Text view

UkOA_2010_Festival_nar

Recording date2010
Speaker age51
Speaker sexm
Text genrepersonal narrative
Extended corpusyes
Javascript seems to be turned off, or there was a communication error. Turn on Javascript for more display options.
– Hakalɨː kepsi͡em du͡o? – Mhm hakalɨː, hakalɨː. – Hürbe ikkileːk ijunʼŋa ikki hüːs u͡onnaːk dʼɨlga Xantɨ-Mansijskaj gorakka bu͡olbuta fʼestʼival "Sʼevʼernaje sʼijanʼije" di͡en aːttaːk. Onno Tajmɨːrtan bihigi barbɨppɨt ikki kihi. Birges bu͡olla Vladʼimʼir Eːnovʼičʼ Sʼigunʼej, "Naroːdnaj Artʼist Rassʼii" di͡en kihi aːttaːk "Zaslužennɨj artʼist Rassʼii" i min Nasku͡ottan. Onno bert üčügejdik bihigitin tohujdular, tuːstaːk kili͡ebinen. Ulakan bagaj gastʼinʼisaga dʼi͡eleːtiler, aːta bu͡olla "Hette girbej", "Semʼ xalmov". Bert üčügejdik bihigini ahatallar onno, ahappɨttara, utupputtara, onton harsɨŋŋɨtɨn rʼepʼetʼicɨjalaːppɨt. Hol ki͡ehetin, hol ki͡ehetin že vɨstupajdaːppɨt. Ol kennitten tögürük ostol bu͡olta ikkis künüger. Ol tögürük ostolgo bu͡olla eŋin eː elbek kihi komullubuta. Ü͡örüːnü kuhaganɨ eː olok tuhunan kepsetiː baːr ete. Ogolor ü͡örenellerin tustarɨnan studʼenttar eː iti ulakan vɨššɨj učʼebnɨj zavʼedʼenʼijalar tustarɨgar togo bɨragallarɨn ili togo ü͡öremmetterin ol ol tuhugar eː ulakan onton vapros Onton bu͡olla (eme-) eː emeːksin vɨstupajdaːbɨt onno, Maldaːnova di͡en Marʼija Kuzʼmʼinʼičʼna. Öjdöːk dʼaktar, ol haŋarbɨta: Eː ogo kihiler eː ogo kihiler bejelerin kergenneriger bejelerin kergennerin isteriger isteritten vaspʼitanʼija bu͡olardaːk. Töröppüt kihi bi͡ererdeːk ü͡öregi ütü͡önü kuhaganɨ ogogo. Aː usku͡ola, sadʼik onuga bu͡olla eː učʼebnɨj zavʼedʼenʼijalar onuga kömö ere bu͡olu͡oktarɨn naːda, a anʼi asnavnoj bazɨ kördük Ol ihin bu͡olla anɨ inni di͡ek eː ulaːtɨnnarɨ͡akka naːda diːr eː ol dʼaktar eppi͡eti törötör kihilerten radʼitelʼlartan. Da i ütü͡önü elbeːtinneri͡ekke di͡en haŋarbɨta ol dʼaktar, ütü͡önü elbeːtinneri͡ekke a kuhaganɨ agɨjaːtɨnnarɨ͡akka bu hirge. Vot, nu, koloːn kördökkö (jeslʼi) enigin kuhagannɨk haŋardɨlar, kuhaganɨ gɨnnɨlar du͡o, en bu͡o kepseːmi͡ekkin naːda ol kihi tuhunan, diːr ol dʼaktar. Ol kihi (tuhu-) ol kihi tuhunan bejetiger haŋarɨmɨ͡akkɨn naːda, no kihilerge emi͡e kepseːmi͡ekke naːda štob kuhagan ulaːtɨmi͡egin. A üčügejdik gɨmmɨt kihi͡eke bu͡olla ol kihi͡eke možešʼ emi͡e bejetiger haŋarɨmɨ͡akkɨn štob kihirgeːmi͡egin. A atɨn kihilerge kepsi͡ekkin naːda što ol kihi üčügeji gɨmmɨta di͡en, ol kihi onnuk di͡en, ol kihi itinnik di͡en. Oččogo bu͡olla ütü͡ö ulaːtar. Ütü͡ö ulaːtar, onnuk formulannan di͡en, no emi͡e tak i ol formulaga min haglastammappɨn. Togo di͡eŋŋit? Kuhagan ikkis formula baːr ol ürdütüger oččogo kuhagan ulaːtɨmɨ͡agɨn. Kuhaganɨ, inni di͡ek töttörü ulakanɨ eppi͡et bi͡eri͡ekke naːda gini͡eke, štob kuhaganɨ gɨmmɨt kihi bili͡egin, što meːne kihini gini͡ene kuhagana meːne ahɨ͡a hu͡oga gini͡eke. Gini bu͡olla kihi innitiger eppi͡ettiːrdeːk štob inni di͡ek kuhaganɨ gɨnɨmɨ͡agɨn, oččogo bu͡olla ütü͡ö ikkite raz ulaːtan taksɨ͡aga. I oloroːčču kihiler, onno oloroːčču kihiler bejelerin inni di͡ek, bejelerin inni di͡ek atagastatɨ͡aktara hu͡oktara da atagastatɨ͡aktara hu͡oktara. Aː no onton ol, ol kruglɨj tögürük ostol büppütün kenne emi͡e kancert, "gala - kancert" di͡en bu͡olta onno, bert üčügejdik vɨstupajdaːbɨttara, elbek kallʼektiv Eː Xantɨ-Mansijskajtan bejetitten tʼeatralʼnaj gruppa baːr ete bihi͡ene ansamblʼ Xejrobut kördük. Onton bu͡olla Magadantan kelbittere, eː Jamala_Nʼenʼeckij avtonomnɨj oːkrugtan, Čʼukotkattan ansamblʼ baːr ete, ɨraːk Onton elbek-elbek hirten keliteleːbitter onno. Hürbe ikki kallʼektʼiv baːr ete, eː. Onton kuratardarbɨt üčügej bagajɨ dʼaktattar etilere bihigitin barɨtɨn eː illenner, egelenner, küččügüj ogoluː ututannar, onton ahatannar, onton muzʼejdar üstün tʼeplaxokka hɨldʼɨbɨppɨt "Irtɨš" di͡en eː ürek, "Irtɨš" di͡en ürek üstün barbɨppɨt. Ol Irtɨš bu͡olla ulakan ürekke kɨttar "Obʼ" di͡en ürekke ol kɨttɨbɨttarga belektemmippit. (Ɨlarɨ-) ɨrɨ͡alarɨ ɨllaːbɨppɨt keleːribit baraːrɨbɨt, beseleː bagaji ete. Kʼinoːga uhulbuttara bihigitin onton, onton töttörü kelemmit eː ol harsɨŋŋɨtɨn. Ol üs künü bu͡olbupput, eː üs künü bu͡olaːččɨ, eː üs künü bu͡olbupputugar Xantɨ-Mansijskajga üčügej bagaji künner etilere, kallaːn. Ol innitiger hamɨːrdɨːr ete, diːr etilere, onton hürbetten taksa gradus ete hürbe tü͡ört, hürbe bi͡es gradus bu͡olan iste iti kütterge. Ol ihin bu͡olla bihi͡eke olus da itiːte hu͡ok ete, no olus da i tɨmnɨːta hu͡ok ete, ol ihin bert üčügej bihi͡eke. Min hanaːbar itinnik klimat ginilerge itinnik kallaːn bert üčügejdik tuksar. Ol ihin össü͡ö da ɨgɨrdaktarɨna min hanaːbar min bu͡o barar kördükpün össü͡ö biːrde, ɨ͡allana.
• Interlinear Glossed Text • Utterance view