Text view

KiPP_2009_Syndassko_nar

Recording date2009
Speaker age77
Speaker sexf
Text genrepersonal narrative
Extended corpusyes
Javascript seems to be turned off, or there was a communication error. Turn on Javascript for more display options.
Onton biːrde bultana taksɨbɨttara ogonnʼottor (emeːk-) ogonnʼottor keleller u͡olattar. "Kaja, Hɨndaːsskabɨtɨgar dʼi͡e turbut", di͡ebitter. "Kajdi͡ek bultanaːččɨbɨt?" Oː dʼe, bu dʼi͡e turbutugar kuttanallar keli͡ekterin ühü, nuːččalar baːllar di͡en. "Oː dʼe, bu hirbitin bulta hu͡ok oŋordular, kajdak bu͡olaːččɨbɨtɨj", diːller ühü ol ogonnʼottor ke. "Dehebit", diːller. Kepsetellerin istebin ehelerim ke. Onton, dʼe onton keleller. Kelenner körbüttere ikki kihi hɨldʼallar ühü. Dʼaktarɨn aːta Daːrija. Erin aːta kim di͡ebitterij ke da oluja bagajɨ aːttaːk kihi, kim ere di͡eččiler et. Törüt öjdöːböppün aːtɨn. Onuga bu͡o čugahɨːllar ühü kuttana kuttana čugahɨːllar ühü. "Bu togo kelbikkitij bihigi hirbitiger? Togo bultugut? Bultanar hirbitin togo aldʼatagɨt", diːller ühü ogonnʼottor. Kaja bunna bu͡ollagɨna naselenije oŋoru͡oktara, kihi turu͡oga. Kihi ü͡öskü͡öge munna elbek kihi oloru͡oga. Oččogo peričalbɨt bu͡o iti baːr hurbujan kiːrbit. "Togo ɨraːgaj", diːller ühü, "peričalbɨt?" Ü͡ösküt küččügüj munna, ol ihin itinne bu͡olar ü͡ösküt. Itinne parahu͡ottar keli͡ektere. Oduːrguːllar ühü "tu͡ok aːtaj parahu͡ot" diːr ((LAUGH)). Tartar keler parahu͡ot? Dʼe ol kojut kojut kojut kojut ol ü͡öskeːn ü͡öskeːn bu Hɨndaːsskaŋ bu͡olan kaːlbɨt bu͡o. Usku͡olata hu͡oktar uraha dʼi͡ege ü͡öreteller bejelere tutannar. Baloktorgo (ü͡ö-) atɨːlɨːllar. Onton tupput dʼi͡elere baːr ete oččotoŋu, anɨ huːlbuta bu͡o ontuŋ, laːpkɨlara. Ol ihin Hɨndaːssko, Sɨndassko Daːrija tugu kimi Daːrija diːller et, iti ti͡ere aːttɨːllar ühü. Heː bu Hɨndaːsskanɨ. Iti bultanar hirderin bɨldʼaːbɨttar onton kojut kojut et iti bu͡olbuttara. Onton kojut iti bu kele iligine Lɨgɨjdar di͡en baːr etilere ühü. Eh kimner tigileːkter diːller ol. Itinne iti peričal ɨnaraː öttüger bu͡olla dʼi͡e onnulara baːllar, ikki üs dʼi͡e onnuta. Onno olorollor ol, bulčuttar olordoktorunan, Lɨgɨjdar kelbittere. Lɨgɨjder, tigileːkter. Ol kelbittere üs dʼaktardaːktar olor. Biːrdere ojuːn, (biːrde-) ikkilere povar. Dʼe bu kihini ölördö ölörbütünen kelbitter oloru povar gɨnaːrɨ egelbittere, kuhagan kihiler. Kak budta tu͡oktara hülügetter eni to. Ol kelen kelenner munna kelbittere bulčuttar biːrdere bu͡o bɨhɨj. Biːrdere körügös, biːrdere ɨtɨːhɨt, bulčuttar bihi͡ettere ühü kepsiːller. Olor bu͡ollagɨna kihini baratan kelen kelenner bu ogonnʼordor Malɨj di͡en hirge Pu͡orotaj di͡en kihi baːr ete. Onuga barbɨttar bu kihiler. "Kaja dogo onnuk onnuk heriː (tumsunaːk ɨttar) kejeller, ölörü͡öksütter (keller) tigileːkter." De ol kürüːller Malɨjga, küreːbittere. Ol küreːn tiːjbitter Pu͡orotajga tiːjenner diː kepsiːller kaja onnuktar kelliler kihini baraːppɨttar. Ki͡eŋ kü͡ölten ustannar, haŋa ürek üstün kelbitter di͡en. Ol ogonnʼorgo tiːjenner bu kihiler dʼe. "Dʼe körüges körülüː olor üːhe hu͡opkaga taksaŋŋɨn", di͡en. Biːrdere ɨtɨːhɨttara (kenne) kiːllerteːbit dogottorun innʼe gɨnan baran dʼe kaːn butugas busputtar bu ogonnʼor. Uraha dʼi͡eleːkter. Dʼe butugastaːn baran bu͡o butugahɨgar bu͡olla kimi kerpit. Hɨn di͡eččiler oččogo anɨ hɨn li͡eske. Li͡eskanɨ tabaːkka di͡eri kördük kerte-kerte bu͡o butugaska kupput bu͡o. "Aččɨktaːn iher kihiler butugas ihi͡ektere", di͡en, "ol ihi͡ektere", di͡en ol (butugas) kerderbit bu͡o. "Innʼen kantas gɨnnagɨna ol tojonnorun kabɨrgatɨn kaja oksoːruŋ", di͡en,"( "(bɨtɨgɨ-) eː kiminen batɨjanan. Oččogo ere kɨ͡ajɨ͡akpɨt", di͡ebit bu͡o, onton haŋarda kɨ͡ajɨ͡akpɨt kajdak eme". De ol kelbitter ol butugastaːbɨttar dʼe iheller "butugastaːŋ di͡ebit bu͡o butugastaːbɨttar. Dʼe ol kɨːnnʼara hɨttaktarɨnan de kelbitter bu͡o ol ečikejeleriŋ. Kelenner dʼaktattarɨ kiːlletteːn de bu͡o ogonnʼor tohujar kiːllettiːr. "Kaja onnuktar mannɨktar östö kepseːŋ", di͡en. De ol ogonnʼorgo tiːjen kepsiːller bu͡o: "Emeːksini egellibit bihigi iti hirdʼippit, diːbit. Ojuːn emeːksin, iti povardarbɨt. Oččogo ol ojuːn emeːksin hirdeːn egelle (bihi͡eke) ehi͡eke", di͡en ol kepsiːller, bu͡o kihini barappɨttar." Kaːnnarɨn bu͡olla bahaktarɨn munna hotollor ebit kihileri kerde kerde hiː hiː hiːller. "Oː tu͡ok aːttaːk kaːnɨgar bihillibit dʼonnorgutuj, dʼe ahaːŋ", di͡en ogonnʼor dʼe ahatar. De ol (ahaː-) ahappɨtɨn kenne de ol oː kallaːmmɨt kajdak kajdak bu͡olar de bɨlɨppɨt kojdor. "Tu͡ok bu͡olar"; di͡ebite. Dʼe ol ikki kamnastaːgɨ ikki öttüge olorput bu͡o. Dʼe ol kantas gɨmmɨtɨgar kabɨrgatɨn kaja oksubuttara batɨjanan. Anɨ iti ölörsöllörüger diːr kinoːlarga di͡eri. Ol kɨ͡ajbɨttar ühü ontularɨn. Dʼe aŋardarɨn ölörtöːbüttere. Hette kihite ebit du͡o kas du͡o. Dʼe onton dʼaktattar kaːlbɨttarɨgar bu dʼaktattar dʼe etiheller ühü bahaktarɨn bɨldʼɨhannar. "Min erim bahaga, min erim bahaga", deheːktiːller ühü kotokular. "Tu͡ok suːka kɨrgɨttaraj itileri ölöttöːn keːhiŋ", di͡ebit bu͡o tu͡ok sustogoj ogonnʼoro bu͡olla da bihi͡ene Pu͡orotaj. Ölöttöːn keːspitter muŋnaːktar. Onton ol emeːksini dʼe ölörö hatɨːllar ojuːn emeːksini. Uːga da timirdeller dʼe hakordaːn baran. Törüt timirbet. Ajagalɨː hataːn u͡otun otton bu͡o u͡ot ihiger bɨragallar. U͡ottara karaːrčɨ utujar ühü. Onno da di͡ebit bu͡o: "Tukuːlar min kün emeːksin etim kaja abaːhɨ bu͡oltappɨn. Dʼommun baraːbɨttara bu bu͡olla kihini sü͡öhünü köröːrübün hirdeːn kelbitim. Minigin erejdeːmeŋ min itinnik ke ölü͡öm hu͡oga", diːr. "Kɨːh ogoto haŋardɨː bɨrtak bu͡olbut kɨːh ogoto moːjbunan atɨllatɨn, oččogo ölü͡öm", diːr, "ol moːjbunan atɨllappɨttar." De ol emeːksinnere ölön kaːlbɨt. Dʼe elete ol kepseːbittere öjdöːböppün.
• Interlinear Glossed Text • Utterance view