Text view

PKZ_196X_Finist_flk

Recording date1964
Speaker age70
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Onʼiʔ büzʼe amnobi. Dĭn nagur koʔbdo ibi. Dĭ (ka-) kandəga ipek sadarzittə. "Ĭmbi šiʔnʼileʔ izittə?" Onʼiʔ măndə:" Măna iʔ kuvas palʼto". Onʼiʔ măndə:" Măna kuvas šalʼ (ib-) iʔ, i kuvas platʼtʼa iʔ". A üdʼüge samăjə: "A tănan ĭmbi izittə?" "Măna iʔ Filisnəj jasnəj ((BRK)) Dĭ măndə:" Iʔ măna Filišnəj jasnəj Dĭ kambi, dĭʔnə ibi palʼto, dĭʔnə šalʼ ibi (i ku-) i platʼtʼa ibi. Măndərbi, măndərbi, ej kubi. Dĭgəttə šobi maːʔndə. (Dĭ) Dĭ šidö koʔbdo (kaknarlaʔbəʔjə). "Tănan ĭmbidə ej ibi, a miʔnʼibeʔ ibi". "Nu i što, ej ibi dak puskaj ej iləj". Dĭgəttə dĭ bazoʔ kambi, ipeksi. "Ĭmbi izittə?" Dĭgəttə dĭzeŋ măndəʔi: "Bătinkaʔi iʔ, kuvas". Dĭ kambi, dĭzeŋdə ibi. (A=) A üdʼüge măndə:" Măna iʔ Filisnəj jasnəj Dĭ kambi, (dĭzeŋdə) ibi. A dĭm ej kubi. Dĭgəttə nagurəŋ kambi. Dĭgəttə dĭzeŋdə ibi bar ĭmbi. A dĭʔnə kubi dĭ pʼoruškă i deʔpi. Dĭgəttə dĭ bostə (kien) kunolbi. Ibi dĭ pʼoruškă. (Bambi) udandə. Udandə (baʔluʔpi), dĭ bar nʼi moluʔpi, bar dʼăbaktərlaʔbəʔjə. A dĭn sʼestrazaŋdə măndobiʔi, što dĭn nʼi ige. Dĭgəttə dĭ (dĭ-) dĭn kuznektə ibi üdʼüge. Dĭn bar dĭbər tagajʔi (n-) müʔtəbiʔi. A dĭm (bĭ-) bĭtəlbiʔi. Dĭrgit bü što kunolbi. Dĭ šobi. Kirgarbi, kirgarbi, üjüttə băʔpi. I kalladʼürbi. ((BRK)) Dĭn sʼestrazaŋdə dĭʔnə mĭbiʔi kaplʼaʔi, štobi̮ dĭ kunolluʔpi. Dĭ bar kunolluʔpi. A dĭ šobi. Kuznektə dĭzeŋ dĭn müʔpiʔi tagajʔi. Dĭ bar šüzittə xatʼel. Üjübə bar bătluʔpi. Kem mʼaŋnuʔpi. Dĭgəttə sazən pʼaŋdəbi. I (baʔ-) embi:" Kamen bazaj jamaʔi aləl, iʔtləl, dĭgəttə măna kulal. ((BRK)) Dĭgəttə dĭ uʔbdəbi. Kuiot: bar kem dön. I sazən iʔbolaʔbə. Dĭ sazən măndəbi, bar dʼorbi, dʼorbi. Da kambi kuznʼitsanə. Jamaʔi abi bazaj, pa abi bazaj. Dĭgəttə kambi. Kambi, kambi, kundʼom (šonəga=) šonəbi. Dĭgəttə (kuiot=) kulaʔbə: tura (i-) nuga (idʼiʔeje). Dĭ turanə šobi. Dĭn nüke amnolaʔbə. Dĭ surarlaʔbə:" Nüke, nüke, nörbit, gijen măn tibim kalladʼürbi?" Dĭ măndə:" Măn ej tĭmnem, gijen (dʼüʔ-), gijendə. Kanaʔ măn sʼestrandə. Dĭ tĭmnet. Nörbələj tănan". Dĭgəttə dĭʔnə mĭbi takše zălătoj, munəjʔ zălătoj. I nʼitkaʔi klubok. "Kanaʔ, dĭ nuʔmələj i tăn kanaʔ". Dĭgəttə dĭ kambi. ((BRK)) Dĭgəttə dĭ kambi, kambi. Baška sʼestrandə šobi. Tože (turat) (ej üdʼü- ej-) üdʼüge turat. Šübi turanə. (Măndə-, dĭn=) Dĭn nüke amnolaʔbə. Măndə: "Nüke, nüke, nörbeʔ măna, gijen măn tibi kalladʼürbi?" "Măn ej tĭmnem. Kanaʔ măn sʼestrandə, dĭ nörbələj, gijen dĭ". Dĭ dĭʔnə (mĭmbi=) mĭbi prʼalka. I mĭbi kugʼelʼi. Prʼalka bar zălătoj, i kugʼelʼi zălătoj. Dĭgəttə (mĭ-) mĭbi klubok. "Dĭ (kandlo-) kandluj, tăn (u-) kanaʔ dĭbər, gibər dĭ kandluj". Dĭgəttə dö kambi, kambi. Nagur sʼestrandə šobi, tože tura nulaʔbə. Dĭ šobi. Dĭn nüke amnolaʔbə. (ugandə) Dĭgəttə măndə:" Nüke, nüke, nörbeʔ măna, gijən măn tibim kalladʼürbi?" "Măn tĭmnem. Kanaʔ. Dĭgəttə dĭ mĭbi dĭʔnə (kormiš) kuvas, zălătoj bar. (Igol'-) Kălʼečkă mĭbi, zălătoj udandə. "Kanaʔ. Gijendə amnolaʔbə". Dĭʔnə mĭbi tože (k-) klubok. "Gibər dĭ kandləj, tăn dĭbər kanaʔ".
• Interlinear Glossed Text • Utterance view