Text view

31_SohmyntingInterview_1

Recording date	2012-05-27
Speaker age	63
Speaker sex	m
Text genre	personal narrative
Extended corpus	yes

Visualization: Text view Interlinear Glossed Text Utterance view

Javascript seems to be turned off, or there was a communication error. Turn on Javascript for more display options.

EMPTY To nga uHainsar Phawa, sohmynting, heipor yong nga i wa dang man o ukhynnah chare blang, ka wa ar man o urap chran o khajiak, chare masi o. Manda chare masi o æm o kam wa ynñiaw snem, sdang o uloor masi, loor masi læh chibæt chipor da ngiah o, chong o chong o chipor cha 'stiar hali, neitæ yeñ lai liloor o. Dang chna lyngkor upa ya nga da kakhian ne ka wa ym yee o uloor kam wa loor ki wa hæh da kahæh kalyngkor. hynrei tæ nongchari, Tæ nang slæm kipor nang hæh chare masi dæp neitæ tæ, nawa chare masi læh im heiræp heiriang, heipooh heidaiñ ya kapynthor kba, tæ ræp salah, dæp neitæ ulai skur læh ym yoh lad. Katwa dang dooh kibei kipa, i im bait dooh hi ræp hi khih, tæ kat katæ kapor tæ kani kachnong sohmyntiñ yong i læh nang dooh kakhloo kadeiñ cheini ka wa dang joor kakseh. Kachnong læh dang khloo dang kteih, ym pu æm surok, kamni dang du kakteih ulai, dang siang ki wa hæh da kimoo uwi uwi sa ar tymbood luti. Charood dooh kaait sniang wa rbæn, ym lait ulai uwan, du na jrong moo, tæ nang slæm kipor nang kylla, nang mih kisnæm nang kylla tæ kajuk hadooh wa poi kisnæm tip kisnæm ym æm ukynmoo bha o itu wa sdang uyoh surok na kablock. kisnæm ynruphaw, ynruphaw le kop de sdang uyoh surok na kablock, manda yoh surok na kablock, tæ wan kikari kimotor. Lait ki wan kit mar ya i cheini, kit deiñ kubit, iwon won ijingæmkam yoh ukit cha jwai cha laban. kam kiyi kijait kari tæ ipor heitæ ipor sdang wan kijip, hadien neitæ wan kini kibetford, kigmc kitu wa ong ki kichevrolet syndem, ki wa jrong khmut se terter næ. Tæ hadien neitæ da lai kitæ neibhah wan yn sa kini kishaktiman kiSmodel ha kini kijuk ki wa katni, neitæ yn wan yn kini kimajarbus, wan kit bru ki, wan kmai ki cha kani kachnong yong i. Dap yn tæ ha kini kisngi ki wa katni wan da mih surok da yoh i kasurok psiang, dæp yn tæ wan sa kini kikari khian, sa kisumo sa kiindica, kiboonjait kikari wa wan ha kani kachnong yong i. kiyi kijait kikari ki wa æm nyngkong dooh ha kani kachnong? Kapower wagon heiyong i nga wa yah ka itæ ipor. Mut phi nyngkong dooh wa yah kari? hao wa yah kari ha kani kachnong. Usnæm ynñiawphaw sdang o uyah kari. cha kiwi yn kichnong, wa marjan ne cha jwai da æm kari da boon kari? Da æm kari ar tylli, le tylli, boon ym pu æm. Dang yatipmit para wa æm kari? Hao. Yee phi ukynmoo i dei wa æm kari? Wa æm kari kattæ ipor tæ kynmoo o utu u wa ong ki ulonet lato ne, ki kabus khian kam katæ position Mynkhon, dæp yn tæ tæ kini ki umoorsing wa æm kari, kynmoo katæ ipor da yn du kitæ hi wa æm kari, bus se hapoh jwai. Dæp yn tæ hawa wan yn tu kasngi yaw tæ wan kibus eh na khyriem, na laban, heisngi yaw jwai. Tæ kini ki..? itæ por kini kigmc læh dang duna ki toh æm eh kawi ar tylli. Læh wa æm eh kai utu ukwin lamat na pasyih. Tæ heipor dang khian phi mut da man kristan lut kibru waroh ha kani kachnong mo? Kat ipor wa dang khian o tæ kat kam wa tip o tæ da boon ki man kristan, du cheini ha loom pyrtooh wa dang man khasi kibru ym pu æm uman kristan. heini ha loom pyrtooh tæ man kristan kibru na utæ usnæm wa wan Niangthoh, yoh kibru tæ hadien neitæ tæ man kristan lut ki, ym tip de ki ya katæ kaniam karukom yong rim yong jah katæ kylla kristan ki. utæ uNiangthoh tæ mut kam uNiang..? Cheitoh re. Tæ kichnong toh ong ki o kiblai næ sæ kichnong tang cha i tæ ong iNiangthoh næ sæ, wa man kikhmat kikhmut ki wa sih dur kamwa, katu ka wa thohrew wa thlu wa thung. ini ha i læh sa katwon ngut kitu ki wa dang chana sa le ngut kimarieh, ki wa man kam tæ se. Heirta yong phi jooh kynmoo phi wa æm wa jooh wan kakhlam heini ha chnong? Heirta yong tæ ya kakhlam tæ ym æm ukynmoo o du ya utæ hi uniangthoh u wa boon ki wa yap sæ. Mut da lithang man kasngi bait, kitæ kisnæm tæ ym æm ukynmoo bha o tæ jan nga kat itæ dang chare masi o. kisnæm e uong boi kisnæm sanphaw le sanphaw soo kitu kisnæm jan dæ... snæm ynru thain tæ da ræp o. tæ ste uniangthoh usnæm 60 tæ yn nga da ræp o tæ kat wa wan u tæ nga nang chare masi o. EMPTY Ma kamtæ ha wa ræp o mo wan uniangthoh? Bhah nga kynmoo utu usnæm se wa joor bha wa yap niangthoh. EMPTY tæ halor utæ uniangthoh chwa yn tæ dang æm kiparom wa tip ki wa hæh wa jooh æm wa kjut khlam ka wa poi? Hachwa itæ na ai tæ i wa tip i du wa parom hi kabei se, ka dang khian ko tæ neibhah kani kachnong sohmynting tæ da boon ki wa yut chnong. kini neini na wah chnong da yut chnong ki heitai ha saphoh ha kseh kini ki yong Nonghuloo, tæ utæ uwoh soh i ne wa dang dee wa oo wa lie khoo wa lie bam ya ki ha utu uloom kynjoiñ ha Moophrih. Ha utu lie bam u ya ki wa khyryiaw u wan rap ni bam tæ ki lihim lihim dæp ki lihim tæ libooh ki tæ itiar itar dæp tæ tæ uñ uñ biang ki libooh kitu kynrawkynræh ya u kitu cha yung. Ym hoi uyachæm, katæ kapor kakhlam, tæ heitæ ipor tæ yap kibru sæ, kjut kjut tæ yap noh sæ, katæ kapor ong ki dæp thma. sñiawsar dæp katæ kathma se katæ kakjut yap khlam, tæ da boon kibru wa yap heitæ ipor ong ki ym æm de unood ki uchong ha chnong. Ym hoi de yachæm da yayaid jar jar kaliang, mo kini kisohmynting tæ ki wa lai kylleñ kylleñ se wa yayut ki, cheite cha pangit cheite cha saphoh na itæ man kini tæ hi neini nawah chnong sæ ong ki wa lichong cheitu. Jooh khana parom ki ya phi kammon sdang kabalang kristan heini ha chnong? heini sdang balang kristan katkam ijingkhana ki wa hæh tæ man wa wan kini kimissionary na chiliang duriaw wan yalap ki cheini cha kachnong yong i cha jwai kylleñ kylleñ, dæp tæ nang roi nang roi, kat nang slæm kipor nangroi ko sæ. Nadooh balang presbyterian wan yalap kitæ ipor? O i wa nyngkong dooh kabalang presbyterian se wa wan. Mut ka wa seiñ balang heini? hao ka wa seiñ. Tæ kammon yn wan kibalang trom? Tæ wan kibalang trom hadien manda heipor wa wan kabalang trom hadien tæ kawan u uyi utu da mylliñ o oo. Bah wol wa wan nyngkong heini, bah joy u wa dang hadien, ha ubah wol kylla kabalang trom se wan seiñ ya kabalang trom heini. EMPTY

• Interlinear Glossed Text • Utterance view

Text view

31_SohmyntingInterview_1

View options