Text view

GN_Yube_xenidan_part1

Recording date2006-06-11
Speaker age48
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
Peki, miyui betsa. Ha nukun xenipabu miyui, nixi pae damini, mia yube yuinun, Huni, huni kuin hiwea manan ian tenanmaya tenanma Badi kaaya xebunxun ian kexa xebum benakunbaina. Xebum kapan bexa betxinikiaki. Xebum kapan bexa betxixun. "Haska xebum aka kayamen, xubu wanun", ixun, xubu wanikiaki. Manan ian tenanma xabakan daki. Una maspuanu xebum nia aka kaaya, xubu waa tsauken. Xubu watan daki, xui pesatan tsauken hunikiaki deidan. "Na dei huai", itan daki, pis tsau itan daki, bitana. Xeta teutiya tsakanikiaki deidan, dei huxindan. "Haba, xeta teutiyabin", ixun. Dei mexaxun uin tsauken. Hanua tsanas hunikiaki. "Na tsanas hudidan", ixun. Tsanas tsakaa daki bitanxun Ah xeta pauya. "habaa, xeta pauyabin! haskadamen xeta pauyamen", ixun daki. Ha tsanas atana daki dakaken. Xubu naisi daki niken hunikiaki awadan Hatun dunu txutamis awa hunikiaki ni awadan. Txaix iki daki. "Hani?", itan bidan uinadan, ikidanikiaki tximinku kidanikiaki "Na awa huaidan, tsakanun", itan Tsaiska ha unan maspu xabakan daki nane nia daki. Unu txin <<wip>> tunatankin daki ha nane tukunbainnikiaki Tukunbain daki uinnun ha awadan dun dunu txutanun ika kakinbidan nane bitan daki tukunbain Ha habia hawen bai tanabaindaki. ha awadan nane tukunbain daki Puku Puku puku atan Buxkatandan daki puta kaidan, pun, unu bexmu nati ikidan manan ian. Ewapa bidan bexmu nati ikaya anu daki ha nane puku akai daki. Nixmatan daki, atimas bidan unu bexmu sa ikaya Ha awadan nane pukutan daki txixtekidi ikidan daki. Ukedi hamaudi hawen bai ukedi daki niken. Ha dunu kain daki ha txutamis, yube xeni Batxi keneya sawea. Nanen ika maxen dabadia kentxaki daki mabex tsumaa daki ikidannikiaki. Mani mutsa daki tsuma ikidan daki awa inan, awadan daki Ha awadan atan daki. Hanua dunu daki yui-yui aka daki, databi-databi itan daki. Ha dunu tsistis ikainikiaki. Ha dunu tsistia niken daki, ha awa kamepitan anikiaki txutakindan. "Eheee, haska ainbu hawen dua txutaimenkain, dunu [dunu] awa pemanan," itan Unu hina bidian niken daki unu txuta <<wip>> tan daki Ha dunu daki tima-tima aka. Haska watan daki. aka ha ainbu Hanua awa ti ikatsi, txuta menetan, awa ti ika daki, nitan daki uina. Hanua dunun daki hawen kentxa bitan. Ha awa txaix iki daki unu nesekainikiaki. "Hania ha ainbudan?", itan bidan, ha ainbu uinadan hawen dua haida bidan hawen kentxa habia mapekekidanxu anu <<id>pu> ikidan unu hikikainikiaki "Extu, haska ainbu hawen duamen! En En tsedi en apanan". Ma badi kaikiki. "Mexiu kidi enaki iyuai", Ana hawa yuiamabida, ikidannikiaki. Ha hawen dei inun tsanas bidan, taka akidan. Hawaidakidan bidan, "Min ma huai, baa?", aka "ma en huai", ikama. Nixma dakanikiaki. "Min ma huai?", aka En "En huai", Ana "hen" ikama bidan, nixma "Min miman daka?". Hawa yuiama. Hawen disi paketan bidan txitunkun "Naki mabexdan, mani mutsadan naki", ixun bidan, ainen piti Piama daka Unu hamakidi besua bidan tae bidi-bidi aki pidiwe [pidiwe,] "Pidinanwe, naki deidan, tsanas Hawa hantxaama. "Min daka haskai ikai, min miman bidana Min haska tana daka ikai?" Ha ainen daki hantxa wa(a)n daki, hawa yuiama dakanikiaki. Ixina ana ainbe ikama, ixindan ixindan ixindan ixindan Unu matsi-matsi ikatsi. Unu daki penai, du dunku ikeakeaya. Tek, ana ain yuiama, tek hawaida kain Nax, ika daki niken. Penai daki unu nai ikidankatsi ana dei hunikiaki. Dei huai, axun. Aka daki ehn badi badi hui daki Unu badi txaxai pekidanaya "awa besti txutamaxinaki, en tsedi txutanun", itan bidan Kainkain bidan benabaunadan dakanikiaki Bibain "eska waxinadukain", ixun bidan, baxka-baxka axun Ha putaa kaidan, na habia xubu ewapa ukedi Nubu Nubu nubu (kexki…) xexki Huxe waai tsauken bidan, dux-dux-dux taun hawen xubu petxan aka bidan, xubu "Ah, haskaida hawaidakidana daka: Tsua daka?", itan Nane bitanxun bidan datantan Ma dama iwenxinabin da ma mexiu kidi en iwexinabin Haskai hawaidakidana daka! Betsa hua daka?", itan unain bidan Huamas bidan kuxikaun bidan Unu nixmaa, unu nixmaa. Ana bidan hawaida kain bidan, ana nane betsa bitanxun, Pun aka bidan, txusdus, taun, Ana haskadiaya, "haskaida daketapa(a)i", iki daka, "tsua", iki daka. Ana bida habiaskadiakidannikiaki txux, En "En daki uintanti tsua Habia hua iki daka, Haskaida hawaidakidana daka, haskaidamismain", itan Hawen mani mutsa huxketan bidai ikidannikiaki mani mutsa tsuma Kuxikaun bidan, hi dadia Bu[k], haskai, txakabu tanama unu batxi keneya pepa Maxe xenin ika bidan, maxe xenin ika Unu pea bidan, nixpu pia hantsis bidan "hadakidixun ea axumen", itan bidan, bedu-bedu ikidankin "hadakidixun ea axumen? Na habianuxun ea amisbin", itan bidan, dain "Awe", ixun ha ainbu bidan ixtxukain Ikua ikidan, ha dunun bidan Unu bidan na hawen pabinki tasuatun Sidin iki bidan, hana bidis-bidis Unu akuinta nixun bidan, yuinikiaki: "ea haska Min hawakin ea haska wai Min awa haska waama ixinabin Ha hawen kentxa pusan keyunkin, hawen mani mutsa hukan keyunkindan atxikindan. Haska waabida. "Ea haska wayamawe, en mia betxipaiaidan. En En ainuma nuitapakin, mia Min awa besti txutamaxinken en mia xinanai, huakidan. Ainuma nuitapai en enauma, ibuma nuitapakin, en mia akaidan", aki. Unu betsabetsapa waa En "En mia ain wanun", ika ikaidan Unu betsabetsapa wakinbidan xinan tapiskuma dakia <<id>xus> <<id>tek> inikiaki uinwe Dunu Dunu pe txudekekidan ti ikidin. Haska waa "Haskai haskabia ainyuma inun ibumabia huxun, hui pexun ea yuikin pe wama ea atxikin min en kentxa ea pusamaxumen, piti min ea txakabu amaxumen", aka "Ah, mia sabima, en mia axuki", aka "Sabiamabin ea yui pe watibin. Min ikun ikai min ibumamen?", aka En "En ibumaki, en Tsuan ea ba waxun Tsuan ea hamapai waxuntima. En En nuitapaai Mia awadan txutai uinxinxun, mia txutanun ika, hua ikaai", aka "Ah, en beneuma, awadan ea betxinixun. Ea txutamis. Ea txutai min ea uinxinaki". "Eadan en ainumaki". a "Eadan en beneumaki, awadan ainumadiki. Haska betxinixun, en txutamamis. En En txutamaai min ea uinxinaki", "Ah, ha mia haska waai en uinxina ikai", itanbidan. "Min txanimamen?", aka En "En "Min enaumamen?", aka. En "En "Min ainumamen", en "Min bakeyamenkaindan, min ainyamenkaindan? Min enayamenkaindan?", aka. En "En enaumaki, en mesti en hiwea, "Ah, min haskadan? Peki. En En mia bene waai, en mia bene waai, "Min hawayuxun ea betxiamen", aka En "En xebum xubu waxinxun, en mia "Ah, peki", [aka] "min hawa akamamen?", aka "Ua en dei tsakaaki", aka. "Ea bixuntanwe", Kaxun bidan bixuin, kaxun hawen kanum txaxixun habianu Hawen pia pua-pua axun, habianu nitxinnikiaki. Kainken waa daki itan bidan ikidan daki, Ha dunu txuta Txuta menetan "Peki, en mia bene waai, manayuwe", ixun. Kaxun. Ha dunu maxe akin axun daki betxexnikiaki Betxexxun, na xau senketibi txexankeakexun. Na puku naxtuanu na txextxun. Haska waa daki "Kawe", aka En "En iya", "Na en bu tsumawe", anikiaki. En "En bu tsumatan Bepexewe, en mia waa bepexexanwe", anikiaki. "Ia", itanbida, abainikiaki, nuntanbainkinan. Nuntanbainkin, bukindan xu abainkindan, xu abainkindan. Unu ian namakis, manan ian namakis, Unu bexmu sa ikayanu bidan, pok, bu Unu puikaman kesuanus "Bepexewe!", anikiaki. "Bepexewe!", aka bidan, "Yuu", kaman sai-sai inun. Na denei daki unu tadun-tadun inunbun, na aku aki unu kedun-kedun inunbun bidan, na kaman sai-sai Na huni kuin bida sai-sai iki bidan, unu biski ikaibuanus pesanikiaki, Haska watan "Ha habianu iyuwe, habianu iyuwe", abainnikiaki. Habianu iyuwe en ibu en enayaki en hutxiki en ibuki en ibu ainbuki meseki Min datetidumamen?", aka "En dateamaki", Ikidan daki, disinai ninikiaki. Ha disinai nia daki dakaken. Hanu ibu yuinikiaki: "Ewan". "He". Itamama xunuwantiu bidan, xunu hatiumatiu bidan hawen "Ewan", aka bidan. "He", "En mia daisya en en huni mitutanai", "Menan", iki bidan, inikapai bidan, unu Tekeden ikidankain. Ha tekeden ikatsi, "menan", iki daki. "Hani?", ikatsi. Min "Min pintsiki, min ea xeantiduki, ea xeanyamaxanwe", aka "Hawai en mia xeanun? Daisuma en nuitapai", ikatsi. Hanua bidan ibu huni yuinikiaki, ibu huni yuia Unu tekeden iki bidan, unu mese-mesenikiaki Ha itamamadankain xunuwantiu. Hanua hawen txaita daki kapetawan yuinikiaki, uinwe. Itamama bidan hatu yuiakeaketan bidan huxun bidan, ha ibu ainbun bidan uinkin, Unu ha haki na tsaua daki, uinkin, unu bida, itamama Hadakidi tukuamadin ibu Ha ibu ainbudan habiaskadi. Haska bidan, haskai ma Ha habe hiwea habe isuni, habe puii. Unu [hamapai] hanida kakindan putamadin xeanunbun henebainadan. Haska waa bidan, "Uinnun", itan bidan ibidannibukiaki Beneyatanakiaki ika, huidan. Na haxi tsuma bidan tunun Paka haxi mixtin bida Na baka betsa-betsapa bidan, hanua kuni bidan binu Maxen kudax itanbida ikidanikiaki, uinwe. Binu iyaa Unu dawa txaibaunnikiaki uinwe, kunin Na baka betsa-betsapatun bidan uinabu bidan, hawa yuiama Haskaima bidan habe hiweken, habe Atimas bake wanikiaki. Ha bake waa ha habe hiweabida bake wa <<wip>> xina daki Ni Nixi pae wanikiaki, daisin, dais hunin, Nixi pae watan bidan. En "En ibuan nixi Nixi pae en akikai, dakawe!", "Dakawe, dakaxun ea ninkawe", aka En "En adiai", Ayamawe Aya mawe min nuku dabantidukidan akabidan "Hamaki, en bin akai, en akai", aka "Ayamawe, habia nun nukuki, nixi paedan habia nun nukuki", En "En akai", "Ayamawe, en mia yuiai, ayamawe", aka Ha ibu ainbun bidan: "Min daisindan anun ikikiaki, ewan", "Amayamawe, nuku dabantiduki. Nuku abiatan, nuku dunu watiduki. "Eh, dunu kaai", nuku wakin, nuku dake watiduki. Ayamawe!", aka daki. Unu daki bikanikiaki uinwe. Hanua dais huni bida yuia, "ah, hau ayamanunwe, ha aismaki", ixun Ha hawen nabun daki nemaa, dais ainbu inun dais hunin nemaa daki, ninkaama. Ha ainen nema daki ninkaama unu nenikiaki. "A akatsis ikiki. Amawe!", ixun daki amanibukiaki. Habida "haux haux haux haux haux" ixun daki, inana Unu Unu bida aka Hanua dais hunin bida: "Ah, uindaxankanwe, ha xudidan Ah, bis iyamaxankanwe!", ixun Unu hatu mese-mese wanikiaki uinwe. Nixi pae Unu bidan, hanua dais ainbu bidan atan bidan, "haux haux haux haux", ha bene "huix Hanua ha dais ainbu bida "huix "Huix huix huix huix", itan Hanua ainbu, ainendi bida habiaskadi wanikiaki "Huix huix", itanbida. Ibubis yuantan bidan, ibubis yuantan a Haska watan bidan, ha itan bidan ha dais dukun bidan paenan bidan, i iki Unu ha dais ainbudi itan bidan, unu hanus bidan unu sai-sai itanaibun bidan, Hatun kayati daki ma waai. Unu pe tanaibun bidan, ikawannikiaki, Ha "huaaaai", itan "Haskayamawe", aka. "Adai, huai, dunuwanen ea xeaai", ikaya. "Min txakabumen?", ixun Ha ainen bidan hanbepua, ninkaamas bidan, "huai, ea dunuwanen xeaai", Natiatan bidan biniki itan, pen-pen Unudi dais ainbun aka, unudi dais hunin aka, ainen ain bida haki "Ah, nun mia xeaamaki! Mia yuiaki akuintawe! "Habia nun nukukidan," itan bida, dais ainbu inun dais hunin Hatun kayatiwen bida kaya waa, bis-bis itan bida, tsusabaina Tsusabaina, dakaken bidan, ixinnundan, kayati bidan dais ainbun inun dais hunin na Unu ikasima bidan, unu tsaiska kayatan bidan, dabe inun besti badi "Hai, en haskamen, en haskamen?", ika. "Min ea dake wabaiai, min dake waxinai", akabidan. "Hai, pemaka en isunai", ikatsi kakaun bidan, nanta-nanta ikaun Xaa anikiaki, uinwe. Haskatan bida, "en haskaxumen", aka "Min ea dake waxuki. "Ea dunu xeaai, ea dunuwanen xeaya, ea dunuwanen xeaya", iki, min ea dake waxuki. En En ibubube min ea dunu yuiyui axuki", "aitai, min ea yuibia patapakin en aka ixuka". "Eskaki, uinwe, eska en amiski". "Ana ayamaxanwe", axinabu daki. Haska waimabu daki, hiwenikiaki hatubedan. Ha haska waima daki, hiwea, ha bake waima daki Ainbu bake. Huni bake dukun kainnikiaki, ainbu bakema huni bake dukun kainxina. Huni bake dukun kainxinabidan. Ana betsa wanikiaki. Ana betsa waxinabidan. Huni bakedi kainnikiaki. Ha haska Hanua beya waimaxun bidan hatubetan nixi Ha huni kuinan ni bakabe hantxaama ni ni tsube hantxaama habia ainbe besti
• Waveform view • Interlinear Glossed Text • Utterance view