Text view

PKZ_196X_Princess_flk

Recording date1964
Speaker age70
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Onʼiʔ kuza kambi saməjdəsʼtə. Šonəga. Nuʔməleʔbə volk dĭʔnə. Dĭ xatʼel dĭm tʼiʔtəsʼtə. Dĭ măndə:" Iʔ dʼiʔtəʔ măna! Măn (tăn= tănziʔ=) tăn elembə molam". Kambiʔi šidegöʔ. Dĭgəttə … Dĭgəttə šonəga (šidegöʔjəʔ). Dĭgəttə šoška šonəga. Dĭ (x-) xatʼel dĭʔnə dʼiʔtəsʼtə. Dĭ măndə:" Iʔ dʼiʔtəʔ măna! Elezeŋbə moləbaʔ!" Kambiʔi nagurgoʔ. Dĭgəttə šonəgaʔi, šonəgaʔi. Lisička nuʔməleʔbə. Dĭ dĭm xatʼel dʼiʔtəsʼtə. Dĭ:" Iʔ dʼiʔtə măna! Măn elem tăn (molə-) molam". Dĭgəttə (ka-) kambiʔi. Šonəgaʔi, šonəgaʔi. Süjö nʼergölaʔbə bar. Dĭm xatʼel (tʼiʔ-) dʼiʔtəsʼtə (bar). Dĭ măndə:" Iʔ dʼiʔtəʔ măna! (Măn=) Măn tăn elem molam!" Dĭgəttə šonəgaʔi. (Penzü) iʔbəlaʔbə. Dĭ dĭm xatʼel dʼiʔtəsʼtə. "Iʔ dʼiʔtəʔ măna! (Măn tn-) Măn tăn elel molam". Dĭgəttə šobiʔi măjanə. Dĭn kubiʔi ši dibər. Dĭn amnolaʔbə (i), bar ĭmbi ige amzittə. Dĭgəttə măndəʔi eleʔi: "Miʔ kuzan nada nejzittə. Tsarski̮j (ko-) koʔbdo ilbeʔ". Dĭgəttə kambiʔi. Šoška i lʼisʼitsa i volk kambiʔi. (Sʼarlaʔbə), bar il šobiʔi. Dĭgəttə i koʔbdo (š-) nʼiʔdə šobi. Dĭgəttə süjö dĭm kabarlaʔ kunnaːmbi dĭ kuzanə. Dĭgəttə (d-) amnobiʔi, amnobiʔi. Dĭgəttə (dĭ=) dĭʔnə tibinə kandəga. Koʔbdo kambi bünə. Dĭn nüke nulaʔbə. "Kanžəbəj maːʔnʼi, abandə!" "Măn kallam, surarlam bostə kuzan, dĭ măna măləj: kanaʔ, dak kallam". Dĭgəttə šobi penzü, (dĭ) dĭ nükem (tabə- tarbəluʔ-) talbəluʔpi. A dĭ nüke:" Kanaʔ abandə da (nörbit): Dĭn koʔbdo kalləj dĭ kuzanə, saməjlaʔbə". Dĭgəttə dĭ kambi. Abat amnobia, amnobia, măndə: puskaj kaŋgəj! Dĭgəttə (mĭbi) dĭʔnə iʔgö. Dĭ šobi, nörbəbi. Dĭgəttə dĭzeŋ ara bĭʔpiʔi bar. Dĭgəttə abat:" Šogaʔ miʔnʼibeʔ!" Dĭzeŋ ej kambiʔi. Dĭgəttə (dĭz- dĭʔn-) dĭzeŋdə bar tura jaʔpi. Bar ĭmbi mĭbi. Kabarləj.
• Interlinear Glossed Text • Utterance view