Text view

GN_Yube_xenidan_part2

Recording date2006-06-11
Speaker age48
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Haska waa bidan hiweken, haskai Ha nixi pae beya waimaxun bidan, Hiwea, ana bake wanikiaki. Ana bake waima daki. Kaintan, huni bakedi kainikiaki. Ha huni bake kainxina daki, dakaken. Ha dayai hatube nia. Ha hatu ibuapaiabu. "A ibuanyamakanwe en benedan", ika Ain hatuki yauxia daki hiwemis, hiwea hatubetan nixi pae Nixi pae beya waimaxun hatubetan aki Ha nixi pae betsa-betsapa i bidan uin hatube Atimas daki ain hawen dunu ain daenikiaki Daema daki. Ana ma dabe inun dabe badia badi hatube hiwea daki Ana hawa yuiyama, ha ainen henestanikiaki. Ana mawaida ibuama. haska waima daki, habe hiwea, habe hiwea, ana bake wanikiaki. Hanunkain ainbu bake wakin. Ha ana bake waima daki kain <<wip>> xina dakiken Hanunkain, ha ibu hanunkain dapaxkatan daki Hatube ni iken daki ixkinman betxinikiaki. Ha haskanunbun daki hawen nabun benadi benai daki "Hani kanimen?", ika daki, nuitapamisbu. Ain kaxaai bake dasia dankain Meken bestiti bakeya kani bida hiweken "Hani kanimen?", ika daki, hiwea, hiweabun, ma hakimai Hanua ixkin bidan paxku manankidi kuti xubu waxian, kuti xubu waima bidan Ain tamani hunikiaki. Ain tamain bidan hukin, paxku maikidi bidan, Ixkin kuti xubu waxina daki, hikiken, betxituxinikiaki. Ha na ixkin usuadan ixun daki bipaikin. Hawen nea dani maiti daki mexan keyunkin bida. "Ixkin ea biuma daka, ixkin pui muka ixtadan, ixkin pui muka ixtadan", haskai iki daka. "Ea biumadan", pintsikin. En "En bakebu pintsi Ibu hani daki kaniken, en bene hani daki kaniken. Kaniken nuitapai en hiwea <<wip>> xun En En mia bipaia, ixkin pui muka ixkin pui muka ixta Hanu ea biumadan, nuitapaki, mia bipaia", itan haskai daki. "Hani daki en bene kaniken, en nuitapaidan", Na ixkinman ninkanikiaki. Ha ixkinman ninkatan. "Ehee, habiamenkain, ha nukuanu hiweadan, habiamenkain", ixun daki, ha ixkinman xinanai daki. "Ea biwe ikama daki". Ha hawen xubu daki ukedi tantabi daki mestenken daki. Habia hawen nea dani maiti besti daki mexa-mexa akin daki keyunikiaki uinwen Maxa ixta watan daki henebaini, Hanua kain bida, badi kaya kain Ikidanxina bidan penama bidan, haki nukuni "Txain", aka "Ah hania", aka "Na habia en daka ikaya", aka "Mibe inayupa", itan. Haskaibidan tsauken <<wip>> bidan Pia waai tsaua, haki nukutuxinikiaki. Disinxun bidan pia waai bui Buiwen bidan ha yumen denke atan Pia wai tsauken. Ha ixkin hua, haki inatuxinikiaki. "Txain", aka "hania", aka En "En pia wai", "Ah, mibe inayupa", itan. Ha ixkin hua bidan, haki Haki inaa bidan, habe hantxai, habe ha huni kuinbebida, habe hantxai. Atimas bida ha ainen Dapaxkabainken. Ha ixkinman daki, "txain", aka "Hen", akaya. "Min ainyamen, min ainya hunimen?", aka En "En ainyan "Min bakeya hunimen", aka En "En bakeya huniki, en bake itxapaya huniki, en ainya huniki", "Ah, en ainya huniki", ika. "Hunixun? Min ain pintsi wakin, min bakebu pintsiaya. Min ain tamanyuxunkikai, en en nea dani maiti ea mexa-mexa En En huai kai uina", Maxapixta waxinabu Hawen maiti maxaixta bida sawe "Ah, haska kaya yuikika ainya, Min ain min inun min bakebu min nuitapa waai akabidan "Ah, en ainya huniki, en ainya huniki", ika. "mia iyuxannun mia iyutan, mia nitxinbaini, unu hene betsawen en paxa ikaidan", aka "Ea iyuxanwe", akabida. "Peki, nun kanun mexukidi kaxanwe! Unu bai xexanuxun en mia manaidan", "Ia". "Penama kaxanwe!", aka bida. "Ia", Ha haska waxina. Ha pia haska waai bida menetan, habetan bida Ha bidan penama, "penama haida kaxanwe", aka bidan. "Ia", itan bidan ikainnikiaki. Penakidanaya ixkin butui daki, unu bai xexa kaxun bida Hanunkain huni kuin bestentan daki butui. Ain yuiama iskainikiaki. Ain yuiamabidan butuidan. Paxku ketaindan, paxku ketai bidan ikainadan. Ua bai xexakanbida ixkin nia haki "Hania txain", aka bida. "Na ma Kayuwe txakabu dunu ain waama Min bakebu pintsi nuitapaikiki. Min bakebuki nukudiyuwe! Min ain pintsi nuitapaikidan, ea haska yui waxinakidan. Tadi kuti xubua en niken, eki nukuxun, ea haska wabainxinakidan", aka "Ahh, kawe!". "Hadakidi kananpa?". "Unudi kanunwe!", itan Habia hawen [bai] huxu bida Ian matae ketanai bida manankidi manankidi manankidi manankidi "nadan hanua en axinaki. Na en xubudan haki", inun Hawen xubu txakabun axinabu, baxne-baxne axinabu Tada baxne-baxne axinabu "Hanuxun ea axinaki, hanu iwanxinaki", akabidan. "Ahh, unudiki", ixun. Hanuxun bidan, hanuxun betxexnikiaki "Manawe", itan bidan, dau waxun Betxexakeakenikiaki, betxextan. "Nenu mia nitxintandan. Nenumaki, hene betsawen en kaai. Ea txakabu wadiatidubuki", atan, yusin pe watan bida ikainikiaki uinwe "Kawe", ikidan manankididan, manankidi, manankidi, manankidi, manankidi, manankidi, manankidi, Ua hawen bai tapinikiaki, hanu iwanxinabudan. "Nadan haki hatun baidan. Hawen baidan haki, hanu iwanxinaki, ha en uinmiski", akabidan. "Ahh, hanu en kaai". "Kadiwe". Nawen manankidi kaai. Unu hene betsa kapuketan. Hene betsaki bututan, hene betsa manankidi. Unu mae betsan, "en nabuki en nukui kaai". "Kadiwe", aka bidan. "Ia", Kaidan, matxi mapeidan, dekate tanaidan. Dekate tanai bidan ikain, ua hatun bai Ha hatun bai detaxnitan. "Ahh, nadan", ha kaya yui ikika, "nadan en enaki", itan bidan, hawen Bai wani bida [unainbida], bai tanaidan bida Ua ain, ainen bidan matsui baskiniaki, nukutuxinikiaki Ainen betxiama, "ba, ba", aka "Ea ba akan wayamawe", aka "Ea ba akan wayamawe" ikawanai. "Habia en eaki", itan Eskatan bidan nasauketan uinyanan habia hawen benedin, "Ei, na en bene huai, na en bene Hadakidia daki en bene en bene kani huai ikatsi Hawen nabu bidan, "hani hani hani", "Habia hawen benedin. Ei, hadakidi kani? Min huai", ikaun Ha ain kuxikaun bidan, bene ikutan bidan, unu haya "Hadakidi min kani, huai?", itan bidan, disi keneyawen bidan ainia bidan, "Hadakidi min kani huai?". En "En awadan dunu txutai uinxina, txutanun ika, en ka ea txutamatan, ea iyuni, en "Min haska huai?", aka "Ixkinman ea iwea, en huai. Man ixkin bikinkikai, hawen maiti tadas-tadas akanxina, hatun ea betxixun, ea iwea, en huai", akabidan. En "En habiaska watanxinaki, ixkin pui mukaixtadan", en waxinakidan", "Ea habiaska ea yuixina, yuixinxun ea iwea, en huai", aka "Menan, nukun bakebube nuitapai en hiweakidan", aka Habianua kani bidan, hawen xubu ma txukaai bidan, hiwea "Ahh, haskanun bida, haskaken", ikidan. badi kaaya, "yuu, na ixun Unu niwewan beidan mexu-mexutan bidan. Unu ui danka inikiaki, uinwe. "Ehee, menan, en nabun ea benaikiki", ikatsi. habia badi kaai taekainaya daki ui txipekenikiaki, uinwe. Dik dik dik dik mexiu txaitanai ui ixinunan, ui ixinunan ibainundan. Ha ian bidan ewaai bidan Menan en unu ea tapu waxunwe hadi ea aduxundan, en nabun ea benaikikidan", ikatsi Ainen bidan tapu waxun bidan, hadi disi Hadi disi tewexunabu Ianen bidan hawen tapa taxu wakin Haskaya bidan mananudi bida hawa yuiama tunkua Haskanun bidan metuti ha bai mataxina bida netsui unanxubida txunkan iki Unanxubida daki netsukunbaini ha ian ewaxina daki netsukunbaini. ha ain inun hawen bakebu inun hawen daisin daki benaai Hadakidi kaxinamen iki daki benaai benaai daki Ha ian ewai keyuxina daki. Atimas metuti badi bida bai mata netsui daki ikain "Haii hen, en nabu ea bena wanikiki", itan. bi En "En bakebun ea benai-ikiki", Butuxinabida niken. Ha i ian netsubainxina daki betax kai daki ikaya "Ah, unudia hawada uinyunun", itan bidan, Penama "Natian en bakebu pintsi nikemai", itan "Unudia en hawada tsakayuai", iki "Kayamawe, min nabun mia benaikikidan", akabu, ninkamas. "Ea benaamaki, ma ea benaxinabuki", itan bidan, Mawaida ian netsu haidadiama Kai bidan ikaina bai wani Tsisunmen nixu Ax ax iki, tsaunikiaki xawandan Na xawen tsaua tsakanun ixun Unu tsede aka, dakaxun bidan, pixdaix aka bidan, Unu habia ain bakeanu beden iyuanus bidan benai nianus bidan, Ana betsa aka kai bidan, tek Ana betsa aka bidan, tek unu habia beden nianus Beden dakanus bidan ti "Hen", haska bida ha xawan benikain katsi, En "En akama kaikiki, hadakidi kaxumen en piadan? En pia biyutanun", itan bidan, Dekate tanaidan butupakeidan. Unu sidin iki Nia, danka ikidannikiaki, beden iyua dukun huidan. "Ee", itan bidan, "Epan, hadakidi min nuku padanbidanxinamen?", aka "Ah, nenu en huxina, en En "En huxinaki", "Min nuku padanbidanxinamen. Natian txitxi inun en txai inun en ibubetan en mia benaxinabin. Haskada min tidumamen, min huni tidumamen? Natian nun mia benaxina, natian nun mia benai. Ma en txitxi inun en txai inun en ibu ma hene maikidi bukanikiki. Mae betsawen bukanikiki, mia manuidan. Haskada min tiduma daka, xeapun", ixun "Ea haskada wawe", iki bidan, niken bidan, ixtxu Na habia hawen tae buxka besti bida taux, habia haska watan bidan, taka-taka Daun itan, sidin iki Beden hakatxukea bidan ikidannikiaki. Habiaskadi waa. Hanua hawen pexeixtatun bida apaikin danan-danan Hanua bidan ain iskidnanikiaki, "Haskada min tidumamen? Natian ea xununbidaxinxun, min ea benamaxina. Ana en mia bene waamaki eskatiandan. Min ea padanbidaxinaki", aka "Ah", ika bidan, Nenu ukedi nixpu ukedi nixpu xinwen, ukedi nixpu tsumaxun ukedi nixpu tsuma niken Mestean niken bida, ain "Xeapun, huni tidumadan", itan Taux akin, na habia nukun dantunkuanu henenikiaki ainendan abidan Taka taka abain, tukuan Sidin iki bidan, sidin ikaya bidan dais ainbu bidan Buitiu, buitiu bidan, danka "Natian en mia benaxinaki, haskada min huni tiduma? Natian en bakebu inun en bababube min ea nuitapa waxinamen, xeapun", ixun bidan Ha dais ainbun abidankindan. Na Na habia nukun txinkanu bidan Ha nukun txinkaanu henea daki dakabai. Ha bida sidin iki bida Hatun xea bida Ha <<wip>> bidan hi tsumaibidan ukedi hi tsumakin ukedi hi tsumaabidan Eska dakaken bidan, nenu ha dais Ha bidan pixandabea niken bidan, Ha hawen bakebun axun keska, waama bidan Na habia nukun txidixpianu, taka akin bidan, taux atuxinikiaki, Ana haska watan unudi taka atan xeapai Na habia nukun pixkinata dabe mexanianu bidan atan bidan, ha tukuan daka "Hania?", hanu benabaunnibukiaki hawen nabundan, "hania?". "Hadakidi kamen?", ikatsi. Ma badi kaai bidan, ha haskanunbun bidan, ma badi "Hadakidi kamen? Hawen nabuki uindawe!", inunbun "Hadakidi kamen?", iki bidan, "huu hee", akabu bidan. "Hee", Unu sai ikai. "Uini kawe, hawen nabun xeamenkainan", ika bidan "Yuu", itamama bida bida "Hania", aka "Hai, na ea Habiaskaidun uini, habia nixi pae akin tae watana, xeaibu uini habiaska "Ea dunun xeaxinaki", ikatsi "Nun mia haska waai, manayuwe!", itan Due "Due bitanwe!". Due bitanxun bidan, Tek, hawen kate mextekindan. Haska wa Tekeden iki bidan, danka Ten, txunpi txunpi ixenikatsi bida, dais Ha haskaya ha nunkutxaima habiadi utsixina, Bexun bidan, peu bidan bidan, Haska waxun, txukaimabu, txuka pe waxun. Datanimabu Ha hiwea. Dau waxun, damuskin. Naxiimakin. Damuskin dau betsa-betsapa axun bidan, damus abu Ma habiadi dunun txakabuaima. Haska waa bidan, hiwea, hiwea habiaska bidan, nuitapai Hatu yuinikiaki, hawen nabu, "ah, ea nixi pae Hatu waa bidan "Haskadamen?", aka "Nixpudun keskaki, nixpudun keskaki, kedan-kedanya paxinipaki. Paxindan, nami paxindan", aka bidan, "Bixunkanwe!", ixun Na nixpudun betsa-betsapa bexunabu bidan, "hamaki", "Haskamaki", ikidan. "Na menkain?" ixun bidan. nixpudun "Hamaki", ikidan. Ha nixpudun bexun bidan, mantxinxun Atimas kaya bidan, unu betxixunibukiaki, "Na menkain?". "Haki, haki, hania man bexumen? haki", ana bitanxun "Itxapa bitankanwe", ikatsi, itxapa bitanxun bidan. "Hawen kawadi benakanwe", ixun bida. Hawen kawadi hatu yunua bida. Na ni xiwen bekindan, xai bekindan, xai pei bekin, xiwen pei bekin waxunabu Unu hamaki hatu wa bida, atimas Ha hawen kawa hama bidan, hawen kabia dua kabi "Hamaki, habiaskadiki uinkanwe". Hatu waa bidan. Hanunkain kawa kayabi bidan "Haki". "Nadan haska wapa?", ikaya bida, "txakakanwe". Hatu waa Txakaxun bidan unpaxki pu akindan, pu "Haska wapa hawen peidan?", ikatsi bidan. "Hayabi akanwe", Hayabi bebixkidi akindan, unu axun "Haska wapa?" ikatsi, "kukatsa akanwe", hatu waa bida, kukatsa ikidan. Hawen unpax kukatsa iki nixi pae Unu betxu xeni tsau katsi. "Ha butekanwe", hatu waa bidan. Butexun Kenti matsi bidan, ha nixi pae "Hawen en kayaidan", itan bidan, hatu Hanua hatubetan akin bidan, ha nixi Hanua dais inun ainen ha hawen kayati biimaxun Hatu miyuikindan ha kayanun ixun nix Nixi pae kayati betsa-betsapa hatu mawaxunkindan. Hatu tapinmakin hawen nabudan, hawen bakebudan. Hawen bakebu nixi pae kayati hatu mawaxunkin Unu hatu tapinima kayatan, atimas bidan taun Ha debua debu Debua bidan, ha mai Ha debua bidan, mai Hanu mai waimabuanu bidan, hanua bidan ha Nixi pae kena betsabetsapa bidan Xawan hunidan, xane hunidan, ha hukuni bidan. Nixi Na hawen punya, na punya, na hawen buxkadan, hawen kixidan, hawen kixi dabedan, ha xiadabu nixi pae betsa-betsapa Unu "habiaki kena kaya, habiaki damiikiki", inunbun itan Hanua hawen nabu paxkai na hanu hiweama hawen nabu paxkai maetibi akeake <<wip>> bauni daki Haskai hiwe apaunibukiaki. Hanua haskanibu, hanua na nukun xenipabu, hanua miyui hatun hatu tapinmakunbaunkin. Na haska nukudi eskadabes nuku tapinmakeakexinabu. Haska eskadabestun xinain nun hiweabuki, yube miyuidan haska bestiki.
• Waveform view • Interlinear Glossed Text • Utterance view