Text view

107_cut

Recording date2000-03-28
Speaker age80
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Amuurin na kanrik mus ki Akam teesa teesa ni mees utap lek esan kin Litrapog itkos mau me kineu aleka ki namtak go asilwes apan to natkin Litrapog esan kin amuurin na katli nlaken mees teesa akam uto pa Uto pan me uta lek erfale ni Litrapog mau Kineu aleka ki namtak ipi nlaken amuurin kanrik mus ki Naliati iskei kaipe mai to Erakor to kin me apo pa ana kalel aas Go san kin apakes pa naplel rutmer tfagir tefla akano nraf Apan alek aas rutu aas p̃afp̃of nen kin atap leka tete nrak mau Me ato Erakor pa Malen apan pan pan pan pan atu sol aas pan kaimotir panpanpan inom me ato nraf ato nraf pa Ilakor pi namro an namroan neu kipi tefla amrokin ilakor pi Litrapog kin ipregi nen kalek nfalen Malen apan pa npanpa npanpan na asook asooki na erfale ne Ale tefla alek polisman ga kin ratu nmet Me Litrapog ipato mp̃ag na nfal faat Alek polis kin rateflan tu Polis ne rusoso ki Tap̃ar go Nrotik Malen kin apa ana O me mees kaipe mai paakor esa kafo kafo pan leesoksokir Ipi nlaken apo nraf panpanpan pan apan pato me ato leka Apei tenen apregi apei lot Alot panpan na inom Kin me apo pa amailum pan to m̃aak leka panpanpanpan inom Aler mai na asol aas kaimai pak pak elau Epakor na asaiki raru Kin po mai pak Erakor Ipi nametp̃ag natrauswen neu apsawiki mus
• Waveform view • Interlinear Glossed Text • Utterance view