Text view

mc_bora_ajyuwa

Recording date2005-08-02
Speaker age52
Speaker sexm
Text genretraditional narrative
Extended corpusno
Javascript seems to be turned off, or there was a communication error. Turn on Javascript for more display options.
píívyéébeváa píívyetsóhí tujkénúéjpiikye mɨ́amúnáájpiíkye aabe icyóhbodu tsɨ́ɨ́mávahíjcyaábe téénéllií ihjya méénuúbe diityéváa iíjcyaki íhjyáa dííbyema kémúhréjuco aabéváa tsáijyu ɨ́jtsámeí í íllímútsikye iámejcánuíñe wajpii wallee íjcyane aabéváa tsúúca ícyuwáábeke néé iúménuíñe jm walléémuke neebe ditye cáátsoíñe aaméváa tsúúca teene walléémú íjtyamu ujcújucóóhií diityeváa wajpíímú ityáávane tsúúca ɨ́tojtsó, teene dóóme iwákímyeíki aanéváa ehdu ditye tééné wákimyéiyi íjcyánáa ihjyúvahíjcyámé tsijtye mɨ́amúnaa, dííbyé ajyúwá éévane ááneríváa ɨ́mɨááné lléébolle tsɨɨju di ehdu ditye íhjyúvahíjcyáne áánélliihyéváa neelle tsájcoojɨ díílleke ɨ́dsɨ́keé ava ɨ́mɨááné u éévane elle múha uke éévatsóhi árónáa neélle éée neé tsá o wáájácutú múha o pejco tsahíjcyaabe taéllevu ne áánélliihyéváa neelle tsɨɨ́ju, aanéjɨ́ɨ́va ɨɨne cáátu dehni u ééniñe ícyooca ú téhmétsoó ícyooca díéllevu tsáábeke íhyúmɨ́tu ú ú tálloácoó mewáájácu múha íjcyane ahdújucóváa dille cáátu iééniñe téhmetsóne, cuuve icyúwaki teene ihwáábyá lliiñévu áánáacáváa ɨ́mɨááné tsúúca ditye cúwáné tujkévevu peebe díílle éllevu aabéváa tsáábeke teene íhlliiñétú cáátu idólloúcunúne tálloácolle teene íhyúmɨ cúúvétsihdyu áánélliihyéváa ɨ́ɨ́cúi árahjúcuube teene cáátuj cúva áánéllií ɨ́ɨ́cúi ióómíñe níjtyámeíyoóbe áróné pañéváa tsúúca bajtújucóóné dííbyeke aanéváa tsúúca tsɨtsɨ́ɨ́vevu, diitye cáánimu pítyácójcatsíhí tépejco iúménutéiñe walléémú tsiiñe cáátsotéiñe aaméváa tsúúca té cúúvénetúré diibye íllikye ákyétsohíjcyároo meh dibye imájchóro árónáacáváa váu néétuube iwáábyaari cáwayúcunúhijcyáhi áánéllihyéváa ne tétsihvúré ɨ́hvéjtsoíñúmé dííbyeke aabéváa ditye pééne déjuvu teene ɨ́mɨɨcúmɨri ɨɨtécunúmeí ɨ́mɨááné tsánejcu íhyúmɨ bájtune cúúvénéjóbaúvu áánélliihyéváa pɨ́úvaabe ábamíílleke ditye dííbyeke ɨpɨ́hjaki ditye ipáácyuki árónáacáváa ditye pɨ́hjáróné pañe tsá tene pácyúúvetúne áánélliihyéváa ɨɨná néétuubéré tsúúca ílluréjuco ímíbájkímyeíñe íbajtsɨ́hllahíñevu pícyámeííbye aanéváa ehdu dibye ímíbájkímyeíñé íñáálléwu bónelle iájtyúmɨ́ne néé ¿kiávúhana najme ú peéhi? neélle o péjucóó áádi táh táhdi núhba éllevu neébe ané úúma o pééhií neellévápe tsáhaá neebévápee, u píívyetéíyónejɨ́ɨ́vari tsáhaá neellévápeé ó ó ó ó piivyété o pééneé dille éhnííñevu ehdu néénéllii neébe aanéjɨ́ɨ́vari ané wa ne dímíbájkimyéí mepéékií neébe adua ahdújucóváa dille pícyámeíñé íbajtsɨ́hllahíñevu, áyu nájme neélle ané tsúúcaja juúju neébe ané íchihvu táújɨ́bá hallúvú pih u ú ácúúveéhi ááne cóhpénécoba ú míhchúúveé, díhllityédíñe neébe aamútsiváa iíjchívyéne étsihdyu lláhájtsɨtu wáámenéjúcoobe dííb dííllema árollévápe úmehéénéj pɨɨnéúré tsúúca iíllityéne ihjyúcunú áyú nájme ó áákítyeé ó áákítyeé tsúúca áákityéllé baavújuco aalléváa ílluréjuco píívyeténé íñe úwáhllojɨ menééilléréjuco aallévá diibye nuhba íjchívyécooca dyomíhyoo nehíjcyá dííby eke dibye tsúúca ih béhnúhbaréjuco íjcyácoóca átsihdyúváa dííbyeréjuco péébe péébe, acháháchá peébe aanéváa diitye úmɨhérí ijcyáme walléémú ke ájtyumɨ́ dibye pééne níjkyéjɨ́ lliíñe úú neéme áádíjyuco nuh píívyéébé hajchi íñáálleke iéévátsóné nucójpɨ ihdyúváhacápe dííbyere diille íñáálleke éévatsóhi ehdu iijeditye idyé úmeri íjcyame cáánim ájtyumɨ́ dibye pééneé ehdu dibye péjúcóónéllii dityétsí dibye wáñehjɨ́núíyomútsí ehdu ímítyú íjcyánéllií ílluréjuco ditye óómiñe ɨɨná néétuubéré diibye diitye ícyuwáábeke néé ílluréjuco metsu me meóómiki neébe diibyéjuco o ámejcánúíyoobe, ehdu tsúúca méhdityu pééneé aabéváa péébe ípívyééveté eene péjcóébe ijcyáiibye núhbaréjuco diíbye átsihdyúváa tsááme teene óómimye diibye píívyéébe tsivá teene móóhone móóhone itsíváne, núúvaabe tsájcyúj, ɨ́ɨ́búwá pañe mítyane kímóóvéroóbe, mítyane caayóbároóbe, icyááyóbáne ehdu méénuúbe iñúúne ɨ ɨnɨ́jkévátsihdyu wááoobe diityépɨke áju neébe ámuhpɨ ménujpáñute o ádoki múijyúikyé ámúhpɨ́ nujpácyó ó ádoóhi, méujcúté o ádoki dibye néénélli, térujtsi iékééveíñúne peemúpɨ́ mújcójuri peemúpɨ́ mújcójuri aamúpɨváa pámaúcuhíjcyará teene nújpacyo muhdú úverújtsíyé íjcyáneri tsá tene muhdú tsíváimúpɨ ááneríváa tétsii góócohíjcyamúpɨ muhdúami ɨ́dsɨhɨ́ɨ́váneri llihíyó meke nujpáñutso mekéubá iúhbánemáye iñééneri góócohíjcyamúpɨ ááné hajchótaváa íílle tsúúca teene wañéhjɨllii imye icyáátsóróné ijtyácori ávuhcúmé diitye pámeere ihyájkímuma átsihdyúváa teene ɨ́ɨjtómé íjcyárómeke ílluréjuco dibye núbɨjcóné iimídyó ɨjtóme menéhíjcyaímyeréjuco áánetúváa diitye píívyetéhí áharímudívuréjuco ditye píívyetémé wáámenéhí níjkyéjɨ́ lliíñe áijyúváa dii diityépɨ́ éénuhíjcyá úúcumee diitye úwaajɨ́muu íjcyane aanéváa ehdu ipámaúcuhíjcyáróne imyeenu muhdú íllu métsájtyeé iñéene ɨ́hbomúpɨ́ ɨ́náhaamɨ́netu ɨ́náhaamɨ́né t ɨɨ́hbóné hallúvú iiñu tádɨ́rɨ́hco tádɨ́rɨ́hco ááneríváa íhjyáa múhajchótatú tsaamúpɨ ílluréjuco tsáámupɨ tene pééróné pañe peene áyánéwu íjcyane odere wajtsɨ́mútsí pevéjaréjuco tsanééréjuco íjtyamu tééjá pañe kiá tsɨtsɨ́ɨnéjóbaúvu ícyaj neemúpɨvápeécu ¿aca kiávú íñe llihíyómú méhdityu pééhií? neemúpɨ teene ɨ́ɨ́téromúpɨ́ páneere íijtyámúúné, ɨ́ɨjtómé tsáhájuco íjcyájúcootúne ááne dii <<wip>> bye ijyééuke úúcúmeke díllomúpɨ tájye tajyééu neemúpɨ, kiávúhjané llíhíyómú pééhií, wahárómú pééhií áánélliihyéváa íllure nehíjcyaábe, íígue úguébá guiíñe, neíijcyaábe, íígue úguéba guiíñe e diityéké úwaajɨ́muke díllomúpɨ tájye, tajyéému kiávúhjané llihíyómú pééhií? aanéváa ditye téhullévú péhullévújuco ditye wámóháávyéhíjcyáne páhíhwu páhíhwu mmm ááne ditye Ícyaj neemúpɨ íílleúubáváhjané llihíyómú pééhií neemúpɨ iñééne tsúúcaja ihdyu ɨ́ɨ́nerí ɨ́jtsámeíjyúcóótumúpɨ́ ílluréjuco ihdyu dsɨjɨ́veháñé néhcomúpɨ́ ihdyu dityéne wámóháávye ijcyane juriidye pevéneréjuco dityépɨ́ péjucóóne diitye ijyéémuu diibye ijyééú úúcumee íjcyámemáju pehíjcyámé pehíjcyámé choocówu ihjyáa ihdyu múhduháñé ditye péhijcyámeváa úújeté áá áámó úníuríváa pehíjcyámé, pehíjcyáme tsá kiátú ditye píívyetétú ipájtyene áánélliihyéváa tsátsihdyu diibye úúcume ílluréjuco teene téhí pañévú iíjcyáne teene mooa tsójtsone májtsívaabére móóa móóa najcáteeva, móóa móóa najcáteeva nééberéváa tsótsócohíjcyá áánetúváa diitye úwaajɨ́mú adójucóó íúníutu cháchá chá chá cháchá teene nújpacyo teenéváa nújpacyo ditye áraúcúneri dityépɨ́ ipájtyeki aanéváa diibye diityépɨ jééú tsójtsóne teene íújɨwa poáávetu íjcyáneri góócohíjcyamúpɨ áyúú mejééú újɨwa poáávetu iiváa iñééne góócohíjcyamúpɨ gooco dííbyedi góócohíj aanéváa tsaríwuúréjuco dííbye <<wip>> ke úúcúmeke pájtyénéllií ílluréjuco dibye diityépɨke úhbane, kyéj neébe ééneúrée ámúhpɨ́ goocópivu ámuhpɨ meúújetémúpɨ́ ícyooca ámuhpɨ méɨ́cúbáhráméií iñééne ellévúj dibye íllúréjuco úmɨváné diitye diityépɨdítyu ááné tujkéveríjyuco diitye úwaajɨ́mú íllurejuco téhdure úmɨváné diityépɨdítyu ááné boonéváa diityépɨ́ tsahí úníuri pehíjcyamúpɨ́, pehíjcyamúpɨ́ ipyéhíjcyánéj pɨɨnévú úújetémúpɨ́ máhohájcú cóójúhé lliiñe íjyácunúne teene cóójuhe dójcone ɨ́ɨ́né imíjyaú nááméné úníuri máhohájcu aanéváa diille ámíalle waajácú teene piivyété íjcyane piivyéte mááho, piivyété coojúhé íjcyane áánemáváa diille íñáálleke neélle áijyu diille íñaalle bónelléré eev áhi ámíalle tsa éévatú aane diille íeeválleke neélle muúllej neélle, kiátúikyé u pájtyéíllejɨ́ɨ́vari neélle óvíjyuco ihdyu íñe o óóvene óhdi u pájtyeki neélle iiváa iñééne aalle ihdyu ɨ́ɨ́cúi ú dsɨ́ɨ́neé táhallúrí éhnéjcúehívújuco ah ááne boone ihdyu ooréjucói o cóévaíñe óvíi múhduháñé ihdyu ú pehíjcyáhi kiáhjɨvú u úújetéille pítyájcolle íñáálleke aalléváa teene tsúúca ɨ́mɨááné cóójuho idyópóaúcúne teene mááhótu ityáváriácóne májcholle, májcholle <<on>jm> dille májchóneríyé tsúúca píívyetélle teemo cáwaavyéhí íñejcuéhityu éhnéjcúehívújuco áállé hallúriváa ɨ́ɨ́cúi dsɨ́ɨ́nelle dsɨ́ɨ́nelle úúú éhnéjcúéwájuvu ipájtyéne révoúcunúllé tsúúca ílluréjuco dille píívyeténé bóóádivúréjuco tsúúca ílluréjuco dille cábyúruuvéné téhí pañévuréjuco ááné boonéváa díílleréjuco ɨ́veekíhana táñaálle iñééróne, muhdú idyé ó méénuú tsúúca o pájtyéjúcoólle iñééne pehíjcyalle pehíjcyalle, ájyábama májchótulle aalléváa ihdyu tsá tsá tsájcuuvénetúré lleebúcunú re kiá tsaapi íllohíjcyáné <<on>tóóó> <<on>tóóó> ícyaj neélle múha éhne íílleé, mɨ́amúnaáubáha muurá illóme ááné tujkévetúváa pehíjcyalle pehíjcyalle muubéváhacápe úmɨ́nurɨváhacápe íjcyaabe eene panéjcuvátú íhyúmɨ íjcyaábe, íñejcútú íjcyahúmɨɨ, aane íñejcútú íjcyáhúmɨri íllohíjcyaábe aane íñejcútú íjcyáhúmɨri ɨ́ɨ́tehíjcyaabe tsaate aanéváa ehdu choocówu eh dújújcolléré péérónáa íñejcútú íjcyáhúmɨri iájtyúmɨ́ne díílleke iújcuíñúne tá- tábejcárotéébe ityábejcáróne teene ílluréjuco iúménúné pañévú uácoóbe ááne iúácóne waahímúnuúbe wa iwááhímúnúne piichúcuíñuúbe áánemáváa tsaabe, tsaabe tsúúca teene ihjyávú waaóvaabe pɨ́ɨ́néejávu méwakye neébe muúllej, wahmɨ́jɨrí namáhjyu wáábyá dohjɨ́né namáhjyu óóma bújcájaáco taúmé kikííjyeba o lléhdoki uúhu neellévápeécu ói ó cóóvatéhi nééberéváa ellévúj íjchívyeíñúné hallúrí ɨ́ɨ́cúi teene paayúculle ehdu dóhejúrolle teene dííbye úme árónáa ɨɨtécunúllé eene walle tégoojúcunu tééné pañétu ícyaj neellévápeé, aca muhdú ɨ́ɨ́válleke aabye uke múúbekéhjané o tájɨ́vaabe uke imíllé idyóneé eenen díjchivye neellévápeécu ɨ́jɨɨríñe péémekéjɨ́ɨ́ ú néhcohíjcyá wa dijchívyej neelléváa aalle ú pee íchihdyu íchihdyú úú, íjyuuri ú pee ú pee ú téhí úníuri muube tsóvɨrácó íjcyáábeke ú neé táhdi táhdi tahdíyó umɨ́cóúwu ujuj oke pajtyétso u néénéllií uke pajtyétsóiíbye jm ahdújucóváa iwállóóne teene ɨ́ɨ́cúi dííbyé waajácú wahdáhí diille páátánujucó, dííbyé allúvá mɨɨcúmɨ́ aanéváa teene dííbyé waajácú wahdáhityu tsájɨ́hwu vúruuvéhi aanéváa díílleke iíchívyétsóne teene dóótóutu cápáyoácolle teene uméjtsúúhó pañévu aanéváa tsúúca wajtsɨ́júcoobe diíbye ááne búcájahíjcyalle ehdu choocówu: wáájácúrolléré dille pééné hajchóta jm aanéváa tsúúca teene cóvájtsoobe cújuwa imyéénúné hallúvú teene íuméjtsúúhó wátyuácójúcoóbe jm wátyuácóne tsúúca peetéjucóóne tsúúca idyé diille mewa tsajɨ bohdúcújucóó ímaahójɨ aanéváa tsúúca tene áíívyénetu teene dóótóúcobáréjuco néébone pooj teene ápɨ́hájcutu pɨ́jɨhnéj úú neébe tehdújuco tsúúca taúmé kikííjyeba neebóhi teene mááhó mááhójɨtu idyóváriúcúne teene dóótóú pañéenéréjuco iújcúne ove dibye ibómɨ́ruúcúne ɨ́hdone kiávú pápáj úúú neebévápeé; kiávúhjané néhnihɨ́valle taúmé kikííjyeba u wállóóne ɨɨná u pícyoone ó majchóhi neébe níhñécunu uukéréjuco o o dóóille dibye néénéllií neélle kiá íjcyane eene teenéjú coóro dille néénéllií dílloobe teene íallúvá táa- ¿táa táallúvá mɨɨcúmɨ kiávúhjané wahmɨ́jɨrí namáhjyu, wáábyá dohjɨné namáhjyú taúmé kikííjyeba dáíí tsá tene áñujcutú, dilléne páátanúne áánéllii dílloóbe ¿ta, táwaajácú wahdáhi kiávúhjané taúmé kikííjyeba wahmɨ́jɨrí namáhjyú wallóóhií? neé neelléváa eene dilléne ɨ́jcaáyójɨ́wu aane dilléne pééjutu tyéke néé neh áájuríjyucóváa eene dibye dsɨ́ɨ́nene áánáacáváa íñejcútú diille dííbyé taaba dííbyé úmɨwávú aarɨ́nú pícyohíjcyá aabéváa dsɨ́ɨ́neebe dsɨ́ɨ́neebe péérónáa ditye dííbyé úmɨ́wari tenema wáárɨmu kiávú wáárɨmu aaneke éj neébe táballííjyúhdené o úújeíñúnáa iváa iñééne tsiinéi óómiibye tene ihjyávu ihjyávú óómiibye teene bálliijyu iújcújéne diityéké botsíi ibállííñúne ditye wáánéboone botsíi idyé tsiiñe dsɨ́ɨ́néroobe, éhnííñevu úújetéébé dyííyihye tédówárájɨúcunu tújpáhojtsɨ́jɨúvu éj néébe tánaatsóúhdené o úújeíñúnáa iñééne idyé tsiiñe óómiibye ihjyávu ihjyávú dibye ióómíñe teene íñaatsóú újcújeébe ááuma péébe botsíi dííbye i icyáváájcóne iwáágóóne botsíi újcuíñuúbe dsɨ́ɨ́neebe, újcuíñuube, tsúúca íñejcútú dibye ɨ́ɨ́tetéjúcóónáa diille tsúúca u dííbyedívú úújeté diille píívyéébé ajyúwa aalléváa neété dííbyeke: táhdi tahdíyó umɨ́cóúwu, oke uúhu neebévápeé, ehdu néélle ané cóhpénécoba míhchúúveco duva teene ípiijyúwácóbatu icyápayácóne di dibye píjyúcúné éhnéjcúehívújuc tsúúca dibye ɨ́ɨ́teténáa éée neébe néhnihɨ́vaabe tsóvɨrácó tsohrɨ́vájau ɨ́veená elle taúmé kikííjyeba ú pajtyétsóhi eeneho ookéréjuco pajtyétso neébe uúhu neebévápeé aanéváa ehdu dííbyeke dibye áábóné hallútú neébe ané corɨɨnécoba dɨhtécunúco neébe e ahdújucóváa diibye ɨ́ɨ́técunúúbeke teene ípiijyúwatu ipícyóóne pijyúcuube pɨ́ɨ́nééhiúre tóbujnéj áábekéváa mácahbáréjuco órohjúcúpejtsóne tétsihvu diibye nɨjkéváhi áánetúváa diille péélle péélle péélle <<on>mm> péhíjcyalle cúwalléré cúwa ipyéhíjcyáné nɨ́jcaúvú tsaaté ápajyúneúvuu cúwatélle ee aanéváa kiáami íñe ó cúwaái iñééróne néríívyelle tene tahcáheri ááhé nɨ́jcaúvuváa dille tépejco cúwáíyónáa cuuvéwuúré tsúúca naavémú téá téápajyújɨúvú naavémú píhcyaavéjucóóme dííllé lliiñe kiávú imíllémé díílleke ityúrúúvetsóne aaméváa teene úlléwáuuháñeri cáátsohíjcyá teene tahcáhé déjuco májtsívamére llikilláhí tomécollá jórojórojóro, néémeréváa áijyúváa teene kííjyébari teehe tahcáhé túrúúvéihyédú íllu ihjyúcunúhíjcyalle áyúú llíhíí llihíyómúú wáháá wahárómúú kiávúamíi ámuha ne mepéhi mityá tsá íchii tsaatéuba ámuha meíjcyatúnéé muutá íjtye tsúúca oke dójucóóhíí ehdúváa ihjyúcunúhíjcyalle áánélliihyéváa dííllé úmɨ́wá tujkévetu iíjcyáiyódú, ihjyúcunúhijcyámé úu úu úúuu ane neébe uh ícyaj ne muutá híhyahelle íchiíhyaca mɨ́amúnaa iñééne e tétsii ihdyu diitye jeu naavémú idye dííllé lliiñe íjcyáneri ihjyúcunúpéjcóvelle tsúúca tsɨ́tsɨ́ɨvelle tétsiu e tsúúca botsíi diitye naavémú pééné boone níítyelle ihdyu íchíí tujkévetúne éhne muubá ihjyúcunúhijcyá iñééne ihdyu peelle tétsíí tujkévetu peelle jm péélle ɨ́mɨááné úújeté úmɨhéne i iúmɨhé íúmɨhérí íjcyálledívu ɨɨtécunúpéjtsolle diille tsɨɨvúrujɨ́váhacápe eene ihjyúcunúhijcyáhi diibyé táábadívu aalléváa átyúmɨ́pejtsó ícyaj neélle kiátúhana uú díuubálléré o lléébohíjcyalle muhdɨ́ɨ́valle aalléváa díílle néé tehdúne ɨ́jɨɨrí péémekéjɨ́ɨ́ ú úráávyehíjcyá múijyú u úújetékijɨ́ɨ́vari éhjɨ́ lliiñéne peeme níjkyéjɨ́ lliíñe aane u úújetékijɨ́ɨ́ ú peé, óómaye coéva neellévápeé u úújetékijɨ́ɨ́va apa árónaa ihdyu tsɨɨvúrujɨ taabávapíhi neellévápeé aabéváa diibye ájyu ullérí íjcyáné hallúrí úújetémúpɨ́ teene ihjyávu májchótsolle tsáhaá neélle óvihdyu tehdu ne idyé o wájyúmeícyóóllejɨ́ɨ́va iwáábyedu ditye okéne wájyúiyómé llihíyómú óhdityu pééné boone múúmacó o íjcyalle óvihdyu muhdú ó ɨ́cúbáhrámeíhi neélle juújuhdeé neellévápeé aanéjɨ́ɨ́varíhdyeé ílluréjuco uke o úwaabóne íchihdyu ú peéhi ú peehí <<on>um> úújéteéhi téétéjɨ mééwadívu tsanééré tééteba íhmaaho íjcyalle átsihdyu ú peehi ú peehi uuu aane uke dille kéévane májchollédú ú méénuúhi tsá u néhnílléityú átsihdyu ú peehi ú peehi úú tóócújɨɨrɨ́ba mééwadívú ú úújeteéhi áálle áálleke ú dilloó ¿kééjuríhana taalle ó peé? u néhajchíí cána bo tujkénúi oke táhjyu dárahjúcunu dille néécooca jaaa íllu néélleke árahjúcúnuú ú aane tsá u nééityú néhníyeé tsáha ɨ́ɨ́né imyéjaú taalle díhjyúwu cuvááhi u néécooca botsíi uke úúbálléille kééjurí u pééiñe ahdujova atsihdyu ú peé ú peé uuu ú úújéteé wahráúba mééwadívu jm ááne íñiiñétú múú múútsuhe íjcyáhetu ú wábóbohcoíñuú pájpacyo ááne tééjá úmɨ́wá ehnííñéwuúvú dijtyúhá lliiñe ú ú ú ú nííñuúhi díílle ja tsanééré dille wá wárácohíjcyáné pétéj néénetu ú piivyété tácájyáávémeke dohíjcyalle áánéllií ehdu ú méénuú, múútsúhetu u méénúne ú úlleé tɨjɨ́tɨ́jɨ áálle ú dílloó ¿kééjuríhana taalle ó peé? ijyuú uke dille nééjuríjyuco u pééiñe átsihdyu u péélle ú úújeteé cállúrɨɨjɨ́ba mééwadívu. pácallúrɨɨjɨ ímamúíhcyu palle pácallúrɨɨjɨ ihjya páneere pácallúrɨɨjɨ́jɨ. áálleke idyé ú dílloó ¿taálle kééjuríhana ó peé? aalle uke íjyuú nééjuri ú peé ú peé úú. nihñéelléré toríña mééwadívú ú úújéteé neélle. díílle ɨ́mɨ́mócó ílluune íjcyane oba áámuhíjcyá toríñá a áálleke ú díllóteéhi. aane teeju k kiávú u pééijyu juuva ɨ́ɨ́telléré áámuú toríña ááj áájuríjyuco ɨ́ɨ́cúi u pééiñe. átsihdyu u péélle ú úújéteé ávyétá nihñéelléré íjyuhéju áálleke ú dilloó. ¿taalle kééjuríhana ó peé? ne íjyu dille nééjuri ɨ́ɨ́cúi u péjúcoó. ááné boone keejúha éhnííñevu u díllóhajchíí íjyu éju, íjyu éju uke nééille. ááneri mutá mútá u péélleke uke iwápújuhjácóne dóóille. ehdúváa ɨ́mɨááne dille úwáábónema ellévújuco dille ɨ́mɨááné péjucóóne. aallée dille néhdu úújeténé, diille tujkénúélledívú téétéjɨ mééwadívu. áyu wáhaa, kíáhjɨ́túami u tsaa. tsáhaá, llihíyómuke ó úraavyéhi neélle. juúju, neélle. ɨjɨɨríñe péémekéjɨ́ɨ́ ú úraavyéhi neélle. majchóju nééllerévápe teene ɨ́pɨmɨ́htsó picyóó teene tééteba kiávú íjcyane. íhmaaho íjcyaróné tsanééré tééteba. aanéváa májchollédú ayúju taálle neélle ¿kééjuríhana taalle íjyuuri wa ú peéhi, neélle. a ahdújucóváa tééjuri dille péjucóóne. péélle, péélle idyé úújeté diille tóócújɨɨrɨ́ba áyu taálle ne kééjuríhana ó peéhi áyu cána bo tujkénúi wa oke táhjyu ahdújucóváa dille árahjúcunúne. jm <<on>eh> tóócune dííllé íhjyu cúváárónáacáváa neélle. áyúú taálléé ɨ́ɨ́né imyéjaú díhjyu cuvááhií neé juúju wáha ne íjyuuri ú peéhi átsihdyu péélle péélle pe úújeté diille wahráúba mééwadívu diille wahráúba mééwadívú úújetéllé. teene dille néhdu íñiiñétú tene múútsuhe iájtyúmɨ́hetu iwábohcóné éhajchótaréjuco teja íjcyánáa íjtyúhá pañe inííñúnema úllelle <<id>tɨjɨ́> <<id>tɨ́jɨ> <<id>tɨ́jɨ> ɨɨtécunúllé tocóhtócó teene ihjyá pañe dille wárácohíjcyáné ɨ́ɨ́né imíjyaúhaja péétéjájóbaúvu. áállekéváa neélle ¿taálle, kééjuríhana ó peéhi? neélle íjyuúri neélle. áájuríjyucóváa dille péhijcyáne. péélle péélle úújeté diille cállúrɨɨjɨ́ba mééwadívu. pácallúrɨɨjɨ teeja ihjya pácallúrɨɨjɨ ímamúíhcyu. páneere dííllé tsíeméné pácallúrɨɨjɨ́jɨ. neélle ¿kééjuríhana taalle ó peé? ijuridinajoverejopape íjyuú tah teene diille toríña mééwadívu áállékéváa taállej neélle ¿kééjuríhana ó peéhi? áánélliihyéváa eene kía teju íjcyáhulle ɨ́ɨ́telléré teene ɨ́mɨ́moco aamú toríña. ahdújucóváa tééjuri díllótulléré tsúúca dsɨ́ɨ́néjucóóne. péélle, péélle, péélle tsúúca úújeté diille íjyuhéju taállej neélle ¿kééjuríhana ó peé? ne ijyurineelleijyuriupeehi ejtsahaillureoallitene íjyu nééllere téhulle ɨɨtécunú. áájuríjyucóváa dille dsɨ́ɨ́nene. nihñééllekéré pájtyéjúcoolle pééhi, pééhí mm. Péhíjcyalle lleebúcunúté kiávú tócóhtócó tócó mɨ́amúnaa kiá teene páácamɨ cúúneé. Aanéváa choocówu dújújcolléré pehíjcyá, dújújcolléré péhíjcyalle úújeté kía teene páácámɨ cúúrí íjcyáméjóbadívu. Ihdyúváhacápe booámu. áámekéváa neélle, átyúmɨ́pejtsóme. muúllej neéme ¿kiátúami u tsáhaá neélle, íllure ihdyu o úllelle ámúhadívú ó wajtsɨ́hi neélle. ɨɨnáha n ámuha mémeenú muha, múúháhbabyáné muha mémeenúhi neemévápeé. jm íílletu píívyéébé úmɨhé hallútú íjcyaco muha booámuco memájchotéki neéme. a áánélliihyéváa neéllé éée ne llihíyo ne Llihíyó diíbye neélle. Juu neéme. aanéjɨ́ɨ́varíhdyée. tsamééréi mépeé. ané múúhamái múúháhbabyáné dohnóva. dityéváa néénéllii oonóvahíjcyalle, ɨ́búwajɨ́ɨ́ oonóvahíjcyalle. dityep te teenéváa pácámɨcojááné dille óónováne óónováne. teene ɨnɨ́jkévátsihdyu áyu neélle, tsúúca ó nɨjkéváhi. juúju neéme, ané metsúju. diityémaváhacáa dille óónováné éhne diitye booámu menééne núhné téénéllií booámu némeíñe núhne ɨ́ɨ́né imíjyaú oonóvá ditye dill éváa óónován áyu neéme ícyo muha mémájchoó, íñe booámuco muha mémájchoó neéme. ééneréjuco ehdúha díícyááni íjcyaabe Píívyéébe úmɨhe ééneréjuco tsúúca rááune. neelle wa uuréjuco choocówu dipyej. ahdújucóváa dibye ɨ́mɨááné choocówu dille péhijcyáné péhijc ɨ́ɨ́telléré teene tsájɨhávú úújetéllé <<on>úú> ɨ́ɨ́né imíjyaú teene mútsɨɨtsɨ kia llíjcyánéjóbaúvuu úújetélle aanéváa díílle jééú didiillejeeeiudibye ɨjcu íjcyaabéváa diityémájucóváa dib wáámenéjucóne aabéváa teene mútsɨ́ɨ́tsɨ llééneri íjcyaabe ihdyu mátsívahíjcyá <<sg>piivyeebeajyuwaeevacotu> <<sg>muhameuve> <<sg>nééwáñéjcurí> <<sg>ajyúwá> <<sg>eevácotu> <<sg>muha> <<sg>meúmɨváne> <<sg>tsítsítsítsí> <<sg>tóbucúru> <<on>tsarararara> nehíjcyaabéváaá áyúú neelléváa aanu áádi tajyééu neellévápeé Iñééne choocówu péélle teene o néhdu mútsɨɨtsɨ iájtyúmɨ́nema oba iwávyúruácóne <<on>muutumutu> áákityéné lléénehíjcyalle ájyábama íjcya aanéváa diille tsɨɨju mátsájca tsɨjɨhárí cáájalle lleebúcunú tene mútsɨɨtsɨ mɨ́amúnaa úcuhíjcyán aanéváa ehdu illéébóne llíhcyámeílle. múami ámuha támutsɨ́ɨ́tsɨ́ mélléénehíjcya. teenéneecu óóvéiyómé áátsɨ́ɨ́meke kiávú o wááoíñúné boone. Ɨɨná ámuha kiátú metsááné mɨ́amúnaa támutsɨ́ɨ́tsɨ́ mélléénehíjcyá. llíhcyámeílléreváa teene cáájahíjcyá. mátsájcá wáábyuta. aanéváa choocówu pehíjcyalle, pehíjcyalle, úú, ɨ́ɨ́teté diille tsɨɨju kiá caajárí íjcyálleke ɨ́ɨ́tetélle. ipyééne ehdu choocówu ipyééne díílleke ¿wáhaj neetélle? áánélliihyéváa révoúcunúlle ¿múamíña oke wáhaj ámuha ménehíjcya? kiávúhja eh átsɨ́ɨ́meke o pícyoíñúnáaáca iñééróne ɨɨtécunúllé ɨmɨááné diille tsɨɨ́ju. <<on>oo> úú neélle ɨ́veekíhana, iámabúcútsihvu ityájcatsítsihdyu neélle wáhaj neelle ɨ́veekíhana kiátú pɨ́ɨ́hɨtu u uu tájtsɨɨméné u u tsááhií neellévápeé jm muhdúhjané k ííllevúne mu muha mewájtsɨ́ne o né ne o wájtsɨ́ne íjcyalle muutékeréjucó o tsɨ́ɨ́mavámé íjcyánáaáca neélle ícyoocáréjuco ditye tsááiñe. íchiúi todsɨ́ɨ́vé díhallúvú o cáájaki. iváa iñééne ityódsɨjcáróllé hallúvú cáájalle, cáájalle íllúúhócoba teeho áánuho. aanéváa dille ímívyénáa ɨ́mɨááné tsúúca tsaame diitye ɨɨtsɨɨme kiki. tsááme ɨɨtévá teene áánúhócoba mítyaho tsaho íjcyane. tsáhoore mítyáhócoba tsíhyohjɨ áyáhówuújɨ́re. ijcyane éje wáhaj neeváme ¿aca ɨ́veekí íhyo mítyáhócoba díaanúho? ne éée néélle eh cáánihyo ihdyu páhdure ehdu íjcyane llijyévéné ámuha oke medíllone. méwáchájánudíñe neélle. óvi tétsii teého. aanéváa lléébotúmé wállójcatsí. neebe cána bo ánéétotu duucúté mecáchúihjyácoki. ahdújucóváa tsaapi ɨ́mɨááne áánéétotu újcúj ééne teene áánúhócoba cáchúihjyácóné rúgu nehíj ditye ha ditye cáchúi aane wáhaj neéme áánerá rúgu neeho díaanúho neehi éée neélle tóhjúmuháñé íhyaja neélle ɨɨná ámuha étsii mécáchúihcyó éhlléu mepe. néélleréváa diityéké boáyó. áánetújucóváa ditye pééneé. aanéváhacáa tsúúca waajácúmé ɨ́mɨááné mɨ́amúnaa tééh tééhó pañe íjcyane aaméváa tsááme teene ihjyátú peeme tsapééné teene mújcojúvú téhmetéjucóó díílle aanéváa neélle diille tsɨɨju nééhií ɨɨne kiávúhjáubá áátye nehníjtyé pééhií ayúwa majo iiváa iñééne ɨ́mɨááné tsajtyéjúcoolle teene ihjyávu. eh diibye ájyúke neetélle, eje áámye méjtsɨɨméné kiátú pɨ́ɨ́hɨwuújɨ́ɨ́va tsaálle neébe ee ɨ́veekíhana uu tájtsɨɨméné kiátúhjané u tsáá ehdɨ́ɨ́vánélliihyéne uke ímíhyené meíjcyáíyocáneécu. muhdúhjané meke ne ámuhtsi medárɨ́ɨ́vénetúne muhtsi metsáhíjcyámútsikye ɨ́dátsó múúhakye ú úraa dílloóbe. ¿ácooca díñaalle? ne úúbáll elle tsáhaá tsúúcajáne óhdivu píívyetéjúcoólle neélle muhdú itsááne úúbállelle. juúju neébe. ááne imájchótsóne éhllétu ohbáyuube cáámetu ihwáábyáwúuri. tehulllediibye diitye dííbye tsɨɨmé tsááme díílleke dóóíyónélliíhye. aanéváa i íjcyarómé tsúúca cúvéhréjuco tene néénéllii neélle kiávúhjáubáhjané íñe muuté nehníjyaújɨ́ péé neelle cána bo niityétsote dáájyúwake óóma dille iñújpáñutéki. ahdújucóváa dibye níítyétsolle ɨ́mɨááne ellé teene llíyiihyo ékééveíñúné mújcójuri péérólleke tétsihdyúreváhacáa ihdyu téhmehíjcyámé <<on>jm> Díílleke anúcúpejtsó ááne doome doome páneére. teene íeevácoréjuco ditye cóeváné pátsoodónoho. ee aanéváa tsáhaá neélle behtyú muuté nehníjyaújɨ́ muhuhbaha ájyúwake dóónáaá tsáma néhnihɨ́vame. iñééne péélle ɨ́mɨááné úújeté teene í íeevácó pátsoodónohóréjuco íjyácunúne úú neélle tsúúcajáha íjtye muuté nehníjyaújɨ́ dóóhií, iñééne. ílluréjuco dityétsí ɨpɨ́váajcáróne téétsɨwúuke tsɨɨménéwúuke újcune. téijyúubáváhjáa tsúúca ií iíjchívyéíyóneríjyuco téétsɨwu ɨ ɨpɨ́váajcáróne iújcútsɨwúuke díílleréjuco téhmehíjcyáne. áátsɨ́wúukéváa ɨ́ɨ́cúi teene wáhdaháñé iújcúne táábolle dííbyejpi ipáápaki. a áánemáváa teene ímujpáñééneúvú jɨ́hóneri imyéénúne, teene ímujpáñééné májchinútsolle. áánetúváa ñóhñótsohíjcyalle tsúúca. eene aanéváa tsúúca eene tsájucóóm aanéváa neevámé tsɨ́ɨ́juke ¿aca wa múúbéwuú, muubáha? neélle pápá diíbye cáhawáá mépɨhjácu. dilléváa
• Waveform view • Interlinear Glossed Text • Utterance view