Text view

SuAA_20XX_Birth_nar

Recording date2000
Speaker age65
Speaker sexf
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
Bɨlɨrgɨ ogo törüːre togohogo. Togohogo (ogoloro) (ogoː), ɨ͡arakan dʼaktar törüːr kemiger bɨlɨrgɨ üjetten togohonu belemneːččiler. Tuspa uraha dʼi͡eni tutannar belemneːččiler. Ogo törüːr dʼukaːta, töröːbüt dʼukaːta, di͡eččiler onton. Onno bu͡ollagɨna oːl togohonu oŋoroːččular, kergettere turu͡orallar. Ehete duː, agata duː, inʼete duː kömölöhönnör, baːjallar togohonu urahaga kɨhajɨː tu͡ora mahɨ. Onton, e, togohotun uhugugar du͡o končočču annʼɨllan turar (baha), eː, mas bu͡olaːččɨ, (urahakaːta). Oččogo bu͡ollagɨna ol togohoŋ bu͡o tü͡öhün kuraːgɨnan bu͡olaːččɨ. Dʼaktar onton ɨjaːllan oloron ogolonoːčču. Ol ogolonorun annɨtɨgar du͡o, eː oloror hiriger lekeː bu͡olaːččɨ. Dʼe, ol lekeːge du͡o ot bu͡olaːččɨ. Otu uːraːččɨlar tuːmugar, di͡enner. Onuga du͡o ogo tüstegine, "otugar tüher" di͡eččiler ol ihin, ottoːk ottoːgun ihin. "Okko tüspüt", di͡eččiler. Eː, dʼaktar ogolonorugar (ɨraː-) bɨlɨrgɨ üjetten, ɨraːkka baːr bu͡ollagɨna ol eː… Baːbɨska emeːksinnere ɨraːk baːr (bu͡ol-), ogo törüː tühüttere dʼaktardara ɨraːk baːr bu͡ollagɨna, hɨrgalaːk barannar egeleːččiler. Kördöhönnör, "kaja ogobut oččogo oččogo, ol kɨːspɨt (ü͡ö-) törü͡öge", di͡enner. "Dʼaktarbɨt törü͡öge", di͡enner egeleːččiler. Eː čugas baːr bu͡ollagɨna du͡o ɨgɨraːččɨlar ol baːbɨska emeːksini Innʼe gɨnan ol baːbɨska iliː hottoro, tu͡oga barɨta, čeber bu͡olu͡ogun. Höp bu͡olaːččɨ, barɨkaːna haŋa tutullubatak ebi͡enne bu͡olardaːk. Hottoro da, iliː hottoro, ogonu töröttörüger (tabɨskɨː-) dʼaktar tabɨskɨːrɨgar. Oččogo bu͡ollagɨna du͡o ajɨːhɨttaːk bu͡olaːččɨ. Ol ajɨːhɨtɨ bu͡ollagɨna, maŋnaj ɨla kele keleller, dʼaktardara töröːrü gɨnnagɨna, ol tuspa, ol tuspa dʼukaːga kimi da kiːllerbetter bu͡ollaga. Kim tuspa dʼukaː tuppattar dʼi͡ege törötöːččüler dʼi͡e <<wip>> ge oloror dʼukaːlarɨgar Ol gɨnan baran oloror dʼukaːlarɨttan tuspa oŋoroːččular, togohonu turu͡oraːččɨlar. Če, ol gɨnan kihini barɨkaːnɨn taharaːččɨlar. Kim da hu͡ok bu͡olu͡oktaːk, hogotok baːbuskanɨ gɨtta törüːr dʼaktar ere bu͡olu͡oktaːktar onno. Oččogo bu͡ollagɨna du͡o bu baːbuskaŋ keler uraha dʼi͡ege, törüːr dʼi͡ege, dʼukaːga. Tuspa tutullubut bu͡ollagɨna duː dʼi͡ege da ba oŋohullubut bu͡ollagɨna Ol kelen, ke egelen kelenner, ol baːbuska emeːksine kiːrdegine, onu barɨkaːnɨ jaːntardaːn. Jaːntarɨnan, tɨmtɨgɨnan ɨbatan barɨkaːnɨn ɨraːstɨːr. Ol dʼaktar oloror hirin, oloror dʼukaːtɨn tögürüččü alastɨːr: "Türkeːt, türkeːt, türkeːt, türkeːt, bɨrtagɨŋ bɨlɨt, kɨraːhɨŋ ɨjga. Türkeːt, türkeːt, türkeːt, bɨrtagɨŋ bulat, kɨraːhɨŋ ɨjga tu͡omuŋ-sɨramuːŋ, tu͡omuŋ-sɨramuŋ, tu͡omuŋ-sɨramuːŋ, tu͡omuŋ-sɨramuŋ! Türkeːt, bɨrtagɨŋ bulat, kɨraːhɨŋ ɨjga. Tu͡omuŋ-sɨramuːŋ, tu͡omuŋ-sɨramuŋ", diː-diː alastɨːr tögürüččü, üste kat. Onton dʼaktarɨ, oloror dʼaktarɨ, oloror iligine, konnogun annɨnan, dʼogustuk oloru͡ogun di͡en, alastɨːr. Hol alastɨːr ebi͡ennetinen tögürüččü, kün kotu. Kennitiger barbat. Kennitin di͡ek kimi da kaːmtaraːččɨta hu͡oktar, ɨ͡arakan dʼaktarɨ törüt. "Kennili͡ege", di͡enner, ol ɨjaːk. Oččogo bu͡ollagɨna du͡o bu (ɨra-) üste kat ergiter emi͡e: "Türkeːt, türkeːt, türkeːt, eteŋŋe oloru͡ogun kɨːhɨm, ogom. Türkeːt, türkeːt, türkeːt, eteŋŋe oloru͡ogun, tu͡omuŋ-suramuŋ. Pürkeːt, pürket, pürkeːt, ɨraːhɨŋ ɨjga, bɨrtagɨŋ bɨlɨkka. ɨraːhɨŋ ɨjga, bɨrtagɨŋ bɨlɨkka, tu͡omuŋ-sɨramuːŋ, tu͡omuŋ-sɨramuːŋ", di͡eččiler, üste kat ergiteːččiler. Ol gɨnan togohotuttan tuttar, ol oloror dʼaktarɨŋ, oloror togohotuttan. Oččogo bu͡ollagɨna ajɨːhɨt ɨlar baːbɨska emeːksin, ol ajɨːhɨtɨn ɨlar, uskaːn tiriːte ol ajɨːhɨtkaːna. Uskaːnɨŋ ajɨːhɨt aːttaːk bu͡olaːččɨ. Oččogo uskaːnɨ tutan baran, uskaːnɨ u͡okka ahatar, u͡otu emi͡e ahatar. "U͡ot-ehekeːniːm, ajɨːhɨppɨn ahatabɨn ogobun eteŋŋe olordu͡ogun, eteŋŋe tabɨskɨ͡agɨn", di͡en. Oččogo bu͡ollagɨna u͡ot ehekeːmmin ahatabɨn: "U͡ot ehekeːniːm, ahaː, eteŋŋe, dʼollo keteː. Tu͡ok da kuhaganɨ hugahaːtɨma, eteŋŋe olort, ogobun eteŋŋe boskoloː", di͡en. Onton ol ajɨːhɨkkaːnɨn, ahatan baraːn, togohogo ɨjɨːr. Ol togohogo baːjan keːher. Ol baːjan keːhen baraːn ol ogolonor dʼaktar kɨ͡ajan ol kuhagannɨk üːnner bu͡ollagɨna kömölöhör baːbɨska Tobugugar olordor kuturugun tördütünen ogoto kennileːmi͡egin di͡en Onton bɨ͡arɨn ilbijer. Ol bɨ͡arɨn ilbijen, kömölöhön ol ogotun, kömölöhön tabɨskɨːr ol dʼaktar. Ol tabɨskɨːr aːta ogo törüːre. Ol tabɨskaːn ogo tüspütüger, ol ogonu kiːnin bɨhallar, bɨhabɨt. Ol baːbɨska emeːksin bɨhar. Ol kiːnin bɨhan baraːn du͡o, baːjan keːher iŋiːr habɨnan, katɨllɨbɨt iŋiːr habɨnan baːjar, tullan tühü͡ögün köjüt, bɨha hɨtɨjan. Bi͡es kün duː, kas duː kün bu͡olan baraːn tüheːčči ogo kiːne. Onton bu͡ollagɨna du͡o ogotun inʼete tüspütün, ol ogotun inʼetin huːjar. Ogotun emi͡e huːjar, kahɨn daːganɨ hujan baraːn huːlaːn keːher bu͡olla. Onton bu͡ollagɨna du͡o ((PAUSE)) bihikke össü͡ö bileːbetter Huːlaːn keːher, maːmatɨn attɨgar uːrar. Onton du͡o ajɨːhɨtɨn (hu-) ajɨːhɨtɨn huːjan baraːn, ol ajɨːhɨtɨn möhöːgüger ugan keːhen baraːn, ol matakatɨgar, ol matakalɨːn ol (tog-) togohogo baːjan keːher. Ol togohogo turar bu, ogo inʼete üjetin turkarɨ, bu ogo töröːbüt dʼukaːtɨn ihiger, ogo töröːbüt togohotugar, dʼaktar töröːbüt togohotugar. Oččogo di͡eččiler, bɨlɨrgɨ üjetten togoholoːk huːrdu aːstaktarɨnan, dʼukaːta da hu͡ok bu͡ollagɨna, togohonu tuta turarɨn kördöktörüne. "Kaː, bu huːrka dʼaktar töröːbüt ebit, togohoto turar, töröːbüt togohoto." Dʼukaːlaːk bu͡ollagɨna onnuk ogo töröːbüt ebit ol ogo töröːbüt dʼukaːta di͡eččiler Oččogo bu͡ollagɨna du͡o, onton bu dʼaktarɨ, ogolommut dʼaktarɨŋ bɨrtak bu͡o. Töröːbüt bɨrtagɨn ɨraːstaːn emi͡e alastɨːgɨn. Hɨrajɨn annɨnan, mu͡ojun tögürüččü üste kat alastɨːgɨn: "Türkeːt, türkeːt, bɨrtagɨŋ bɨlɨkka, ɨraːhɨŋ ɨjga, türkeːt, türkeːt, bɨrtagɨŋ bɨlɨkka, ɨraːhɨŋ ɨjga. <<id>Türkeːt> Türkeːt-türkeːt, bɨrtagɨn bɨlɨkka, ɨraːhɨŋ ɨjga, tu͡omuŋ-sɨramuːŋ, tu͡omuŋ-sɨramuːŋ, tu͡omuŋ-sɨramuːŋ", di͡eŋŋin, di͡eŋŋin alastɨːgɨn. Ol, ol gɨnan baraːn, ogotun ɨlar baːbɨska. Onton du͡o dʼaktarɨ turu͡orar hɨtar telbegitten ol ol töröːbüt dʼukaːtɨgar Onton turan tahaːrabɨt dʼi͡ebitiger barabɨt. Hi͡eten illebit töröːbüt dʼaktarɨ, ogolommut dʼaktarɨ. Ol gɨnan baraːn, ol hi͡eten (eren) ol kepsiːr ol "kaja, ogo töröːtö", di͡en kergetteriger, dʼi͡eleːk dʼi͡eleriger. Dʼi͡eleːk uraha dʼi͡ege. Ol kepseːn kepsiːr, kajaː, ol kɨːh ogo töröːbüt bu͡ollagɨna, "kɨːh ogo", diːller. U͡ol ogo töröːbüt bu͡ollagɨna, "u͡ol ogo", diːller. Onton bu üs kün bu͡olan baraːn, agata bihigi oŋoror ogotugar. Ehete kömölöhör. Oččogo bu͡o bu bihigi du͡o tabɨllɨbɨt bige doskoːlarɨnan, bɨ͡annan, harɨː bɨ͡annan üːjen oŋoroːččular. Karɨjanɨ, bu kim eː fanʼera kördük, di͡eččiler, iti itinnigi du͡o oŋortoroːččuta hu͡oktar. Kappɨt mas tiriːte, iti fanʼera. Ol ihin bu͡ollagɨna du͡o ogo katɨ͡a, di͡eččiler, ol ihin (do-) doskonnon A doskoːŋ üːjülünnegine du͡o üːjülünneginen üːjülünnegine bɨ͡annan üːjen oŋordoktoruna ontuŋ bɨːstaːk bu͡olaːččɨ Dosko doskotuttan emi͡e bɨːstaːk bu͡olaːččɨ. Oččogo tɨːn kiːrer bu͡ollaga, ol ihin ogoŋ zdarovaj ü͡ösküːr bu͡olla.
• Waveform view • Interlinear Glossed Text • Utterance view