Text view

SuAA_20XX_NameGiving_nar

Recording date2000
Speaker age65
Speaker sexf
Text genrepersonal narrative
Extended corpusyes
Javascript seems to be turned off, or there was a communication error. Turn on Javascript for more display options.
Bu ogonu ühüs künüger ol bihik oŋohullubutugar biliːller. Onton behis duː, hettis duː künüger kiːne tüher. Ol kiːne tüspütüger du͡o ol ogonu du͡o hürektiːller. Onton bu ogo kiːne tüstegine hürektiːller ogonu. Ol hürekteːn, mu͡oraga bu͡ollagɨna ɨraːk, bu agabɨt hu͡ok hiriger. Kim hürektiː hatɨːr, malʼitvanɨ üŋüner haŋanɨ biler, hürektiːr üŋüner haŋanɨ biler kihi, ebete duː, ehete duː, ol hürektiːr tɨ͡aga, mu͡oraga. Oččogo bu hürekteːn ajɨː uːta taŋaranɨ uːrannar, uːnɨ kutallar ihikke. Onton du͡o taŋaranɨ (uːr-) ugallar onno, oččogo taŋara uːta bu͡olar ol uːŋ. Ol hibi͡etu͡oj taŋara uːtugar huːjallar bu ogonu. Töbököːnün üste kat. Aga "(e-) eteŋŋe olor" di͡enner. "Eteŋŋe ü͡öskeː", di͡enner. "Onnuk bulčut bu͡ol, mannɨk aččit bu͡ol", di͡enner. Onton bu͡ollagɨna, kannɨk ɨjga ol ogo töröːbüte bihi͡ene bu oːnnʼuːr ogobut, bu onnʼuːrbutugar. Fʼevralʼ ɨjga töröːtö. Bu fʼevralʼ ɨjga bu͡ollagɨna taŋaralar baːllar hibi͡etu͡oj taŋaralar, hibi͡etu͡ojdar. Aksʼinʼja di͡en taŋaralar. Oččogo, kɨːh ogo ebite bu͡olla, Aksi͡enne di͡en aːt ebit ebit. Össü͡ö baːllar Strʼesʼinskʼij di͡en taŋaralar. Oččogo bu͡ollagɨna du͡o bu fevralʼ ɨjga. Oččogo bu͡o ol ihin du͡o bu ogolorun Hemen di͡en aːttɨːllar, Hemeːče. Hakalɨː. Hemeːče di͡en aːttɨːllar, u͡ol ogo bu͡olbut, töröːbüte di͡en. Ol aːt hu͡ol bi͡ereller. Hürekteːbit aːta Hemeːče. Innʼe gɨnan Hemeniŋ inʼetiger bi͡ereller. Bu Hemen inʼete bu͡olla hubuttan bejetin aːtɨn aːttaːbattar. Bɨlɨrgɨ üjege kɨlɨːga aːttaːččɨlar ulakan u͡olunan duː, ulakan kɨːhɨnan duː. Ol ihin Hemeːče inʼete bu͡olar. Agata bu͡ollagɨna Hemeːče agata bu͡olar. Innʼe gɨnan ol kördük aːttaːnnar kurum oŋostonnor kurumnaːn-tatɨmnaːn. Bu dʼonu barɨtɨn ɨgɨrannar, ogo töröːbüt kuruma bu͡olar.
• Interlinear Glossed Text • Utterance view