Text view

NaLE_2002_StonyBone_flk

Recording date2002
Speaker age63
Speaker sexf
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Min bu öhü istibitim kergetterbin gɨtta… Školaga kiːrer dʼɨlbar. Ontuŋ anɨga di͡eri öjbör baːr. Buːrdukkaːn, maːmam edʼiːje, Kɨlabɨja kepseːčči ete. ɨraːk-ɨraːk mu͡oraga, töröːbüt hiriger, bejetin töröːbüt hiriger kergetterin kɨtta ajannɨː hɨldʼɨbɨta basku͡oj bagajɨ u͡ol. Ontuŋ aːta Bulčut ete. Atɨn hirge, (gin-) ginilerten ɨraːkkaːn hahɨː hɨldʼɨbɨta basku͡oj kɨːs kergetterin kɨtta. Iti hiŋil eː u͡olu kɨtta iti kɨːs körsöːččü ebitter, bagarsaːččɨ ebitter bejelerin töröːbüt hirderiger. Biːrde kɨːha Bulčutun, u͡olun haŋarar: "Dokuːl bihigi kergetterbititten kistene hɨldʼɨ͡akpɨtɨj? Kel bihi͡eke – ɨ͡allammɨt bu͡ol. Kergetterbin kɨtta haŋarɨs, agabɨn kɨtta haŋarɨs, agabɨttan kördöː minigin. Agam taːk-daː üčügej bagaj kihi, daː bu͡ollar nʼɨmalaːk, dʼe ol nʼɨmatɨttan en kečehime." Dʼe, ol kördükkaːn haŋarda daː, u͡olbut ol kördükkeːn kas daː kün bu͡olan baraːn, itiː bagajɨ küŋŋe, haːs, kühü͡örü künneːk bagajɨ küŋŋe dʼe uːčaktanan baraːn, dʼe keler, bejetin (aːkul-) čeːlkeː aːkulaːk. Ontutunan ɨ͡allana barda kɨːhɨgar. Kiːreːtin hirge di͡eri meniːtin kergetteriger bökčöŋnöːn baraːn: "Doroːboŋ, doroːboŋ, "Dʼe bu kellim ehi͡eke, (eni͡e) edʼi͡e, aga, ehigitten kɨːskɨtɨn kördüːbün. Tugun, dokuːl kisti͡ekpitij bihigi, bihigi domnuŋŋuttan bagarsabɨt, beje-bejebitin hürdeːk kɨlɨːlɨːbɨt." "Dʼe, kajtak gɨnɨ͡aŋɨj", di͡ete kɨlaŋnɨː-kɨlaŋnɨː kɨːs agata. Onton, "dʼe nʼɨmalanaːrɨ gɨnna bɨhɨlaːk", diː hanaːta u͡olbut. Kirdik ebit. Kɨːspɨt agata tuːgu ere bɨrakta eːt: "Čɨk" gɨnan keːste bu ačaːk ürdütünen, diː hanaːta onton: "Tutu͡o duː, tutu͡o du hu͡oga duː bu oŋu͡ogu." Ka, u͡olbut dʼe türgen bagajdɨk tutar diːn. Onu ɨjɨtar kɨːspɨt agata: "Dʼe, tugu tuttuŋ iti?" "Kajtak tuːgu", diː ɨjɨtta ol ke kim u͡olbut. "Min (sra-), min kördüm, taːjdɨm – tobuk oŋu͡oga, kim taːjbat ol tobuk oŋu͡ogun? Kim taːjɨmɨ͡aj ol tobuk oŋu͡ogun", di͡ete. Agabɨt (nʼɨmaŋ-) nʼɨmaŋnɨː-nʼɨmaŋnɨː, ɨmaŋnɨː-ɨmaŋnɨː di͡ete: "Dʼe, taːjdɨŋ tobuk oŋu͡ogun, üčügej. Dʼe bu (tobu-) tobuk oŋu͡ogugar kantan emete (köröŋŋ-) köröŋŋün biːr emete iŋiːri bulu͡oŋ dʼuru? Oččogo min haŋabɨn ɨlɨ͡am hu͡oga töttörü. Bullakkɨna biːr emete iŋiːri, oččogo min kɨːspɨn eni͡eke bi͡eri͡em." Dʼe, u͡olbut körö hataːta, körö hataːta. Onton orguːjkaːnnɨk bejete bejetiger haŋarar: "O, dʼe, hürdeːk ebit dʼe – ile taːska talɨ, tu͡ok basku͡oj oŋu͡ogaj, ogolor." Ontuŋ, kaja, bilbet ebit. Gini gini iti agalara ere iti biler, biːr hire ontuŋ amattan biːr daː iŋiːre hu͡ok. Biːrger sirin körü͡öŋ, üčügejkeːnnik kördökkö, ontuŋ kɨːs (hɨr-) hɨrajɨgar talɨ, dʼaktar hɨrajɨgar talɨ – biːrges öttüge. Ontugun agabɨt ire biler bu͡o. Dʼe, kajdi͡ek de bu͡olu͡ogun bert Bulčut u͡olbut. Kɨjŋanaːrɨ da gɨnar, kečeher. Onton dʼe kɨlas gɨnar diːn kɨːhɨn di͡et. Kɨːha nʼɨmalanna emi͡e. "Kajtak gɨnɨ͡amɨj", di͡en baran, kumaːrdartan ilbiner kördük, iliːtin orguːjkaːnnɨk bugurdukkaːn ɨlla. Onton bu orguːjkaːnnɨk bu bugurdukkaːn (hɨrajɨnan) hɨrajɨn dʼe kimniːr köllörör – kumaːrdartan tebenerge talɨ. Oː, dʼe, u͡olbut dʼe ü͡örer diːn. Türgen bagajɨtɨk bahagɨn ɨlla, onton orguːjkaːnnɨk kötöktö tobuk oŋu͡ogun. Bɨ͡aj, türgen türgen bagajtɨk bahagɨnan iŋiːr munʼaːnɨ tardan ɨlbat du͡o. Onno agata di͡ete: "Dʼe, kajtak gɨnɨ͡aŋɨj, min di͡ebitim, tɨlbɨn töttörü ɨlɨ͡am hu͡oga, itinnik uːs kihi, itinnik bulčut kihi barɨtɨn biler. Dʼe bi͡erebin eni͡eke, Bulčut, kɨːspɨn. Eteŋŋetik oloruŋ, üčügejdik oloruŋ, ügüs ogonu ogolonuŋ", di͡ete. Dʼe, ol kördükkeːn Bulčut kɨːhɨn kɨtta üčügej bagajtɨk olorbuttara.
• Interlinear Glossed Text • Utterance view