Text view

084

Recording date1998-10-20
Speaker age70
Speaker sexf
Text genrepersonal narrative
Extended corpusyes
Javascript seems to be turned off, or there was a communication error. Turn on Javascript for more display options.
1.1 Aa , askul naur sees , ata tae apitlak ntau ipi skul mau apitlak ntau ipi siks . § 084-002 Go wik ilakor skei ko inru . Ale nlag iwat , ale umai pak naur esa . § 084-003 Ale askul esa , 1964 go apak Ep̃agtwei . § ( NT ) IDS ... 1.4 ( DW ) aa , IDS ore , tkal 1968 . § 084-005 Ale kaipe mai to esum̃ . § 084-006 ( NT ) To esum̃ to , me ag kuweswes 1968 ? 1.7 084-007 ( DW ) 68 , 69 , sixtynine go apan stat weswes Hotel Lagon . § 084-008 ( NT ) Kutap weswes haoskel mau ? 1.9 084-009 ( DW ) Aweswes haoskel tete mal , me apei weswes Hotel Lagon , 69 , 70 , 71 , 72 , go apan weswes Nume , apan pi haoskel Nume . **** § 084-010 1973 go amer ler mai ... ... ( NT ) Me iku kin kupan pak Nume ? 1.12 084-012 ( DW ) Itik ato weswes hotel ale ipitlak masta iskei , natam̃ol iskei imai tli na imuur teweswes sanpe . Ale apan ga weswes . § 084-013 Ale aweswes tkal 73 go amuur kamai go amer ler mai , pak esa . § 084-014 ( NT ) Me ag kuskul franis ? Itiik . 1.15 084-015 ( DW ) Itiik me apan go apo kraksok franis . § 084-016 ( NT ) Go ipi nawesien mailum ni Hotel Lagon , ko nawesien p̃ur ? 1.17 084-017 ( DW ) Aweswes ne taos na , malpei nen apan stat weswes , aweswes londri . § 084-018 Aweswes londri atlag ilakor inru , ale amai pi wetres . Tkal 1972 ... ... ( NT ) Me ipi nawesien wi ? 1.20 084-020 ( DW ) Ore ipi nawesien wi . Nlaken malpei franis man kin ionki Hotel Lagon , ga ipaakot wi . § 084-021 ( NT ) Me mees ? 1.22 084-022 ( DW ) Mees nawesien itop mane isees . § 084-023 ( NT ) ... Ore ( DW ) ... A . a ( ... NT ) Kuweswes Nume , kumer ler Hotel Lagon ? 1.24 084-024 ( DW ) Ore , amai mer pan weswes Hotel Lagon . § 084-025 Itiik ana Nume mai , amai to esa . Ale apan weswes restoran iskei , Pandanus . **** § 084-026 Pandanus restoran , aweswes wes mal sees , ale § 084-027 amer ler pan mai pak esum̃ , ale kafo mer ler pak Lagon . Mer ler pan weswes Hotel Lagon § 084-028 Amer pan pi wetres . Amer pan , pak Hotel Lagon 1974 , tkal 75 . § 084-029 Ore amai , amer weswes Hotel Lagon tkal 1975 , ale apitlak teesa nen tu . Timothy . § 084-030 Ale aweswes pan atkali kin 74 , 75 , apan na aslati ale amai to esum̃ . 1.31 ... ( lekor NT ) wes Me ag esum̃ kuta lak ... mau ( ? ... DW ( NT ) ) Me Itiik nlaken iku ... ? **** § 084-032 ( DW ) Iteflan m̃as ... ... ( NT ) Go Pandanus ? 1.34 084-034 ( DW ) Aweswes Pandanus mal sees , ale nlaken manijmen knen itawi mau . Go ip̃on , ale amer ler pak Hotel Lagon pa . § 084-035 Ale aweswes tkal 1975 , ale amai to esum̃ to pan , ale amer pan ni Maxim Carlot pi haoskel , esum̃ ga . aa § 084-036 Ntau iskei ale amer pak , e ato ni Maxim Carlot weswes , ale rumer , § 084-037 sista neu iskei imai , itili na , natam̃ol iskei imer muur haoskel franis man , Tasrik . Ale amer pan , aweswes ntau itol . § 084-038 Apan ni natam̃ol nen weswes ntau itol , tkal 1980 . Ale ru , uindependent . Ale , § 084-039 franis man ruler , go amer mai to esum̃ . **** § 084-040 Mer mai to esum̃ to pan ale , amer pan weswes e , restoran iskei , Bamboo Royal , § 084-041 mer weswes ntau itol , ale amer ler mai to esum̃ . § 084-042 Ale amer ler pak na Hotel Lagon , 1991 , tkal 1994 . § 084-043 aa 91 pak 1994 . Amer ler pak esum̃ nlaken ato weswes me ipitlak eleksen ni politik . § 084-044 Ale kineu atu leg kineu api memba , na ilekted memba . § 084-045 ( NT ) Ni nafte ? 1.46 084-046 ( DW ) Ni nanre ni politik ni UMP . § 084-047 Ale komam utu leg , ale kineu api , amai pi na , Daniel ipi presiden , vaes jeaman kineu api vaes ga . § 084-048 Ale raweswes ntau ipaat . § 084-049 Ale rudisolfki lokal kafman , go taos kaonsel kipe tiik go ipi malwan , idisolf . § 084-050 Ale amer ler pan , pauski nawesien naur sees go apo weswes tkal mees . § 084-051 ( NT ) Nawesien ni kaonsel ipi nawesien nen rupaakot ? 1.52 084-052 ( DW ) Tiik sakrifais ! Ore , utmom welu komam nawesien , nafte ipaakor komiuniti , komam utu leg . Ale uweswes . **** § 084-053 Go api , taosi welkia kineu api vaes jeaman ni eria kaonsel , go apitkaskei pi reprasentatif ni nafet nmatu § 084-054 pak nsaiseiwen , ur na nort Efate mana tefla .
• Interlinear Glossed Text • Utterance view