Waveform view

KiMN_19900417_Milkmaid_flk

Recording date	1990
Speaker age	75
Speaker sex	m
Text genre	traditional narrative
Extended corpus	no

Visualization: Text view Waveform view Interlinear Glossed Text Utterance view

Loading wave form: 0%

Speed: ⊖ 100% ⊕

Zoom: ⊖ 200 pps ⊕

Biːr kupi͡es dʼe oloror. Baːj bagaj kupi͡es, bejetitten gu͡orattaːk. Bu oloron, bu kupi͡es dajarkalaːk, koru͡oba ɨ͡agɨːhɨt. Ontuta u͡ol ogoloːk. Bu dajarkatɨn ere tu͡okka da üleleːbet, ülehite hu͡ok bu dajarka ere. Dʼe oloror, dajarkalɨː oloror kupi͡eska. Biːrde oloron bu kupi͡es dajarkata kelbit ɨ͡allana. Kaja, bu ɨ͡allana kelbitiger kupi͡eha diː-diː: "Eni͡ene eriŋ togo üleleːbet? Iti dʼi͡etiger tugu eme gɨnaːččɨ", diːr. "Hu͡ok, ahɨːrɨ gɨtta utujar üleleːk, elete", diːr, "min erim. Onton ülete hu͡ok." "Eː", diːr. Dʼe, töhö-kačča olorbuttara bu͡ollar, bu dajarka u͡ol ogoloːk. Bu ogoto ulaːppɨt, (d-) dajarka ogoto. Bu ulaːtan, ol gu͡oratɨn kihite, bu kupi͡es gi͡ene ile kihiler, ebit, urukku kupi͡es, eni, baːj kupi͡es. Dʼe, bu oloron bu ogoto biːrde tahaːrattan oːnnʼuː hɨldʼan kiːren: "Teːte", di͡ebit, "iti togo kihi barɨta hɨːr annɨtɨgar, hajɨn bu͡olu͡o da delbi balɨktɨːllar, ilim ütteller. Ilim ütte kimneːtekke, kömölöstökpüne kömölöhöbün olorgo, ogonnʼottorgo. Olorum balɨk bi͡ereːččiler. (~~Bih-~~) bihigi ki͡e togo Iti ogonnʼottor kördük togo ilimneːbekkin?" "Ej! Min töröːbüppütten ilimi bilbeppin. Tɨːlanaːččɨta da hu͡okpun." "Iti keː kim tɨːlammɨt tɨːtaj bu? Kopsoktoːkput bu͡olbatak, iti külüːsteːk kopsok turar." Dʼi͡elerin attɨgar kopsok turar. Ti bɨlɨrgɨ. Ürdütütten ot üːmmüt. "Iti ~~kopsok~~ ojogohugar tɨː tüŋnehille hɨppat. ((DMG)) Kimiŋ tɨːtaj ki͡e, en tɨːŋ bu͡olbatak duː", ((DMG)) "Eːj, iti min teːteleːk etim", diːr. Iti tu͡ok intiŋ kam katan kaːlbɨt "Dʼe, iti ki͡e kopsok ihiger tu͡ok baːrɨj", di͡ebit ogoto. "Eːj", di͡ebit. "Iti kopsok ihiger, tuːgun ŋɨnaːktɨːgɨn, toloru", di͡ebit. "Teːtem (~~hi-~~) ilimneneːčči ete, teːtem ilimnere baːllar", diː. "Eː", di͡ebit. Oː, töhö-kačča olorbuta bu͡ollar. "Teːte", di͡ebit, "kaja, min ulaːttɨm diːn", di͡ebit. "Iti ki͡e tɨːnɨ ehelerber oŋortoron baraːn tɨːlana ü͡öreni͡ekpin, ilimneni͡ekpin naːda, köröbün. Meŋestebin daː ehelerber tɨːga, meŋesteːččiler. Kaː, üčügej bagaj, kihi ü͡örener kördük." Eːj dʼe dʼaːbɨlan otto hɨrɨt Bu tɨːkaːnɨn dʼe sohon kiːllerer. Maː kappɨt tɨː kihi dʼogus bu͡o. Onno lu͡otka-tɨː oŋostollorugar kömölöhön: Otuː tu͡ok ottuhon, bu kihi, dʼe, tɨːtɨn eheleriger… Ol (e-) ehelere dʼe oŋoron bi͡ereller. Dʼe, bu kihi tɨːlana ü͡örener kɨtɨlkaːŋŋa. "E, ɨraːk barɨma, tɨ͡alga kiːrime." Ilim itte üten bi͡ereller. Ol ehetin kopsogun arɨjan ɨlar ilimi Kajagastaːk ilimneri bullagɨna, diːr: "Kajaː, teːte, abɨraktaː", diːr. "Hej, eheŋ da tɨːnnagɨna abɨraktɨː, ilim abɨraktɨː hataːbappɨn, bilbeppin." Bu ogo dʼe bu ilimnener, uhuguttan ütter ü͡örenne ilimi. Balɨkkaːn itte ɨlar. Biːrde, ulaːtan baraːn, bu ogo ilimnene barɨːhɨ. Körör, ürekkeːtteri bɨhɨtalɨːllar, biːskeleri. Bu biːskeleri bɨstaktarɨna, delbi balɨktɨːllar. Bu ogo ilim kɨrɨːtɨn bulbat. "Bu hemeli͡ektere minigin ilim attɨnnan ütten." Baran, baran, baran, baran ilim uhuga bu͡olu͡o, ilim hu͡ok hiriger araj tu͡ok ere ürekkeːne taksar. Manɨ bɨspɨt, iliminen bɨha üppüt. Bu kihi tɨː balɨgɨ egeler, kün aːjɨ ontutugar (~~üle-~~) hɨldʼar üleleːk. Harsi͡erda barar, ki͡ehe keler. Toloru balɨgɨ egeler. Bu dajarka maːmata holoto hu͡ok, astanarga, kihi aːjɨ bi͡erer balɨgɨ. Uhuguttan biːrde di͡ebit kupi͡eha: Kaja deː dajarka atahɨŋ bu͡olbatak eni͡ene kupi͡es dʼaktar Kaja, iti dajarka ka delbi balɨgɨ bi͡erer kihi͡eke. Kihiler gini dʼi͡etitten balɨgɨ illeller. Dʼukulata bu͡ollagɨna araŋaha toloru. Togo balɨkta kördöːbökkün, balɨk hi͡ekpitin?" "E, kirdik daː", di͡ebit. Kupi͡es dʼaktara dajarkaga keler ki͡ehe, ülete büppütün kenne. "Kaja, dogoː", diːr. "Min eni͡eke balɨk kördönö kellim." "Heː", di͡ebit, "ka, bi͡eri͡em, bi͡eri͡em, dʼe, anɨ keli͡ege ol u͡olu, ilimnener, iti ilimnenen boduːlanar. Tɨː balɨgɨ egeler." Tu͡ok atɨːtɨn-huluːtun gɨnagɨn. U͡ola kelbitiger balɨk delbi egeler Bu u͡ol dʼe ülete ol agaj balɨktanar Dʼe, biːrde dajarka di͡ebit: "Iti kupi͡es kɨːstaːk diːn", di͡ebit, "bihigi u͡olbut kördük. Ol kɨːhɨn ke bihigi kördöːtökpütüne, bi͡eri͡e hu͡ok ete, dʼürü", di͡ebit. Eː di͡ebit dʼaktarɨ atahɨŋ bu͡olbataːk di͡ebit kupi͡es "Balɨk tu͡ok bi͡erbekkin. Dʼaktar kihi en kördöː", di͡ebit. Oː, dʼe bu dʼaktar barɨːhɨ kupi͡eska ki͡ehe. "Dʼe", di͡ebit, "kupi͡es. Onon min ogom ulaːtta", di͡ebit, "dʼa, anɨ dʼaktardanan kihi bu͡olar kemiger tijde. Iti ki͡e min u͡olbar kɨːskɨn bi͡eri͡e hu͡ok etiŋ, dʼürü", di͡ebit. "Min onuga horuktanan kördönön kellim", di͡ebit. "Min tuhum bagas", di͡ebit, "iti dʼaktarɨ da ɨllagɨna iːter kördük, itigirdik bultanan ahatɨ͡ak kördük dʼaktar." "Eːj", di͡ebit. "Ka, kihi kihi bu͡ollara tu͡ok bu͡olu͡oj ol", di͡ebit. "Dʼaktar erge barbakka togo oloru͡oj", di͡ebit. "Ka, badʼan ere bulčut bagaj bu͡olbatak. Bi͡erebin", di͡ebit. "Öjüːn kurumnanɨ͡akpɨt", di͡ebit. Kupi͡es dajarkaga u͡olugar kɨːhɨn bi͡eren (~~keː-~~). Dʼe, kurumnuːllar. Kahan da kupi͡es kurumnuːr bu͡o. Dajarka kantɨtɨttan, dʼonu munnʼan. Dʼonun munnʼan dʼe kurumnaːn ahaːrɨ oloronnor olordoktoruna ahɨː ilikkeːnnerine kihi barɨ͡ata munnʼullubutun kenne olortoːbuttarɨn kenne bu kupi͡es kɨːha haŋalaːk bu͡olar "Dʼe, min ɨjɨtardaːkpɨn", di͡ebit. "Bu erge barar kihibitten, bu dajarka u͡oluttan. Bu mini͡ene ɨj ɨjɨtar hirim bugurduk di͡ebit "Eː, tu͡ok aːtaj kuhagan", di͡ebit. "Tu͡ok aːtaj üčügej", di͡ebit. "Bu aːta üčügej di͡eŋŋin, kepseː", di͡ebit. "Bu aːta kuhagan di͡eŋŋin, kepseː", di͡ebit. Kepsiː ilikkinen mini͡eke erge min eni͡eke erge barbappɨn di͡ebit "Kuhaganɨ duː, ütü͡önü duː (~~bil-~~) bile ilikkine", di͡ebit. Bu u͡ol ahɨːr da hu͡ok, siːr da hu͡ok. Mo kurum da dʼono ahɨː ilikterine. Kɨhɨn ebite bu͡olu͡o kühün ku ku kurumnannɨlar en buːs toŋmutun ke Bu kihi kajdɨ͡at da hirge hɨldʼɨbatak kihi bu͡o, tu͡ora. Ebetin hüːrük annɨn di͡et dʼe hüːrer. Irdeːn hüːrer, ebe ürdünen, hirge barɨːhɨ; dʼaktardanar da hu͡ok, kurum da hiːre hu͡ok. Maː kurumnaːččɨlara ahaːbɨttara duː, ahaːbataktara duː, honon kaːlbɨttara. Oloŋkobut u͡olu gɨtta baːr. ete Baran ihenihen töhökačča tugu da bulbat duː Gu͡orat köstör innitiger. Araj körbüte baːj kupi͡es gu͡orata bɨhɨlaːk Gu͡orakka tijbit. Kupi͡es ku͡oratɨgar baːr kihi, kupi͡es dʼi͡etiger kötön tüher. Kupi͡es ogonnʼordoːk emeːksin oloror onton atɨn kihi biːr da kihi hu͡ok. "Eː, doroːboŋ, doroːboŋ", di͡ebit. "Kaja, kugu, kajdi͡ek baragɨn", di͡ebit. "Eː, meneːk hɨldʼabɨn", di͡ebit. Ka tuguj ke di͡ebit bu͡o kupi͡es ereːtigin en togo kuhaganaj olororuŋ handuguraj "Eː, (~~ku-~~) bu͡olaːktaːmmɨn", di͡ebit. "Min hanaːrgɨːrɨm bugurduk", di͡ebit. "Hu͡oč-hogotok u͡ol ogoloːkpun etim", di͡ebit. "Ontum hir kajagahɨnan da tüspütün bilbeppin, uːga da timirbitin bilbeppin. Kajdi͡et da bu͡olbutun bilbeppin, tu͡ok da ilpitin bilbeppin. Dʼommun kördötö hataːn elem bu͡ollum, dʼonum da bulbat. Onon ol hutaːn olorogun." "Eː", di͡ebit, "dʼe min ol u͡olu kördüː hɨldʼabɨn", di͡ebit. Bu kuhagan. Tu͡ok aːtaj kuhagan", di͡ebit, "en bilegin kuhaganɨ", di͡ebit. "Tu͡ok aːtaj", di͡ebit, "üčügej? En bilegin daː, eni", di͡ebit, "üčügeji? Kuhaganɨ duː üčügeji duː kajalarɨn emete "Eː", di͡ebit. "Min tugu bilerdeːk bu͡olaːktɨːbɨn? Iti min anɨ kuhagannɨk olorobun", di͡ebit. "Ol ogobun hüteremmin bu kuhagannɨk olorobun", di͡ebit. "Iti aːta bu͡olu͡o, badaga, kuhagan", di͡ebit. "Eː, üčügej bu͡ollagɨna, iti aːta bu͡ollagɨna, ontubun öskötün tu͡ogu eme bu͡olan tɨːnnaːktɨː bejeber manna kiːllerdin dʼi͡eber. Ol aːta, dʼe, üčügej da üčügej. Dʼe, ü͡örüːleːk ol üčügej bu͡olu͡o aːt eːt." "Eː", di͡ebit. "En, ka, kajdi͡et baragɨn", di͡ebit, "ɨ͡aldʼɨt." "Hu͡ok, üčügeji gɨtta iti kuhaganɨ kördüː barar etim", di͡ebit. "Anɨ enʼigitten ihittim", di͡ebit. "Daː bu͡ollar anɨ inni di͡ek össü͡ö barɨ͡am", di͡ebit, "bu kihi di͡ek baran. En kihini-dʼonu bilegi͡en", di͡ebit, kupi͡ehitten ɨjɨppɨt, dʼi͡eleːgitten. "Heː", di͡ebit, "mantan bu kelbitin kotu bu gu͡oratɨ innʼe aːstakkɨna, ebe ürdüger emi͡e biːr gu͡orat baːr", di͡ebit. "Onton ɨntak dʼe bilbeppin", di͡ebit. "Eː", di͡ebit. Dʼe, üčügej. Bu kihi hüːren ihen-ihen araj ebe ürdütügünen hüːren ispite, maha hu͡ok bagaj bu͡olbut ebete, alɨː bagaj e kɨtɨllara turar ebetten. Ulakan da ulakan oŋu͡orguta kögörön köstör alɨː. Ol ortotugar mas turar, hu͡oč-hogotok mas. Ol maska dʼe hüːren barar. Hüːren barbɨta, mas ortotun ɨnaraː öttütüger, üːhe di͡et tiːt da tiːt uhana, mutuk da hu͡ok, tu͡ok da hu͡ok. Bejetin ~~haha~~ haːstaːk hiŋil bagaj u͡ol ogo maska kelgille hɨtar ebit turar maska kelgillibit Bu kihi dʼe tarbɨːr, ɨttar, ɨttan maː kelgi͡eleːk ogogo tijbit. "Ka, dogoː, doroːbo!" "Doroːbo, doroːbo!" Dʼe kördögüne bejetin haːha. "Eː, dogoː, doroːbolohoːktoːŋŋun daː tuːgun gɨnaːktɨːgɨn", di͡ebit ol kelgille hɨtaːččɨta. "Dʼe bu abaːhɨ kelen", dʼi͡ebit, "minigin kimneːbit, kelgijbite bu. Bu kelgijen baraːn baran kaːlbɨta", di͡ebit. "Bu dʼeŋ ölüː", di͡ebit. "Eː", di͡ebit. Dʼe, oččogo hü͡örbüt bu kihitin. "O, dʼe, dʼe abɨraːtɨŋ, dogorkoːnum, dʼe pasiːba", di͡en. "Dʼi͡egin bulu͡oŋ", di͡ebit. "Min bu kelbit hu͡olum üstün irdeː", di͡ebit, "bul." "Eː, ka, bulumna", di͡ebit, "bejem gu͡oratɨm", di͡ebit. "Dʼe, anɨ dʼi͡eger bar", di͡ebit bu dajarka ogoto, hü͡öreːččite. "Min össü͡ö inni di͡ek barardaːkpɨn", di͡ebit. Bu ehi͡eke ɨ͡allaːn kelebin di͡ebit Teːteŋ di͡ebite össü͡ö gu͡orat baːr di͡ebit bu di͡et di͡ebit ol gu͡orakka barardaːkpɨn di͡ebit "E, dʼe üčügej, dʼe pasiːba. Ka, dogoː, tönnörügün keleːr, ɨ͡allaːr." "Heː, ɨ͡allɨ͡am, ɨ͡allɨ͡am, ka, togo ɨ͡allaːbakka aːhɨ͡amɨj deŋ tönünnekpine." Baːdi kelgi͡eleːk ogo dʼi͡etiger baran kaːlla. Bu barbɨtɨn kenne dajarka u͡ola bi͡ek baran iher. Baran ihen-ihen gu͡orakka tijbit, gu͡orakka tijbite emi͡e kupi͡es kupi͡es gu͡oratɨgar. Bu kupi͡eska kiːrbit, kötön tüspüt. "Ka, doroːbo, doroːbo!" Maːjdɨŋŋɨ ɨ͡allaːččɨ kupi͡ehineːger hürdeːk handučču oloror. handučču "Eː", di͡ebit, "kajdi͡ek hɨldʼar baraksaŋŋɨnɨj, bu kantan kelegin?" Dʼe bu bu di͡et baːj kim baːr kupi͡es ol kupi͡es ɨnaraː öttütüger emi͡e kupi͡es gu͡orata baːr Ol gu͡orakka dʼi͡eleːkpin, ɨnaraːgɨ kupi͡es gu͡oratɨgar, onton kelebin. Dʼe, bu min kördüː hɨldʼar hirim baːr, kuhaganɨ gɨtta üčügeji. Tu͡ok aːtaj kuhagan, tu͡ok aːtaj üčügej." "Eː", di͡ebit. "Min bu hu͡oč-hogotok kɨːh ogoloːk etim", di͡ebit bu kupi͡eh. "Mantɨm hir da kajagahɨn üstün tüspütün bilbeppin, kallaːŋŋa daː köppütün bilbeppin. Dʼommun kördötö hataːtɨm daː, kantan da bulbattar. Dʼe, bu ontubun, öskötün, tu͡ok eme tɨːnnaːktɨː bulan egellin. Ol kördük üčügej tu͡ok baːr bu͡olu͡ogaj. Bu olororum kuhagan dʼe. Itinten da orduk kuhagan iti, iti aːta bu͡olu͡o kuhagan. Ol ogobun bulan ~~egelleller~~ egeler tu͡ogu eme köllörör baːr bu͡olla ol aːta bu͡olar üčügej bu͡olu͡o diː hanɨːbɨn Dʼe itinten da ordugu bilbeppin." "Eː", di͡ebit. Bu ogo dʼe barar. "Kaja, (~~ku-~~) kajdi͡ek baragɨn", di͡ebit. "Hu͡o, össü͡ö bu di͡ek barardaːkpɨn", di͡ebit. "E, dʼe hɨrɨː kihite kajdak kimni͡emij", diːr, "tutu͡omuj. Dʼe, (hɨrɨːgɨn ~~hiteriŋ~~ -) hɨrɨːgɨn ~~hüteren~~ hittekkine, kaja, kiːren aːhaːr, kelen aːhaːr tönnörügün, tönnör kihi bu͡olu͡oŋ." "Ek", di͡ebit daː, aːnɨ "lip" gɨnnara da happɨt Süːren süːren süːren süːren e ebetin čɨpčaːl bahɨgar tijbit araj taːs dʼi͡ege keppit hu͡opkaga Taːs hu͡opkaga keppit araj aːnnaːk. Aːnɨn arɨja tardar, araj taːs dʼi͡e. Aːnɨn arɨja tarpɨta, gininneːger ogo, kɨːh ogo oloroːktuːr diːn. ɨntak, ketegeriːn di͡ek kanʼɨspɨt, ɨtɨː oloror. "Ka, doroːbo", di͡ebit. "Bu tu͡ok aːttaːk bu͡olagɨn, karagɨŋ tehe u͡olla", di͡ebit. "Minigin köŋönöŋŋün ɨtɨːgɨn duː?" diːr "Eː, hu͡ok", di͡ebit. "Togo keleːktiːgin", di͡ebit, "en haːtar bu dojduga? Abaːhɨ egelbite minigin", di͡ebit, "u͡oran. Bu abaːhɨŋ anɨ barbɨta, bu ki͡ehe agaj keli͡e", di͡ebit. "Ki͡ehe keleːčči, harsi͡erda baran. Bu bultana barar u͡odʼulaːk", di͡ebit. Bu k anɨ kɨhɨn bu͡olu͡oga di͡ebit ba haŋardɨː toŋoror anɨ Üčügejdik kɨhɨn bu͡ola ilik. Bu kɨhɨnɨ bɨhar ahɨn komunar", di͡ebit. Bu aha bu͡ollagɨna kihini ölörön egeler tuːsalaːn Dʼɨlɨ bɨhar aha ol", di͡ebit, "onu bultana barbɨta", di͡ebit. "Eː, dʼe, üčügej, bardɨn." Dʼe, di͡ebit: "Ka, en ka tugu ahaːččɨgɨnɨj", di͡ebit. "E, mini͡eke tugu ere koru͡oba etin duː kantan egelere bu͡ollar", di͡ebit. "Koru͡oba etin ahatar. Kihi etin hi͡eččite hu͡okpun", di͡ebit, "hi͡ebeppin", di͡ebit. "Eː", di͡ebit, "dʼe, ontuŋ ke enʼigin kajtak gɨnaːččɨgɨnɨj?" "Hu͡ok, kajtak da gɨmmat", di͡ebit, "bɨttataːččɨ", di͡ebit, "menʼiːtin. Bu bɨttattagɨna nʼiːlbekper uːrar", di͡ebit, "menʼiːtin, bu menʼiːtin uːran baraːn, kaːmmɨn oboror u͡odʼulaːk", di͡ebit. "Taŋas bütej ol", dʼi͡ebit, "onton aːmmɨn kataːn baraːn, horogugar baraːččɨ", di͡ebit. "Eː", di͡ebit. O, dʼe ki͡ehe dʼi͡elere taːs. "Ki͡ehe kellegine, kajdak gɨnaːččɨgɨnɨj ke", di͡ebit. "Iti dʼi͡etiger čugahaːtagɨna, dʼi͡ebit isti͡enete barɨta kɨtaraːččɨ", di͡ebit, "kiːrerin attɨgar. Ol gɨnan baran karaːrt gɨnaːččɨ", di͡ebit. "Dʼe, oččogo keler", di͡ebit. "Eː", di͡ebit. Dʼe, üčügej. Bu kihi oloror, kötön tüspüt. Araj kötön tüspüte kupaːjka taŋastaːk küččügüj kihikeːn bu͡olan kiːrbit. "E, doroːbo, doroːbo", di͡ebit. "ɨ͡aldʼɨt kelbit duː", di͡ebit. "Heː", di͡ebit, "ɨ͡aldʼɨt kelbit." "Kaja, kajdi͡ek hɨldʼagɨn?" "Ka, bu muna hɨldʼammɨn kellim, mummutum kahɨs da dʼɨlɨm bu͡olla", di͡ebit. "O", di͡ebit. "E, dʼe, kata da", di͡ebit, "min uː bahɨːhɨttaːk bu͡ollum. Bu iti abaːhɨŋ uːnu daː bahɨ͡agɨn, tugu da koppot", di͡ebit ol kɨːhɨn. "Bu hɨlajan da kelebin, bu bultana hɨldʼabɨn. Dʼɨlbɨn bɨhar aspɨn komunabɨn." "Eː", di͡ebit, "čej, ahɨ͡ak", di͡ebit. "(~~Ahaː-~~) (~~kü͡öst-~~) tugu hi͡eččiginij", di͡ebit. "Ka, bu koru͡oba etin hi͡eččibin", di͡ebit. "Eː", di͡ebit. Kaja hirten ɨlbɨta dʼürü gini, ol abaːhɨta koru͡oba etin (~~kü͡öst-~~), bütün koru͡obanɨ kü͡östeːbit. Bejete atɨ kü͡östemmit. Holuːrdara da üčügej holuːrdar Dʼe, ki͡ehe kotorbut, dʼe ahaːbɨttar ikki͡ennere. Dogoro, ɨ͡aldʼɨta, körü͡ön betereː, körü͡ön betereː öttüne koru͡obatɨn bɨːgɨn aŋarɨn čeŋki hi͡ebit, abaːhɨta atɨn da bɨrɨː iligine, (at) ortotugar da tije ilik. "Eː, tottum", di͡ebit (~~koru͡obat-~~) bɨːgɨn hi͡ebit kihi. "Eː, dʼe, utuju͡ok", di͡ebit, "anɨ. Dʼe, utujan turdakpɨtɨna, emi͡e bultana barɨ͡am", di͡ebit. "Anɨ erde turu͡om", di͡ebit. "Ügühü bultannɨm", di͡ebit, "dʼɨlɨm ortotugar ba tijer kördüppün", di͡ebit. "Dʼe, tukuː", di͡ebit, "iti kiːreːrigin körbütüŋ diːn", di͡ebit, "iti bu͡očuku turar", di͡ebit, "iti kɨldʼɨːlaːk, iti holuːrbut", di͡ebit. "(~~Itinige~~), itinen uːta bahaːr", di͡ebit. "Töhö kihiginij", di͡ebit. "Dʼe dogordoːk bu͡ollum", di͡ebit, "ülehitteːk bu͡ollum, uː bahɨːhɨttaːk."

Edit utterance

Text view • Interlinear Glossed Text • Utterance view • Help