Text view

08-22-11_IlsonMagekon

Recording date2011-08-22
Speaker age30
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
sok ih nge Ilson Ilson Magekon a ngyo nam longbin nap pune punen soo usilii usilii basee ngyee punen kiye usilii basee ngyee basee ngyee lam van ka lap gyeh a punen, punen kiye me van momelé wan taem soo [wobuong soo] wip mwe kye basee kekevene lap mee ngale mwe kie mane ngyee mwe kie ka bwiya mo longbini ka dap van dap koot ne san too o.k. lam lingi wobuong en monok lam lingi wobuong en monok lam van lam van lam pwetpwet lam mee lan wobuong en lam van lam lam van, a basee kekevene lam neknak ne aa meleh soo me van mwe páne an wesisi soo mwi idi dom soo mwe van mwi idi meleh minyeh ngyee ngyee kevene lam neknak ne aa meleh a be meerin basee ngyee lare mestim patomo, batomo me saa fren [biibilien] batomo mwe pwet lantan, basee ngyee lam du lamwiye lam van, lam van lap koot lam kie batomo mu duusilii ngyee lam van, maa maa ngye mwe páne kooko pipili me pinin koro, an kooko pipili monok, mo syungane lon san aróówoo mwe toto ne, lam van a batome me mee ngye món batomo mu duusilii ngyee a batomo tere páne an meleh lam van, lam gyeh lam gyeh, gyeh, gyeh vaaa lam kootse, lam kootse se bwiya ngiye a lam koot se bwiya, lam gyeh van, máá mwe kyet máá mwe kyet momelé lam du lam gyeh van ngabe, a batomo mwe tinyam mwe kie, ee, nam van nap min we bwe mu kuo mu kuo selaa van mwe sek lon saa aróówoo ngyee tééne aa meleh ngyee van me van lon aróówoo se maa mwe lehe ke maa mwe páne an kooko pipili mwe pwet mwe van ma ane muru buk mwe kuo me van me lehe ngyee teteh lam koot lam du lam koot van, mw kie myaa ma are myaa ma are mwi teteh mwe kie ka e nap van nap nap van nap van min we muru món bwe mwe spid van teteh, me van, ma ane kooko pipili e maa teteh du mwe tibyak ne kooko kiye vaa envini kooko e e maa monok, lam gyeh van, wip mwe kie, monok! dap ngepngap taem [yaa] ne enen lam van momelé, lam van lon saa aróówoo ngyee, lam van lam sek lon saa aróówoo ngyee lam musyoo mane basee minyeh ngyee mane syideda lam van lon saa aróówoo ngyee, lam sógó aa meleh ngyee lam mee lam ane, a maa me van lon san aróówoo mwe sek van lon san mwe sek van lon aróówoo me lehe ke ee, ok meleh me selaa, vanten soo me lah ne kiye sok biibilien soo me lahne momelé me van me lehe wip wip, ngyo ok meleh mwe pwet lon sok aróówoo vanten adyee soo me mee me lahne momelé wip mwe kie, mo, nap kye adyee kevene dyep mee sógóó mwe kie ngyee lap mee teteh mwe sye mwe lah ne meleh e maa lon san aróówoo ngyee kevene lam syatan momelé wip mwe wisi ne maa, Maa, meleh sówe nge meleh sówe nge kom páne kom idi mee dap gyeh meten ka kop ane tabuyaa maa mwe kie ka, nam páne kooko pipili mwe kie, moo, et kevene dap dap ngiri luwot ngyee adap sogave pat ngyee ngyee kevene lam sogave paa ngyee wip me téé lon... lon paa ngyee me mee me van lon basee soo buk me téévan lon pan me lehe ee ngyak mwi dyanga mu duusilii basee kevene me téé lon paa ngyee tere lehe te mee mwe lehe batomo mwe lehe batomo mo kóókóógóló pan a mwe syatan pwet batomo, téé mee lamwiye batomo me téé me lamwiye, mwe kie ngiri ee, sengave batomo mwe kyetgare luwen gon mo pwet songave pam mwe kyetgare luwen gon pwet kom mas songave pan, ke songave pan kyem lehe ke batomo kiye ma ane kooko pipili e e maa luwen ngyee me pili a luwen a minyan mi pili kyem kie ngyak gon kom a kom du kom lah lon a sadyee aróówoo ngyee kyem komane batomo kiye gon batomo kiye mo kuo me gon monok, sveei!
• Waveform view • Interlinear Glossed Text • Utterance view