Text view

Goesem

Recording date2000-11-29
Speaker age23
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Hen t'ong b'ep tal la ndoe bi t'ong tal la ndoe bi goet'ong tal noe kyoklok. Ndoe goesem ndoe wo. Goesem a gurum goeb'akpe. Ni a gurum goeb'akpe tun d'at. Wo a gurum goeb'akpe tun poedok. Wo wo hok a k'emk'em. Akwai goef'yer akwai goekyoklok. Akwai pang pang d'e d'i. Mir d'e d'i. Deryil d'e d'i. Akwai zwam falfe wo p'as wo luun d'e d'i. Ndoe d'emde goepe hen man s'em mûep ba. Pang a wo goef'yer. K'ong a wo goekyoklok. Zwam a wo goekyoklok. Tangyim a wo goekyoklok. Goesem akwai moed'yen akwai moenan. Goesem mûep dok d'e a goeshak ndoe wo ns'et. Wo k'wal ndoe goesem t'ong moe shin a nd'ang nd'asoenoe? Goe wo? Goe goesem? Inji wo. Wo kut bi goet'ong shin men fûaan d'e nt'aan yi k'ek men. Fûaan d'e nkat men yi d'e ndal men yi. T'ong moe shin a nd'ang nd'ang? T'ong moe kut a mmoe k'a goesek? Wo k'wal yin ji ji goe sh'oon de-goe nhok t'uun ba. Yin ji goe pûe de-goe nt'uun yil ba. Goesem kut yi yin goe wo hen a ngoe sh'oon hen goe pûe. Hen t'ong-- goennoe a yen men nk'wak men. Hen t'ong hok t'uun t'ong nyap. T'ong t'ong moe t'oerep goeshak ndoe goe. Hen la hok mmaan t'ong hok mmak de moe de moe t'oerep yi nt'uun nk'wak men. Goesem hok hok hok t'uun d'e np'en yil yi. Hok t'ong p'en yil hok t'ong p'en yil. Hok gama goe p'en yil. Wo hok k'wal yin yin hen k'am goe nt'o nd'ûûn. Wo ru. T'o nd'ûûn. Na pe hok zoom. Shyang toe. D'ong toe. Goep'et muk yin ho goe goesem ho goe goe shit. Goesem yin mh. Yin hen t'ong b'oot wala nnoe ba. Hen t'ong b'oot shit nnoe ba. Yin hen gode poe goe. Naan goe poe goe bi goezem goe. Wo la t'ong t'o nt'uun... ...wo d'e nshyoot yi. La mûaan doe t'a t'o nt'uun shyoot de goe b'ûet k'a muk yi goeme. Wo t'o nt'uun. Goesem doe de-goe nru. Wo b'ûet an muk goebi a ndoe bi goek'em doe toe de ndoe ru. Wo hes at goesem. Goesem yi a hen wo. Goesem yong kwai uh wo k'wal yin kwai. A goe ba. Goe wuroe toe? Yin a hen goesem. Ni yool nyet goesem. Goesem yool su. Goesem mûaan doe hok mmûûn t'o d'i. Wo poe l-- uh goesem ba yi doe shin ndoe an. La shin nyap pûepin war yil goep'en mukhoe hoot pûe muk nni. Goesem d'e nhoot uh wo d'e nhoot pûe muk yi ba. T'uun hok d'yem bi muk. Ba ndoe bi goepe hoot hoot pûe hok Pûe hok d'yem bi muk a goeneep. Mûep la t'ong hok t'uun mûep b'es t'ong hok de mûep goe kat ndoe wo yi. Mûep la kat wo mûep b'es t'ong tu ni. Goesem d'e kyat de na mûep tu goesem. Mûep man goepe goesem d'e nt'uun de mûep hok de mûep goe K'yak goesem dok dam toe ndoe wo. A ni toe mûep gap. Poe ni k'emk'em. D'emde goesem hok swo yi rwo dakd'ûe lu. D'emde wo hok nyegoepe mûep b'at de-goe nhok t'uun ba mûep swo yi zak bi goesem dakd'ûe lu. Goesem la hok t'uun muk de wo goe kat yi goe ru d'i nd'ûûn. A ni toe yi na yi mûep leng goeshak. Mûep leng amma pûe mûep goeme ba. K'yak mûep a goendam ndoe sek mûep. Nyegoepe goesem la hok t'uun hok wo t'ong ba doe ru d'i nd'ûûn t'uun hok. De goes-- uh wo goe kat goesem yi goe b'ep goe nyap goe at. La at goesem la b'ep su la mûaan ndoe pe wo t'ong bi ni. A bi goesa toe yi na ndoe goesem ndoe wo mûep d'e n arap mutane yi dakd'ûe lu
• Interlinear Glossed Text • Utterance view