Text view

07_Kiang_Nangbah

Recording date2011-06-04
Speaker age43
Speaker sexm
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
tæ ma heini ipor kwah o ukylli ya phi mo uyi oo uwoh kiang nangbah mut kari Pnar yong i waroh da burom ki da keiñkor i oo u yi oo ute ubru uwoh kiang nangbah wa ong ki. uwoh kiang nangbah mut u, ukhon kari Pnar yong i u wa yalæh leitloid yeibhah kari Pnar yong i, heipor i wa yalæh, yalæh leitloid heipor wa kasorkar phareng tæ oo da yap u ha utylle phasi ha kalephaw tarik, ubnai wa khatar, khatphra spah ynruphaw ar khatphra spah ynruphaw ar tæ da yap u ha utylle phasi neibhah kari wa jaitbru yong i, ya uyoh leitloid i. tæ uwoh kiang nangbah oo da yalæh leitloid u na bynta kari hadooh kam ong nadooh wa yap u kattu la katwan, la katwan, snæm kattu wa nadooh wa yap uwoh kiang nangbah phi pynæm mut i jooh pynæm burom i oo kayi ka, kasngi katarik. katarik boon sein man ko da kalephaw tarik beit ubnai khatar u wa khut ki ukmai chonglad lephaw tarik ubnai khatar ukmai chonglad ubnai khatar sæ, tæ læh burom i oo kawi toh ukhlaweit yong kari Pnar yong i watoh oo da pynchah u da urdang yong oo e wa uyoh uleitloid, wa da yoh leitloid kari Pnar yong i wa heijooh ipor wa uni ukhlaweit kari læh wa toh wa mih toh na kakpoh yong kaweipun Doh. weipun Doh, to, tæ i katni iyi wa chna ya uni umot yong uwoh kiang nangbah. ya uni umot da chna da ka da kimambar yong kakiang nang.. ong beit da ki wa hæh yong ki. seiñ. ki wa hæh yong kachnong Jwai tæ hadein wa da yachna ki da yafom ki ya kani ka, ka, ka wa khut pyrtuit ki katni kakiang nangbah... memoriel fund society ki wa kammon upynmih paisa ya ki ya yong yong kaseiñ wa heijooh ipor wei wa kammon upynyoh khih pynyoh khan ya kini kikhon yong kari Pnar yong i, khnang wa ya uleit ya uwanrah yeinam yeiburom. tæ uwoh kiang nangbah oo heipor wa yap u heiwan ithaw yap u heiwon chah, chah phasi u. uwoh kiang nangbah yap u chah phasi u hate ha wa khut ki ite iyaw, yaw khyllaw, ha, ha, haphrang Kaseri haphrang DC heite wa khut ki iyaw Khyllaw. mut i wa khut ki iyaw khyllaw mut i wa khut ki itu wa æm udeiñ Tirpin heitu chah phasi u. chah phasi u. tæ kat thaw thang pyndæp i oo toh ka toh e yap mynsoo pyndæp i ya kamynsoo mynsnam toh ha Molingksoh. molingksoh, tæ, uwoh kiang nangbah kam ong i mut neibynta kajaitbru ma da e kti u yeijingim yong oo thang wa uyoh leitloid i mut i tæ kajingsñiaw khia yong i kajaitbru kat ya uwoh kiang nangbah man yee phi ukhana ya nga iwi donhi man ha wa katni da keiñkor i kam ong katni da yoh leitloid i neibynta yong oo tæ kiyi ka kattæ kanongkylliang i kam kajaitbru æm kam usu i ya uwoh kiang nangbah. to hei yatoh wa ka i uwoh kiang nangbah chiseiñ kasngi da yalæh leitloid u ya kari Pnar yong i wei heijooh ipor wa usu kylliang i oo toh ha kapor lephaw tarik ka wa i toh pynæm burom i oo wei heijooh ipor man ko kasngi toh kasngi yambru ha waroh upaidbah da yaæm bynta lang u heitæ wa klam ya kapaid yeibhah wa oo da yalæh leitloid sakhiet u kawi toh ufreedom fighter yong kari Pnar ka yong i ka wa oo da lai da pynchah u deirdang yong oo tæ na kitæ kidaw heijooh ipor mut i na liang kajaitbru Pnar yong i. hadooh katni, kini kisngi i man kalephaw tarik ubnai wa khatar kmaichonglad i da pynæm burom i oo wei heijooh ipor manko kasngi yambru. to, tæ ya uni umot kiang nangbah i ha kachi snæm mut katwan sein jooh lai pynkhooit i lane jooh æm ne ym æm kitæ mut kikam kaseiñ phi man wa uong ki wa uwan pynkhooit wan pynmiet pynbha yei yei ya uni umot yong oo man usnæm ha kachisnæm chisein chisnæm jooh lai phi næ ym æm næ. ha ka hawa pynkhooit ya umot hadein ha kachisein chisnæm beit ha kalephaw tarik ong beit ha chwa kalephaw da pynkhooit i ya uni umot kiang nangbah khnangwa ha kalephaw tarik ha chwa wa upoi kalephaw kat ha kalephaw tarik da manko kasngi ka wa phooh wa pheiñ wei heijooh ipor læh joohsah kynmoo tæ man ko joohsah kynmoo wei heijooh ipor waroh kikhon kari Pnar da yaæm bynta lang ki heini hei wa uyoh i uyakynmoo burom yeibhah kasngi ka wa khroo ka yong oo tæ heijooh ipor læh kam wa pynkynmoo biang oo ukiang nangbah wa man u. ukhlawait. kam ong ki ukhlawait yong kari Pnar yong i wa da da e u dei da u da e u da urdang yong oo hadooh kat kini kisngi ha kani kachnong yong i, i da him i ya oo uwi toh ujaitbru wa im yeinom, yeinom, heimynseim yong i han man u wa da yap læh man u wa im neibhah watoh i æm, æm kate kajingsñiaw neiliang ka yong i kikhon kari Pnar kajingkynmoo burom beit ya oo man kalephaw. khublei chibun ma, yeijubab yong phi, tæ kam ong i wa khatdooh khatwai hæh kwah uong man i kam kibru toh æm kam u, uri burom kam ong ukynmoo weibood ya kanuksa yong oo, nong. hao, kattæ toh ka i kammon kam.. i hei wa yatoh kattu kajingkylli yong phi i læh man i læh yalæh i ubood ya kanuksa yong oo kammon uwan rah yeinam burom wa ymhoi uman i kibru ki wa uran chadein toh ki wa utia beit chaphrang khamtam ha kikam kijam ki wa toh hei kammon ha kaimlang kasahlang lane heiwon kikam kiseiñ bhalang læh yee uwan rah yeibha yeimiet khnang wa kani ka wa da ute uwoh kiang nangbah wa e bor uman... i.. wa dang e bor, e mynseim u ya i waroh kikhon kari Pnar. khublei chibun.
• Interlinear Glossed Text • Utterance view