Text view

AnMS_1972_GoodSovietTimes_nar

Recording date1972
Speaker age60
Speaker sexm
Text genrepersonal narrative
Extended corpusno
Javascript seems to be turned off, or there was a communication error. Turn on Javascript for more display options.
Habi͡eskaj bɨlaːs bu͡olarɨn bagas össü͡ö daːganɨ öjdöːböppün. Oččogo min daːganɨ dolu͡oj ogo etim. Kannɨk da vlaːska üleleːbet ogo etim. Habi͡eskaj bɨlaːs bu͡olar di͡en tak i, ɨjaːk ergillere tak i, hin daːganɨ tu͡olkuluːr kihi tu͡olkuluːr kördük ete. ɨjaːk ergilliːtin hagɨna maŋnaj kihini urut baːj kihi, kulaːk kihi battɨːr, kɨlgahɨ kɨ͡aragahɨ, dʼadagɨnɨ di͡en aːttɨːr etilere. Oččogo du͡o min bu baːj kihilerge maččɨkkaːn etim vsʼo takʼi, tabahɨt etim. Ol betereː öttüger onton tu͡olkulaːn istim, bilen istim. Kanʼešna, kirdik, ɨjaːk ularɨjar ebit. "Urukku sarskaj ɨjaːk dʼe bütte", di͡ebittere. Onton bettek uhuguttan usku͡olaga ü͡öreni͡eger di͡en tavarʼišʼ Lʼenʼin ehe di͡en ete. Lʼenʼin zakona. Dʼe, ularɨjan-ularɨjan ol ularɨjan iste uhuguttan. Kihi barɨta kɨlgas kɨ͡aragas ogoto, kaja da jon. Kannɨk daːganɨ kɨlgas kɨ͡aragas, dʼadaŋɨ kihi ogoto barɨta ü͡örekke da dʼe načʼinajdaːta. O, hol ereːri, baːjtan ahɨː ü͡öremmitter, kulaːktan abɨrana ü͡öremmitter, sin daːganɨ usku͡olaga bi͡eri͡ekpitin di͡ebet etilere ogonu. Onton bu͡olbuta kolkoz bu͡olu͡okka di͡en. Obšʼij xazʼajstvannan dʼon ologun tuttu͡ogun di͡enner. Hu͡ok, onuga emi͡e bu͡ola tarpataktara. Kas da dʼɨlɨnan (bu͡ol-), kolkoz bu͡olbataktara. Kolkoz bu͡olam bihi hatanɨ͡ak hu͡o dɨl biːr etiler Urut sarskaj zakoŋŋa ü͡öskeːbit dʼon, ü͡öremmit dʼon. Onton kajdak ere gɨnan… Kepseːn, kepseːnner, hoku͡on kelen-kelen, hubu dojdularga kelen, kelen. Kolkoz bu͡ollubut otut settisteːgitten, otut agɨstaːkka. Kаnʼec-takɨ kirdik. Dʼe kolkoz bu͡ol načʼinajdaːn. Ustrojnaːn (kaːl-) uhuguttan. Oččogo kolkoːhu törömmüppüt ete bihigi. Kanna orduk tabalaːktan onuga kolkozka tuppupput. Kanna paːstaːkpɨtɨn, honon bejebit paːspɨtɨnan bejebit kapkaːmmɨtɨnan. Uhuguttan kolku͡o ologun tutammɨt, anɨ bu kemnerge tijdibit dʼe. Dʼe onton kolkoz ologo üčügej duː di͡en. Ol kördük bu͡olla bu͡olbutunan dʼe kolku͡os bu͡olbupput. Ol betereː öttüger emi͡e daːganɨ erejdeːk kɨhalgalaːk üjeler bu͡olar etilere Baː, kulaːkka, urukku sarskajga bastarɨn ɨstarbɨt kihiler tam baldiːttɨːr da etilere. Olor sin ereji oŋoroːčču etiler. Ol baldʼiːtɨ hu͡ok ol aːtɨ savʼeskaj bɨlaːs inni di͡ek kaːman ihen ol baldʼiːtɨ hin daːganɨ ɨraːstaːččɨ da ete dʼahajaːččɨ da ete Tʼe ol büppütün kenne uhuguttan bu Gʼermanʼija heriːte bu͡olbuta Dʼe itinige kɨhalla hɨspɨppɨt bihigi hürdeːk. Ol taŋas daː terijiːte bu͡olar ete, ol karčɨnnan daː nalog bu͡olar ete. Bihigi ol di͡ek, gu͡orat hirderge armijaga kömölöhömmüt… Onton hɨl büten dʼe anɨ tu͡ok da bu͡olu͡okput di͡ebeppin, bügüŋŋü hanaːm üčügej. Anɨ olok könnö, olok ulaːtta. Anɨ bütün kolku͡ostar uhuguttan argijaːsija kördük bu͡ollular. Anɨ mantan inni di͡egitin bilbeppin, bejem kɨrdʼan kaːllɨm. Tak i tak, min hanaːbar, üčügej olokko anɨ tijdibit, diːbin, hubu kɨrdʼar haːspar. Anɨ tot bagajbɨt, ičiges bagajbɨt. Taŋahɨ daː taŋnabɨt, ahɨ daː ahɨːbɨt. Bu ka maŋnaj mini͡ene bu ulakan ogom, bu Bahiːlaj baːr. Bu ogom ulaːtta da ü͡öremmite giniː, usku͡olatɨn büterde daːganɨ učiːtalga ü͡öremmite. Onon anɨ kün bügün učitallɨː oloror. Onton biːr kɨːstaːkpɨn. Ol emi͡e ü͡öregin, usku͡olatɨn büteren, emi͡e bɨssaj ü͡örenen, du͡okturdaːn oloror anɨ. Ol bejetin inniger üčügej ol kenne min daː hanaːbar üčügej anɨ bu olokko oloruːlara anɨ bu ogolorum Onuga ühüs emi͡e u͡olum avijporka üleliːr. Onton muŋ kuččuguj u͡ollaːppɨn anɨ, Ujbaːn, Antonаv Ujbaːn (Mʼixʼeis-). Ol du͡o anɨ kolku͡oska üleliːr. Kolku͡os daːganɨ üleliːre ülete ületin daː üleleːk kolku͡os hin daːganɨ bejetin kolku͡os ihiger hin Üčügejdik totoron, taŋɨnnaran hin da üleleter. Hin daː harpalaːttaːk. Kihi kanna učugu͡oduk üleliːre ol orduk bu͡olar, kanna kuhagannɨk üleliːre ol niːze bu͡olar. Min hanaːbar hitigirdik. Bu ke maŋnaj bejem hin daːganɨ bu sʼelʼsavʼetɨnnan, tugunan rukavostvavalaːn oloror etim. Onton, anɨ ogo kihiler ü͡örekke ü͡örenenner, miniginneːger luːčče üleliːhiler. Oččogo du͡o, kimi͡eke daːganɨ buruj haŋata hu͡ok, "anɨ hɨnnʼanɨ͡am", di͡emmin, selsavʼettaːn büppütüm ete. Anɨ bu ogolorum ü͡örekke ü͡örenenner üčügejdik (olo-) olorollor onton. Anɨ ü͡örene olorobun bu kɨrdʼan baraːmmɨn. Bejem ü͡örege hu͡ok bagaj etim ol kenne daže min tɨlɨ da kɨ͡ajan istibeppin etim Kaččaga ol min sʼelʼsavʼet erdekpinen oː tu͡ok eme pʼerʼevoːččigunan. Biːr eme tɨlkaːnɨ kohu͡on kihi haŋatɨnan ergeteːčči etibit, pʼerʼevoːččigunan. Ol erejdeːk ete. Anɨ ereje hu͡ok bejelere sɨraj kepseteller kimi da gɨtta. Savʼeskaj bɨlaːs učugu͡oj bert olokko tiri͡erde anɨ habi͡eskaj bɨlaːs bu͡olan. Ogolorbor daːganɨ min daːganɨ baččabar tijdim anɨ, bert učugu͡ojduk bačča bačča kɨrdʼɨ͡akpar tijdim.
• Waveform view • Interlinear Glossed Text • Utterance view