Text view

PKZ_196X_Ducks_flk

Recording date1964
Speaker age70
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Amnobiʔi nüke büzʼezʼiʔ. Dĭzeŋ (bi̮l- ko-) ibi koʔbdo i nʼi. Dĭzeŋ togonorzittə kallaʔbəʔjə. "Măndot nʼim. (M- mi-) Măn tănan ilem plat, kuvas". Kambiʔi, a koʔbdot nʼibə ibi. Nʼiʔnenə amnolbi. Noʔgən, a bostə nuʔməluʔpi. Dön nabəʔi nanʼergöluʔpi. Dĭ nʼim (i- i-) iluʔpiʔi, (kunnaːlbiʔi), kumbiʔi. Koʔbdo (suʔmileʔ-) nuʔmileʔ šobi. Kuliot: naga, naga nʼi. Dibər-döbər nuʔməleʔbi, dĭgəttə kambi. Nuʔməluʔpi. Nuʔməleʔbə, nuʔməleʔbə. Pʼeš nulaʔbə. "Tăn ej kubiam, (gije-) gijen nʼergölüʔpiʔi nabəʔi?" Dĭ măndə: "Pirog amaʔ". "Ej budəj! Măn abandə budəj ige, da ej amniam". Nuʔməluʔpi. Dĭgəttə šonəga. Dĭgəttə pʼeš (ĭmbi dĭʔnə) ej mămbi. Dĭ nuʔməluʔpi bazoʔ. Dĭgəttə šonəga, bü mʼaŋŋaʔbə. "Amnaʔ, kiselʼ măn sutsiʔ!" "Măn abandə ej dĭrgitdə, ej amniam". Dĭ dĭʔnə ĭmbidə ej mămbi. Dĭgəttə nuʔməlaʔbə. Nulaʔbə jablokă. "Kubial, gibər (nam-) nabəʔi nʼergölüʔpiʔi?" "Amnaʔ măn jablokă!" "Măn abanə iššo jakšə (jablok), i to ej amniam". I dĭʔnə ĭmbidə ej nörbəbi. Dĭgəttə (m-) kambi, kambi. Nulaʔbə tura. Dĭ turanə šübi. Dĭn nüke amnolaʔbə. Jererleʔbə. Nʼi (ige) i (dĭn). "Jerereʔ, ĭmbi ileʔ šobial?" "Da măn mĭmbiem da kănnaːmbiam. Ejümzittə šobiam". "Amnaʔ, jerereʔ kudʼelʼə măna". Amnəbi, dĭgəttə jererlaʔbə. A nʼit, nʼiʔnen amnolaʔbə. Dĭgəttə tumo supsobi, măndə: "Koʔbdo, tănan nüke nendleʔbə moltʼa. I dĭn tănan nendləj, (ibə) amnəj. (Elendə) bar (amnolləj) bostə. Deʔ măna amzittə (m-) kaška". Dĭ dĭʔnə (mĭm-) mĭbi. "Kanaʔ, a măn jererləm. It bostə (nʼin)". Dĭ kabarlaʔ ibi i nuʔməluʔpi. Dĭ nüke šoləj. "Tăn jererleʔbəl?" Dĭ măndə: "Jererleʔbəm". Dĭgəttə bazoʔ kalləj moltʼa nendəsʼtə, dĭ koʔbdo nuʔməluʔpi. Šobi. Dĭgəttə nüke (šo-) turanə šobi, koʔbdo naga i nʼi naga. Dĭgəttə nabəʔinə măndə. "Kangaʔ, măndərgaʔ, gijen koʔbdo!" Dĭ koʔbdo (nu-) nuʔməleʔ šonəga. Bünə šobi. "Bü, bü, šaʔlaʔ măna!" Dĭ măndə: "(Am-) Amnaʔ măn kiselʼbə". Dĭ ambi, dĭ dĭm kajluʔpi. Dĭgəttə nabəʔi nʼergölüʔpiʔi. Dĭ bar supsobi. Bazoʔ nuʔməlaʔbə. Nabəʔi bazoʔ nʼergölaʔbəʔjə. Dĭgəttə jablokdə măndə: "Šaʔlaːndə miʔnʼibeʔ!" "Amaʔ jablokă", dĭ ambi, dĭ dĭm šaʔlaːmbi. Dĭgəttə nabəʔi nʼergölüʔpiʔi dĭ. Dĭzeŋ bazoʔ nuʔməluʔpiʔi. Pʼešdə šobi. Pʼeš măndə: Nabəʔi (a-) bar (kabarliaʔiʔi). Pʼeš măndə: "Amaʔ măn pirogdə!" Dĭ bar ambi, pʼešdə (še-) sʼaluʔpi. Nabəʔi nʼergölaʔpi, nʼergölaʔpi, gijendə naga. Parluʔpiʔi nükenə. A dĭzeŋ supsolaʔ šobiʔi maːndən. Šobiʔi. I abat, ijat šobiʔi. (Togonorzit-) Togonorgəʔ. Bar.
• Interlinear Glossed Text • Utterance view