Text view

PoXN_19701118_Chopochuka_flk

Recording date1970
Speaker age55
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
((PAUSE)) Čopočuka olorbut ühü. Bi͡es mas turu͡orbut golomo dʼi͡eleːk, bi͡es taːstaːk sobo-ilimneːk. Kün aːjɨ ilimnene kiːrer. Bu kihi balɨgɨ logločču musput – ilimitten. Innʼe gɨnan biːrde barbɨta, kɨrsalar, tu͡oktar hi͡ebitter araj balɨgɨn. "Munu irdi͡ekke, hu͡olun irdi͡ekke." Balɨgɨn dʼi͡etiger tahan baraːn, bu kihi kɨrsa hu͡olun irdeːbit. Kɨrsa hu͡olun irdeːn istegine, kaja, kɨrsa tugu i biːr talak ihitten tura ekkireːbit. "Ara, Čopočuka, kihini hohuttuŋ kaja, kajtak kelegin?" "Kaja, balɨkpɨn ke togo u͡orbukkutuj ehigi?" "Ho, min u͡orbutum du͡o", diː-diː gɨmmɨt. Mantɨŋ kutujak bu͡olbut, kutujak bu͡olan dʼe, ogonnʼoruŋ dʼe hɨldʼar. Baːgɨnɨ u͡oban keːspit – kɨrsata. Bagɨŋ ihin kaja (ba-) battan bɨhan taksa (ka-) taksa köppüt. Innʼe baran baːgɨnɨ hüler da karamaːnɨgar uktar daː, kaːman ispit. Epi͡et inni di͡ek kaːman ihen uskaːn turu͡orbut. "Araː, Čopočuka, tu͡ok, kaja hirten kelegin, kihini hohutaːktaːtɨŋ", diːbit. "Kaja, balɨkpɨn togo barɨtɨn hi͡ebikkitij, balɨkpɨn irdiː hɨldʼabɨn." ((PAUSE)) Maːgɨ… Emi͡e kaja… Ti͡ej, dʼe ölörsöllör e uskaːnɨ kɨtta. Ölörsönnör uskaːnɨ tugun kihili͡ej ol kihi– paːgɨnɨ ölörbüt da emi͡e ((PAUSE)) karamaːnɨgar uktan keːspit, hülünen. Emi͡e kaːman ispit. Kaːman-kaːman istegine hahɨl tura ekkireːbit. "Oː, Čopočuka, kihini hohuttuŋ, kaja, kaja hirten kelegin bu", di͡ebit. "Kaja", di͡ebit, "ka balɨkpɨn barɨtɨn hi͡ebikkit. Ol ihin irdeːn kelebin." "Pa, en balɨkkar bihigi čugahaːbatakpɨt daːganɨ össü͡ö. Kata min enigin tɨrɨta tɨːtan hi͡en keːhi͡em", di͡ebit. Dʼe ölörsöllör bu kihiler. Čopočuka kantɨtɨn kihili͡ej: Ti͡ere battaːbɨt da ölörön keːspit. Maːŋɨnɨ hülbüt da karamaːnɨgar (karamaːn da ulakan, söktüm). Hahɨlɨn uktan keːspit karamaːnɨgar. Onton kaːman ispit. Kaːman (ihe-) istegine, hi͡egen tura ekkireːbit. "Kaja, Čopočuka, kihini hohuttuŋ kata", di͡ebit. "Togo hɨldʼagɨn bu di͡en dojduga, pa?" "Ka, balɨkpɨn togo barɨtɨn hi͡ebikkitij? Onu irdiː hɨldʼabɨn", di͡ebit, "össü͡ö hi͡ebikkitij." Kaban ɨlar da maːŋɨnɨ dʼe ölörsör. Ölörsön Čopočuka tugun kihili͡ej, kihileːbetek. Ölörbüt da, emi͡e hülbüt da karmaːnɨgar uktan keːspit. Emi͡e kaːman ispit. Kaːman-kaːman börönü körsübüt. Börötö tura ekkireːbit. "O, Čopočuka, kihini hohuttuŋ, ka kajdi͡ek ihegin", di͡ebit. "Kaja, balɨkpɨn togo hi͡ebikkitij? Ontubun irdiːbin." "Pa, en balɨkkar čugahaːbatakpɨt daːganɨ, kata min enigin hi͡en keːhi͡em", di͡ebit. Baːgɨnɨ u͡oban keːspit, ɨŋɨran keːspit – Čopočukaːnɨ. Čopočuka ihin kaja battɨːr da, taksa Innʼe gɨmmɨt da, hülbüt da, karamaːnɨgar uktan keːspit. Onton dʼe kaːman ispit, kaːman ispit. O, ebekeː tura ekkireːkteːbit diːn diː, araj. "Oj, Čopočuka, togo, kaja hirge hɨldʼagɨn bu", di͡ebit. "Balɨkpɨn togo u͡orbukkutuj? Össü͡ö balɨkpɨn u͡orbukkut (si͡e-)…" "Min enigin u͡oban keːhi͡em", di͡ebit. Hi͡en keːspit. Ihin kaja battɨːr da taksa kötör bu kihi. Innʼe baraːn bahagɨnan hülen baraːn dʼe olorbut adʼas. Bu oloron "Bu ɨraːktaːgɨ kɨːhɨn kördüː barɨ͡akka. ɨraːktaːgɨ hogotok kɨːstaːk, di͡ebittere, onu kördüː barɨ͡akka Baččalaːk tu͡oktaːk kihi ke", di͡ebit. Dʼe ɨraːktaːgɨga baraːrɨ ol oloror bu kihiŋ, oloror. "Dʼe kaːmɨ͡akka üčügej." Dʼe kaːmar bu kihi. Kaːman-kaːman biːr hirge olorbut. Oloron körüleːbite, ɨraːktaːgɨ gi͡ene kirili͡ehe köstör araj. "Tijeːnibin itinne." Bu kihi kaːman-kaːman, kaːman-kaːman gu͡orakka kelbit, ɨraːktaːgɨ gi͡eniger. Kelbite, muŋ tas di͡ek kuhagan bagajɨ, buru͡olaːk golomo turar. Golomo turar araj. "Bunuga kiːri͡ekke üčügej, golomogo." Golomogo kötön tüspüte – ogonnʼordoːk emeːksin. Emeːksine karaga hu͡ok, ogonnʼoro hi͡ese hečen hogus. Dʼe ahatallar manɨ, ahɨːr bu ɨ͡aldʼɨt. "Kaja-kaja hirten kelegin", di͡en ös ɨjɨtallar. "Min ((PAUSE)) bi͡es taːstaːk hobo-ilimneːk etim, ontubuttan balɨgɨ munnʼarbɨn, u͡ordarammɨn, ahɨːlaːktarɨ ölörtöːn kelebin", di͡ebit. Eːk, (n-) ahɨːlaːktarɨ ölörön Bu ogonnʼotton ɨjɨtar, "ɨraːktaːgɨ kɨːstaːk duː", di͡en. "Hu͡očča-hogotok kɨːstaːk, kanna ere ((PAUSE)) erge bi͡ereller ühü", di͡en. "Ogonnʼor, en hu͡orumdʼuga barɨ͡aŋ hu͡ok duː", di͡ebit baːjdɨ, ɨ͡aldʼɨta. "Abaga ɨjɨtan körü͡ökpüt", di͡ebit. ""Biːr ɨ͡aldʼɨt kelbit. Kɨːskɨn kördüːr", di͡eŋŋin haŋar", di͡ebit. Bu kihi baran kaːlbɨt, ɨraːktaːgɨ kötön "Kaja, togo "Hu͡ok, min ɨ͡aldʼɨttaːkpɨn, kaja-kaja hirten kelbite bu͡olla, bilbeppin. Ol kihi kɨːskɨn kördöːn erer", di͡ebit. "Innʼe gɨnan ol kihi gi͡enin hɨrajɨn-karagɨn körü͡ökpün, manna egeliŋ", di͡ebit ɨraːktaːgɨta. Bu ogonnʼor baːjdɨ ɨ͡aldʼɨtɨn ilpit. "Pa, min itinnik kihige bi͡erbeppin, iliːtin-atagɨn tohutalaːn baraːn, kaːjɨːga bɨragɨŋ", Ek. Bu kihigin iliːtin-atagɨn tohuppataktar. Bɨ͡annan kelgijen baraːnnar, kaːjɨːga ugan keːspitter, maːjdɨ kihigin. ((PAUSE)) Bu kihi kutujak bu͡olan taksa köppüt. Taksa kötön ogonnʼorugar emi͡e kiːrbit. Dʼe bilbeppin, maːjdɨŋɨtaːgar atɨn kihi kelbite duː, tu͡ok duː, emi͡e ""Kɨːskɨn kördöːn erer", di͡eŋŋin, bar dʼe", di͡ebit. Emi͡e barbɨt ogonnʼor. Dʼe ol baran emi͡e di͡ebit: "Kaja, emi͡e ɨ͡aldʼɨt kelle. Kɨːskɨn kördöːn erer", di͡ebit. "Dogottor, maːjdɨ kaːjɨːga bɨragaːččɨ kihigitin körüŋ dʼe, kajtak-kajtak kihini dʼabɨlɨːbɨt dʼürü", di͡ebit. Kaːjɨːga bɨrakpɨt kihite hu͡ola ere čöŋöjö hɨtar, kelgijbit bɨ͡ata bɨ͡atɨnan hɨtar. Dʼe kaja, onnuk-onnuk, kaja. "O, dʼe ile da üčügej kihini gɨnnɨm e, badaga. Kɨːspɨn bi͡erebin, di͡em bu͡olla." Bu kihi maːgɨlaːk ahɨːlaːk ölörbütün ɨraːktaːgɨ töhögüger togo bɨrakpɨt. Innʼe gɨnan köhün kennitiger čɨːčaːk ɨllɨːr, godolutan araːran ilpit bu kihi. Eŋin-eŋin haldaːttaːk-tu͡oktaːk bu kihi dʼe barar dʼi͡etiger, kɨːhɨn ɨlan baraːn. Dʼe köhör. Köhön, iti kelenner, iti dʼe iti bajan-toton olorbuta, dʼe iti elete.
• Interlinear Glossed Text • Utterance view