Text view

09-11-12_Ibraem

Recording date2012-09-11
Speaker age75
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
nap pune storian ne yaapuo ke me metpwet lamwiye okelé a lan tan dumdum lan tan dumdum yaapuo ne malop a yaapuo ne malop kiye san ih nge Daluan Velvel a san istri mwe stat lan Velvel istri ne malop kelé, vanten en san ih nge Velvel Velvel, Velvel me e vanten soo ke me e yaapuo ne a mu dumuo ngabwe istri mwe stat lan Velvel kiye Velvel mwi lingi Daluan a nap pune san istri mwe tangale eit jenaresen [san elingling mwe me e malop ke lamwiye eit jenaresen Daluan, Velvel, mi sori, Velvel mwe lingi ngale mwe pwet mane naren ke Daluan kolom du du du du van Velvel me moro van van me met Velvel me met a Daluan mwe pwet mwe pwet, mwi lingi Daluan mwi linggogone teman monok, me tevane bili ke mwe tevane teman, kolom du mwe pwet subuen, mwe pwet mwe pwet van leng soo mwe kie be van bwi gyeh too bwi gyeh too van lamwiye, kap lehe san ot tesa kiye, san too ngiye mwe van mwi gyeh too okiye, mwi gyeh mwi gyeh van monok, taem soo yaa pinin, yaa mwi yah mwe pwet mwi gyeh momiye van, a mo longane a mo longbane we ten mwe kie bi min we mwi dyanga mwe téélehe liióó soo mwe téélehe liióó kiye, mwe ka, sye a-bo pólo vyoh byen ke Daluan me moro ten, tere wese ka ne mwe pwet mo longto momiye, mo longane vyoh mwi titisii punen ngiye vyoh mwi titisii, mwe kie sye mo pólo vyoh lé, mwe téévan lan liióó, mwe lehe timaleh muru mwe kekae ten momane Alison gon ngelé, mo pólo pwet lan mwe pwelehkuukuu vyoh mwe van momelé, pán liióó, mo sógó vyoh mee, tatale mi mini mi mi mini monok, mwe pyangbisi timaleh kiye van, lan liióó mwe lehe timaleh kiye mwe elehe ngye lon bwengeh van van mu mu gumne bwengeh mwi lingi y-en lan liióó, mwi mwe silingmee lantan mwe silingmee momelé, mwe lehe momelé, mwe pyangbisi pyangbisi van, mwe téétéé ka bwe lehe timaleh kiye ke teman nge be a lasen nga mo pólo vyoh me van metu pán liióó, bili ke mwi siling me mee mee mee, ka bwe velehe tan, me van mwe pwet berae mwe ka, Ey, sam tati nge be, sam maama nge be? mwe kie, sok tati mwi dyanga, sok maama mwi dyanga mwe ka, Ey, ngyo mon sok timaleh mwi dyanga, nap idi ngyak kop e nuruk, nap téétéépon ngyak kop e nuruk a kom kiibele sówe teman, Velvel kiye me met van, a temát me mee naren mwe naren mwe téétéépon, Velvel kiye ngiye bili ke mwi idi van, mwe kie, anap téétéépon ngyak, akop e nuruk mwe kie ka, mu wuó gon, a saka kon gumgare ngyo ni yah gumgare ngyo mo do gon, byen mu tungyopbisi mwe pwet berae liióó kop gumgare ngyo mo do gon a a monok, mwi lingling ne timaleh kiye tere gumgare ni mwi idi, kolom van lon too mwe kie ka, kop tah okiye, anap neknak ne adoo meleh ngyee, anap vehe dop van tyenem mwe ka, mu wuó kolom tah timaleh mwe tah, mwe neknak ne meleh van monok mwe ka monok lon adop van mo pópo mwe ka, mee dop van, mwe ka, saka nan duusili ngyak mon kop lingi meleh bu du bwe, kop popa ngyo lingi ngyo tyenem bwe monok, akop mee vehe meleh pon Daluan mwe ka moo moo mwe lingi meleh mu du, me mee saabut van lantan timaleh me mee mo lopsangaa mwi lingi velan pán ben mwe kie, gumne bot velok, ma ka saka nan gumgare anap tah lan velam gon mu mu gumgare pwet lan divih en, mo lóko kolom mee tyenem kolom mee mee mee tabwiyo silii, mo longane a a timaleh kiye mwe tah lan velan van van mwe pwet pán ben lan tan lé mwe teetaa ne ngye van mee lamwiye kolom van van van van mo longane me mee mwe me mee pán ten mwe teetaa ngye teteh mee lamwiye mwi tibyek ne van, kolom tangale ot tyenem vaa van van van, mwe saabut momelé mwi lingi timaleh kiye van lantan, ma ka bi lingi van lantan ma ma ka ti lingi tu utkuu velan, mo longane timaleh kiye mo soró tan, mu mwe téélehe ngyo, nam popa vot ngosoole istri ne malop ngiye nam popa vot ngelé momelé mwe kie ka, mm, ngyo nam deme ka nat popa timaleh kelé momelé, mwi lingi vot mwe kapupwet, mwe kapupwet me van mu kuoli van lon too, mwe vehe meleh a mwe lingi tyenem, yaa me van mi mi pinin ngiye, mi pinin mwi pinin, ot monok, ot mitmyet mwe en monok, mwe pwet mwe pwet, lonmalek timaleh kiye me van sóró mane ke momane timaleh ku muru ye mwe kie, tati, akop van maneot palen akop ta yee kop ta yee ke mu kupkuop, kop lehe nap gone em soo ngela ta yee kupkuop ngale ka akop ili akop ili abe e tiri akop gyehne em akop lua abwe raon [butbut] lua lua van van yególó lamwiye monok, nap kie mane ngyak, saka ko-n te bokorap nare longbini kon gyehne bokorap akop kie akop gone ot muru abwe raon [butbut] bobele be e mok byen ke ka kop páne ok meleh akop mee akop sengentale lon buluu ot kiye, kiye am meleh ngelé, anap idi anap ane kop sóró mane ngyo, kop sóró lon buluu ot ku muru ye gon anap sóró mane a saka ko-n gone bokorap saka kon lehe ngyo, saka nan lehe ngyak kop sengsengane ok meleh gon lon buluu ot kiye ngale Daluan mo gone sem silii [daa kingyee mwe pwet mo gone notnoten se timaleh mwe gyehne em monok, mwi idi timaleh mwe pwet, me van mu lua mwe pwetgóló vot kiye ngiye mu lua monok ngale mwe pwet mwi pininpinin an pinin an pinin e timaleh kiye me van mwi kye ka ti kye, mwe kie san ih, mwe kie ka Vingulgul, temát ne malop ngiye Vingulgul ma ma ka, me páne an meleh monok, me páne an mwe pwet, mwi idi an van, mwe mo mo be, am meleh ngelé, mwe sengentale lon buluu ut muru ye ngale Vingulgul mwi idi ma ane an pán em, ngye me van ane an mwi pinpinin an momiye buk mi pinpinin van van van, timaleh kiye mwe kie mi pinpinin vaa vaa vaa timaleh me me me me mee dom mwe pwee ten monok timaleh mwe kye van, mo longane timaleh kiye mo sóró van van, dólón tere e mon timaleh, me mee me mwe ka, mm, timaleh kelé me mee me e yaapuo mwe pwet me páne an meleh, mwe kikye byen van van, leng soo me van mwe kikye, mwe kye tapot, ee! mwe kie, timaleh kelé me van mu mu kuoli van, lingi meleh mwe betontenok ngiye ma ma ka, maneot mwi pinin mwe páne meleh me van, me van kye mwe ay! nam mee tééne ngyak nunyo betontenok ot mi mitmyet ngiye, nam mee kye ngyak byen am meleh, nare longane ka kon kom pwet be? mwe ka, oo, olfela nam van lehe famili [vale] ngyee, kemem góóte kemem tangale buruu lamwiye kemem tangale teh nap kie bomiye kip kiibele, mwe ka kemem tangale buruu lamwiye kemem tangale teh a sówe ngosooye? mwe ka, kim gyeh be, mwe ka, kemem gyeh Craig Cove kim lehe aepot kege [miye vakeka] mwe pwet rok, mwe pwet lan vovot ke ngiye, kemem tangale lamwiye kemem tangale teh aepot ne ot Craig Cove, vovot kiye monok, mwe pwet mon, mi pinpinin an meleh teteh momiye, a mwe mwi kikye mon kikye vaa vaa van leng soo mon mwe kye tere ansa mwe kie oo timaleh kelé mo gootahe tiri soo ngelé mwe ka, ti kye teteh te ansa maneot mwe ka mo be nam kie ngyak kom selaa nare longane ngyak mon, ma ka kemem gyeh teteh kemem tangale lamwiye kemem tangale mwe ka, kim gyeh be, mwe ka kemem gyeh taali ot me lé gon mon, kop lehe Baiap basis [yowoo] ngiye Alfred mwe vovot kiye mon ngiye mwe ka, ngabwe, timaleh kelé mwe pwet mo gone momelé, abo gone abe kaveremap [tagone] Ambrym ne monok, mwe pinpinin mon an momiye teteh van, mwe kikye mwe kikye van leng soo mon tere ansa ma ka ngiye mo gotahe notnoten soo ngiye mu du ngiye ma me ngye et ngiye mwe ka, hey, nam kye ngyak nunyo, nare longane ko-n akop van du mwe ka, ngyak kore longane tan mwe pwet mo kuu, mwe kie, nam longane mwe ka ao ya kemem gyeh usyane adyee lé gon vovot kelé gon kom longane lam kie me e ot lan Vovot, Vovot kelé gon kom lehe kidyem gyeh ngingye rok vovot mo sosoaa lon bele tan van lamwiye ne kememdyee ngingye rok okege lam kie me e Leo ke to bo, vovot kiye mwe las vovot [gie gyehen] kege mo poh san pon mwe ka, timaleh, kom gyeh moose gon akop dam, nap gyehne mam em bomane mok ngorok em kingyee momane mat ngyee lé pon nap gyehne mam em, utkuu ngyak nane mam em kom e yaapuo monok, nap gelé naana desoo kop idi mwe ka, mu wuó gon, me dam ngiye a monok, mwe gelé vaven gyeh ne em monok, lingi pán me mee kye timaleh, Ey, ol [olfela], kop nam idi naana mwe tah pán em monok kop mee idi maama nga kap du nga mwe kie, mu wuó gon mwe sesa lon bokorap ku muru mwi giitale sengane an meleh weren mwe sesa lon momelé kadeedeene Vingulgul, mwe kadeedeene man em ngiye mwe kadeedeene man em, mwe ka, kop sevele mwe sevele mee, kolom pwet leéne kosoye em kiye mwi lingi pyang mu dum mwe ka, van, em ngorok, maama mwe pwet monok me van, lehe san maama, nga kolom du Daluan mwi idi van mwi lingi pwet mane san maama ngiye nga monok, kolom du pon okiye temát temát kiye, san ih nge Vingulgul mwe pwet mane vaven san maama pwet mane maama se Daluan pon ngiye mwe gelé sengane temán ngiye ngale kolom du, fes timaleh ke kolom lingi kim longane lam kikye ne Balip Balip kiye ngiye fes timaleh se Vingulgul san ih nge Balip Velvel mwi lingi Daluan, ngale Daluan mwe téétéépon teman teteh gon mon, lam kie me e Velvel nge me mee e temát nge kie ne ih se Vingulgul mwe pwet ngiye, ngale Vingulgul kiye pon, Daluan mo poh san mwi lingi Balip ngale Balip kiye pon mwi lingi Daluan, Velvel, Vingulgul nge mwi tivin pwet lamwiye ngye pon mwi lingi Tapto Taetas ngale Taetas mwi lingi Josaea Josaea mwi lingi Niksen eit jenaresen ne malop ke mwe pwet lamwiye vanten ngyee alap kikye malop, saka lan tangale, istri adyee dyem idi, dyem kiibele vanten ngyee lap sóró van bwe tangale Tasa van bwe tangale Besa usaane et oki-ngyee lé, lam góó [gone] meh, lare kiibele sówe nge me mwe pwet lamwiye, adyee gon dyem idi istri en monok, nam pune bwe pwet okelé, kip longane ngale punen kiye, malop kiye, yaapuo en ngiye, bili ke mwi idi ke mwi tivin pwet lamwiye lé, Vingulgul mwi idi naren ke mwi tivin pwet lamwiye lé mwe pesela san ih, Daluan, Velvel, Vingulgul, mwe tivin mwe pwet lamwiye bili kege mwi idi kolom van lóko lon malop, san ot tesa ke mo gyehe too weren lamwiye okelé kiikyee kingyee kop lehe momane liióó kelé tere gógólo nonele mo rol [me melip] san kiikyee ngyee lam du san ot tesa lamwiye okelé mu mu wuó gon pwet bili mo lóko lan lóko lan van pwet lon malop mo mo lóko lon pyang ne malop ne Marum, a Malop Liiwelembih, Malop Liiaa mo mo lóko lon pyang kingyee kevene ye monok, temát en mo sóró mane, mwe ey, dop van be mega kop van tyenem ka dot van ot te lóp, tabwiyo ot, kom pwet vahoo okelé gon ngiye kolom mee mee mee mee lan matloko mwe kie ka, sevele, lep mo sóró ngiye, mwe sevele van vevele me mee metu mwe ka, sóksók kevene nge mu du ye nam pune ot tiri tesa ne malop san yaapuo ngyee ne malup tiri kevene nge mwe kapudu lan vot nge mu let ne boloo boloo okelé mwe kapudu ye kop sógó kevene sógó, sógó van mwe ka sóksók kevene nge mu du ye, kop sógó van, ka malop bwe be ka dap kie ke vanten kingyee kevene kingyee lam du lam sóróusili malop, lam kie ngyo nam mo mo góó byen kege mere lokuo ke mwi tivin pwet lamwiye lé mwi idi mere lokuo ne malop, vanten desoo tere idi ngye gon mwi tivin pwet lamwiye lé mwe kie ka kop sógó van ka malop bu muet leng minyeh desoo kom kiibele ka kop tiine tóó gon be mee sya bobele saka ne kapu ne tóó kom deme mwe tiine gon, tere kapune maneot me mee sya nge me met pwet lamwiye lan mwi sya me met pwet lon Liivuuvuu rok yaapuo ke lamwiye lé ke me met pwet lé ngye gon me e yaapuo ne malop, mwi idi mere lokuo ne malop tere e vanten desoo mon ne et ka bu du me vehe ngye byen malop, mwi dyanga gon me e Saksak nge mwe pwet nap punpun mwe ka kip kiibele soaa istri ne malop eit jenaresen famili vale ne nam idi mwe pwet nam kie mwe pwet lon tiri kelé, mm nam deme punen mo nok pwet
• Waveform view • Interlinear Glossed Text • Utterance view