Text view

mc_bora_meenujkatsi

Recording date2004-12-27
Speaker age50
Speaker sexf
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
aca kééne uubállé íñe uke ó úúbálleé aane uke ó úúbálleé méénujcátsí muhdú méénúcatsíhíjcyáme aanée muhdú nééneri táhjáhíjcyáme muhdúhjáa teene méénújhcátsí tújkeváne tujkénúmevápe teene eene méénujcátsí íjcyaíñe tsaapi tsaapi tsaat éjaváa íjcyájá hallútú mɨ́a múnaa pehíjcyá teene úmécohe píívyéíñe hájkímuváa péhíjcyá ihyájkímu ihñe ɨɨne pííchuhíjcyámé ɨ́jtsɨɨménémukéré iámédú aanevápe diibye tsaapi méwake nééhií: aatye mahájkímú taabámú taúmeípíwu ícyahíjcyáhi aane aane diitye táúmeíhícyáhajchíí métáúmeídíñe, diitye lléébotúmé táúmeíhícyáhajchíí ditye dóhajchíí médohdíñé diityé élletu néé aanévápe neé-- neélle: tátyájɨ íllu oke neéhií: tsáhava ámuha metáúmeíityú aatye eene ɨ́ɨ́tsɨ́ɨ́mekéreva iámédú iípívyéjtsóne tsatyéhijcyáme árónáa idyé taúmeípíwu néémeé áánelli tsáh múu dítyáábake ɨ́hvéjtsotú dille ityáúmeítyuki tsíjtye májcho ímítyú nɨjkéváné teéne aaméváa péémeke tsúúca lléébotúmé táúmeíhijcyáme áámekéváa ajcúmé ɨ́jtsɨɨménéré tajcu íjcyáábeke áábekéváa iújcúne tsájtyéme, tsóómeé ááne dóómeé aanéváa diille diille eenée boíjcyulle nééhií oke ihdí íjbáuvúré méájcuco áánélliihyéváa teene íhbáuvúré iújcúnema ajcúme díílleke aane mújcojúvú itsájtyene teene íhbáú pañe iúúne páñe, ájtyúmɨ́lle teene mahmáúháwuúne, áájɨ́wuúne, dɨ́ɨ́jɨ́wuúnee íjcyane aáneváa neélle: ɨ́mɨáánejucóhaaca ɨ́jtsɨɨménémúré íjcyámeke aatye tsáma ityáúmeíñe lléébotúmé dóóhií iñééne teetsɨ ɨ́jtsɨɨméneke téhí pañévúré cádsoomároíñulle aanevaateenetaha áánellií teene ne tájcudítyú íjcyáne lluúhi tsɨ́ɨ́mene lluuhívatéhi aanéváa teene idyóóne tsúúca tsájucóóme tsúúca ííjyunújucóóme aaméváa teene ííjyunúmé góócohíjcyá i íllure aanéváa igóócohíjcyáne tsúúca imíllémé icyúwájucóóne aanéváa níjpatyémé áachíu, tsáápille níjpatyé eene chóoh tsíjpilléváa eene chóah tsíjpille eene chóah chóah, chímá, chimá tsjpilleeenechoachoachimachima ípyéhco uke piijyúwámyúejte ámúhakye doóhi, dííbyé jtsɨɨménémuke ámuha medóóné hallútu aanéváa diityédíú goocótsówuúré nééneri góócohíjcyáme góócohíjcyámé, menéeibóó tsáh ditye íllityétúme ááne ílluréjuco ditye cúwane eh dityée cúwájúcóónáa diille eene ájyu nééne cáhcújtsolle nééhií ɨ́jtsɨɨménémuke ámíáábeke wálloolle teene íhjyá nihbáhovu ááne diibye bónétsɨke ájculle teene ítyohméuvu, tsíjpikye ájcullé ímajchówau ááne uácolle teene cúúmúpaajɨ́cú pañévu té-- téhulle diityétsí ityéhmeki ááne diille úcaavé teene ííbíí caanúcó pañévu teene íwañúúwama aabe teene eene caame íjcyaabe diityéké nehíjcyá tsúúca ajkyéjucóóme tsúúca niityéjucóóme íllújuco diítye cáámetu úúbállehíjcyaáb áámécobáváa tsááme tééjáene dóó úcaavémé diityéké dójucóó cánújpetsóme teene aá aá cánújpetéhijcyáme áánéllií teene íñe mɨ́a múnáajpi mecúwácooca mecánujpéné ímityúné ijcyá áánéllii teene eene tsúúca pééme pééme aam aam-- aaméváa teene eene oúúvéné boone meenú tsájtyémé ááné boonéváa teene eene ajkyéme teene teene eene ihwáábyááné pañe tsɨ́tsɨ́n-- tsɨ́tsɨ́néhjɨúvú bájcunéréjuco íjcyane áámekévápe tsá muhdú méénuímyé aane diibye ájyu wájtsɨ́ɨ́beke néebe íñené illeebmuuhu okéne unééne lli illéébótúné nɨ́jkaúvu tsúúca mécuwáme íllu tsúúca ditye dóóne tébajcújɨréju ábajcújɨvápe iwájtsɨdu cúúuhíjcyaábe ááne teene déícyuhíjcyaábe muhdú nééne ɨ́veekí tácyuwámé ílluú tácyuwámeke pajtyéhi wajpíímuke mééi íhyálluúne bóhdómeke ó waagóojéhi aahɨ íñe íjcyámeke tsúúca diitye dóóné bajcújɨ́ ó cuú, iñééneri déicyuíjcyaábe a teene eene diityé matsájáwááye, diibye eene aatsáriu májchóóbe lliihyánúíyoóbe árónáa néébe: oke llííhyánudíñe uh dícyuwáábekéne méénúmeke u llííhyánúúbejɨ́ɨ́va oke ú lliihyánúiyáhi tééné uubállema o tsáá diéllevu iñéenemáváa teene eene úúbálleebe: ééheréne pijyú-- pijyúwámyuhe íjcyahe dihájkímuke dóóhe pevétsɨ́hjɨ́dú ijcyáhi áánélliihyéváa tééneu péébe méénújcatsííbyé ílluréjuco dibye tééné hallúú mámavyéné ááne méénújcatsíhicyáme árohéváa táhjahíjcyá diityéke páné comíñe múnáake dohíjcyahe pa tsánejcútúre aaméváa ihdyu, áánéllií teene eene diibye eene páá-- páá-- páábɨhó iihyúné tsíjcyátsotáábe diibye eene nómɨ́jtúcojééuu íjcyámútsidi wáníjcyámeímye aamútsiváa diibye eene nómɨ́jtúcojééumútsi muube núllíbake eenú áánemáváa teene íne ájɨjɨ́ɨ́né dííbyé mɨ́ɨ́he ééveri nuhíjcyamútsi, iñúhíjcyáne teene núhíjcyárómútsía úmɨ́vaábe áábekéváa tséhdihíjcyamútsi wáhyéjúcóbari péébeke aabéváa teene tséhdihíjcyárónáa teene eene ihjyúcunúhijcyáme: nómɨ́jtúcojééumútsíí múúhakye tsúúca úmécohe pɨ́rujtsojúcoóhíí, múúhake ijcya lliiñéváá nehícyáme aanéváa diibye eene páábɨhó iihyúné tsíjcyátsótáábé teene wáhyéjú ííñúhéjú pañétú iíjchivyéne lleebóvahíjcyá árónáa diibye íñahbe tóónuhíjcyá dííbyedityu: tsáháá nehíjcyaábe, muurá ihdyu muube bóhllahóré eene cho cho cho cho cho chabócororóo tsííñé ijchívyeri eene tsáábeke neébe: muura meke keeváme tsáhaá muurá ihdyu ócóócoure ócóócoóu roóu nehíjcyaábe aane teene éene ííñúbama áachíú ímíñeúvú dibye ijcyánáa eene neébe nómɨ́jtúcojééumútsíí múúhákye úmécohe pɨ́rujtsójucoóhi múúhakye ijcya mellííñ áánélli tsáábe bótsíhyéi dííbyeke néé: ɨ́veeki oke ú állihíjcyá muurá: nómɨ́jtúcojééumútsíí múúhakye ijcya mellíínéé tsúúca úmécohe múúhakye pɨ́rújtsoó íllu muurá ditye nééne oke ú néébere teene tsiiñe téhejú pañévu úcááveíñúne diibye núllíba bówá i dóváriúcújé ílluréjuco ááne teene eene ɨɨne rojrócó méénu llijchújúcoobe ílluréjuco teene eene tsúúcajámuúvú teene méénujcatsívu ipyééki teene eene rojrócori llíjchúcatsíhijcyáme tsúúca muha mepéjucóóhí méénujcátsivu iñééiyóne aane ehdu llíjchumútsíyé péjúcoomútsí úújeté téhullévú teene eene diitye mɨ́a múnaa cállájáávetéhíjcyátsihvu áámútsikéváa teene eene pɨcábaanúme diityétsikye áronéváa tsá dityétsí ádótumútsíyé íllure túwáchúhcuté aamútsiváa ɨɨtécunú teehe ɨ́mɨááné úmécohe ávyetáré úmécójkímyeíñé diityédívu áánélliihyeváa ɨ́jtsámeímútsí teene eene: májó méétáálle éllevu cuwárájɨ mééwa éllevu icyúwá meújcuténema méétahdí umécó chíjchí umecó meújcuki néémutsíyé péémutsi diille íítyáálleke dí-- díllohíjcyá cúwálleke aalléváa teene eene íhyállúmɨɨhónetu iújcúne teene diityétsima bɨɨ́jɨnú (ejé ejé) aanéváa diibye eene íallíuube eene diibye páábɨ <<wip>> hó iihyúné tsíjcyátsotáábé teene eene mémihchúúve dille néénáa míhchúúvétuube eene ɨ́ɨ́tehíjcya aabéváa nééhií aca muhdú tsíhdyure néétune muh meke diile ájcune ílluréubá állille muh ɨ́htsúúbejɨ́ɨ́ méétáhdi chíjchi éllevu mepée muhdú átéréene meke ajculle, iñééne teene juuváu tsíñaácótéébe, tsúúca cuwájúcoomútsi diityétsi diibye eene íallíuube eene baaúré áákityé áánetu diibye eene imaaabepaabihoihmuube ɨ́mɨáábe íjcyaabe teene eene ihñe ítyuhémɨ́ɨ́hó pañeúré áákityé aamútsiváa cuwá, cuwá, cuwá, icyúwátsihdyu ájkyémútsi nééhií diibye eene íallíuube nééhií ɨɨne ó tuwá oke tóhjumu ádone hójtsɨ́vácó uubálle u hójtsɨ́vaco úhdityu wájtsɨ́íñé uubállé ú tuwáhi [UNCLEAR] áánetu oke ihdyu muute naavémú ádone ó tuwáhi [UNCLEAR] maatyobau máátyóba tuwá ú meenúhi te tétsihvu, teene waajácúmeíñé íñe teene tsúúcajámuúvu teene imyéénújcatsícyooca dííbyeke teene hójtsɨ́vaco úújetéícyooca teene eene tóhjumu ádone dibye túwahíjcyáne máátyoba tuwá teene naavému ditye ádone túwahíjcyáne tétsɨhjɨ́ú teene wáhjácubáne átsihdyu tsáámutsi tsiiñe táúmeítyé ityáúmeítyéne teene diityétsi <<wip>> kye tsiiñe ájculle áánema péémutsi te diibye eene chíjchí lleehówatu tsíñaácótéébe diibye chijchi íuménúhájtsɨri íjcyaabe cúwa áábé áábe umécó teene újcumútsí teene ɨ́mɨɨcúmɨ teene eene ihñe ɨ́n ɨjɨ́hé ba llóówane ááne cápáyoácoobe teene márámáhé ballóówau ɨ́mɨɨcúmɨ́ iújcune cápáyoácoobe teene ímaaní aanéváa diibye eene íallíuube diille eene mehuhiña ɨ́dsɨ bádsɨwáhéjuri ítyuukémɨ núhíjcyálle <<wip>> kéréjuco di mávaríjchori íjcyáábéa neébe: tsáhané ééneu metsáátuú diitye walléému éllevu, mehné metsáá méétahdí uméco meújcu áánélliihyeváa peebe teene eene íchihdyu ímamáhyo teene tóhjutúre éjkeho kiátu ó tábahjyúcuú di iñééróne teene ɨɨ́ɨ́butu ityúvááne táváriúcuube teene ímamáhyo teeho eene teeho mámáhyori diitye tsúúcajá múnáaúvú teene eene méénujcátsí tsúúllémeke tsá teene hójtsɨ́vaco úújeté íjcyatú aameváa átsihdyu tsáámutsi teene eene o néhdu wajtsɨ́juucóó tééhevu iwájtsɨ́ne diibye ítyónúúbeke tíítihyóké wálloóbe: éhne nɨ́jkyéjɨtu dóhjɨ́cunúú dɨ́hdahɨ́rote áánetu diibye aatsáríuke neebe eene téhejújɨ́ imááníñuki aabe mááníñuube botsíyei téheju teene eene ɨ́mɨɨcúmɨ́ri rórihjyúcúnej tééveriváa teene péébe eene tééhé teeneteene dohjɨ́ú dɨ́hdahɨ́rojé ɨdɨ́hdahɨ́rojéne tsúúca teene wadirihcoobeillurejucoteenehi íballóówari méénújcatsímye méénújcatsí tétsihyu teehe óuuvé aabéváa teehe ó-- óúúvétsihdyu ihdyu eene diibye eene tééhé ɨ́ɨ́buu tééhé imítyú ɨ́ɨ́buu diibye eene méénuhíjcyá
• Waveform view • Interlinear Glossed Text • Utterance view