Waveform view

2010ERGstoryYWA02

Recording date	2010-03-12
Speaker age	50
Speaker sex	f
Text genre	stimulus retelling
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

nyampuju puku kurdu-pardu-kurlu kurdu-pardu ka nyinami marnangka watiya-wana swing-swing kuja ka karrimi maliki-wita-kurlu watiya-wiri ka karrimi ngula ka swing-swing karrimi kurdu-pardu karnta ka karrimi maliki-kirli ngula ka kuuku yanirni kurdu-jarra kapala manyu-karrimi swing-swingi-rla watiya-wiri-wana maliki ka karrimi wurnturru kuukurlu ka mani maliki wita ngula ka kanyirra malikiji kuukurlu wurnturrulku watiya-wana kuja ka kuukurlu kanyi maliki wita purlami kalu kurdu-kurdu mani wiri-jarlu ngati-nyanu karrinjarla watiya-wana maliki pina kangkarni nganimpa nyangu kuukuju kalu wajil-pinyi kurdu-kurdurlu pirdangirli wanarlu kuja-jana jurnta kangu maliki wita kuukuju ka mungangkaju ngunami watiya-wana maliki wita yirrarnu watiyarla yarti witangka watiyarla ngula ka ngunami malikiji kuja ka kuuku warnpa ngunamirra kuja-purda kurdu jinta ka yanirni karnta mani ka pulyangu-juku malikiji yarti-jangka maninjarla pina kangu nyanungu-palangu-jarra-kurra jaji-nyanu-kurra manu ngati-nyanu-kurra malikiji ngula-juku yuwayi nyampuju wirlinyi-kirli kanta-kurlu puku yapa-patulu yanu wirlinyi kanta-kupurda kurdu jinta wirriyarlu yirrarnu-nyanu leta kankalarra-karirli watiya-kurra yungu manu pajirni kanta kurdu wirriyaju wantija yaarlpa-rla wantija maliki-rlanguku malikiji katurnu letangkuju yalyu-kurra wiyarrpa murru-murru ka julyurr-pinyi ngula ka maliki nguna yalyu-kurlu kurdu jinta-karilki ka yani watiya-kurra yungu nganta kanta pajirni yuwayi ngula-jangka yungu nganta wirriyaju warrkakarla watiyarla kantaku pajinjaku well wirnpangku rdaka luwarnu yuwayi wirriya kurduju rdaka murru-murru-jarrija wirnpa-jangka yalyu-kurra luwarnu jinta-kari-lki nganta ka karrimi watiya-wana yangka-wana-juku kantaku purda yungu nganta kanta pajirni well warnangu yalkurnu pirdangirli-wanarlu wirriya jinta-kariji murnma-juku kantaku murru-munju kamparru-warnu kapala ngunami maliki yalyu-kurluju murru-murru-jarrija manu wirriya jinta-kari wirnpa-jangka murru-murru nyinami kapala kurdu jinta-kari yulami murru-murru warna-jangka kuja warnangu yalkurnu wirliya kurduju ka juwiny-pinyi murru-murru maliki-witarla yanurnu malikirli ka jampirni murru-murru kalu nyina maliki wirriya-jarra kurdu-jarra ngula-jangka karntalku yanurnu watiya-kurlu yungu-nganta pajirni kanta karntakujurla yaarl-wantija kata-kurra-juku kantaju ngula murru-murruju wantija puntuny puntunypardija katangka murru-kurrulku ka ngunami maliki wirriya mankurrpa an karnta jinta murrumurru wati kalu juwinypinyi ngula puru ngapayanurnu ngapangu kajana yalirni wajili kalu parnkami lani ngapa-kujaku kaa-kurra kurdu-kurduju panu-jukulu warrkarnu motokayi-witarla witangka karnta manu wirriya-patu manu maliki ngulalu pina yanu motokayi wita jurnta-jana rduuly-pardija taya kurdu-kurdukuju panturnu tayaju murlukurnparlu rdilykingki ngula kipilypa-jarrija tayaju wirriya jintangu jinta-kari taya wilypi-manu ngula ka ngurrju-mani nyinanjarla watiya wiringka mungangka kurdu-kurduju nyinami kalu warlu-wana jirrama-kari kapala kurdu-jarra ngunami ngula-juku nyampuju puku wirliyi-kirli puluku-kurlu ngula karna readi-mani wati manu karnta-pala yanu wirlinyi kurdu-kurlu puluku-kupurda wirlinyi puluku luwarnu kirda-nyanurluju kurdu ka parnkamirni karnta ka yanirni watiya-kurlu nyanjaku pulukuku puluku manu nantuwu kapala ngunami nyurnu-jarra kuja-palangu luwarnu watingki purlami kapala ngati-nyanu manu kurdu nantuwuju ka ngunami murru-murru waya-jangka yalyu-kurra manu karntangku pulukuju sorry nantuwuju kuja ka murru-murru ngunami yalyu-kurlu kurdungu karla jurnta kankarlu manu yarti ngula karla jaji-nyanurlu puntarni watiyaju karrimilki ka nantuwuju murru-murru-jangkaju wati karnta manu kurdu karrimi kalu puluku-wana kuja puluku luwarnu watingki pulukuju kalu kanyilki yirrarnulu kaa-witangka yaltirrirla wati karnta manu kurdu yani kalu ngurra-kurra puluku-kurlu wardinyi ngulalurla rdipija car-kari jinta-kariki watiya-wiri ngalkurnu murru-murru ka nyinami wantinjarnu wirriya jinta-kariji wati ka karrimi manu kurdu jitija puluku-kurlu kujalu yanu pina wirlinyi-jangka nyangu-jana wantija-warnu kankarlu-mani kapala kalinjarlu kurdu-kurlurlu watiyaju kaa jinta-kari-kijaku kuja wantija kamparru kalinja wirlinyi-jangka kurdu-kurlu kujalu puluku luwarnu ngulangu kapala pina kanyi car jinta-kariji kuja wantija yaarl-pala wantija watiya wilily-kanyi ka pina ngurra-kurra murru-murru ngula-juku

Edit utterance

Text view • Interlinear Glossed Text • Utterance view • Help