Text view

MiPP_1996_OldManButterfly_flk

Recording date1996
Speaker age60
Speaker sexm
Text genretraditional narrative
Extended corpusyes
Javascript seems to be turned off, or there was a communication error. Turn on Javascript for more display options.
Lörü͡önü gɨtta Tanʼaktaːk ogonnʼor olorbuttar ühü. ɨraːktɨː olorollor, beje bejelerin bilsiheller. Biːrgehe – ol di͡ek dʼi͡eleːk, biːrgehe – ba di͡ek dʼi͡eleːk. Oloronnor ikki͡ennere körsübütter, biːrge kepsespitter. "Kaː", (diːr) deheller Lörü͡ötün gɨtta Tanʼaktaːk ogonnʼor, "ka bihigi (bi-) biːr dʼɨlɨ bɨhar aspɨtɨn biːrge kolboːmmut ahɨ͡ak." "Baːdakpɨtɨna badaga (bi-) uhunnuk oloru͡okput, badaga, dʼɨlbɨtɨn bɨharbɨtɨgar daːgɨnɨ. Bu kuhagan dʼɨllar baːllar." "Dʼe, höp. Anɨ oččogo bihigi, Lörü͡ö, eni͡ene ((…)) askɨn ahɨ͡ak." "Eː, Tanʼaktaːk ogonnʼor, gini ol, gini͡ene dʼi͡etiger barammɨt ahɨ͡ak." "Dʼe höp, innʼe ahɨ͡ak." Oː, dʼe ahɨːllar araj. Lörü͡ö dʼi͡etiger ahɨːllar. Biːr aŋarɨ, dʼe baranɨ͡agar di͡eri. Dʼe, ahaːnnar, ontularɨn astara baranna, Lörü͡ö gi͡ene. "Dʼe, Tanʼaktaːk ogonnʼorgo barɨ͡agɨŋ." Barannar dʼe ol ahɨn ahɨːhɨlar. Oː, Tanʼaktaːk ogonnʼorgo bardɨlar ((PAUSE)) dʼe ahɨːllar. Ahɨːllar-ahɨːllar da. "Kajaː", biːr dogoro, "mini͡ene ahɨm baranar bu͡oltak", ((…)) diːr, "en dʼi͡eger bar. Bejeŋ bultanan, min aspɨn barɨtɨn hi͡eppin bagarbappɨn." Eː, dʼe baran kaːlla dogoro. Kajaː, baran tu͡ogu hi͡egej dʼi͡etiger Löːrü͡ö? Barbɨta dʼi͡etiger, tu͡oga da hu͡ok, tu͡ok ere kačča bɨlčɨŋkaːnɨ bulunan, ontutun kü͡östenne. Kü͡östenen oloror araj. Kaː, onton körbüte, tugu ere bultammɨt emi͡e Löːrü͡ö. Onton maːjdʼɨn, Tanʼaktaːk ogonnʼor da aha barammɨt ete hopsi͡em. Dʼe oloror, bilsibet gini͡eke. "Dʼe kelbetin gini, bejem da bultanan oloroːn biːr tu͡okkaːn eme", diːr. Lörü͡ö araj oloror. Bu olordoguna Tanʼaktaːk ogonnʼor kelbit. Iherin kördö dogorun. "Bɨː, Tanʼaktaːk ogonnʼor iher ebit", Lörü͡ö diːr, ((…)) dʼi͡etin katanan, haban keːspit. Dʼe keler araj. Aː, (Lö-) Lörü͡ötüger keler. "Lörü͡ö dogordoː, Lörü͡ö dogordoː. En bi͡er eme ((…)) bɨldʼɨŋkaːnna bɨragan abɨraː, Löːrü͡ö dogordoː. Ardaːn, kümmer turda dʼɨlbɨn solgoː. Löːrü͡ö dogordoː, Löːrü͡ö dogordoː, öllüm kaːlɨ͡am", biːri, ɨllɨː olorbut törüt. "Kaː, bar-bar!" Biːr da biːr (tugu) bütteske hɨstɨbɨt, (kammɨt) kappɨt bɨlčɨŋkaːnɨ bɨragan keːste. "Bar", diːr ontuta, Tanʼaktaːk baran kaːlla. "(Bar dʼi͡etiger), bar dʼi͡eger", diːr, "bolse bi͡erbeppin eni͡eke." Koː, baran kaːlla kihi. Baran toholaːk či͡egej gini onton, ol-bu dʼe kaːnɨn (postu͡oj) postu͡oj minin agaj (kü-) kü͡östenen ši͡ebit da. Tu͡ok da bulbat, da kanʼaːbat daːganɨ. Kas da künü hɨppɨta da, araj da kaːman taksar bu͡olbut uhuguttan okton, Tanʼaktaːk ogonnʼor. Epeːt Löːrü͡ötüger barɨːhɨ. Kelen Löːrü͡ötüger emi͡e ɨllaːbɨt: "Löːrü͡ö dogordoː, Löːrü͡ö dogordoː. ((…)) öllüm kaːlɨ͡am, öllüm kaːlɨ͡am. Löːrü͡ö dogordoː, biːr emeː ((BREATH)) eme bɨlčɨŋkaːnna bɨragan abɨraː, Löːrü͡ö dogordoː, Löːrü͡ö dogordo. (Ardaːn), umnan ((…)) bu͡olla (bulu͡o), Löːrü͡ö dogordoː, (ardaːn) bɨlčɨŋna egel, ɨllanabɨn." "E, biːr da bɨlčɨŋa hu͡okpun, bar, bar", di͡ebit, töttörü batan ɨːppɨt, tu͡okkaːnɨ da bi͡erbetek. Kajdi͡ek barɨ͡aj, tahaːra otto toŋor bu͡olla, kajdi͡et, dʼi͡ege da kiːllerbet saːt. Dʼe barar bu kihi. Barbɨta araččɨ onton tijen istegine, (dʼi͡en-) dʼi͡etin attɨgar tijer, körbüte, tuguttaːk tɨhɨ hɨldʼar dʼi͡etiger. Kaja keliːtten kelbite dʼürü bilbet tabanɨ gini ((…)) taba hɨldʼar araj, kelbit. Örö gini ölü͡ök ɨjaːgɨgar, (öt-) tilli͡ek ɨjaːgɨgar tuguttaːk tɨhɨta bejetiger kelen halɨː hɨldʼɨbɨttar ginini. Iːkteːbitiger ihiger, kelbite da tugukkaːnɨn kaban ɨlan, bahakkaːnɨ ɨlla da "kort" gɨnnaran ölörön keːspit. Inʼete hɨldʼar. Ko, mantɨtɨn (tu͡ok) tu͡ok, (hülü-) hülümmüt kihi hiːkejdiː buharan, kü͡östenen hi͡en keːspit. Dʼe karaga hɨrdaːbɨt onno. "Oː, dʼe anɨ bagas abɨrannɨm, Löːrü͡öge barbappɨn, kanʼaːbappɨn, astannɨm bu͡o", diːr. Astammɨt kihi kü͡östenen baraːn ahɨːr. Oːk. Dʼeː kas künü olorbuta dʼürü. Tabalaːk, tabatɨn itte tuttubut, tɨhɨtɨn. Tɨhɨlaːk, tu͡ok bu͡olu͡oj anɨ. Oː, bu hɨttagɨna Löːrü͡ötün haŋata kelle. Dʼe araj körbüte. "Dʼe min anɨ itigirdik gɨnɨ͡am, beːbe kellin agaj", di͡ebit, "mini͡eke as". Löːrü͡ö tu͡oktaːn arɨččɨ iher bu͡opsa korgujan. Araččɨ kaːman iher. Kelbit da kelbit. Kelerin gɨtta dʼi͡ete kataːn, katanan keːspit. "Dʼe ginini nakaːstɨ͡am, maːjdʼɨn minigin emi͡e gini muŋnaːbɨta burduk." "Tanʼaktaːk ogonnʼor, Tanʼaktaːk ogonnʼor. Biːr ((…)) emete bɨlčɨŋkaːnna bi͡eren abɨraː, Tanʼaktaːk ogonnʼor, öllüm kaːllɨm, öllüm (kaː-) kaːllɨm. Kümmer turda kuŋ kihite bu͡ollakkɨna, Tanʼaktaːk ogonnʼor, Tanʼaktaːk ogonnʼor", ɨllana hɨppɨt. Tugu da bi͡erbetek. Postu͡oj tu͡ok ere bu tugutun gi͡enin (tunʼaga) tunʼaktarɨn tu͡oktammɨt, atatɨn gɨtta tunʼaga duː, tu͡ok duː, onu (het-) atanaːk hɨldʼan onu bɨragan. "Bar, ši͡e", diː ikki tunʼagɨ bɨragan keːspit. "Bar dʼi͡eger", diːr, "bolʼše kelime, (mi-) maːjdɨn minigin emi͡e dʼe muŋnaːbɨtɨŋ." Ontuta bɨstɨ͡a du͡o, baran kaːlbɨt. Dʼe baran kaːlbɨt dʼi͡etiger. Emi͡e ((PAUSE)) barbɨt da hartɨn (ka-) kas da örö (günü) bu͡olan baraːn emi͡e keler. Dʼe vavsʼe ölörüger barbɨt, bɨhɨlaːk dogoro, Löːrü͡öte ɨksaːbɨt: Battagɨna da barbat, kiːrdegine kelbet. Oː, dʼe kajdak da gɨnɨ͡agɨn bert, dʼe hürege ɨ͡arɨː, ɨ͡aldʼar kihi, dogorun ahɨnna diː. Ahɨnan kajdak da gɨnɨ͡agɨn bert, battɨ͡agɨn daː ((…)) baran da hin dʼi͡etiger tiji͡e hu͡ok. ((…)) ajɨːlaːgɨn, "kiːr", di͡ebit, "ahaː, kepseti͡ek oččogo üčügejdik." Dʼe ilbi ile kepseppitter. "Kaja, otto bihigi üčügejdik kepseti͡ek biːrge anɨ. Biːrge oloru͡okput dʼe, togo ikki di͡ek olorobut bihigi. Körögün, min tabalannɨm össü͡ö. En maːjdʼɨ minigin atagastɨː ((…)). Tu͡ok tabata taŋara egelbite dʼürü, tabanɨ ahattɨm. Dʼe anɨ tabalanɨː biːrge oloru͡ok bihigi anɨ. Biːrge olorommut biːr hübennen bultanɨ͡ak i biːr dʼi͡eleːk bu͡olu͡ok. En dʼi͡egin köhördö egeli͡ek, bu tabalaːkpɨn diː bu, biːr tababɨt tartaran egeler tu͡oktaːk bu͡olu͡oj i͡e iti. Egeli͡ek manna tabagɨn, eː, kimŋin, manna (biːr) biːrge oloru͡ok bihigi." Hübelehenner dʼe biːrge oloron kaːlbɨttar. Ikki͡ennere biːr hübe bu͡olannar, nʼima bu͡olannar, ikki͡ennere dʼe bajan-toton olorbuttar, elete iti.
• Interlinear Glossed Text • Utterance view