Text view

BeAM_199X_HumanInLandOfDeath_flk

Recording date1990
Speaker age80
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Biːr kihi, ontuŋ u͡ollaːk ebit. U͡ollaːk da inni͡en baraːn, u͡ollaːk da ontuta dʼaktardaːk kihi, ebit, ikki ogoloːk. Inni͡en baraːn ol kihiŋ ol kihini bu bu͡opsa bagaraːččɨta hu͡ok ühü, ol kihi ki͡e. Ol u͡ol agata čeŋkičči bagarbat kihini. Tuspa agaj hɨldʼaːrɨ bagaraːččɨ, ühü, (ogo) u͡olun gɨtta, elete. U͡ola bagarbatɨn ihin, u͡olun bu͡opsa kihi͡eke ɨːppat: "Bihigi tuspa hɨldʼɨ͡ak da, tuspa hɨldʼɨ͡ak." Taːk da höptük kɨ͡anar kihiler ebit. Dʼe bu hɨldʼannar. Biːrde dʼe bu, bu kimiŋ, bu kihiŋ kimneːbit, tabalana barbɨt harsi͡erda. Harsi͡erda tabalana baran ol ü͡örün komujbut, ol dʼi͡etin di͡ek ergilinnerbit. Ol ergilinen baraːn, hir di͡ek körbüt. Hir di͡ek körbüte, hir bɨha ɨstammɨt araj. Bilegit itte eni, ehigi oloŋkonu? Hir bɨha ɨstammɨt, araj. Innʼe gɨnan öŋöŋnüː hɨldʼɨbɨt. "ɨbɨ͡aj, anʼɨːga talɨ, ü͡örbün itinne ɨhɨktɨbappɨn ere, iti hir bɨhagahɨgar", diː-diː Innʼe gɨnar daː, kaltɨrɨjda, hir bɨːhɨn üstün tühen kaːlar din bu kihi. Tʼeːk, hir bɨːhɨr üstün dʼe koŋ-koŋ tühen kaːlar, ɨbɨ, bu ki͡e hir bɨːhɨgar. Dʼe ol tühen ihen, tühen ihen kaččaga da hirge tijbet. Hirge tijbite araj, üs uraha dʼi͡e kihi, üs uraha dʼi͡ege tiːjbit. Ol tijbit araj, alɨs hɨrdɨk bu͡oltak ontuŋ, buruk tɨŋa. ɨbɨ͡aj, üs uraha dʼi͡e kihi paŋkajan turallar. Ü͡ör bagajɨlaːktar, ile, ile. Baːj munʼaːlar ebit. Inni͡en baraːn biːr dʼi͡e, ortokuː dʼi͡e aːnɨgar ikki kihi uhanan ereːktiːller diːn ebit. Bu ke tu͡okta ere uhanallar. Ol uhanan erdekterine, ol kihilerge kaːman kelle ol kihi. Ol kaːman kelen baraːn "kaja, doroːboŋ" di͡ebit ol uhanahɨttarɨ. Ontulara di͡ebitter: "O, tu͡ok ((NOISE)) bu͡ollubut, Togo uːpput ette, eː, horuk ebit (uːt) ete", di͡ebitter. "Anʼɨː", diː hanaːbɨt," tu͡ok bu͡olar kihilerej, Emi͡e di͡ete, üs tögül dʼe doroːbolosto. "Oː, dʼe, tu͡ok ere bu͡olaːrɨ gɨnnɨbɨt", destiler ontulara. "Naːda bütü͡ökke", di͡etiler, "üleleːn." "Dʼo (kimneː-) uhanan bütü͡ök", dehispitter ikki͡ejekkeːn. "Barɨ͡ak dʼi͡ebitiger, kiːri͡ek." Exe, dʼi͡eleriger kiːrbitter. Kiːrellerin gɨtta batɨhan kiːrbit. Ol batɨhan kiːren baraːn, araj aŋara oruŋŋa körbüte araj. Biːr kɨːs ((NOISE)) oloror, bosku͡oj bagajɨ kɨːs Onton aŋara ol di͡ek inʼete, agata olorollor. Hiŋelekter, olus kɨrdʼagaha hu͡ok. Dʼoː, dʼe ol čɨːmkattan tuttan turan di͡ebit: "Kajaː, doroːboŋ", di͡ebit, "haŋardɨː körüstüm mannɨk dʼon." Abɨ͡aj, ba emeːksin, ile, bu͡opsa agaj: "Araː, tu͡ok bu͡ollubut, ogolor, tu͡ok (ülüger ej)? Togo u͡opput eter, ogolor, bu anʼɨːga talɨ, ɨbɨj agaj", di͡ebit. Onton ol kihi dʼɨlɨs gɨmmɨt. "Ogolor, kajdɨgɨj joŋŋo kelbitim? Minigin körböttör duː, tu͡ok duː", diːr, diː hanɨːr ile. Onton emi͡e diːr: "Tuguj ehigi minigin körbökküt", di͡ebit ühü. Onno dʼe, onno emi͡e (u͡o-) u͡ottara eter, eni. Araː anʼɨːga talɨ u͡otum ile bu͡opsa ile küllüːre burgas gɨnna diːdiː Šʼoŋalɨn kostono hɨtaːktɨːr din anɨ. "Hɨ͡ata keːhi͡em baːra", di͡en diː. Dʼe ol hɨ͡anɨ keːspit, körön turar. Hɨ͡anɨ keːste u͡otugar. Innʼen baraːn mahɨ kiri͡estiː uːran baraːn, mahɨ otunna. U͡ota basku͡oj bagajdɨk ubajar. "Nu lanna", di͡ebit. Če aka haŋarsan daː dʼe minigin körböttör duː tu͡ok duː Iti kɨːs di͡ek barɨ͡am baːr ete Dʼe ol kɨːs di͡ek kaːm." Kaːman atagɨgar, atagɨn duː, tugun duː (köllön) olorgo iːlbit ete kajtak ere. ɨbɨ͡aj, ba kɨːha prʼama ölö hɨspɨt. Atagɨn čočoŋoloto-čočoŋoloto dʼe barkɨrɨ͡aj di͡en ɨtaːn: "Ara, ra, ra, ra, ra, ra, ra, atagɨm tɨːtta, atagɨm tɨːtta, atagɨm tɨːtta", diːr. "Araː, tu͡ok čurkutaj ki͡e, anʼɨːga tʼa! Dʼe ülüger ebit!" "O, ɨ͡aː, anʼiːga talɨ", ol emeːksin diː-diː. "ɨbɨ͡aj, iti (ekkiri͡eppit) bu͡olta, ogom ɨ͡aldʼɨ͡agɨn", diː-diː gɨnar. "Ogom ɨ͡aldʼɨbata", diːr. "Kaja, üčügejgin?" "Heː, üčügejbin", di͡ebit, ɨraːkkaːn olorbut ol kihi. Onton emi͡e attɨtɨgar tugun ere tagaja tüspüt, bileːri ke. "Oː", diːbit. Ontuta emi͡e maŋɨraːktaːbɨt diːn, ile ölör kaːlar ɨ͡arɨːta, ile ü͡ögüleːn ol ke tagajaːrɨ gɨnnagɨna. "ɨbɨ͡aj, kaja, ɨ͡aldʼɨbatakkɨn, ɨ͡arɨjdɨŋ diːn, kel bettek", di͡ebite ol kɨːha inʼete. "Kel ajɨːlaːgɨn bettek", di͡et. "Itini eter ebit u͡opput", diː-diː. Onton oː u͡olum ajɨːlaːk "Kaja, min tarɨjbappɨn", di͡ebit iti ogonu. "Onno maŋɨrɨːr", di͡ebit, "min tarɨjdakpɨnan", ile kihileriger kepsiːr. Onno u͡ot emi͡e, ol emeːksin u͡otun bulkujaːktaːbɨt: "U͡aː, u͡ot eheː, kajaː, hu͡oskɨttan araːrɨma, tam algɨːs köːküne ile korokojɨ." U͡ota prʼama burgaŋnɨːr agaj ehe ol ete Dʼe, ol hɨ͡a bu͡ol keːher. Ogotun bejetin attɨgar olorput. Dʼe olorto da, bu kihi oloror oruŋŋa, iččitek oruŋŋa. Orunnara orun, orun, kihiler kihiler, taŋastaːk mɨjaːlar. Iːge kelbit bu kihi. Dʼe iːktiː taksar diːn. Iːktiː taksɨbɨt ebe bagaj kɨtɨːtɨgar olorollor prʼama ebit Dʼe ol oloronnor, ol oloronnor, dʼe bu kihi dʼe iːkteːbit iːge kelen. Ol iːktiːrin gɨtta, ɨbɨ͡aj, biːr basku͡oj bagajɨ, emis bagajɨ buːr hüːren keleːkteːbit, iːk hiːri ke. Kastaːŋ mɨjaː mu͡ostaːk ile, ile taba da taba basku͡oju. Ürüŋ buːr bagaj. Baːjdʼɨgɨnɨ dʼe mu͡ohuttan kaban ɨlar diːn. O, taptaːn ke basku͡oj taba. ɨbɨ͡aj bajdʼɨgɨ ta taras tühen kaːlla ile ɨbɨ͡aj, elekteːbit iti. "Tu͡ok bu͡olar, ogolor ((NOISE)), bu taba", Onton ilbijbit. Ol (köm-) menʼiːtitten duː, tu͡ok duː. Ol ilbijerin gɨtta tabata taraččɨ ölön kaːlbɨt. ɨbɨ͡aj, ol ölön kaːlla daː, anʼɨː da kihiler keleːkteːbitter diːn ol dʼi͡elerten. Biːr kihi kelbit. "Araː, nʼu͡oŋuhutum tu͡ok bu͡olar, ogolor, öllö", diː-diː. Ile, ile bu͡opsa ɨksaːbɨt ile: "Nʼu͡oŋuhutum öllö." "Kaja, tu͡ok (ok-), kaja urut ta hɨldʼar erdeppitinen itirdik ölöːččüler bu͡oltak tabalar. Araː, onnuk muŋnaːk itte keler eni ke. U͡ot da etiːte bert", deheller ile, kepseteller. "Kimneːŋ, hülümeŋ da, kanʼaːmaŋ da. Tɨ͡a di͡ek hɨgastaːn baraːn, uːran keːhiŋ ol di͡et." Dʼe ol tabalarɨn hɨgastɨː turallar, tɨ͡a di͡ek uːran keːstiler. Dʼe honon. Dʼe ol ille barbɨttar taba. Eː dʼa bu kihi duːmajdammɨt "Dʼe ol minigin bu͡opsa körböttör ebit. Tu͡ok dʼonugar kelbitimij diː? Dʼe ülüger ebit. Ajɨlaːgɨn, ba kiːrbit dʼi͡eber kiːri͡em eni ke. Ara, korgujdum da", diːr, "ile bu͡opsa ɨksaːtɨm." Kaja, ahaːrɨ bagarda ol. Kas huːtkanɨ hɨldʼar diː, tu͡ok bili͡e gini. Dʼe ol kelbit diː. Ol dʼi͡etiger. Ol ke kelbite kɨːha oloror ol abɨs bu͡olu͡o orunugar Onton diː hanaːbɨt: "Eː, kɨːspar da barammɨn. Emi͡e iti tabaga talɨ ölü͡öge, badaga", di͡ebit. "Min ajɨːlaːgɨn ginini bu͡opsa tagajɨ͡am hu͡oga", di͡ebit. "To ölü͡öge iti tabaga (ta-), itinnikter bɨhɨlaːk bu͡oltak", diːr. Ol kihi diː hanɨːr ile: "Min tɨːtɨ͡am hu͡oga ginini ajɨːlaːgɨn." Kaja, gini haŋarda. Ol u͡ottara bi͡ek burgas ere eten. Ol aːjɨ ol emeːksin ile bu͡opsa koloruk ihe ol u͡otugar hɨ͡a, tu͡ok keːhere, mahɨ kiri͡esteːn keːhere ile. Dʼe, onton dʼe olorbut. Onton olordoguna, ol emeːksin šoŋalɨttan kostoːbut. Holuːr mɨjaːnɨ ɨjaːta. Holuːr mɨjaːnɨ ɨjaːta da oŋu͡ok agaj, oŋu͡ok agaj oroːbut. Erge mɨjaː oŋu͡oktar ile. Oloru tohuta kɨrbaːbɨt da, ol čaːn ihiger kaːlan keːspit. Dʼe onton u͡otun otto oloror. Onton otto oloron, dʼe ahaːtɨlar. Tuːgu-tuːgu ahɨːllar, ol kördögüne, ol oŋu͡ok agaj, ile ol tu͡ok da Min daː iheller. Ol ahɨ͡agɨn da ol tugu tugu ahɨ͡agaj ol ile kihi Tugu da ahɨ͡agɨn be, körör agaj. Če ol ahaːtɨlar da ol, oŋu͡oktarɨn šʼoŋalga tamnattaːta ol emeːksin. "Kojut hɨnnʼanɨ͡am", diː-diː. Aŋarɨn ɨttaːktar ebit, ɨttara kiːrbit. Ol ɨkka bi͡erer tugu ere. Dʼe onton honon, dʼe onton honon oloronnor, ol agata di͡ebit: "Dʼe anɨ bu kɨːspɨt", diː-diː gɨnar, "ɨ͡aldʼɨbata", di͡ebit. "Dʼe tu͡ok di͡en ɨ͡arɨjda, ogolor, bu ogom mini͡ene (onu) etej", di͡ebit, "oduː bu͡oltak ɨ͡aldʼara da." "Naːda", di͡ebit, "kimni͡ekke. Manna kɨrdʼagas ojun baːr bu͡oltak", di͡ebit, "naːda ojuŋŋa horuju͡okka", di͡ebit. "Gini͡eke ojunu, ogonnʼoru naːda ɨgɨrɨ͡akka", di͡ebit, "hoː, kimniːgin, algɨːgɨn. Tu͡ok eme baːr daː eni, ogom ɨ͡aldʼar ere. Barɨ͡am onto bejem", di͡ebit. Ol ogonnʼor taksan kaːlbɨt ol. Taksa kaːlar da, biːr ogonnʼor kihini kiːlleren kelle. Kiːlleren kelle daː ontuta düŋür mɨjaːlaːk kelbit Ol ogonnʼor düŋür mɨjaːlaːk kelle daː, dʼe ol algaːktaːbɨt. Kaja, algaːta da, tuːgu da körböt, ile čeŋkičči. "Kajaː", di͡ebit, "tu͡ok da hu͡ok", di͡ebit. "Kötüːn tu͡okka da ɨ͡aldʼar eːt", di͡ebit. "Tuːgu da körbötüm", di͡ete. Algɨː hataːn baraːn, bütte ontulara. "Tuːgu ((NOISE)) da körböppün", "Algaːtɨm daː, (barɨː) su͡ok." "Oː, dʼe berkin ebit, körbökkün ebit bu͡oltak. Oččogo iti ebe oŋu͡or, deheller, haŋa ojuŋkaːn baːr. U͡ol ogo, diːller. Ontubutun harsi͡erda turdakpɨtɨna kimneːn ebit. Ontubutugar lučče barɨ͡akpɨt kimniː (O-) ojunnatɨ͡akpɨt kata ontubut, ontuŋ haŋa ojun bagas, körü͡öge. En erge bu͡olaŋŋɨn körbökkün, eni." Dʼe honon kepseten baraːn, ojunnarɨn illen keːstiler dʼüŋürdüːnü. Innʼen baraːn utujbuttar. Ol kihi kajdi͡ek baraːktɨ͡agaj. Ol kɨːhɨn ulakaːtɨgar bu͡opsa čimdʼičči čirkeje hɨtaːktɨːr. Tagajbat ol kɨːhɨ. Kaja tagajaːrɨ gɨnnagɨna, eː, tɨːnnagɨna duː, kanʼaːtagɨna duː ile bɨstaːrɨ gɨnar ontuta emi͡e. Dʼe honon hɨtɨnaːktɨːr ol kɨbɨsta-kɨbɨsta. Kajdi͡et bu͡olu͡oj, tahaːra hɨtɨ͡aga ol? (Oro-) orunnara bagas Ile basku͡oj mɨjaː, čeber bagajɨtɨk olorollor ühü, ile čiːstej bagajɨlar ile. Dʼe onton ol harsi͡erda turdular. Ol turannar ahaːbɨttar, hi͡ebitter. O čaːj, tu͡ok iheller. Ol ginini körön olorollor tu͡ok duː di͡ekterin Körböttör bu͡opsa. "Ou, kimni͡ekke naːda", di͡ebittere, "ojunu kördüː barɨ͡akka naːda." Anɨ üčügej da bu͡ollun, vsʼe ravno ɨ͡aldʼar bu͡oltak, hin (tɨːtar)." "Heː, ɨ͡aldʼabɨn", di͡ebit kɨːstara. "Togo ere ɨ͡aldʼabɨn eːt emiskečči", diː-diː. "Ile bɨstaːrɨ gɨnabɨn, ɨ͡aldʼɨ͡am daː", diːr. "Eː, egeliŋ, egeliŋ ol (o-) ojunu", diː-diː ol kɨːstara. Basku͡oj bagajɨ kɨːs, ile, turbut, turbut kɨːs. Dʼe ol tɨːlaːk, tɨːlaːktan atɨn. Tahaːra tagɨsta bu kihi körö ke. ɨbɨ͡aj, tɨːlaːk, tɨːlaːktan ete, kas da tɨːlaːk ebe oŋu͡or taksan ereːktiːller di͡en, dʼe ojun kördüː bardɨlar. Dʼe, ol ojun kördüː barannar, ojun kördüː barannar, dʼe ol kaččatɨgar ere üs tɨːlaːk duː, tü͡ört tɨːlaːk duː ol labɨhan iheːktiːller araj. Bu kihi kɨtɨlga turar ol, ketiː ke. Onton ohun da bu͡olbut, biːr tɨːlaːk ol ojun taŋastarɨn ti͡ejbit, innʼen baraːn kɨtɨlga tigiste. ((DMG)) Onton nöŋü͡ö tɨːlaːk kelen, emi͡e ol kördük düŋür bu͡ol, Onton bejetin ti͡ejbitter, üs tɨːlaːk kelliler. Ol kihi turar. Ol kihi turda daː ol ojunuŋ gini di͡ek ütür hupturu iher araj körön turbut Ol körön turdagɨna ol ojunuŋ kelle daː iliːtin harbaja hɨppɨk "Kajaː, dogoː, doroːbo", di͡ebit. "Heː, doroːbo, doroːbo", di͡ebit. "Bu tu͡ok jonugor kelemmin, ile bu͡opsa čüŋküjen ɨksaːtɨm", di͡ebit, kepseppit dʼe ol ojunu gɨtta. "Bu͡opsa", diː-diː gɨnar. "Ile bu͡opsa minigin körböttör duː kajdi͡egiler", diːr ere. "ɨ͡aldʼan da ölöːrü gɨnnɨlar, tu͡ok da." Dʼe, barɨtɨn kepsiːr, kajtak kelbitin, hirge tüspütün ontutugar. Dʼe ol körsöllör ol ojunu gɨtta. Dʼe ojunu gɨtta körsönnör dʼe dʼe ol ol hɨppɨt dʼi͡etiger ol ikki͡en kiːrdiler Barɨtɨn, ol taŋastarɨn čeŋkičči hilikteːtiler. Dʼe bu ojunuŋ kɨːrɨːhɨ. Dʼe ol ojunuŋ kɨːran ol, diːr bu͡olla ol dʼi͡eteːgileriger: "Kimneːŋ", (diːr ebit). "Emek mɨjaː masta egeliŋ", di͡ebit, "emekte. Ol emek masta egeliŋ da, tabata oŋoruŋ, tabata oŋoruŋ", di͡ebit. Ojun di͡ebit: "Innʼen baraːn tabata oŋoron baraːŋŋɨt, kihite oŋoruŋ", di͡ebit, "emeginen. Innʼen baraːŋŋɨt bu emekke, emek kimi͡eke miːnneriŋ", di͡ebit, "bu kimi͡eke, tabaga", di͡ebit, "emek emek tabaga. Innʼen baraːŋŋɨt kün di͡ek kanʼɨhɨnnarɨŋ bu tabanɨ", di͡ebit. "Ol emek tabagɨtɨn, kihini kimneːn baraːŋŋɨt, (olo-) ol olordon baraːŋŋɨt, emek kihini olordon baraːŋŋɨt, dʼe kɨːrɨ͡am", di͡ebit. "Tu͡ok daː hu͡ok", di͡ebit. "Bu kɨːrammɨn da ajɨː kihite üːhetten tüspüt", di͡ebit. "Onu ataːrɨ͡am agaj", di͡ebit. "Elete, tu͡ok da abaːhɨ da hu͡ok", di͡ebit, "tu͡ok da hu͡ok." Ol ko kimnerin gɨtta kepseter, ol narottarɨn gɨtta. Ol gini haŋatɨn ister ol kihi, olor haŋalarɨn bu͡opsa istibet, ol nöŋü͡öler haŋalarɨn. Ol ojun haŋatɨn bagaj ister. Onton ol kɨːraːrɨ gɨna oloron di͡ebit "Dʼe, ejigin dʼe min anɨ dojdugar kimŋer dʼe bɨragan keːhi͡em", di͡ebit. "Dʼe, iti kihi emeginen oŋorbotum min", di͡ebit. "Iti taba oŋordum", di͡ebit. Ontuta, ol kihi kanʼɨspɨta. ɨbɨ͡aj, šʼeːlkeː mɨnʼaː, buːr bagajɨ bu͡olbut. Pirʼama taŋara kördük mu͡oha duː, tu͡oga duː? Ol kihi bagajɨ oloror šʼeːl <<wip>> ke bagajɨ kihi ile šʼeːlke taŋastaːk tu͡ok ile Ol ajɨːnɨ tüherde eni, dʼe onnuk kihi. "Dʼe, iti kihi töhögüger olor", di͡ebit. Dʼe ol baran da, dʼe ol kihi töhögüger oloror, emek maska, o, (e-) emek tabaga. Dʼe onton olorbutun, anʼiːta, ol kihi kajdi͡et da bu͡olbutun bilbet, ölbüte duː, kanʼaːbɨta duː. Ol kaččaga daː uhuktubut. Kaččaga da uhuktubuta. Kaja, kün hɨrajɨgar tɨgaːktaːbɨt diːn. Hubu ile, ičigej agaj. Dojdutugar kelbit, ile. Dʼe ol tura ekkiriːr diːn. Tura ekkireːbite, ol baːjdʼɨn tüspüt hirin kɨrɨːtɨgar arɨččɨ ere ɨraːkkaːn hogus tüspüt. O, elekteːbit diːn. "Iti ebit", di͡ebit, "ile kim. Bu hir annɨkɨː kihilere eni", di͡ebit. "Onno tüspetekpin ebit", di͡ebit. "Eː, tu͡ok ojuna abɨraːta, dʼe, pasiːba ol taŋaraga", onuga-manɨga üŋüner ile. "Agamaːk baːllar dʼürü", di͡ebit. Dʼe ol turunan di͡ebit: "Tu͡ok agaj iːrbitter, ile üčügej mɨnʼaː kihi." Onton dʼe ol dʼi͡etiger baran isen… Dʼi͡etiger baran ispite agaj hɨtar ile dʼi͡ege Kaja, ginini ogokoːttoro, ikki ogoloːk ko, ogokoːttoro hüːren taksɨbɨttar. "ɨbɨ͡aj, agabɨt kelle", diː-diː, üːgü köːkünüːr. Dʼe ol kergettere barɨtɨn taksɨbɨta, ijete, agata, dʼaktara. "Baː, kajdi͡egitten kelegin, kajdi͡egitten ölö (öskökün)?" "Kaja, ol korduk, ol korduk bu͡olbutum, onnuk kihilerten (kel-)." "Bɨ͡aj, elek agaj, ölüː dʼonnuttan kelbikkin", di͡ete ol agata. "Dʼe, anɨ bihigi hubu ki͡ehe, hubu küŋ köhü͡ökpüt", di͡ete. "Naːda dʼoŋŋo barɨ͡akka", diːr. "Dʼonu bu kimniːr, dalaja", di͡ebit, di͡ebit. "Min bu hiŋirbitten kihini abaːhɨ köröːččübün", diː gɨnar. "Ol anʼiːta hippit ebit oččogo", di͡ebit. "Onon bu͡ollagɨna min anɨ jonton aragɨ͡am hu͡oga. Jon, kanna ügüs jon baːr, hol ortotugar kiːri͡ekpit bu köhömmüt", di͡ebit. Dʼe ol turallar daː, ol dʼoŋŋo köhöllör diːn. Dʼe ol joŋ gi͡ene kanna ügüs jon baːr, onno kɨttallar daː, ol kihi bu͡olbuttar ontularɨŋ.
• Waveform view • Interlinear Glossed Text • Utterance view