj ana tindyujujti sëë titataj seweyaj latishaj malaja tütünij nish tëy le a a ama amakki tütütilaj latish yossej api la malaja abashtiti kuwitaja an limassëtutchij witaja abashtija lati tütü latiji lati tütü latiji tishilëkkachij timemeshamaj nish tëyle amchi sewetilaj mjm okey yitalaj tindyujucham lachaj si eee tipëpëshama tinñumashamaj tindyuju titatashamaj atchi winaniw shinamaj mabontoy latishbachej itta naa itta ati tayta ma ma ma mammuy naa mammuy tayurujrew yurujarew taptaw wiwiwti mammuy shinamaj kansatütütishaj lati alla ati tütüla shinama atij alla lati tütu timemeshamuj titatashamuj lati maylej ati yupatu eskuelchij ati yupatuja lati kuynantu shinama tinñumashamaj ee titatashamaj timemetinaj entonsej latishbachej lati tütüja eskuela pëlëtij baliw yosse pënchij mammuy ibalimaw latiji tanñumashamuj uj atta lëtta ani tütüj achu tawinanijti shinamaj tammeshamuj tatatashamuj entonses latishaj finalmente tin tin timemeshamaj atta shunñe kuynanija igual lachu kaynanijti latishaj amali latiji eskuelchij eskuelchij tisewey mjm yitalaj amm bëti tütüp paasej ee tëtëj buybuj mandyërërëjtij pandyërërëjtij tabuybulaj kastellanolaj tammuy ee dechetayaj tandyërërëjtila lëshie buybulaj tandyërërëjti tabuybulaj tandyërërëjti lacha kastellanolaj lachuta igual kudyërërëjti lacha tatataj tabuybula kastellanolaj lacham attimaw tabisiw tabuybujbëshëj tabuybu maylëjbëshëw mudyërërëtijtila ta tabuybulaj naa nish maylejbëshëw kastellano mandyërërëjbëshëw latila mandyërërëtijtij paaptatinaj ottej bc yitalaj tindyujucham lacha lachuta lachaj mas tindyërërëjtij tabuybulaj ee mammuy tinwiwiwtij latishaj yy tabuybujtila tandyërërëjtilaj aymëtuj, abëssëtuj malawitatij naa lijarayepshuj kastellanoj sëëj mudyërërëjti tabuybulaj pabisiwja aa aaa mandyërërëjti tabuybulaj kusu mas kastellanolaj mammuy tibisiw mandyërëjti sëë tabuybulaj mjm lachamatishaj karay ee kastellanola mudyërërëtij kudyërërëjtiw kastellanolaj okey tindyujucham lachaj si igual lachamu lachaj la mammuy mammuy mammuy maylela tabuybuj lachamatisha nish mandyërërëjtilaj ta tabuybulaj mas mandyërërëjti itta karay abuybulaj entonses atila alla lachu imbëtëw naja tishi masewew tishilëtishaj ee alla ee tajusu ee yosse ee mas mudyërërë mandyërërë mambëtuj imbëtëntutij tasewutinaj ani tabuybulaj aber tuwaja komo komo matatashku matata matatatuj ee dulativa ati atiij ee ati buy bu taita liwshulëj latishaj mandyujutiba latiji tachew tabisiw yitalaj puyteshti lachaj aa tishilë ëë paaja bakijtib atta komunidachi amchij malaj balijtib eee tëpshë lijwanijtip mm malajtilaj atta komunidadchij mali ibarechij mali todosanto nuebo mjm mali puesto kochabambachij mali biktoriachij misionchi galileachij santa elenachij kalawitati malajti elechij lëmmuy kalawita mudyërërështaya malaya malajtij yitalaj ee lachut lëdoj nish apasiajti naj sëë lëmmuy winaniy ee attachi tilawitatij tisawata kuchamashijti tijarpinteriay kalawitati alguientinwitatij kudyërërëj lati litütüjti naa lëmmuy tandyërërëtij lachu psajti naa titiempoj entonsej ee abeses ottojti layla itta pueblochij ati sinawata chinawata chimore latishaj muy poko malapasiajtiw naa tabisiw yitalaj tishilë ëë ëë tindyujuchap naa lëtta kuento aaa tëpshë bueno mas o menos algo achuta yo mindyujuni sëë lëtta ee kuentonñu ñuñujulë ana tindyuju shinama timemeshamaj lëttujuta winaniya samuja lëttëmëy ati winanija mabëjtaya mororo ashuyeyyey pitchiw mabanawja sestatawja ashilawtij kankukush mawwaja muñoleja malaya mubëssëni lachaj taya lashtaja malatij manwitatij atij pitchiwja imejmesh ibëbëwyaj lati abëssëntu kutawja setatawja mabanij ma majusuchij kabaliw machichi liwilataw chamuyaj pënchimash latija ati pitchiwja mabuybula mandyërërëja lichittashtatu naa mororoy ajarchij tawya latiji achaya nish tanwëshëtëchaj naa samuj kutawja tom... mü mü kutantu taperente lichittashtaya tawyaj lashtawja lachuta majusuchij kabliw kawilitaw kawinaniwja mammuy mümütawja maperente lichittawya ajarchij ati ati katoro ati katoro achuta tuwi achuta boboya ati samuj mjm yitalaj tindyujucham lacha lëtta lëtta kuento cha ama kuento pandyujushtijtërij bien pa mindyujuni lay ati samu ajuentoj tatejteshamuja bueno nish taylejtij kusutij ee kusuti ashiwwaw kuti lëmmuy chajti tatejteshamulaj ati mayta kuentoj jm jm a tëpshëjtilay kuento tabubylaj itta dya dya dyajuta dyajutapshëj ën ënnëtëj atija lëttujuta a anamayaj tappëshamuja baliw lëtëmëchij latchi baliwja bëjtuyaj samu tuwi bushutij latishbachej abonto kawinaniya naa pëpëshamaj ati abonto malaja kandyujuyaj tibontoj kutayaj bël to tuwi bushu an samuj ashanshuj kabliw kutayaj ashanshuj kubintaya kansiajtiw samuj latishbachej itta naa abontonñuja nish kanlelej amaja amaja bëjtaya ashanshu kubintutij achu kabliw an samuj kuta abonto pëpëshamaj latishbachej lijudyojloya abontoj ashanshuj kabliw mëtijsiraj kutayaj lachutaja kalamalaja wi wiwiy masibëchij latchi wiwiwja kandyjuy mammej atchi tiyu a ashanshuj yokkosh kablijtiw memej samu ashanshuj kubintayaj kutayaj kablijtiw tinñulaj kuatayaj alla ashanshu kubintutij apummëj jm jm jm winanijti samuj muta kutay latiji ana mabontoj latishbachej atta dii kalawshëj samuj ash ashtay abontoj memej tataj kalawshëm samuj apumitij ashanshuj kubintujtërij kutaya abontoj ameme atataj atijti ati akuentoj dyitakaj aa tishilë aa puyteshti naja aa daa tabuybuj ee mammuy tabisiw madyërërëjti kürüs kutaj aa amashkuta mandyërërëjti attima tabisiw ti tindyujuchap aaa atij dyolla lana sammala tüta chapare tütüjbëshëwja ëë man tan mandyërërëjtila kürüs kutaj mammuy elechi tütüjbëshëw peshu elechij lachamatisha naa attimaw tavisiw na atta sammalaj tütüjbëshëw isiworochij latiwja nunuj atelimash mandyërërëjtij amashkuta ti ti ti ti tindyujucham amashkuta ay ay aymëy yuwaja aymëtuj tatijti tuwa tandyërërëyaj mjm latija mandyërërëya ay aymëmë tajtiw mjm lachamatisha dyajuti kürüs latipshë mmj latisha attimawja tuwaja nish bati sëë tatijti lachaj latishaj atilla atchibëshëwja dyajuwtij nish nij bati sëë tajtiw lacha itta lajlajla kutajtijti tuwa atchibëshëwja pë përëjo kutajtiw lacha ati lajlajla mjm achuta atelimash atelimash madyërërëjtij madyërërëjtij atchibëshëw tabisiw mjm dyitalaj tindyujucham lacha amashkuta si lachuta awëshilachaj ma malawshëjti lachaj tabisiw lachamatishaj kürüs tabuybulaj ee mandyërërëjtilaj bëti naa itta tuwa yanore kutatijti petchej naa mata emejmesh naa yanore naa sürümsürümsü chamalë itta chamalëmash sip ijaja kululitasj ijajajti yanoresej bëm itta apüwaja chip chup ijajajtij ati naa emejmesh yanore yanore kutatijti tuwa latiwja yonore kutajtiwtij no miraj yanore kutatu tuwaj latiwja yonore kutajtiwtij aora latish naa mutchuj mmj motcho lagarto kutatijti lay tuwaj latiwja lajartu kutajtiw lachaj ay un poko de diferensia atij no pero ee nish tëyle ëshëchutaj achu achuta imbëtëlla ati mjmun pokito yabuyuj peroj igual nij nijtala diferensia kasi kalawshshëtijtila jm kürüs tishilë ëëm amashkuta mandyërërëjti sewebontuj aaa ateli mandyërërëjti kusu nijta sewebontu tishilë anibëshu sewebontuj mandyërërëmashiyaj ee madyërërëjti yitash nish nish ateli mandyërërëjtila maylejtiti ati buybula mandyërërëjtij nish dyajujti atelipshëj ee bë bëshu mandyërërëjtiw tammew tataw lachu mandyërërëjti laylaj lachutalaj lachuta mandyërërëjtij tindyujucham lachaj ya igual kürüs lachuta tandyërërë tuwa tuwashkuta mandyërërëjtila tabontuj sewebontuj latish naa atta tache tabisi kürüs mandyërërëjtilaj lachamutishaj malawita bëchu naa atij tishi kuymaluma ati buybuj ee digamos aaam bëchuta ñuñujulë kutatijti tuwasej atta buybu yossesej na nish nish bëmë ati buybuj ateli atelimash ajaya muy ñuntilënñuj por ejemplo ñuñujulë kutatijti tuwa ana ñuñujulë latiwja ñunkulë mjm ya, ñuñujulë kutatu tuwaj latiwja ñunkulë kutajtiwla la lanna tuwa lidyajututij naa bëshëë mjm ee shunñew yeew mandyërërëjtiw kürüs kuta kusu atelimash mandyërërëjtiw yeew shunñew eesh atelimash mandyërërëjtiwla yeew ateli kalaniriw lacha buybu mjm shunñewja ateli kutaj amashkuta mandyërërëjtij tij pay mëë amashkuta nish nish nish nish tëliba kuymalumi tishilë mjm kusuti nentay atishmashlaba okey ati tishi yeew yee yeew ma mandyuju aja yeew shunñew aa kürüs mandyërërëjtij shunñetina kürüs kusu atelimash mandyërërëjtij ateli mandyërërëjtiw la yeew por ejemplo tuwaja cha tatijtitij no be shunñetuj latiwja ürrüj tajtiwsej oo amashkuta nish achajti dhunñesej no amashkutayej tajti yeew tuwaja ooo eee atta buybu dyajutijtisej por desir aber itta itta por ejemplo dyajuta kalawshëy buybuj ashtatijti tuwaj atij katütüj usajti laylaj buybu atij pero achamatishaj usakka ma malawitatij ushajti ana ana buybuj ürrüj tajtisej osea o komo desir atension en kastellanoj noj mjm entonses ati tütüla mucha diferensia ay dyitalaj aa tindyujuchap aa puede desir algo mas porke dise ke es esa palabra ke es mucha mucha diferfensia ay si reforsalosi porsupuesto aa por desir digamos aber ee por ejemplo ee ay atta buybuj pandyujunij eem entre entre las mujeres se di tajtiw en aber aber ay otro buybu mas kisas awrita eem aber la palabra yo usamos tammuy yoj noj yitalaj yitalaj pero entonsej ay komo desir ay este eem ee bueno kasi no puedo pero ay ay diferensias mjm mjm ati ati kalanirishtatu layla ee lana buybuj ee ana ana ashnumajsha mandyujushtatulla buybuj mjm ati ottishtay bëmë buybuj ee kalawshishtatuj mindyujni lëtta yoj tindyujumajere ee tuwa shunñetuj wita tatijti taaptaj talayapataya bëjtayaj mjm yeewja bëjtaya mañeme yankala atta shunñej witayee tajtiw mandyërërëyaj jm atijti achuta mandyërërëjti yee aa otte aaa aaa aber ay awrita me akorde mjm ati buybuj por ejemplo disen asaj nobej ese buybu assaj noj komo desir shunñej badesir komo diria shunñej lëtta shunñej ja no boy a poder desir ja achuta noj o tambien okupa lamujer pero generalmente usa asaj mjm asaj amashku achu kandyërërëatij tajtiti mmj asaj no ej una palabra asaj amashku achu kandyërërëatij noj mjm okey dyitalaj ëë liwshalë tindyuju ee isiworoshbëshë chapareshbëshëw aa puede puede tindyujuni mas masamashkuta atelimash mandyërërëjtitilaj por ejemplo bueno, tindyujum amashkuta dyajujtiwtilaj petchew dujnë itta kusu turruj atij anchij lanchibëla tuwa chaparelbëshëtuj matatuma naa turru wenchew lagartuj madyodyojbëshëw mjm yolmlelew mutatijti tuwaj la isiworochi bëshëw tabisiwja torotow kutajtiw mmj a la atij matata turru dyitalaj ama tal bes achama si ee ati tabisiw malawshëya ashmutatitijti üshüj üshush mandyërërë ati tabisiw les desimos o sea no e tuwa tabuybuj e en un sentidoj tuwaja cham emejmesh tandyërërëjtitij latiw matantijula malawhënitij latisha latiwja talawshëjtiw lay tuwa ke latiw mabubyuj emejmewlaj tuwaja üshüshüsh tandyërërëjtitij a achu kuybalimajtiwtij ambos no pero en si ee kürüs lëtta kalawshëtijtilaj kandyërërëtij tepshë dyajulla mjm dyitalaj sewenñuja mayle madyërërëjti tabuybulaj aa kusu nish mayle amashkuta madyërërëjtij mas a yo to mala kusu kastellanolaj tishilë tishilë mammuy sewebontu ma masewij mandyërërëjtila kastellanolaj nish mayle mandyërërëjti tabuybulja nish nish malawëshi sëë mandyërërëtij tabuybulaj kalawitatij mandyërërëmashijti lachamatisha maj mandyërërëjti kastellanolaj mjm lachamatisha en entiende en ee mayle kalaushëjtiw tabuybuj kusu nijta kalawëshëjtiwla peshew peshew awëshëjtiwla mjm mamme mudyërërëtij amchi batam mutatij apepchibatishtayaj atchi batij tajtiw adyumachij tajtiw mjm yitalaj tindyujcham lacha amashku mayle mandyërërëjti sewenñuj nish bueno e mammuy ta talelew nish mayle naja kaj itta tabuybuj lachamatisha mammuy naa ñuñujmanñuj mandyujumahstij awëshëwëyaj maylejtilla lëtta tilelele katütij ee nish kaylelaj nish kayleshijti tabuybuj lachamatisha tu achay achay kaylechaj tabuybu kutayaj idyajudyatijtitij la amala naja ana nish kaylej tabuybusej kutatij tishilëjti talaymimnëjtitij naa kalawshëtaj kalawshë ta ta ta talawshë naa li latisha atchi kalabituj kututij tishilëjti pubati layla tajtiti kastellanolaj mjm atila tayle bajalla ke kanyupapa atulujtay ati itta buybuj ese es una ej lijashudyetula tishilë tabuybulja achuta kandyërërëtij mjm aam tindyujucham lacha aa naa tabisi kandyërërëtij mmj paylejti ama komunidajsha amalallaj ama sammajsha amalallaj puede puedes ouedes aa mm rekonoser tuwa la chaparelbëshëtu tammuy iyepetatulaj mmj jere atila taylejtila ama ama komunidajsha amalatilaj nish talayupatajti naa attima adyumashbëshuj atta atta sammajshabëshuj atta atta sammajshabëshuja kalawitatij witamashijtij lachamatisha mannepetijti tishilëj mjm aaa amashkuta amashkuta ey atta atta malawitatij attimawja amalujchaj wiwijtiw tasibëshi talayupatajtiwtij peshewja talashojtojtiwtij nish majusujti tabëjtaniwtij willëjshaj lëmmuy tajwa balitiwsej attimaw malawitatij mudyërërëntajtiwlasej entonsej ati mannepetijtilay nish nish talewtina dyitalaj paja aa tishilë tindyujchap paja aa amasha ama tabuybuj mmj kandyërërëjtij ee kandyërërëjtij korektamente amashkuta amashkuta kuymalumappa aa amakki tabuybuj aam puro podemos desir puedep ee tindyujumiptij kusu nijta kuymalumi sëë lëshie lëshie buybujchaj por lanchibëshë tuwa chapareshbëshëtuj ati naa isiworoshtinaj kürüs dyitatila buybuj jeremias mjm lachuta mandyërërëtilaj masewekkajshaj lachuta madyërërëjtiw atiw tuwa lachuta tandyërërëjti ani la cha tuwaj lacha tuwaj atila teyita sëë ati buybuj nish nish tëënnëtëj okey tindyujucham lacha amashkuta lo mismo at bueno lati tabisiw yy haber amashkuta naja buybuj ama amashinaja mëja aa amashkuta kuymalumap paa paa tabubyulaj kürüs ...naa itta kandyërërë amajajtij ee berdaderoj yita yita yitalë tabuybujyita yitalaj yitalë tabuybuj mjm e buenoj nentay lëshiejcha yitalaj porke en una nish amti naa buybuj ateli dyajujtiw lay atiwsej entonses kürüs ee nobenta y sinko por siento ee kürüs tandyërërëlaj komo sinko por siento ee atelimash malawshëtijti tabisiw mjm okey aa payle paa aa kusu tütütila atta buybuj kuentotebej kusutij aaa nentay shamawtij amashkuta mandyërërëjtitila tappëshamaw tamememshamaw tütüjti atta buybuj dyaj kusu nijta ee nijtaya atta buybu jere lachamatishaj tamme tammeshamawja o timemeshamaja tindyujujti sëë ee lëtta tuwi tuwiya mjm tuwutij ashi tuwitij ashinojsheja winanijtiyaj kalawitatij tuwashkuta kandyërërëjti kandyërërëjtiy ati shinojshe kutajtiw atij ta tejte tammeshamaj ati tuwipshëj ashinojshej winanij kala tajtiwtij kalashojtojtiw lacha mjm okey yitalaj tindyujucham lacha tütütila atta buybuj kusu nijtatilaj si lachu lachu lachu anërijtiwla tatejteshamuj tammeshamuj itta kalawitatij kalawshëjtiwlaj buybuj ishëwij kalawitati kandyërër amala chajtila numma mj latisha na ee algo alguien witishtatij atij kalacha itta bechu bëshu tuwista itta tishilmashsej achutuwishtayaj ayta ashinojsheja iwitumajtiya sibbëy sibbëy kandyërërë porke achama shinama tibisishama tuwishtaja faltando tres mese tres mese li liwi shuwij lana tuwi tuwinishitij yy mi tibashtija kalawshëya as tibisishama emejmesh lachuta kandyërërë amalayaj tibisi latishbachej lati tiwëshij amala taja ottoj lijwaya tibashtij nijtaya emejmesh lati abuybuj latisha uwalchi amalija witij tindyuju tibashtij achu ani kalawshi mi paa nish nish nijtatishaj kalawshi latij kandyërërë amalalaj tëtatij mjm latish lachuta awëshëtij awëshëtë dyajututij a los liwishuwitij kamla latij samma tuwisej jm mj paja paylejti paa amashkuta shilataj wëwëti abuybuj sëë nish tëyle jere ati wëwëti shilataj lachamatisha lëmmuy tindyujujtila timeme amash ëshë awëwëjtitila lëjlënishitilaj mmj mabisishama bëjtaya mateshemujuy limtaya amumu atij mabisishama kuwëshëtaya awëwëjtiwya tëtajti timemeshamaj atijti wëwëtij lachama naa shilata nish mabëjti lacha sëë lachamatisha tindyujujtilaj lacha timemeshama lacha pëpëshamuja matatawshamuja mayaru maenseya machetinaj pënchimash mabani sestataya ashilajtiwya aa mmj amaja mammuy mayle dulajtiw wëwëtij kusu tappëshamasjti dulajtiw ati nish tëyle lachamatisha e tindyujujtila timemesha naa kusutij yeejtiwja awëwëjtiwya mjm kusutij, nish imejmesh tëylej lachamatisha mabisiw matatashamaj mammeshamaj mappëshama ati bëjtaya mateshemujuy kuwëshëtaya adyindyiya awëwë litütüjtiyaj mjm naa shinamaj ottej pero dulajtiw wëwëtij otte tindyujucham lachaj si lachuta tindyuju lachaj achay atijti kalawshë buybuj mmj ee tatejteshamaj ee shëndye shëndye dojojoja awëwëjtissej nish awëwëjti seweshoja shendye idojo kutajtiti ee ketenga kuarenta año, sinkuenta año ke son para alla naa asianitoj latishaj ee naa sobre shilata ee dyajujtiw layla pëpëshamuj tandyujujtiw lay shinamaj achu ashillajti lay shinama pëpëshamuja ee algo lijashudyeyaj komo tipo baylataj ë baylatajti atta shilataj atta mjm entonces ee aora tichichi liwilitaya pandyujuni naa itta ee wëwëtij ati wëwëtija en ee mandyërërëjtiti li lipupujti buybuj nish dyajujtiw amumuy buybuj alla ee kalawshëya wëwëtij nish nish mëyle kalawshështamtij tëtëj buybu dyajulla lachamatisha naa ayta asonidonñuja aeko aeko adulapshë wëwë awëwëpshë biejita naa tejtenñu atij idyindyetejtij ishojto ishojtojtisej idyulujtajti ati wëwëtij kalawshëtij mannomenajtilla mai ita majuymalumata mashinojshej ee naa amumi naa ësh awëwëlla jm mj okey mmj tïshëlëj mmj tabisiw mandyërërëyaj ee mayle mandyërërëjtiya solo tabuybulaj kusu mesklajtiw kastellanola pesehew tütulaj imejmesh madyërërëpshë tabuybula tabuybujtila madyërërëjtila tütu lacha attima tabisiw mandyërërëjtila nunujulë tabuybulaj yosse karay abuybul mandyërërë achuta matütüjtiw mjm paaja aa kuymalumajti mas tabuybula kusu kastellanola sëë tindyërërë tabuybula tijusjti sëë imejmesh tidyërërëniti tabuybulaj mjm karay abuybula tindyërërëti tijusujtilla latijtilla dyajunitij o sea kürüs payle kuymalumajtip tabuybula kastellanotinaj ee nish nish nish tishi tishi tishilëjtijala tannotojtila buybu itta kastellanolaj mjm nish tabuybutilaj mjm kuybalimatijti liwshëla ta ta tabuybulaj tauybulaj amashtatila atij atila nish idojdol nish imejmesh konsono tabuybushkutaj tandyërërëjti kastellanolaj mjm tindyujucham lachaj lachamaj lëshiejchaj tindyërërëjti sëëlaj lachamatishaj nish imejmesh dyajutijtilla lëshie buybujchaj bëm alla kayletij emejmesh kastellano kaylepshëja cham nish kul dulajti abuybuj itta kandyërëjti kastellanolaj karay abuybulaj latish lachu igualito lachama lay tabuybulaj la la lijurata dayjuya nish importajte yankala dyajutish tabybu igual kalawshëtijtila pero ee lëshiejchaj tindyërërëjtilla tibuybuj a naa mjm okey yitaj entonses ... ee tengo unomas amaj amm mëja tütüjti o amaj tütüjti mëj mëtinaj ëë misibëy se entiende komo komo ama kien bibe kon usted amashi en su kasa esta tilele tilelew tëtütüw aa aja tilelew kon mis nietos aaa si tilelew atiw tëtütüw latisha tishoja tinwiwijtiwla attajshaj tëlëyupatajtiw litëtütüjtila una semanaj oo tre dos meses despues mala atta ma masibëshij mabawtinaj kom su ma ëë mëja mjm .. sëë sëë tëlëyupatajtiw lacha tisewew tilëyupataya tëtütüjtiw kalawitatij lëpsha puyni kutaj latisha tilelewja tëlëyupataya tëtütüjtiw lacha bëmë puynij lachamatishaj nish tütüjtiw willëj balijtiw lacha masibëchij lati baliwtij lëshielë limatütütijti tibashtitinaj ati yitalaj mjm entonses bien bamos a kortar y empesar otro para no alargarlo mucho no ya aber
• Interlinear Glossed Text • Utterance view