Text view

12_Bygone_Past

Recording date	2012-05-20
Speaker age	43
Speaker sex	f
Text genre	personal narrative
Extended corpus	yes

Visualization: Text view Interlinear Glossed Text Utterance view

Javascript seems to be turned off, or there was a communication error. Turn on Javascript for more display options.

EMPTY ichnong i toh na Nangbah tæ wan sah i cheini cha jwai. tæ heini ipor tæ ya ukhana o ya phi yeiparom i wa toh nadooh i wa dang khynnah i wa dang æm i ha nangbah. Kamtæ jooh kynmoo kat wa dang khian itæ lai jwai kabei lai yaw kabei, i ya kabei ong i kabei næ, tæ jooh liyang man da keih kamtu næ le waje i janmeit da lai liyang i, da liyang i kitiar wa wan yaw ko na jwai, man da dæp neitæ jooh wa kit i da ukhoh wa toh wa heitæ ipor wa man katæ kayaw arsein æh chi tayaw wa kasngi musiang wa kasngi khyllaw, ha katæ kasngi khyllaw, man toh kayaw wa khian katwa ha kasngi Musiang man katæ kayaw wa rap hæh, hawa ong o tæ ha jaintia hi tæ man ko kahæh hi katæ kayaw musiang. Kamtæ heitæ ipor tæ kat ym æm re kakari læh kamotor læh tæ hap ka wa wan æh kini ki wa wan na jwai. heitæ ipor katæ kakari læh toh ka yong uma Pallawan kawi kayong uma Kill Challam. wa u kawi won kabus toh ka yong u, uSubor Pung kamtæ kani kabus toh ka wa jooh pyndik man ym re unood kibru ka uchong tæ ha wa dooh kari hi eh kit e jooh chong ki ka kani kabus. man da dæp neitæ tæ kakari ka wa tikna katæ kamotor ka wa tikna hi man ko ka yong uma kill challam wa ka yong uma pallawan. manda dæp neitæ tæ, Ha nangbah æm uwi umoo heitu ha khimdan, jooh liyang i keih man da poi kaar chitein, kale waje janmeit tæ da yang i heitæ da kit i ukhoh ya ukit kitiar cha yung, manda, kamtæ, man man ha kisngi, i hawa likit tiar i kamtæ kat wa æm usankhian ukongruit kini ki wa lai skur cha jwai, jooh kit wan i na yung da kadeiñ chikhoh chikhoh kadeiñ ya uphah i wa ukhoo chiphaw kilo khatsan kilo jooh kit i ya uphah i cha jwai ya kitæ ki wa lai skur. Man da dæp neitæ tæ kynmoo o læh man i nang khynnah i toh rap sih salon i ya kikhynnah wa toh i kikhynnah palat chnong hi tæ jooh æm re uteiñ i ya kikhynnah chynrang læh, nood bait i ki uyachoh nood bait i ki uyadat. manda dæp neitæ heitæ ipor wa dang khynnah wan i ha kasngi yaw pynsin nang heipor æm utunnel heipor yaw pynsin jooh man skur i læh chitein sngi chitein sngi, wa toh wa ya uliyang ya utæ utunnel jooh e u ya i kadud, katæ kadud jooh e u ya i ar jait kadud kawi ong ki kadud kew kawi na ai tip tip pyrtuit i re katæ ong eh i ka kadud ne, tang katæ kadud kawi ka wa bang kawi wan tæ æm re ubang ko. manda dæp neitæ tæ i para khynnah i læh jooh yayang bait hadooh wa lait skur ya uyarah biang i kitæ kitiar kitar uDoctor, Tunnel ya uliyathap chapoh kari. manda dæp neitæ tæ, nang khynnah itæ yachna i da ki kani deiñ læh tæ kapad ya kapyrthap ong i kapad na i, tæ ya chna i da kitæ tæ man da dæp neitæ tæ ya tyndang i da urngaw du yarain yoh ubooh ha kichaka ko yoh uspeed ko ulai, kam kitæ kijait læh ke yong i. manda dæp neitæ, æm iwon sa kawi katæ kajait kyndæh ke læh ong i ka kadatdok ne, katæ kadatdok uchæm phi ar tylli kideiñ uwi ukhian uwi uhæh tæ tih deithlu khajiak man da dæp tæ booh leitæ tæ dæp tæ dat likhlieh utæ deiñ. Man da dat neikhlieh utæ udeiñ kat ki wa khlan udat, man da dæp neitæ tæ, hab chah pynphæt kini kilok kiyong i kitu ki wa ræm. manda dæp neitæ, æm wan læh sa kawi wan katæ ka i ong i cheini ong ki kamoo kyndok cha nangbah ong bait i kadat nong, Katæ kadat nong læh dei yakut i kattæ spah kattæ spah uyadat nong, man da dæp i uyadat nong hi tæ kat ki wa ræm kitæ læh hab chah thap na ryngkhi la da chispah la da arspah da booh i, kattæ spah uwi udat uwi uchoh, la da ki i wa ræm itæ man da dæp neitæ, jooh yalæh kyndæh wan i katæ ong i kayahai næ katæ kayahai læh ka kneih syiem ya pynyap syiem katæ læh hadooh san ngut ynru ngut chilok tæ man æm ko ar grup heitæ. dæp uni sa katæ yn sa kani kyndæh ke kani kitæ, æm sa kawi won kajait yakyndæh ke ong i yakhynjoh lain ne katæ katæ kakhynjoh lain hap rooid, hap liar phi da ulain upyllun wa langdong ulain, æm weiyung hæh weiyung khian hap rooid phi, jooh yachad i ha pyrdi itæ iyung hæh tæ yakap yakap i chi tæ iyung khian kat ki wa æm na lait la da joh o ki ukhynjoh utan chalait pynyoo kitæ man da yap ki. kat wa kamtæ, manda dæp neitæ nang khynnah i, jooh læh sñiaw suk i læh ulai lidaiñ ya kadeiñ cha khloo dei ya kut la kilok kijor yong i ya uyalai ya kit khoh kit wait ya ulai lidaiñ i ya katæ kadeiñ na khloo. manda dæp Neitæ æm kipor ya ukam kini kipor, lai lipyllang lok i ya uyalai khait jhur i lai likhait i ya utæ ujaralood næ, uyarain næ wa umyrdoh, næ. Uwan cheini ong ki jamyrdoh, i ong umyrdoh. jooh likhait ki kam kitæ man da dæp neitæ, jooh sñiaw bang wan i læh ulai litong dathli lai litong tham i, ya ong i lai lichoh doh lai litong liyabæh doh liyabæh lun kamtæ kitæ. Nang khynnah dooh i wa sñiaw suk. Uteiñ læh jooh æm hi re uteiñ katæ kachohnoh kat ka wa æm læh man da dæp ong kibru æm chohnoh næ, tæ da dam hi i ulai, man da poi itæ ipor tæ yapyllang lok i pyllang lok i, dæptæ yalai yalai, tæ sñiaw suk æh tæ por khynnah i sæ. EMPTY cha nangbah tæ lai skur i læh da hæh da hæh sæ i æm pong ulai i kam kikhynnah chini dang khian dang khian hadooh wa boi san snæm ynru snæm hi jan dang i tæ lai ABKD i. man da dæp neitæ tæ poi Nadooh uchong klas wi klas ar klas le, i da hæh i kakot læh boi puræ kot re poi ha skur dæp uthoh, poi ha skur wa muna kot cha kdong dooh i kyndæh. man da wan i kam mynstæp neistæp, chim kamuna kot keiñ biang lai biang cha skur jooh tip i re upuræ kot kam wa puræ kikhynnah katni, dooh dooh heipor eksam eh jooh puræ i chibæt chibæt eh kattæ da dæp hi i, tang man man da yoh result teintein tæ pass teintein tæ pheil kat ym æm re utip ka upynæmkam bha kam kikhynnah wa katni, hadooh kam kikhon hi i katni læh da yoo hi kitæ kijingyaphær wei tæ ipor yong i wa ki yong kikhon i katni.

• Interlinear Glossed Text • Utterance view

Text view

12_Bygone_Past

View options