Text view

YUC-TXT-CO-00000-12

Recording date2015
Speaker age38
Speaker sexf
Text genreprocedural
Extended corpusno
Javascript seems to be turned off, or there was a communication error. Turn on Javascript for more display options.
le je'ela' k'as talam u tsoololil bey u ma' jach ya'ab in woojeli' esten ti'al u beenta'al le jaanal pixan ku ya'ala'alo', e chen kʔuchuk u u meesil u wináalil novieembre ku ya'ala'alo', te'ej yáax k'iin, deesde treinta y un ku káajal ti' oktuubreo' le je'elo' ku ya'ala'ale' ti'al mejen paalal treinta y uno yéetel diia primero. u ti'al mejen paalal ku beenta'al le e.. le waajo'. chen ba'axe' ma' yáax esten... to'obil waaj ku beeta'ali', yáax chen de kaaldo wa esten... kaax ku kíinsa'ale' ku beeta'al túun le e... o'och de esten yaan un k'aabo' le je'ela' ku beeta'al beyo' tumeen pues le mejen paalalo'obo' ku jaantiko'ob esten sopaa, ku jaantiko'ob le... ba'alo'ob ku ts'áabal ichil kex chen jun chan xéet' k'úum, u chan xéetʔ jaʔas leetiʔ e ku tsʔáabal ich oʔochoʔ chen leeti' ku jaantiko'ob, le waajo' ku beeta'al xan de mejen mejentak ma nuuktak u beenta'ali'. ba'ax túun ken a ts'áaj te'ej esten le... tu kúuchilo' te'ej te'ej meesao' wa te'ej kúuchil tu'ux ken a a yáax beente le ets'kúunsajo', yaan a ts'áaik sujuy nook' saki' ee.. u.. le ken a to'il le waajo' láayli' xan k'áabéet sujuye' yóok'sal mix jump'íit u k'ebanil yaan, yaan a ts'áaik esten chocolaatée, ch'ujuk waaj, waaj, yéetel jumpʔéel chan taasaʔ e e kiʔiwajoʔ baʔaxeʔ chen u bakʔel mejen suaavetak ken a ts'áao', yóok'sal u béeytal u jaantik teʔej jool túunoʔ yaan a jóokʔsik túunxan jumpʔéel taasa e e kiʔiwaj ta beetaj de kʔaaboʔ ti'al le ku ya'ala'al esten le muerteo' wa le máax bey u yet taal le le chan paalo' tumeen ku ya'ala'ale' yaan ku taas... taasbil u meenta'alo'ob taasbil u beeta'alo'ob ka béeychajak u jaanalo'ob, yóok'sal túun u cha'abal u jaanale' yaan a ts'áaik te'ej joolo' ba¿alo'ob de baak, je'ex le pool, xaaw, esten, jump'éel xéet' le bobox tu'ux yaan le baako', kaal leeti' ken a ts'áaj ti' le taasa te'ej joolo' yóok'sal táan u báaxtik le baak le e... le muerte bey le máax taal yéetel le chan paalo', pues leeti'e'e yaan u béeytal u jaanal ma'alob. tumeen wa maʔatáan a tsʔáaikeʔ leetiʔeʔe yaan u toʔokol u yoʔoch tumeen e máax taas beyoʔ leeti'e'e ma'atáan u jaanal. le u payalchi'ilo', pues ku k'u'unul ti' esten le... ko'olebil maariao'. tu xéeetʔ túun e e payalchiʔoʔ tiʔ ku aʔalbil u kʔaabaʔ e chan paal kimen techoʔ yóok'sal u béeytal u náats'al u jaante leeti'. teʔej kʔiin jeʔeloʔ láayliʔ xan u béeytal u yaʔalaʔal wa yaan u láakʔ u láakʔoʔob wa yaan máax bey u láakʔkimenoʔ je'el u béeytal xan u cha'achi'ita'alo'obe' yóok'sal xan u náats'lo'ob u jaanto'ob le ki'iwajo' le chen ts'o'kok túun u beeta'al le bey yáax de k'aab le ki'iwaj ku beenta'ala', ku máan túun esten le ocho diias wa ich maayáa... tak u e aja e biix ku yaʔalaʔaloʔ te'ej je'el túuna' ti' túun kun beetbil le waajo'ob de to'obilo' wa le taamali' ku ya'ala'alo', ti' kun beentbil túuni' teʔel biix túunaʔ pues ya ku kíinsaʔal le kaaxoʔoboʔ u béeytal u tsʔáabal xan u bakʔeʔl kʔéeʔeneʔ tumeen le je'ela' pues yan ma' chen de kaaldoi', chen ba'axe' wa u ti'al le mejen paalalo'obo' pues láayli' ma' páap xan kun bentbile' je'ex le kaaldo ku beeta'al ti'leetio'obo', le de k'aab le ki'iwajo' ma', ma' páap u beenta'ali'. chen de chan salam, chen kaasi bey je'ex u ya'ala'al u yoʔoch kʔojaʔan maʔatáana tsʔaaik u xaʔakʔ jach yaʔab le te'el biix túuno' le biixo' ku beeta'al xan ti' mejen paalal yéetel ku beeta'al xan ti' nukuch chen baʔaxeʔ e jeʔelaʔ e tiʔ e mejen paalaloʔ yaan a jóokʔsik apartée táanxelkúunsbil ken a beente, ka táanxelkúunsik le te'e nukuch máako'obo' wa jump'éelili' ken a meente le waaj beyo', te'ej mejen paalal túuno' ku beenta'ale' láayli' xan beyo', yaan u meenta'al jump'éel nuxi' táamal nojoch tu'ux kun ts'áabil baako'ob tu áakal le kun ts'áabil te'ej muerte te'ej joolo'. te'ej mejen paalalo' pues láayi' xan te'ej ichilo', chen ba'axe' le te'ej biixo' ku meeta'al túun esten... te'ek táasche'o' de óoxyáal, de óox yáal ken a beetil, tumeen yaan u ts'ook bey le e... le jaanal pixan ka beetik bey ti' leeti'o'obo'. te'ej yáax taaxo' ti' ken a ts'áaj le jump'íit le... esten le... ki'iwaj de kaaldo' jump'íit yéetel yaan a ts'áaik le ch'ujko'ob xano' tumeen le mejen paalalo'obo' pues ku jaantiko'ob ch'ujuk, je'ex u ch'ujukil le iis, ja'as, k'úum, tu láakal ba'alo'ob bey a woojel ku beeta'alo' yéetel le e... ba'alo'ob ku yaantal ich koolo', tu láakal le ch'ujuko'ob je'elo' leeti' ku beenta'ale? leeti' ku ts'áabali', je'el puut, ku ts'áabal xan xchiináaj bueeno, te'elo' ku ts'áabal xan le ch'ujuk waaj ku ma'analao', le pan ku ya'ala'alo' ku ts'áabal xan te'ej mejen paalalo'obo'. yéetel le u chokwa'ilo', le chocolaate'. ku ts'áabali', yéetel kaafe', u gaayetail ku ts'áabal túun xan le ki'ibo'obo'. chen ba'axe' esten, bey biixo' ku ts'áabal kib de koloores ti' le mejen paalalo'obo', ti' le nukuch máako'obo' box kib. wa chen sak kib je'el u béeytal xan a tumeen u ti'al mejen paalal tumeen le box kibo'obo', maas jach u ti'al le nukuch le kibo' ku ts'áabal tumeen yéetel ken u siisilkúunsej u beelo'ob chen xi'ik'ob te'ej áak'abilo' le beetik ku ts'áabal le kibobo'obo'. le chen ts'o'okok túun le payalchi', ku t'o'oxol le ba'alo'ob ts'áab te'ej e... le táasche'o'ob beeta'abo', tu yaak'abile' le kibo'ob láaj, tʔaʔab t'a'ab te'ej úuchik u yúuchul le payalchi'o'o yaan a jóok'sik a t'ab tu jool yaan a beetik bey jump'éel chan beje'. tumeen beyo' táan a sáasilkúunsik bin u beel le pixano'. yaan túun xan a... cha'aik ya'abkach loolo'ob, lool ki'iboktako'obo', ya'abe' ka láaj pʔelik láaj u mejen leʔ ken a jóokʔs beyoʔ ka t'óot'ik te'ej bejo', leeti' ken a láaj t'o'ot' te'ej bej tu'ux ken a t'ablaante le kiibo', le je'ela' je'el u béeytal a beetik, je'el tu yoorail taan le payalchi'o', wa ta'aytak le payalchi'o' ka láaj t'o'ot'il le loolo'obo' ti' ku p'áatali'. tak chen a t'abláante le kibo'obo' tu áak'abilo', ti' ku p'áatal le e je'elo' tu juunal kun bin u u bisa'al tumeen le iik'o', ti' ku p'áatali', ma'atáan a molik xan, despuees, ti' ku páatali', tu juunal kun bin u sa'atla'ajal. le ch... le kibo' pues yaan a cha'a'ik u láaj ja'abali' ma'atáan xan a bin a tupej, ka láaj ma', k'abéet u láaj jáabal le kib yóok'ol le tuunich tu'ux ta t'abo' le biixa' ku beeta'al tumeen ku ya'ala'ale' esten pues le piimo' ee... yaan u bisiko'ob bin, yaan u bisiko'ob u jaanto'ob. pues te'ej bejo' ma'atáan u wéekel ti' leeti'o'ob. le beetike' ku ya'alale' ku beeta'al bey de esten... de táamali'lo' wa to'obil waaj yóok'sal u béeytal u bisiko'ob. tumeen je'ex le de kaaldo' pues ma'atáan u béeytal u bisiko'ob je'el u wéekel ti'o'ob te'ej ma'atáan u líik'siko'ob bey tak ti' u máan u láak' le tak ti' u kúchul u láak' u k'iinil le jaanal pixano', u ja'abl, u ja'abil le u láak le jaanal pixao'.
• Waveform view • Interlinear Glossed Text • Utterance view