Text view

es_cs_kakamora

Recording date2004-08-21
Speaker age40
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Eo lo k- ko k- lo kapisie te tei sua. Kapis(i)tu toneo. Keredongau. Pa mapa. Te ailo m- lo mapae lo tabu sua taemu la a lo ghajia te pale Ok; zu ailo mapa lova paleghu la a dulo taemu la rongorongo eneli sue ailo a Kakamoragha zeva Lo gnagnai mapagha. Makira suputu lo vata gnari mapagha ai savumitu zepo M Gnagnai mapagha; lo Kakamora la te ze ngoimi Telo daivata matalighue, "Maitei kegne kati pa Kakamora kati zi- keghe tai." Pa lo te dai mataghighu(e). Tulo ka dulo manga rughu kevalo lo suba aqutu la bualo tei tukalo daivata qeleqele kevaghu Zu oma ghoi pa keghe sue. Pa ivaghu la tulola lo mane Zu lo taemu lae lo elu lo taemue Eghe lo ai sua taemu Telo bua kao ghoghoana la bua bua pa zazagha mapa Te "Alano botu" tei. Melu- "Eluelu sue agni na" "Ai baia; zeno kama ata pono laughu pono" tei. "Lovua; bolu me Agni kati ai gheza bo zalali tai" tei. Te "Ma tei kia no boghue" tei. Telo boghue. Tulola ka rughu bua lo na; bua bua bua lo pa da- pa eghe mane bo Dai toa aighu lavae. Memere ngai eghe. Telo "Ailo toagne piali tai" tei. Telo pialighue. Pia kelo tagha bo sara kelo kama e- o lo vungo elugha lo pisumi sodumi tuka lo te neu someghue. Telo vanea (harvest) neu sokoalo te, lo verevereghu Hrm verevereghu eneli, lo te "Ai ela mapagha na ota Te lova epi todoghue. Epi todoa kelo qeleqele kevaghue. Qeleqele te lo lekalekaghu lo verevereghu lo na te pozogho ghoita batu; Ghoighoita batu; telo epi todoa kelo te qeleqele kevatu. Telo qeleqelea te mane lo gnagnai Kakamoragha zegheaze bai; aghavaghae. Zu lo aghava Kakamora(ghae) lo adakigha. Pa ko na ilaghi pa ilaghi te Telo epi todoa kelo zeghea ze kam(a) baia baia baia ze ba ghoita tulola lova ghanaghanaghue. "Ake tagne. Daie aiva liaza au zegne neu lo eghe pozogho la ka bo pau ghoit- kama ave sua mapagha zoghoni pai" "Keze lo lale ba gneghe sua taemu laze kati O ave zegne tei kia pa ko ai mane la alu kia, ai Ma tei sua ghanaghana na lomata Tulo "O; kama au tagne" tei; telo ka aughue. Neu aua kelo neu eghe pozogho la kama lo pau tada kelo kama kama oma ghoi Lo dulo pipisi lo ka lau kabui ghoi. Paua kelo ka ave soa mapagha zoghoni pai; oma ghoi kotoi ghoi. Ze na lekaleka keze; verevere keze te Ka lo eghe lomata ze te batu. Bo ota sara tulolaze lo mapa l(o) lau tautu lo eghe lo elu leghei. Teze ma otaota raghe kevai. "Ma ai (na) gnaghoi supurongo lau." Te mane pa ko na baia ba "Ai; pa mapa ai lo" tei. Teze raghe ba leghe te pa kona tei; "E Korisalo. Hrm Siame ota buale" Hrm "Oma lo tau avei; lo na Te pa kona ba ghodoghodoali "Oma pio; ai lo ka avei; ba leghea Tukagho late pil- tei kotokotoli kazikazili tuka lo ka lo na oma ghoi kototu; lo na ka pau "O ite sua; ave zelo kama." Hrm ze mane ba alu Alu talighuli tulola, ma ze- zeva te mane lo lova mijila leghea keze ma ze na ze gheza mijila Apoi zepo lo gnari mapagha ni? Zu lole apoi mai gnoghoni sua mapa; telo ngai mijila lavae. Teze "Mama. Zu ailol(e) ka tada ngai mapae la Ma zepo ze teighue. "Zu maime mai te gneghea no; maime gnagnai toaghae mai Qelea lova batu; ka lo tada ngai batu lavae. Qelea mai batugha lo gnagnai." Tei lo taqalu savuliaze; lo nito; lo alea kapisighaze savulizu. "Mai gneghea no maime gnagnai" tei; tei. Lole zu lo na manamanalitu kati ota lova ma lo kate teituko pa adaki; telo ko ilaghi lama te kati kate tai. Ko na lau labua ko na lo lo mane mane toala te alu; lo lova pozogho lova sogha kia katetu lo mavutue lo- ko na te alui. Sogha tulolalo kama ko "Loe lo na;" "Ai savuli lo korisalo" tei. Lo pa ighiva ze alu kabughue. To to lupighue lo M lupia apoi lo dai laqagha lav(a) vata mapaghae. Lo Kakamora; apoi lo asi mapagha. Lupi laqa laqa laqa lo kaka lupi pozoghoghi tulola ma ko ghoi kama baighoe ghoi keva na ko ko ghoi Kateghue kama. Kate tulola lova molo lau ko sivugha sodulizu. Molo lau ko sivugha soduli lau kula tulola lo ka kau boghue magnigha Oma lo ghoi pa elu laui. Ka ko pono kau tulo ka boghue magnigha Magnigha la bo tulola lo bo pale tuvi la kovu tulola, lova avu tei tuka lo kama lokeghi tuka palepaleghu na; apoi Tulo patu kumalo; tei to to ka paleghue lo Patu patu kama ngai toa gneqaghu kama. Ko Kakamora kona pozogho kama a akei pozogho kama daisa kameghi zelo ko- lo ka k- kova laka Tulola lo pa taemu la lova pa manga la te lova kaka savulighue; "No na "Kegne bo mai pa suba eghali" tei. Tulola lova boghue. Bua kelo bo suba eghali lajui. Telo dukuli neu solo tulola lova baghue. "Ai mai subagne kama eghali dukuli lajui" tei. "Mai taulighue ku- lova kuli l(o) lozigha lova ave kia, mai tungili kia mai mane mai samu subalighue" tei. Teto patu. Telo ave tulola lo tungitungi teighue. Tulola lova te teighue "O; kati du mai na bo tai" Te ko na "Daisa "Kegne bo zegne memere rughu keva" tei. "Pale tuvi la ponogne pale telo ai mijila na oma Hrm tulola to Bo sara tulola lo kaka savuli; "No na kati ata Agni na ekati bo tungitungi tai" "Eneghu pono ai apoi naka savuli kia, no pala salaghue" tei; Zu lo subae m memere jejere supu sua. Te apoi lo jejere no levo tuka lo vodavoda sue; ni? Lo bo tungitungighue. Lo keda lovu telo te mane lo suba na ora telo jejere na vodavoda kelo tagha ko Kakamora komata Tulola kama alatu kuili bai. "Kabua" tei. "Keda na boi" Zu alae; ko Kakamora kova lo vere ko te enelighue. Kabua tei; teitulo; ni? Ko ko ka alu kabughue. Ko ka boghue. Apoi lo na 'Kabua' Zu lo na ghoma kegho ko na kabu tei; pozogho lo keda solo negha boghu pono lo na Zu ko na eneli 'Kabua' teitu ko ka Lo na tungitungi kaju tulola lo ba pia qeleagho te Telo "Ooo; Agni te lau sasizu" tei. "Agni oma tei sua vere savuli sua moneigho oma buale" tei. "Agni te lau sasi; lovua; daisa patulo kama." Lo ko mala ma ko botu ota lo sala lau boghue. Bo tukalo kuili tuka ma ko na pozogho sughu lalia sua kuilighu te palatu Tuka lo lo ota bo sara tuka kuili tuka ko ko ghoi pozogho memere sughu toa lalia ko ghoi tei Telo saka au bua kama oma saravighi. Tulo kuili ma kaka savulighu "Aluata" tei. Ma tegho ko na sughu lalia alu; ekatilo kaka vere Telo kuili kaka savuli "Ma daisa patulo; Ma bua;" tei zelo. "Zu kati no liaza ba. Mai suba sigholi. Katigne mai samu mai kemo lo dulo kapisigne ekati subali tai. Kiano liaza ba; kia nova mai suba la sara kia no apoi matali kiano laughue" Lo pono savuli laju tulola lo ka liazaghue. Liaza tulola bo tuvi l(a) sara tulo ngai toa ghanaghighu lo palai ko Apoi loma dai toa vudue. "Lovua; Daisa patulo." Lo suba lau marara kel(o) lova samu subalighue. Lo kumara na ota pale; lo ida lo uvi lo kake lo kemo lo aketi sua apoi; Subali telo vavoli lajua kelo lova dulo kapisi lova dada sua taemu lo saraghue. Kemogha na dai Zu e- lo pa ivaghu l(a) lo Suba bo talighuli qeleqele keva te lo pa tavu kemo la pa kemo na Telo "O ghok- oma baighoza tai ko Kakamora zeghea kegho te ba laui." tei. Tulola lova "Poqalagne ghoi ba tai; zegne ba qeleqele. Ail- kov- perongo lo basi kia ka koe ko na" Telo iziva tulola ghoi ba suba la talighu qelea edo sua tavu kemo la pa kemo Telo "O; koke kama. Ekatign- Poqalagne kati ba taughi tai. Maitei sua taemu lagho te batu" "Kegne kate;" tei. Telo poqala ropo la tulola lo bo ropo latu taughia taughia Telo muzi la taughia lo ghoi Omagho ghoi bai. Telo "Lau. Zu aiko Kakamora kona maitei sua taemu la te ba lo kemogha Te pa ghanaghana na te lova kineghe "Daisa patulo; ekatigne ko pidi lovu tai;" lo teighue. Ailo ighia ighiva sua tavu kemo la l- ko pidi lo Aiko p- kemo lou ta bai ko pidiza kia, lo pidi la lo kati bo kateghue; tei sua ghanaghana lo Telo ko pidi; kola dukulia ko pidi palaghue. Pidi pala laju tulola liazaghue. Lole lo liazatu lo taemu lalo te izi iva telo te bo oma bo sigholizu lo Ko na ailo taemu la te Ba tegho ba kemo lau te, ko pidizazu lo pidi Pidiza tulola ko ka tagha aghavaza paleghue. Apoi ko gnagnai mapa Tegho tagha lo pidi la aghavaza Ok. Te ghoi izi iva tulola lo mane baghue. Bai ba suba lalo mala qelea ka kegheagho aghavaza Telo "O;" ngai ghaseghu lo palai. Eka- re- "Elakatigne kau toali tai" tei. Telo mane bo ota ghoita sara kegheagho avei. Ma ko na pidizai; apoi ka moibialia loghoni sua lagho Tulola "O;" ngai toa kekeghulo palai. Tulola lo pidi la kau aua kelo lova ma ngai toa soreghu lo Apoi ave zegho. Tulola lova; "Omagne ghoi kao magnigha la bo tai; daisa patulo; Kama katigne ata aghe suba lo kemo mane lagne ka qore kia aiva ata Tulo ota qore tulola lo ka qilughighue ota; lo kemo Tulola lo lova ka magnigha la Te lo ghajia ka paleghue. Telo ba tei ota pono saraghu pono ko kapisi Teighu pono. Gnero ko puto, tala ko javu.
• Waveform view • Interlinear Glossed Text • Utterance view