Text view

f99Dreep

Recording date1999-02-08
Speaker age51
Speaker sexm
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Ndoe aram na nd'e / k'a ndoe / reep / goefe ni nd'e ndoe nda ndoe nûûn muk. Reep hok d'ong nye goed'emen. Ni f'yer k'e d'ik. Zem / moegurum muk zem de ni / goe mûaan d'ik yi. Amma / yin doe zem ndoe / gurum goemis / goepe ni goe b'ool nsek muk mou / sai a gurum goepe b'ool wan nsek muk / la swaal goepe b'ool wan nsek muk / nkyem de ni d'ik ni yi. To / mûep t'wot / la goesoe la p'et / goe b'ool nsek muk / la swaal goesoe la p'et / goe b'ool nsek muk / ni b'oot de-goe n-- / d'ik ni ba / nyegoepe / ko=la swaal goefe la doe de muk / ni goe b'ool nsek muk. To / nda muk yin nd'asoenoe pa t'ong d'ik ndoe gurum ba a? Pa d'e t'ong k'ang sai a la swaal goepe b'ool wan nsek muk kûût a? Yin sai a la swaal goed'ong / goepe b'ool wan nsek muk. Mûep t'wot t'at nde. Ni nt'ong kûût / sai ni / kat / ndoe wo / ndoe wo / yir bi ji kûût. P'iring yir gurum k'a goetep. Yool d'yem b'ak la swaal goed'ong sosai. Nyap le / loe nsûûn ji. Wa doe ru nlu mûep. Ni nt'ong / ni haan lang goet'eng de-goe nwar le / k'a p'aar. Sai ni na la hok lang pûanang wa wul d'i nd'ûûn. P'aar goe t'a nyil. P'et t'a t'ong b'iring. Sai nûûn muk / yool doe / yin wayyo reep doe muut. Yin reep doe ba muut ba. Yin reep pa muut ba. Yin reep pa na / shini nnoe reep pa na a mis goezem doe. Doe na mis goezem doe d'emt'ei. A mis t'ong du yok kûût shini / goennoe a mis goezem doe toe. Nda muk yin hai. D'yem d'em nkyem. Poe ni goe wa doe de moe shin k'wal yi. Yin ko la gu k'wal a mmoe / hen riga na gurum goezem noe / hen d'ik ni / hen nwa ndoe ni. Goewa mûai nnoe doe ru / mûep poe ni pe t'a t'ong. T'a mmuk t'ong lat / moegurum muk tal tal ndoe ni. Yin ji wul a de reep nyepe ji zem ni. Reep hok yi kede nwa boek'wal a k'wal ndoe ni mou. T'ong doe nyap le doe t'ong du nyok ndoe ni kûût / nyepe doe kat mis doe shini nnoe. Nda muk yin to ji nyang ba. Bi goezem ji / poe ni goe t'o nkyem. B'it la lin / pa goe nyap / hura / ba goe b'iling. B'it la lin / hura =hok la p'yaram / to / pa t'ong wa / ndoe mis =hok ba. Amma / amma / uh / hura =hok la d'e bi muk daidai / nwa t'ong yok goeshak ndoe ni. Reep =hok yool nd'asoenoe / tang maar / ba doe tu / nyap / dip / shin hura. B'iling hura d'ûe nd'ûûn d'a ngam / ter d'u. Yool goek'a goeb'it / doe sh'ang / doe kat hura d'e b'ak goebi / dyen nyap hura ba. P'yaram dip fu nd'ûûn d'a. Nan da nan / nyap hura b'ep b'iling b'iling b'iling / nyap d'ûe. Nda muk p'et doe na. Nda muk yin pa nyap hura nnoe a shini nnoe. Yin pa t'ong wa ba. Ni nyang kûût dip / yin t'ong doe wa ndoe mis =hok kûût. Yin / to / pa goe wa. Yool ya wakaam =hok / mûep yok / ndoe mis hok. Mis hok lap ni b'ûet ntyem. Mûep leng t'ong yok yi / mûep leng t'ong yok yi. Sai mis hok yin poe ji ji ru nk'ong lu. Nep ru nk'ong lu. La p'et / uh / uh / hula goelang nk'a muk p'et t'a. Yin / hula gwa p'et t'a b'e. Mûai yin pa goe nyet d'i. Mûep d'oeleng yok. Yin riga gwa p'et t'a b'e. Yin pa goe nyet d'i. Yin wando gwa p'et t'a b'e / t'ong p'ûat mb'uun gwa b'e. Yin gwa goe nyet d'i. Yin pa goe nyet d'i. A'a. Mûep ter ya nkyem. Sai ni na wo / b'iring / f'yer / myalap wa wul. D'a yool / yin mis doe d'e nnang? Gwa goe doe / yin wo nd'e. Yin kede pa boewal ba / a ji toe mis pa hok. A ji mis pa =hok (???). A ji toe mis pa =hok / du yok. Lang d'em t'ong d'aar yi nkyem / wo. Mûep p'ûat yok doe ngoede / t'eng. Wo doe lap ni / goede t'eng. Shyoot ni / shyoot ni / shyoot ni / loe ngoede t'eng. Muut / d'e d'i ba. Shin b'it wushe vel k'un. Wo d'e nk'ang de ni goe muut yi. Ni muut ba. Sai gurum goeharam goeshing nda muk / mûaan goe shin-- / nyim goeshing goenharam. Mûaan doe kat / d'e t'ong haram / haram yim goeshing. Sai ni na / gurum goeharam goeshing nda muk hok. S'em gurum hok a Bajeri. Sai ni eep d'ûe muk. Mang gya. Yin: Bajeri o Bajeri. Bajeri bawan baba. Bajeri bawan mama. In ka je gida ka gai da baba. In ka je gida ka gai da gaggo. Ga ni tare da maciji a gindin kuka. Sai Bajeri lap zak poe ni: Ina ruwa na Bajeri? Ina ruwa na Bajeri? Ke kika so maza masu kyau. Ke kika k'i maza masu muni. Bajeri / haram goeshing ji / yim ji / yo wa. Wa goe-goe t'em poe / nda / reep hok. Bajeri ba b'ep / reep / uh / b'ep k'wal gya goepe ni / reep =hok goe-goe shin / nji. Yin ji d'yem t'ong ji haram / yim yi de-goe npoe / wa nni goeshing / sai ji k'oeleng gya t'a ngoede t'eng. Bajeri o Bajeri. Bajeri bawan baba. Bajeri bawan mama. In ka je gida ka gai da baba. In ka je gida ka gai da gaggo. Ga ni tare da maciji a gindin kuka. Bajeri zak lap zak-yit / lap ji poe ni. Ina ruwa na Bajeri? Ina ruwa na Bajeri? Ke kika so maza masu kyau. Ke kika k'i maza masu muni. Wai / to / wo =hok d'e nnang? Bajeri lap mûep. Mûep p'ûat mûen. Mûep p'ûat mûen yok doe kat ni goe-goe rees t'o ngoede wo. Wo d'al / zem de-goe n-- / gama ndoe ni. Sai mûep shin k'ok'ari / mûep tu wo / mûep kyak ni / mûep p'en ni. Mûep yok doe d'ak / mûep d'ak ni nlu. Rees d'yem b'ak. Doe d'ak ni. Shin b'it ngam ntyem / kat kyoop muk yi. Goepe kat kyoop lat / mis / uh / nda muk yin to / yin pa t'ong b'ep tang mis goenang zak-yit? Yin ko la a fum mbong / mûep goe mang ni goe poe doe. T'ong doe t'o ndoe fum hok mbong hok. Mûep mang ni b'ûet ndoe fum. Fum weel ni goe / me me me me / me me me me. B'oot goe / t'o ndoe fum ba / su p'et. Pa yin to yin lat sek sat. Yin gurum goepe la nyang goe k'oeleng bi goepe / moe / moegurum muk k'wal / t'ong d'a na takanshi t'at ndoe b'it. Gwen bakwa k'wal yi / wanda bai ji bari ba / ya ji oho. Magana ya k'are.
• Interlinear Glossed Text • Utterance view