Text view

abuelo

Recording date2002-07-30
Speaker age56
Speaker sexf
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
uj kayni di' nono' (choy rey, che) jeya kus ney Don Walima kaj eskwelanawá'us. ka' bispapá'us naj benaben̍wa'us. ba ban koj bakwakwá'uj bispa. che chonsineł bara onaraná'us aj chonsinełwá'us, kuj ney Juan julará'us kuj don Elisgardo, choy rey jea uj kayni di' kaj rey bispapá'us naj rey eskwela rey. ka rey jisanawa'us beya'ka rey oj di' a:te' kwaj ka: bispapa'us. kaj bispapa'us oj nono'o. che riko uj nono'o, kawra ij wa:ka'us. nasko rey dichiyeye tochi', ban jayna to'baycho. joycheł is chon̍ komersyante di' juyeni. rimłekarim nij okakara. che usko jayna eney jisana'us oj nego:siyo nij juyeni di' ita:na di' riko buka'. di' rimłeka:rim nij okakara. jayna usko che jaʔ piłnaʔus jaʔa piłnáʔus jaʔ piłnáʔus kaj rey oso'niwa oj enganyarkayá'us noj rey nego:siyowá'us, rey kaj! julrawá'us ij rey bispa di' benaben̍pa, ka: rey. jayna(C) jayaw oj negoːsiyowáʔus noʔo rimałeʔus ij waːka nowiyo weye ij rimałéʔus nasko jema' rimałewa'nej ma' oj sota'ra di' waka. sota'ra di' waka oj bawra'ij ney mon̍loto di' kayłe:wa'ne. aʔa sota'ra di' waka oj jankarimeła'ij mon̍loto. di' kwalena noj karnabałe:wa uj rey itila:kwa. asko rimałe'nej ma:mi. bo joyałeʔis bukaʔ ij oro bukaʔ soʔ anil sortija che ij mon̍lotowanrani che ij kadena ij joyałe'ij buka' komersyante. jayna yeynaʔne iʔne is ney mon̍lotowanrani yeyna'nej ma' is jayna ney mon̍loto. jayna kenapa'ne uj papa'ne di' kayni di' nono'o. kenapa'ne noj yeynawa'ne ij mon̍lotowanrani. jayna usko jankwa us: Dokoy majni, loy ił jayłe eney(C) rimełnakwa:na nij mon̍loto di' yeynan, jankwa uj papa'ne. bo ka: rey kástewá'uj nono' rey. ka: rey kastewá'us, bo chonsineł ja'a. jankwa us nasko dira pawanełwa'ne, kaj sin̍lototo'ne mere'. beyra ja' oj sin̍lototo'ne. rey ney jayna kaj pawanełwa'ne. jayna eney(C) jankwa us ni'ne jayna: Dokoy majni, nokowaj riméłna ij koroʔ koj wakan diʔ loy diʔ loy eyajkwinwa nikij majniwaʔas bo jaʔ kaykaniyemajcho kayni jaʔa tami:ti'i, che kayni, ło'chołyemajcho koj waka, majni. asko nokwa rimałen di' bawra ij monlotowanrani di' yeynan, jankwa jayna asko rimłe oj waka. asko bawra ij mon̍loto di' ij kwalena di' jayna rimałe'ne oj waka, jayna rimałe'us usko. bo i'ne kenapa'ne uj papa'ne noj yeyna'ne. jayna rey yeyna'ne oj ma:kina di' łe'i, di' ma:kina di' łe'i ney naj sita'ojwan. ka: nikij chopankwa bo łe'i oj ma:kina. yeyna'ne bo buka' joyałe'is oj ma:kina jema'a. yeyna'ne oj ma:kina. rimełnakwana uj nono'o noj makina'nej Ney(C) ney oyra łan̍ ij, oyra ij nowiyo di' bawra oj ma:kina di' m asko yeyna'ne. riméłna uj nono', rimałe'us ij weye'ne di' sota'tova'ij weye'ne di' manso ij jojo'o, isko bawra oj che oj sotapoy di' waka di' kweyampoy, asko bawra'ij mon̍loto di' kayłe:wa'ne di' ij kwalena. jayna manra kaj jayna rey dodo'wa ij mon̍loto. jayna k kwaj kaj jo'mi łan i:, jo'mi, jo'mi. ka: rey do'nawa, rimełnawa rey ja' ij fantasiya rey ka: yeyeywa. bo den̍den̍ ij lototo noj do'nawa. ka'de as
• Interlinear Glossed Text • Utterance view