Text view

PKZ_196X_Morozko_flk

Recording date1964
Speaker age70
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Amnobiʔi nüke, büzʼe. Nüken ibi koʔbdot. I büzʼen ibi koʔbdot. Dĭ nüke büzʼen koʔbdobə ej ajirbi. Münörbi, kudonzlaʔpi. A bostə koʔbdobə uge ajirlaʔbə. Ulut bar dʼüʔlaʔbə. Dĭgəttə (m-) büzʼenə măndə: "Kundə boslə koʔbdo. (Măn dĭm=) Dĭ măna ĭmbidə ej alia". Dĭ inem kürerbi, koʔbdobə amnolbi. Kunnaːmbi dʼijenə. Barəʔluʔpi (pan) (tondə) (nə-), (š-) sĭre urgo. Dĭ amnolaʔbə, kănnalaʔbə. Šĭšəge šonəga. (Pa- paʔ-) Pagəʔ panə suʔmileʔbə. Măndə dĭʔnə: "Tănan šĭšəge!" "Dʼok, măna (ej=) ej šĭšəge iššo". Šonəga. "Šĭšəge tănan?" "Ej šĭšəge, ejü". A bostə dʼăbaktərzittə ej molia. Dĭgəttə bazoʔ surarlaʔbə. "Ej šĭšəge". Bostən šĭket dĭ bar kănnaːmbi. Dĭgəttə dĭ dĭm adʼejalaziʔ šurbi. Palʼto šerbi. Dĭ ejümneʔpi. Dĭgəttə nüke pürleʔbə blinəʔi. "Kanaʔ, koʔbdo kulaːmbi, dettə!" Dĭgəttə men toldə jilgəndə amnolaʔbə. Bostə măllaʔbə: "Büzʼen koʔbdot šonəga. (Iʔg-) Iʔgö bar aktʼa detleʔbə, oldʼa iʔgö". Dĭ măndə:" Dăre iʔ mănaʔ! Büzʼen koʔbdobə băragən detleʔbə." A (men= üge= dĭ-) men üge diʔnə dăre măllaʔbə. Dĭgəttə büzʼe šobi. Karzʼina aktʼa deʔpi. Bar oldʼa iʔgö. Koʔbdot turanə šobi. Dĭgəttə dĭ nüke: "Kundə măn koʔbdobə!" Dĭ büzʼe (körerbi) ine. Kumbi. Dĭ koʔbdobə dĭn že maluʔpi i bostə šobi. Dĭgəttə bazoʔ šĭšəge dĭʔnə šonəga. Dĭ bar:" Šĭšəge tănan?" "Šĭšəge, kănnaːmbiam, (iʔ= ha-) iʔ šoʔ măna!" Dĭ bazoʔ šonəga. "Šĭšəge tănan?" "Šĭšəge!" Davaj kudolzittə dĭm. Dĭgəttə iššo surarbi. Dĭ bazoʔ kudolbi vsʼaka, mut-mat kudolbi. Dĭ dĭm bar kăndəbi. I kulaːmbi bar, pa dĭrgit molaːmbi. Dĭgəttə ertən büzʼe uʔbdəbi. "Kanaʔ măn koʔbdo ileʔ!" Dĭ kambi. Men măndə:" Nüken koʔbdobə detleʔbə băranə bar! Kulaːmbi". Dĭgəttə:" Dăre iʔ mănaʔ! A mănaʔ: nüken koʔbdot, dĭ üge dăre". Dĭgəttə büzʼe šonəga. Nüke nuʔməluʔpi. Kuliot bar. Koʔbdot kulaːmbi, iʔbölaʔbə. Davaj dʼorzittə. Ĭmbidə ej alal. Kabarləj.
• Interlinear Glossed Text • Utterance view